ᕿᑭᖅᑕᓃᒃᑯᑦ ᕿᓂᖅᑐᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ ᑲᑎᒪᔨᐅᓂᐊᖅᑐᓂᒃ

ᐃᖃᓗᐃᑦ, ᓄᓇᕗᑦ, ᒪᐃ 7, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐃᓄᖕᓂᒃ ᑲᑎᒪᔨᐅᒍᒪᒐᔭᖅᑐᓄᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ. ᑐᑭᓯᒃᑲᓐᓂᕈᒪᒍᕕᑦ ᑲᑎᒪᔨᐅᕝᕕᐅᔪᑦ ᒥᒃᓵᓄᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ ᕿᑭᖅᑕᓃᒃᑯᑦ ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓄᑦ ᐅᕗᖓ ᐃᕐᖐᓐᓈᕈᑎᒧᑦ kflaherty@qia.ca ᐅᖄᓚᕕᒋᓗᒍᓘᓐᓃᑦ ᐅᕗᖓ 975-8398.
ᓄᓇᕗᑦ ᐸᐸᑦᑎᔨᑦ – ᒪᕐᕉᒃ ᐃᓂᒃᓴᑦ

1) ᐃᓂᒋᔭᐅᔪᖅ ᑭᓪᓕᖃᖅᑐᖅ ᑲᑎᒪᔨᐅᓂᖓ ᔪᓚᐃ 31, 2025ᒥ
2) ᐃᓂᒋᔭᐅᔪᖅ ᑭᓪᓕᖃᖅᑐᖅ ᑲᑎᒪᔨᐅᓂᖓ ᔪᓚᐃ 31, 2027ᒥ

ᑭᓇᑐᐃᓐᓇᖅ ᑲᑎᒪᔨᙳᕈᒪᔪᖅ ᐃᓛᒃᑰᖓᔭᕆᐊᓕᒃ ᐊᒻᒪᓗ ᐃᖅᑲᓇᐃᔭᙱᓪᓗᓂ ᐊᒃᑐᐊᔭᐅᔪᓄᑦ ᑎᒥᐅᔪᓂᒃ ᐊᒻᒪᓗ ᐊᓯᖏᓐᓂᑦ ᑎᒥᐅᔪᓂᒃ ᐊᒃᑐᐊᖓᔪᓄᑦ ᓄᓇᕗᒥ ᐸᐸᑦᑎᔨᒃᑯᓐᓄᑦ.
ᐱᓇᓱᒃᑐᑦ ᑐᒃᓯᕋᐅᑎᒋᔭᖏᑕ ᐱᖃᓯᐅᑎᓯᒪᓗᓂ ᐸᓖᓯᒃᑯᓐᓄᑦ ᖃᐅᔨᓴᖅᑕᐅᔾᔪᑎᒥᒃ ᓇᓗᓇᐃᖅᓯᒪᓗᓂ ᐱᕋᔭᒃᓴᓯᒪᙱᓐᓂᖓᓄᑦ, ᑲᓇᑕᐅᑉ ᓯᓚᑖᓅᕈᓐᓇᐅᑎᒥᒃ ᐃᓱᓕᕝᕕᖓᓗ ᑭᒡᓕᖃᕆᐊᖃᖅᓯᒪᓗᓂ ᐱᖓᓱᓂᒃ ᑕᖅᑭᓂᑦ ᓯᕗᓂᐊᓂᑦ ᑎᒃᑯᐊᖅᑕᐅᓂᕆᓂᐊᖅᑕᖓᑕ ᐅᓪᓗᕆᔭᖓᓂᑦ ᐊᒻᒪᓗ ᐊᖁᕈᓐᓇᐅᑎᒥᒃ ᑭᒡᓕᖃᕆᐊᖃᖅᓯᒪᓗᓂ ᐱᖓᓱᓂᒃ ᑕᖅᑭᓂᑦ ᓯᕗᓂᐊᓂᑦ ᑎᒃᑯᐊᖅᑕᐅᓂᕆᔭᖓᑕ ᐅᓪᓗᕆᔭᖓᓂᑦ. ᑐᒃᓯᕋᐅᑎᑦ ᑎᒍᔭᐅᖃᑦᑕᔾᔮᙱᑦᑐᑦ ᑖᒃᑯᓂᖓ ᐱᖃᓯᐅᑎᓯᒪᙱᑐᐊᖅᐸᑕ.

ᓇᒃᓯᐅᔾᔨᒍᒪᒍᕕᑦ ᐱᓇᓲᑎᒋᔭᕐᓂᑦ ᐅᕝᕙᓘᓐᓃᑦ ᐃᑲᔪᖅᑕᐅᒋᐊᖃᕈᕕᑦ ᑕᑕᑎᕆᐊᒃᓴᒥᒃ, ᐅᕗᙵᕐᓗᑎᑦ ᑕᑕᑎᕆᔪᓐᓇᖅᑐᑎᑦ: https://www.qia.ca/application-for-board-or-committees/, ᐃᑲᔪᖅᑕᐅᒋᐊᕐᓗᑎᓘᓐᓃᑦ ᓄᓇᓕᖕᒥ ᑐᓴᐅᒪᑎᑦᑎᔨᒥᒃ ᐅᕝᕙᓘᓐᓃᑦ ᑐᓂᓯᔪᓐᓇᖅᑐᑎᑦ ᐃᖅᑲᓇᐃᔮᕆᓯᒪᔭᕕᑦ ᓇᓕᖅᑲᖏᓐᓂᒃ ᐊᒻᒪᓗ ᓱᖕᒪᑦ ᐱᓇᓱᖕᒪᖔᖅᐲᑦ ᑐᓂᓕᒍᑦ ᓇᓕᑐᐃᓐᓇᖓᓄᑦ ᕿᑭᖅᑕᓃᒃᑯᑦ ᑐᓴᐅᒪᑎᑦᑎᔨᒃᑯᑦ ᐊᓪᓚᕝᕕᒋᔭᖏᓐᓄᑦ.

ᑐᓂᓯᓗᓂ ᑭᓪᓕᖃᖅᑐᖅ ᒪᐃ 17, 2024
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓄᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᐅᖄᓚᐅᑖ) 867.975.8398 ᐊᑭᖃᙱᑦᑐᒧᓪᓘᓐᓃᑦ 1.800.667.2742
kflaherty@qia.ca

Application Form for Appointment or Nomination to Board or Committees