QIA ELECTIONS - Our homeland, our future, our vote. Remember to cast your ballot. Learn More

ᕿᑭᖅᑕᓃᒃᑯᑦ ᓂᕈᐊᕐᓂᖓ - ᐊᖏᕐᕋᕗᑦ, ᓯᕗᓂᒃᓴᕗᑦ ᐊᒻᒪᓗ ᓂᕈᐊᕐᓂᕗᑦ. ᓂᕈᐊᕆᐊᖅᑐᕐᓂᐊᖅᐳᑎᑦ. ᑐᑭᓯᒃᑲᓐᓂᕆᑦ

ᕿᑭᖅᑕᓃ ᓄᓇᓕᖏᑕ ᒥᒃᓵᓄᑦ ᑐᑭᓯᒋᐊᕈᑎᑦ

ᓄᓇᖁᑎᕗᑦ

ᓄᓇᕗᑦ ᐃᒫᒃ ᑐᑭᓕᒃ ᓄᓇᕗᑦ ᐃᓄᒃᑎᑐᑦ, ᐊᖏᓂᕐᐹᖑᓪᓗᓂ, ᐅᑭᐅᖅᑕᖅᑐᕐᐸᓯᕐᒦᓂᕐᐹᖑᓪᓗᓂ ᐊᐅᓚᑦᑎᕕᒃ ᑲᓇᑕᒥ. ᓄᓇᕗᑦ ᐃᓚᒋᔭᐅᕗᖅ ᐃᓄᐃᑦ ᓄᓇᖓᓐᓄᑦ, ᐃᓄᐃᑦ ᓄᓇᖓᓐᓂ. ᐊᖏᔪᐋᓗᒃ ᐊᖏᓂᖃᖅᑐᖅ ᑕᕆᐅᑉ ᐊᑭᓂᕐᒥᐅᑦ ᐱᖓᖕᓇᖓᓃᑦᑐᓂᒃ ᓄᓇᓕᖕᓂᑦ. 20ᐳᓴᓐᑎᒥᒃ ᐊᖏᓂᖃᖅᑐᖅ ᑲᑎᓪᓗᒋᑦ ᑲᓇᑕᒥ ᓄᓇᖁᑎᒋᔭᐅᔪᓂᑦ, 43ᐳᓴᓐᑎᖓ ᑲᓇᑕᒥ ᓯᒡᔭᕆᔭᐅᔪᓂᑦ, ᐊᒻᒪᓗ ᑲᓇᑕᒥ ᐅᑭᐅᖅᑕᖅᑐᒥ ᕿᑭᖅᑕᖃᐅᖅᖢᑎᒃ ᐊᕙᓗᔭᐅᓯᒪᔪᓂᒃ ᐃᒪᓂᒃ.

ᕿᑭᖅᑕᓂ

ᕿᑭᖅᑕᓂ ᓄᓇᓖᑦ 10ᐳᓴᓐᑎᖏᓐᓂᒃ ᐊᖏᓂᖃᖅᑐᑦ ᑲᓇᑕᒥ ᓄᓇᓕᓕᒫᖏᑦ ᐃᓱᒪᒋᓪᓗᒋᑦ − ᐊᖏᓂᖅᓴᐅᓪᓗᓂ ᕗᕆᑎᔅ ᑲᓛᒻᐱᐊᒥ ᐊᒻᒪᓗ ᒪᕐᕈᐃᓪᓗᐊᖅᖢᒍ ᐊᖏᓂᖅᓴᐅᔪᖅ ᑲᓗᕗᐊᓂᒥᑦ.

ᓄᓇᕗᒥ ᓄᓇᖓᑦ ᑭᒡᓕᖓᓃᑦᑐᖅ ᓇᐸᖅᑐᓂᒃ. ᓄᓇᐃᓐᓇᐅᓂᖅᓴᐅᔪᑦ ᕿᑭᖅᑕᓂ ᓄᓇᓕᖕᓂᑦ ᑭᓯᐊᓂ ᐊᒥᓱᓂᒃ ᑰᖃᐅᖅᑐᑦ ᑕᓯᖃᐅᖅᑐᓪᓗ ᐊᒻᒪᓗ ᓯᕐᒥᖃᖅᖢᑎᒃ ᖁᑦᑎᓐᓂᖅᓴᓃᑦᑐᓂᒃ ᕿᑭᖅᑖᓗᖕᒥ, ᐊᑭᐊᖓ (ᒥᑦᑎᒪᑕᓕᒃ), ᐅᒥᖕᒪᑦ ᓄᓈᓂᓗ (ᖃᐅᓱᐃᑦᑐᖅ).

ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᒃᑐᐃᕙᓪᓕᐊᔪᖅ ᕿᑭᖅᑕᓂ ᓄᓇᓕᖕᓂᑦ ᐊᒻᒪᓗ ᐊᓯᖏᓐᓂᑦ ᐅᑭᐅᖅᑕᖅᑐᒥ ᓄᓇᓕᖕᓂᑦ ᕿᓚᒻᒥᐅᔪᒥᒃ. ᐅᔾᔨᕈᓱᒃᑐᒍᑦ ᑕᒪᒃᑯᐊ ᐅᒪᔪᐃᑦ ᐃᖏᕐᕋᓂᕆᕙᒃᑕᖏᑦ ᐊᓯᔾᔨᕐᓂᖏᓐᓂᑦ ᐊᒻᒪᓗ ᐅᓄᕐᓂᕆᔭᖏᓐᓂᑦ ᐅᑭᐅᖅᑕᖅᑐᒥ ᐅᒪᔪᐃᑦ.

ᓄᓇᓕᕗᑦ

ᕿᑭᖅᑕᓐ ᐊᐅᓚᑦᑎᕕᒃ ᖁᓕᓂᑦ ᐱᖓᓱᓂᓪᓗ (13) ᓄᓇᓕᖁᑎᓕᒃ ᑕᑉᐹᙵᑦ ᐊᐅᓱᐃᑦᑐᕐᒥᑦ, ᖁᑦᑎᑦᑐᒥ, ᑕᐅᓄᖓ ᓴᓂᑭᓗᐊᕐᒧᑦ, ᓴᓂᑭᓗᐊᑉ ᕿᑭᖅᑕᖏᓐᓂ.

ᑖᓐᓇ ᐅᑭᐅᖅᑕᖅᑑᑉ ᑭᒡᓕᙳᐊᖓ ᐊᖅᑯᓵᕐᒪᑦ ᕿᑭᖅᑖᓗᒃᑯᑦ. ᑖᓐᓇ ᐅᑭᐅᖅᑕᖅᑑᑉ ᑭᒡᓕᙳᐊᖓ ᓇᓗᓇᐃᖅᓯᖃᑦᑕᖅᑐᑦ ᐊᓯᔾᔨᖅᑐᓂᒃ ᖃᐅᑕᒫᒃᑯᑦ ᓯᕿᓂᕐᒥᒃ ᐊᒻᒪ ᑖᖅᓯᑎᓪᓗᒍ. 8ᖑᓂᖏᑦ 13ᖑᑎᓪᓗᒋᑦ ᕿᑭᖅᑕᓂ ᓄᓇᓕᖕᓂᑦ ᓇᔪᖅᑐᑦ ᐅᑭᐅᖅᑕᖅᑑᑉ ᑭᒡᓕᙳᐊᖓᑕ ᐅᐊᖕᓇᖓᓂ. ᑖᒃᑯᐊ ᓄᓇᓖᑦ ᐊᐅᔭᒃᑯᑦ ᑖᖅᓯᓱᐃᑦᑑᓪᓗᑎᒃ ᐊᒻᒪ ᐅᑭᐅᒃᑯᑦ ᑖᖏᓐᓇᖃᑦᑕᖅᖢᑎᒃ 24ᓂ ᐃᑲᕐᕋᓄᑦ.

ᓄᓇᕗᑦ, ᐊᒻᒪᓗ ᕿᑭᖅᑕᓂ, ᖃᖓᑕᓲᖏᓐᓇᒃᑯᑦ ᐅᕝᕙᓘᓐᓃᑦ ᑕᕆᐅᒃᑯᑦ ᐅᐸᒃᑕᐅᔪᓐᓇᖅᑐᖅ. ᐊᑐᕆᐊᖃᙱᑦᑐᑦ ᐊᒃᑐᐊᖓᔪᓂᒃ ᐊᓯᖏᓐᓄᑦ ᑲᓇᑕᐅᑉ ᓄᓇᓕᖏᓐᓄᑦ ᐅᕝᕙᓘᓐᓃᑦ ᐊᒃᑐᐊᔪᓄᑦ ᓄᓇᕗᒥ ᓄᓇᓕᖏᓐᓄᑦ.

ᓄᓇᕗᒻᒥᐅᑦ ᐊᒥᓱᕈᕐᐸᓪᓕᐊᒻᒪᑕ

ᐃᓄᖁᑎᕗᑦ

20,000−ᑲᓴᐃᑦ ᓇᔪᖅᑐᑦ ᕿᑭᖅᑕᓂ ᓄᓇᓕᖕᓂᑦ, 80ᐳᓴᓐᑎᖏᑦ ᐃᓅᓪᓗᑎᒃ. ᐃᓕᖅᑯᓯᑦᑎᓐᓂ ᐊᑐᖅᑐᑦ ᐊᒻᒪᓗ ᐃᓅᓯᑦᑎᓐᓂ ᖃᓄᐃᓕᐅᖅᓯᒪᔪᖃᕋᓗᐊᖅᑎᓪᓗᒍ, ᐃᓕᖅᑯᓯᕗᑦ ᐅᖃᐅᓯᕗᓪᓗ ᓴᙱᔫᖏᓐᓇᖅᑐᑦ ᓄᓇᓕᑦᓐᓂ. ᐱᐅᓯᐅᔪᑦ ᐊᑐᖅᑕᐅᕙᒃᑐᑦ ᓱᕐᓗ ᒥᓇᖅᓯᓂᕐᒥᒃ, ᐃᒃᐱᒍᓱᑦᑎᐊᕐᓂᕐᒥᒃ ᐃᓐᓇᕐᓂ ᐊᒻᒪᓗ ᑲᑐᔾᔨᖃᑎᒌᖕᓂᖅ ᐱᓪᓗᐊᑕᕆᔭᐅᔪᑦ ᓄᓇᓕᖕᓂ ᐃᓅᓯᕆᔭᐅᔪᓂ. 70ᐳᓴᓐᑎᑲᓴᐃᑦ ᕿᑭᖅᑕᓂ ᐃᓄᐃᑦ ᓇᓗᓇᐃᖅᓯᓯᒪᔪᑦ ᐅᖃᓕᒪᒍᓐᓇᕐᓂᖏᓐᓄᑦ ᐃᓄᒃᑎᑐᑦ (ᐊᕕᒃᑐᖅᓯᒪᔫᑉ ᐅᖃᐅᓯᖓᓂ), ᐊᒻᒪᓗ ᐃᓄᖁᑎᕗᑦ ᓂᕿᒃᓴᖅᓯᐅᖅᑎᐅᓪᓗᑎᒃ ᓱᕐᓗ ᓇᑦᓯᕐᓂ, ᐊᓪᓚᙳᐊᓂ ᑐᒃᑐᓂᓗ ᓂᕿᒃᓴᐅᓂᐊᖅᑐᓄᑦ ᐃᓚᒋᔭᐅᔪᓄᑦ ᓄᓇᓕᖕᒥᐅᓄᓗ.

ᕿᑭᖅᑕᓂ ᐃᓄᐃᑦ ᐃᓅᓱᒃᑐᑦ, ᐊᕐᕌᒍᖃᓪᓗᐊᖅᑐᑦ 28ᒥ. ᐊᓈᓇᐅᔪᑦ ᐃᓅᓱᒃᑐᑦ ᒪᕐᕈᐃᓪᓗᐊᖅᖢᑎᒃ ᐊᒥᓲᓂᖅᓴᓂᒃ ᕿᑐᕐᖓᖃᖅᑐᑦ ᐊᓯᖏᓐᓂᑦ ᑲᓇᑕᐅᑉ ᓄᓇᓕᒋᔭᖏᓐᓂᑦ. 82ᐳᓴᓐᑎᖓ ᐃᓄᐃᑦ ᐸᖅᑭᖃᑦᑕᖅᑐᑦ ᓱᕈᓯᕐᓂ ᐃᓐᓇᕐᓂᓗ. ᑖᓐᓇ ᐊᒃᑐᐃᔪᖅ ᖃᓄᖅ ᐃᓄᐃᑦ ᖃᓄᐃᓕᐅᖅᐸᖕᓂᖏᓐᓂᑦ ᐊᑐᐊᒐᓂᒃ, ᐱᔨᑦᓯᕋᕈᑎᓂᒃ ᐊᒻᒪᓗ ᐱᓕᕆᐊᒃᓴᓂ. ᕿᑭᖅᑕᓃᒃᑯᑦ ᐋᖅᑭᒃᓱᐃᕙᒃᑐᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᖃᓄᐃᓕᐅᕈᒪᔭᖏᓐᓂᒃ ᐃᓱᒪᒋᔭᐅᓪᓗᑎᒃ ᓄᓇᓕᖕᓃᑦᑐᑦ ᐅᓄᕐᓂᕆᔭᖏᑦ, ᓇᓃᓐᓂᕆᔭᖏᓐᓂ, ᑮᓇᐅᔭᓕᐅᕐᓂᕆᔭᖏᑦ ᐊᓯᖏᓐᓂᓗ.

ᑕᐃᒪᙵᓂᐋᓗᒃ ᐃᓄᐃᑦ ᓇᐅᑦᑎᖅᓱᖅᑎᓪᓚᐅᕆᐅᓯᒪᔪᑦ ᐅᑭᐅᖅᑕᖅᑐᒥ − ᓴᐳᔾᔨᓪᓗᑎᒃ ᑕᕆᐅᖏᓐᓂᒃ ᓄᓇᖁᑎᖏᓐᓂᓗ. ᑐᑭᓯᐅᒪᓂᕗᑦ ᖃᓄᖅ ᐃᓚᒋᔭᐅᓂᑦᑎᓐᓄᑦ ᓄᓇᕐᔪᐊᕐᒥ ᐱᔾᔪᑎᖃᖅᑐᖅ ᖃᓄᖅ ᐊᒃᑐᐊᖓᑎᒋᓂᑦᑎᓐᓂ ᓄᓇᓂ, ᑕᕆᐅᕐᒥᒃ, ᐊᕙᑎᒥᓗ.

ᐃᓄᐃᑦ ᓂᑭᒃᓴᖃᓪᓚᕆᒃᑐᑦ ᐃᒪᕐᒥᐅᑕᓂ ᐆᒪᔾᔪᑎᒋᓪᓗᓂᐅᒃ ᐊᒻᒪᓗ ᐃᓕᖅᑯᓯᕐᒥᒃ ᐊᑐᖅᖢᑎᒃ ᐊᒻᒪᓗ ᑕᐃᒫᒃ ᓇᐅᑦᑎᖅᓱᖅᑎᓪᓚᕆᐅᕗᑦ ᐃᒪᓂᒃ ᐊᕙᑎᖓᓂᓗ ᓇᓗᓇᐃᖅᓯᒍᒪᓪᓗᑎᒃ ᐊᑯᓂᐅᓂᐊᖅᑐᒥᒃ ᖃᓄᐃᑦᑕᐃᓕᖁᓪᓗᒍ ᓂᕿᒃᓴᖅᑖᕐᕕᐅᖏᓐᓇᕐᓂᐊᕐᒪᑦ.

ᑕᐃᔅᓱᒪᓂᒃᑲᓐᓂᖅ, ᒐᕙᒪᒃᑯᑦ ᐊᑐᐊᒐᖏᑦ ᐊᒻᒪ ᖃᓄᐃᓕᐅᕐᓂᕆᓯᒪᔭᖏᑦ ᐃᓄᖕᓄᑦ ᐊᒃᑐᐃᓯᒪᓪᓚᕆᖕᒪᑦ ᐊᒃᑐᐊᓂᕆᔭᑦᑎᓐᓂ ᐊᕙᑎᑦᑎᓐᓂ. ᓅᑕᐅᓯᒪᔪᑦ, ᕿᒻᒦᔭᖅᑕᐅᓯᒪᔪᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ, ᐊᒃᑐᐊᖓᑎᑦᓯᔪᓐᓃᓚᐅᕐᒪᑦ ᐃᓕᖅᑯᓯᑦᑎᓐᓂ ᖃᓄᐃᓕᐅᕈᓯᑦᑎᓐᓂᓗ.

ᑕᒪᒃᑯᐊ ᐊᑐᖅᑕᐅᓯᒪᔪᑦ ᖃᓪᓗᓈᑎᑐᑦ ᐊᑐᐊᒐᕐᓂᑦ ᐊᒻᒪᓗ ᐱᓕᕆᔾᔪᓯᕐᓂᑦ ᑭᖑᕚᕇᒡᒍᑎᓄᑦ ᐅᖁᒪᐃᑦᑐᒃᑰᕈᑕᐅᓯᒪᕗᖅ ᕿᑭᖅᑕᓂ ᓄᓇᓕᓐᓂᑦ. ᕿᑭᖅᑕᓃᒃᑯᑦ ᐊᔭᐅᖅᑐᐃᕙᒃᑐᑦ ᓴᙱᓂᖅᑖᖅᑎᑦᓯᖁᔨᓪᓗᑎᒃ ᐃᓄᖕᓂ ᑎᒥᖁᑎᒋᔭᐅᔪᓂᒃ, ᓄᓇᓕᖕᓂ ᐊᒻᒪᓗ ᐃᓚᒌᓂ. ᑕᒫᓂ ᐃᓱᒪᒋᔪᓐᓇᐃᖅᑎᒌᓐᓂᕐᒥ, ᐱᔪᓐᓇᕐᓯᑎᑦᑎᕙᓪᓕᐊᔪᒍᑦ ᓄᓇᓕᑦᑎᓐᓂᑦ ᐊᒻᒪᓗ ᐊᑐᒃᑲᓐᓂᕈᓐᓇᕐᓯᕙᓪᓕᐊᓪᓗᒋᑦ ᐱᖅᑯᓯᕗᑦ.

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ