ᐊᓪᓚᕝᕕᖕᒥᐅᓄᑦ/ᓯᓚᑖᓃᑦᑐᓄᓪᓗ ᐃᖅᑲᓇᐃᔮᒃᓴᖅ

 ᐃᖅᑲᓇᐃᔮᒃᓴᖅ: ᐊᐅᓚᑦᑎᔨ, ᐊᖏᕈᑎᓕᕆᓂᕐᒧᑦ

ᐋᖅᑭᒃᓱᖅᓯᒪᓂᖓ: ᖃᐅᑕᒫᖅᓯᐅᑎᐅᔪᖅ

ᓇᒥ: ᐃᖃᓗᐃᑦ, ᓄᓇᕗᑦ

ᒪᑐᐃᖓᔪᖅ: ᐃᓄᖕᓄᑦ ᓄᓇᒥᐅᑕᐃᓐᓇᕐᓄᑦ ᑭᓯᒥ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐋᖅᑭᐅᒪᑎᑦᑎᔪᓐᓇᖅᑐᒥᒃ ᐊᒻᒪᓗ ᐱᓪᓗᕆᒃᑐᒥᒃ ᐃᓄᖕᒥᒃ ᐃᖅᑲᓇᐃᔭᕐᓂᐊᖅᑐᒥᒃ ᓄᓇᓕᕆᔨᒃᑯᓐᓂᑦ ᐊᐅᓚᑦᑎᔨᐅᓂᕐᒧᑦ, ᐊᖏᕈᑎᓂᒃ.

ᓄᓘᔮᖕᒧᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓄᓪᓗ ᐊᖏᕈᑎᖓ ᐋᔩᕋᕈᑕᐅᓚᕐᒪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (ᕿᑭᖅᑕᓃᒃᑯᑦ) ᐊᒻᒪᓗ ᐸᕕᓐᓛᓐ ᓴᕕᕋᔭᒃᓴᓂ ᐅᔭᕋᕐᓂᐊᕐᕕᓕᕆᔨᒃᑯᑦ ᒪᓕᒃᑕᐅᓪᓗᓂ ᓄᓇᕗᒥ ᐊᖏᕈᑎᖓ.   ᓄᓇᕗᒧᑦ ᐊᖏᕈᑎ ᑐᓂᓯᓯᒪᔪᖅ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᓴᙱᓂᕐᓂᒃ ᐋᔩᕋᕈᑎᖃᕈᓐᓇᖅᖢᑎᒃ ᐊᖏᕈᑎᓂᒃ.  ᕿᑭᖅᑕᓃᒃᑯᑦ ᐋᔩᕋᕈᑎᖃᖃᑦᑕᖅᑐᑦ ᐊᖏᕈᑎᓂᒃ ᑭᒡᒐᖅᑐᖅᖢᒋᑦ ᐃᓄᐃᑦ ᕿᑭᖅᑕᓂᒥᐅᑦ.  ᓄᓘᔮᖕᒧᑦ ᐊᖏᕈᑎ ᐊᑎᓕᐅᖅᑕᐅᓚᐅᖅᓯᒪᔪᖅ 2013ᒥ ᐊᒻᒪᓗ ᐋᖅᑭᒋᐊᖅᑕᐅᓪᓗᓂ 2018ᒥ.  ᑖᓐᓇ ᐊᖏᕈᑎ ᐃᓗᓕᖃᖅᑐᖅ ᓇᓗᓇᐃᔭᖅᑕᐅᓯᒪᔪᓂᒃ ᐃᓄᐃᑦ ᐱᔪᓐᓇᐅᑎᖏᓐᓂᑦ ᐃᑲᔫᓯᐊᒃᓴᓂᓗ ᐃᓄᐃᑦ ᕿᑭᖅᑕᓂᒥᐅᑦ ᐱᔪᓐᓇᖅᑕᖏᓐᓂᒃ.  ᑖᓐᓇ ᐊᖏᕈᑎᓂ ᐃᓗᓕᖃᖅᑐᖅ ᐱᒻᒪᕆᐋᓗᖕᓂ ᐃᓱᒪᒋᔭᐅᔭᕆᐊᖃᖅᑐᓄᑦ ᓱᕐᓗᑐᑦ ᐃᓄᐃᑦ ᐃᖅᑲᓇᐃᔭᖅᑎᑕᐅᓂᖏᑦ, ᐃᑲᔫᑎᖃᖅᑎᑦᑎᓂᖅ ᓄᓇᓕᖕᓄᑦ, ᐱᓕᕆᐊᕐᒥ ᓇᐅᑦᑎᖅᓱᕐᓂᕐᒥᒃ ᐊᒻᒪᓗ ᐊᕙᑎᒨᖓᔪᓂᒃ, ᐊᒻᒪᓗ ᑲᓐᑐᕌᒐᒃᓴᓂᒃ.

ᐊᖏᕈᑎᓂᒃ ᐊᐅᓚᑦᑎᔨᓪᓗᐊᑕᖅ ᐃᑲᔪᖅᑎᒋᔭᐅᖃᑦᑕᕐᓂᐊᖅᑐᖅ ᐊᒻᒪᓗ ᐊᐅᓚᑦᑎᓂᕐᒧᑦ ᐃᑲᔪᖃᑦᑕᕐᓗᓂ ᐃᖅᑲᓇᐃᔭᕐᕕᖕᒥ, ᐱᖃᓯᐅᑎᓗᒋᑦ, ᐋᖅᑭᒃᓱᐃᓂᕐᒥᒃ ᐊᕐᕌᒍᒧᑦ ᐱᓕᕆᐊᕐᒥ ᕿᒥᕐᕈᓂᕐᒧᑦ ᑲᑎᒪᓂᖓᓂᒃ, ᑲᑎᒪᔾᔪᑎᒃᓴᓕᐅᕐᓂᖅ, ᐊᑎᓕᐅᕐᓂᖅ ᐃᓚᐅᓂᐊᖅᑐᓂᒃ, ᐃᓂᒃᓴᓕᐅᕐᓂᖅ ᑲᑎᒪᕕᒃᓴᓂᒃ, ᑐᓵᔨᒃᓴᓂ ᐋᖅᑭᒃᓱᐃᓂᖅ, ᓇᓗᓇᐃᔭᐃᓂᖅ ᐊᒻᒪ ᑐᓴᐅᖃᑎᖃᕐᓂᖅ ᐃᓐᓇᕐᓂᒃ ᒪᒃᑯᒃᑐᓂᒃ ᓄᓇᓕᖕᒥ ᑭᒡᒐᖅᑐᖅᑎᓂᒃ, ᐊᒻᒪᓗ ᑐᓂᐅᖅᑲᕐᓗᒋᑦ ᐸᐃᑉᐹᕈᔪᐃᑦ.

ᐊᖓᔪᖅᑳᖃᕐᓗᑎᒃ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᓐᓂᓗ ᐊᖏᕈᑎᓂ ᐊᐅᓚᑦᑎᔨᒥ, ᐊᖏᕈᑎᓕᕆᓂᕐᒧᑦ ᐊᐅᓚᑦᑎᔨᓪᓗᐊᑕᖅ ᐱᓕᕆᐊᒃᓴᖃᕐᓂᐊᖅᑐᖅ ᑐᓴᐅᒪᖃᑦᑕᐅᑎᓂᕐᒥᒃ ᕿᑭᖅᑕᓃᒃᑯᓐᓂ ᐊᒻᒪᓗ ᐸᕕᓐᓛᓐᑯᓐᓂ ᐱᔾᔪᑎᒋᖏᓪᓗᒍ ᐊᑐᓕᖅᑎᑕᐅᓂᖓ ᐊᖏᕈᑎ.  ᑖᓐᓇ ᐊᖏᕈᑎᓂᒃ ᐊᐅᓚᑦᑎᔨᓪᓗᐊᑕᖅ ᐊᖏᕈᑎᓕᕆᓂᕐᒧᑦ ᑲᑎᒪᔨᕋᓛᖏᑦ ᑲᑎᒪᓕᕋᐃᒻᒪᑕ ᑲᑎᒪᖃᑕᐅᖏᓐᓇᖃᑦᑕᕆᐊᓕᒃ − ᓵᙵᓗᓂ ᐊᒻᒪᓗ ᐅᖄᓚᐅᑎᒃᑯᑦ.  ᑖᓐᓇ ᐃᖅᑲᓇᐃᔮᒃᓴᖅ ᐊᐅᓚᑦᑎᔾᔪᑎᓂᒃ ᐃᑲᔪᖃᑦᑕᕐᓂᐊᖅᑐᖅ ᐃᖅᑲᓇᐃᔭᕐᕕᖕᒥ, ᑲᑎᒪᔨᕋᓛᑦ ᑲᑎᒪᓂᐊᓕᕋᐃᖕᒪᑕ, ᐊᒻᒪᓗ ᐊᓯᖏᓐᓂᑦ ᖃᓄᐃᓕᐅᖅᑕᐅᔪᓄᑦ. ᐱᓕᕆᐊᒃᓴᖏᑦ ᐊᐅᓚᑦᑎᔨᓪᓗᐊᑕᐅᑉ ᑎᑎᕋᖃᑦᑕᕐᓗᓂ ᑎᑎᖅᑲᓂᒃ, ᑐᑦᑕᕐᕕᒋᔭᐅᓪᓗᐊᑕᐅᓗᓂ, ᑎᑎᖅᑲᓄᖅ ᐴᖅᓯᕕᖕᓅᖅᑲᐃᖃᑦᑕᕐᓗᑎᑦ, ᐊᐅᓚᑦᑎᓂᕐᒥᒃ ᑐᓴᒐᒃᓴᓂ, ᐋᖅᑭᒃᓱᐃᓂᖅ ᑮᓇᐅᔭᓂᒃ ᐊᑐᖅᑕᐅᓂᐊᖅᑐᓂᒃ ᐊᑭᓕᕆᐊᓕᖕᓂᑦ, ᖃᖓᑦᑕᐅᑎᒃᓴᓕᐅᖃᑦᑕᕐᓂᖅ ᐊᒻᒪᓗ ᐃᑲᔪᖃᑦᑕᕐᑎᑦ ᐃᖅᑲᓇᐃᔭᕐᕕᐅᑉ ᖃᓄᐃᓕᐅᖅᑕᖏᓐᓂᒃ. ᑖᓐᓇ ᐃᖅᑲᓇᐃᔮᖃᕐᓂᐊᖅᑐᖅ ᐱᓕᕆᐊᒃᓴᖃᕐᒥᔪᖅ ᐋᖅᑭᒃᓱᐃᓂᕐᒥᒃ ᐊᑐᓕᖅᑎᑦᑎᓂᕐᒥᓗ ᐸᐃᑉᐹᓂᒃ ᐊᐅᓚᑦᑎᔾᔪᑎᒃᓴᓂᒃ.  ᑖᓐᓇ ᐃᖅᑲᓇᐃᔮᒃᓴᖅ ᐋᖅᑭᐅᒪᑎᑦᑎᓂᐊᖅᑐᖅ ᓄᑖᙳᖅᑎᕆᕙᓪᓗᓂ ᐊᖏᕈᑎᓂᒃ ᐊᑐᓕᖅᑎᑦᑎᓂᕐᒧᑦ ᒪᓕᒐᓂᒃ ᐊᒻᒪᓗ ᐊᕐᕌᒍᒧᑦ ᐊᖏᕈᑎᓕᕆᓂᕐᒧᑦ ᐱᓕᕆᐊᒃᓴᓄᑦ ᐸᕐᓇᐅᑎᓂᒃ, ᐊᒻᒪᓗ ᐊᑐᖃᑦᑕᕐᓗᓂ ᐃᑲᔫᑎᐅᒐᔭᖅᑐᓂᒃ ᐋᖅᑭᒃᓱᐃᔾᔪᑎᒋᔭᐅᓂᐊᖅᑐᓂᒃ ᐱᓕᕆᐊᒃᓴᓂᒃ ᐃᓚᖓᓄᑦ ᐃᓘᓐᓇᖏᓐᓄᓪᓗ ᐊᖏᕈᑎᓕᕆᓂᕐᒧᑦ ᑲᑎᒪᔨᕋᓛᓂᒃ.

ᐱᓇᓱᖕᓂᐊᖅᑐᑦ 2ᓂ ᐊᕐᕌᒍᓂᒃ ᐃᖅᑲᓇᐃᔭᕐᓂᑰᒋᐊᓕᒃ ᐊᐅᓚᑦᑎᓂᐊᖅᐸᑦ ᐱᓕᕆᐊᒃᓴᓂᒃ ᐃᖅᑲᓇᐃᔮᒥᒃ.  ᑐᓴᐅᒪᖃᑦᑕᐅᑎᑦᑎᐊᕈᓐᓇᕆᐊᓕᒃ, ᐊᒻᒪᓗ ᑲᙳᓇᖅᑐᓕᕆᓗᓂ ᐃᖅᑲᓇᐃᔭᕐᕕᒋᔭᖓᑕ ᐊᕙᑎᒋᔭᖓᓂᑦ.  ᐱᓇᓱᒃᑐᖅ ᖃᐅᔨᒪᓂᖃᕆᐊᓕᒃ ᐱᓕᕆᓯᒪᓂᑰᒋᐊᓕᒃ ᐊᖏᕈᑎᓕᕆᓂᕐᒥᒃ ᐊᒻᒪᓗ ᐊᑐᑦᑎᐊᕈᓐᓇᕐᓗᒋᑦ ᐱᓕᕆᐊᒃᓴᓄᑦ ᐊᐅᓚᑦᑎᓂᕐᒧᑦ ᖃᕆᓴᐅᔭᒃᑰᕈᓐᓇᐅᑎᑦ, ᑎᑎᖅᑭᕆᔾᔪᑎᓂᒃ ᐊᒻᒪᓗ ᑐᑭᓯᐅᒪᓗᒍ ᕿᑭᖅᑕᓃᒃᑯᑦ ᐱᓕᕆᐊᒃᓴᖏᑦ ᓄᓘᔮᒃ ᐅᔭᕋᕐᓂᐊᕐᕕᖕᒧᑦ.

ᐊᓪᓚᕝᕕᓕᕆᓂᕐᒧᑦ ᐊᐅᓚᑦᑎᔪᓐᓇᕐᓂᕐᒥᒃ ᓇᓗᓇᐃᒃᑯᑕᖃᕆᐊᓕᒃ.  ᐱᓕᕆᐊᒃᓴᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᓇᓗᓇᐃᒃᑯᑕᖃᖅᐸᑕ ᐊᑑᑎᐅᒃᑲᓐᓂᕋᔭᖅᑐᖅ.  ᑲᑎᓪᓗᒋᑦ ᐃᓕᓐᓂᐊᕐᓃᑦ ᐊᒻᒪᓗ ᐃᖅᑲᓇᐃᔮᕆᖃᑦᑕᖅᓯᒪᒪᔭᖏᑦ ᓈᒻᒪᒋᔭᐅᑐᐃᓐᓇᕆᐊᖃᖅᑐᑦ. ᐸᓖᓯᒃᑯᓐᓂᑦ ᖃᐅᔨᓴᖅᑕᐅᒋᐊᖃᖅᑐᑦ ᐱᕋᔭᒃᓯᒪᙱᒃᑲᓗᐊᕐᒪᖔᑦ.

ᑮᓇᐅᔭᓕᐊᖅ ᐱᒋᐊᖅᑐᖅ $77,309ᓂ ᐊᕐᕌᒍᑕᒫᑦ.  ᕿᑭᖅᑕᓃᒃᑯᑦ ᑮᓇᐅᔭᓕᐅᖅᑎᑦᑎᑦᑎᐊᖅᐸᒃᑐᑦ ᐃᑲᔫᓯᐊᖃᖅᑎᑦᑎᓪᓗᑎᓪᓗ ᓱᕐᓗᑐ ᐅᑭᐅᖅᑕᖅᑐᕐᒥᐅᑕᐅᓂᕐᒧᑦ ᐃᑲᔫᑎᒥᒃ $27,600ᓂ ᐊᕐᕌᒍᑕᒫᑦ.  ᐃᒡᓗᒃᓴᖃᖅᑎᑦᑎᙱᑦᑐᑦ.

ᐃᖅᑲᓇᐃᔮᖅᑖᕋᓱᐊᕈᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᑐᔫᑎᒋᓗᒋᑦ ᐅᕗᖓ:

ᐃᖅᑲᓇᐃᔭᖅᑐᓕᕆᔩᑦ                        ᐅᖄᓚᐅᑖ: (867) 975-8400

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ    ᓱᒃᑲᔪᒃᑰᕈᑖ: (867) 979-3238

ᐃᒡᓗᕗᑦ, 2 ᖄᖅᑎᖓ

200-922 ᓯᕗᒧᒋᐊᕐᒃ ᐊᑐᕆᐊᕐᒃ     ᐃᕐᖐᓈᖅᑕᐅᑖ: Resumes@qia.ca

ᐃᖃᓗᐃᑦ, ᓄᓇᕗᑦ X0A 3H0

 ᒪᑐᕕᔅᓴᓕᒃ: ᐃᓐᓄᒃᑕᐅᑉᐸᑦ ᑭᓯᐊᓂ