ᐃᓕᖅᑯᓯᓕᕆᓂᕐᒧᑦ ᐊᒻᒪᓗ ᓄᓇᓕᖕᓄᑦ-ᑐᕌᖓᔪᓂᒃ ᐱᓕᕆᐊᒃᓴᑦ

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ

ᐊᑐᖅᑎᑦᑎᒋᐊᒃᑲᓂᕐᓂᖅ ᐃᓕᖅᑯᓯᖅᑎᒍᑦ ᐊᑐᖅᑕᐅᓲᓂᑦ

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ (QCAP) ᑮᓇᐅᔭᖃᖅᑎᑦᑎᕙᑦᑐᑦ ᓄᓇᓕᓐᓃᑦᑐᓂᑦ ᐱᓕᕆᐊᔅᓴᐅᕙᑦᑐᓂᑦ ᑕᐃᒫᒃ ᓄᓇᓖᑦ ᐃᓚᒋᔭᐅᖃᑦᑕᕈᓐᓇᓂᐊᕐᖓᑕ ᐃᓕᓐᓂᐊᖃᑕᐅᖃᑦᑕᕈᓐᓇᓂᐊᕐᖓᑕᓗ ᐱᖅᑯᓯᑦᑎᓐᓂᒃ ᐃᓕᓯᒪᔭᐅᔪᓂᑦ, ᓲᕐᓗ ᒥᕐᓱᖃᑦᑕᓂᕐᒥᒃ, ᐊᖑᓇᓱᖃᑦᑕᓂᕐᒥᒃ, ᐊᐅᓪᓚᕐᓯᒪᓗᓂ ᐱᓕᕆᓂᐅᕙᑦᑐᓂᑦ. ᐃᑲᔫᑏᑦ ᐋᖅᑭᑦᑕᐅᔪᔪᑦ 2017ᖑᑎᓪᓗᒍ ᐊᒻᒪᓗ ᐊᐅᓚᓂᖃᕐᓂᐊᖅᑐᑎᒃ ᒫᑦᓯ 2022ᖑᓱᓐᓂᖓᓂ.

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑏᑦ ᑐᔅᓯᕋᐅᓯᐅᕈᑎᑎᒍᑦ ᑲᒪᒋᔭᐅᕙᑦᑐᑦ. ᓄᓇᓖᑦ ᐅᕝᕙᓘᓐᓃᑦ ᓄᓇᓕᓐᓂᑦ ᑲᑐᔾᔨᖃᑎᒌᑦ ᑐᓂᓯᕙᑦᑐᑦ ᑐᔅᓯᕋᐅᑎᓂᑦ ᐱᓕᕆᐊᕆᔪᒪᔭᖓᓄᑦ.

ᑐᑭᓯᒃᑲᓐᓂᕈᒪᒍᔅᓯ ᐅᕝᕙᓘᓐᓃᑦ ᑐᔅᓯᕋᐅᓯᐅᕈᑦ ᐱᔪᒪᒍᔅᓯᐅᒃ ᐅᕙᙵᑦ ᐱᔭᔅᓴᑦ:

ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐃᑲᔫᑎᓂᑦ ᐊᑐᐊᒐᑦ

2018-2019ᒥ ᐃᑲᔫᓯᐊᔅᓴᓂᑦ ᐊᒻᒪᓗ ᑮᓇᐅᔭᓂᑦ ᑐᖅᑯᖅᑕᐅᕙᓪᓕᐊᔪᓂᑦ ᐅᓂᒃᑳᑦ

ᑐᓐᓂᖅᑯᓯᐊᔅᓴᑦ ᐊᒻᒪᓗ ᐃᑲᔫᓯᐊᔅᓴᑦ

ᐊᑐᖅᑎᑦᑎᒋᐊᒃᑲᓂᕐᓂᖅ ᐃᓄᐃᑦ ᐱᔪᓐᓇᐅᑎᖏᓐᓂᑦ ᐅᑉᐱᕆᔭᖏᓐᓂᓪᓗ

ᕿᑭᖅᑕᓂᒃᑯᑦ ᑐᓐᓂᖅᑯᓯᐊᔅᓴᖏᑦ ᐃᑲᔫᓯᐊᔅᓴᖏᓪᓗ ᑐᕌᖓᔪᑦ ᑭᒃᑯᑐᐃᓐᓇᕐᓄᑦ ᑲᑐᔾᔨᖃᑎᒌᓄᓪᓘᓐᓃᑦ ᑮᓇᐅᔭᓂᑦ ᐃᑲᔪᖅᑕᐅᔾᔪᑎᖃᕈᒪᕙᑦᑐᓄᑦ ᐱᓕᕆᐊᕆᓂᐊᖅᑕᖏᓐᓄᑦ ᐃᔫᑎᖃᕐᐸᑦᑐᓂᑦ ᓴᐳᔾᔨᓂᕐᒧᑦ ᓴᖅᑭᔮᖅᑎᑦᑎᒋᐊᒃᑲᓂᕐᓂᒧᓪᓗ ᐃᓄᐃᑦ ᐱᖅᑯᓯᖅᑎᒍᑦ ᐱᓕᕆᐊᕆᕙᑦᑕᖏᓐᓂᒃ ᐅᑉᐱᕆᔭᖏᓐᓂᓪᓗ ᕿᑭᖅᑕᓂ ᓄᓇᓕᓐᓂᑦ.

ᑐᓐᓂᖅᑯᓯᐊᔅᓴᑦ ᐃᑲᔫᓯᐊᔅᓴᓪᓗ ᐃᑲᔫᑎᖃᕐᐸᑦᑐᑦ ᐊᒥᓱᓄᑦ ᐊᑭᓖᓯᒪᕙᑦᑐᑎᒃ ᐊᒥᓱᓂᑦ ᓄᓇᓕᓐᓂᑦ ᐊᐅᓚᑕᐅᕙᑦᑐᓂᑦ ᐱᓕᕆᐊᖑᕙᑦᑐᓂᑦ ᐊᒻᒪᓗ ᐃᑲᔫᑎᐅᕙᑦᑐᓂᑦ ᓲᕐᓗ ᓄᓇᕗᑦ ᐅᓪᓗᖓᓂ ᖁᕕᐊᓲᑎᖃᕐᓂᐅᔪᓄᑦ ᐊᒻᒪᓗ ᐃᓄᐃᑦ ᐱᙳᐊᕈᓯᖏᓐᓄᑦ ᕿᑲᕐᓇᐅᓂᖓᓂ ᕿᑭᖅᑕᓂ ᓄᓇᓕᓐᓂᑦ ᐊᒻᒪᓗ ᓄᓇᕗᒥ ᕿᒧᔅᓯᐅᕐᔪᐊᖃᑦᑕᓂᕐᒥ.

ᑐᑭᓯᒃᑲᓐᓂᕈᒪᒍᔅᓯ ᐅᕝᕙᓘᓐᓃᑦ ᑐᔅᓯᕋᐅᓯᐅᕈᑦ ᐱᔪᒪᒍᔅᓯᐅᒃ ᐅᕙᙵᑦ ᐱᔭᔅᓴᐅᕗᑦ:

ᑐᓐᓂᖅᑯᓯᐊᔅᓴᓄᑦ ᐃᑲᔫᓯᐊᔅᓴᓄᓪᓗ ᐊᑐᐊᒐᑦ ᐊᒻᒪᓗ ᑐᔅᓯᕋᐅᓯᐅᕈᑦ

2018-2019 ᕿᑭᖅᑕᓂᒃᑯᓐᓂ ᐊᕐᕌᒍᓕᒫᕐᓯᐅᑏᑦ ᐅᓂᒃᑳᑦ

ᐃᓚᒌᒃᑐᓄᑦ ᑮᓇᐅᔭᑦ

ᐱᔪᓐᓇᕐᓯᑎᑦᑎᒋᐊᒃᑲᓂᕐᓂᖅ ᕿᑭᖅᑕᓂ ᓄᓇᓕᓐᓂᑦ

ᐃᓚᒌᒃᑐᓄᑦ ᓄᓇᓕᓐᓄᓪᓗ ᐱᕙᓪᓗᐊᔾᔪᑎᔅᓴᐃᑦ ᑮᓇᐅᔭᑦ ᑮᓇᐅᔭᓂᑦ ᐊᑭᓖᓯᒪᓲᑦ ᐱᔪᓐᓇᕐᓯᒋᐊᒃᑲᓐᓂᖁᓪᓗᒋᑦ ᐃᓄᐃᑦ ᓄᓇᓕᓐᓃᑦᑐᑦ ᐊᒻᒪᓗ ᐃᓚᒌᑦ ᐊᒻᒪᓗ ᐃᖅᑲᓇᐃᔮᔅᓴᓄᑦ ᐅᐸᓗᖓᐃᕐᓯᒪᖁᔨᓪᓗᑎᒃ.

ᐃᓚᒌᒃᑐᓄᑦ ᑮᓇᐅᔭᑦ ᐋᖅᑭᑦᑕᐅᔪᔪᑦ 2014ᖑᑎᓪᓗᒍ ᐃᓛᒃᑯᑦ 12 ᐊᖅᑯᑎᒋᓪᓗᒍ ᓄᓘᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎᑎᒍᑦ ᑖᒃᑯᓇᙵᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑏᑦ.

2018-2019ᖑᑎᓪᓗᒍ ᕿᑭᖅᑕᓂᒃᑯᑦ ᐋᔩᕋᕈᑎᖃᒃᑲᓐᓂᔪᔪᑦ ᐊᒥᓱᕈᖅᑎᑕᐅᒋᐊᒃᑲᓐᓂᖁᓪᓗᒋᑦ ᑮᓇᐅᔭᖃᖅᑎᑦᑎᒍᑕᐅᕙᑦᑐᑦ $1.1 ᒥᓕᐊᓐᓄᑦ ᐊᕐᕌᒍᑕᒫᑦ. ᕿᑭᖅᑕᓂᒃᑯᑦ ᐹᕕᓐᓛᓐᑯᓪᓗ ᐃᑲᔫᑎᖃᕐᐸᑦᑐᑦ ᑕᒪᕐᒥᒃ ᑕᐃᒪᓐᓇᓴᐃᓐᓇᕐᓂᑦ ᑖᒃᑯᓄᖓ ᑮᓇᐅᔭᓄᑦ ᑖᒃᑯᐊᓗ ᐋᖅᑭᓯᒪᓪᓗᑎᒃ ᑲᔪᓯᒍᒫᕐᓂᐊᖅᑐᑎᒃ 2030ᖑᕋᓱᓐᓂᖓᓂ.

ᐱᓕᕆᐊᑦ ᓂᕈᐊᖅᑕᐅᔪᑦ ᑮᓇᐅᔭᖃᖅᑎᑕᐅᓂᐊᕐᓂᕐᒧᑦ ᓴᖅᑭᔮᖅᑎᑦᑎᕙᑦᑐᑦ ᒪᑭᑕᒋᐊᒃᑲᓐᓂᖃᑦᑕᕈᓐᓇᕐᓂᖏᓐᓂᒃ ᓄᓇᓖᑦ, ᓴᙱᔫᓂᖏᓐᓂᒃ ᐃᓚᒌᑦ, ᐊᒻᒪᓗ ᐃᖅᑲᓇᐃᔮᔅᓴᓄᑦ ᐅᐸᓗᖓᐃᕐᓯᒪᖃᑦᑕᓂᕐᒥᒃ.

ᑐᑭᓯᒃᑲᓐᓂᕈᒪᒍᔅᓯ ᐅᕝᕙᓘᓐᓃᑦ ᑐᔅᓯᕋᐅᓯᐅᕈᑦ ᐱᔪᒪᒍᔅᓯᐅᒃ ᐅᕙᙵᑦ ᐱᔭᔅᓴᐅᕗᑦ:

ᐃᓚᒌᒃᑐᓄᑦ ᑮᓇᐅᔭᓄᑦ ᐊᑐᐊᒐᑦ

ᐃᓚᒌᒃᑐᓄᑦ ᑮᓇᐅᔭᓄᑦ ᑐᔅᓯᕋᐅᓯᐅᕈᑦ (ᑐᖔᓂ $30,000)

ᐃᓚᒌᒃᑐᓄᑦ ᑮᓇᐅᔭᓄᑦ ᑐᔅᓯᕋᐅᓯᐅᕈᑦ (ᐅᖓᑖᓃᑦᑐᓄᑦ $30,000)

ᓄᓘᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ

ᑐᑭᓯᒋᐊᕐᕕᐅᔪᓐᓇᖅᑐᑦ ᐹᕕᓐᓛᓐᑯᓐᓂᑦ ᐅᕝᕙᓘᓐᓃᑦ ᕿᑭᖅᑕᓂᒃᑯᓐᓂ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ

ᕿᔅᓵᑦᑐᓄᑦ ᐃᓚᐃᖅᑐᓄᓪᓗ

ᐃᑲᔪᖃᑦᑕᕐᓂᖅ ᐃᓄᓐᓂᑦ ᐃᓚᒌᓂᑦ

ᕿᑭᖅᑕᓂᒃᑯᑦ ᐃᑲᔫᑎᖃᖃᑦᑕᕐᖓᑕ ᑭᒃᑯᑐᐃᓐᓇᕐᓄᑦ ᐅᖁᒪᐃᑦᑐᒃᑰᖅᑐᖃᖅᑎᓪᓗᒍ ᐊᒻᒪᓗ ᐃᓱᒫᓗᓇᖅᑐᒃᑰᖅᑐᖃᖅᑎᓪᓗᒍ ᐃᓚᒌᓂᑦ. ᕿᔅᓵᖅᑐᓄᑦ ᐃᓚᐃᖅᑐᓄᓪᓗ ᖃᖓᑦᑕᐅᑎᓄᑦ ᐃᑲᔫᑏᑦ ᐃᓚᒋᔭᐅᔪᓂᑦ ᐊᐅᓪᓚᕈᓐᓇᑎᑦᑎᕙᒻᒪᑕ ᐃᓚᖏᓐᓄᑦ ᓇᒻᒥᓂᖏᓐᓄᑦ ᓇᔫᑎᔭᖅᑐᖁᔨᓪᓗᑎᒃ.

ᐃᓚᐃᖅᑐᓄᑦ ᖃᖓᑦᑕᐅᑎᓄᑦ ᐃᑲᔫᑏᑦ

ᕿᑭᖅᑕᓂᒃᑯᑦ ᐃᓚᐃᖅᑐᓄᑦ ᖃᖓᑦᑕᐅᑎᓄᑦ ᐃᑲᔫᑎᖏᑦ ᑮᓇᐅᔭᑎᒍᑦ ᐃᑲᔫᑎᐅᕙᑦᑐᑦ ᖃᖓᑕᓲᒃᑯᑦ ᐊᐅᓪᓚᕈᓐᓇᕐᓯᑎᑦᑎᕙᑦᑐᑎᒃ ᒪᕐᕉᓐᓂᒃ ᐃᓚᒋᔭᐅᔫᓐᓂᒃ ᐃᓗᕕᖅᑕᐅᔪᖃᕆᐊᖃᕐᓂᐊᑎᓪᓗᒍ ᐃᓚᒋᔭᐅᔪᒥᒃ ᐅᕝᕙᓘᓐᓃᑦ ᐃᑲᔫᑎᖃᕐᐸᑦᑐᑎᒃ ᐊᑭᓕᐅᑎᔅᓴᓂᑦ ᑎᒥᖓᓂᒃ ᐃᓅᔪᓐᓃᖅᑑᑉ ᐅᓯᔭᐅᔾᔪᑎᔅᓴᒥᒃ.

ᕿᔅᓵᑦᑐᓄᑦ ᖃᖓᑦᑕᐅᑎᓄᑦ ᐃᑲᔫᑏᑦ

ᕿᑭᖅᑕᓂᒃᑯᑦ ᑮᓇᐅᔭᓂᑦ ᐃᑲᔫᑎᖃᓲᑦ ᖃᖓᑦᑕᐅᑎᓄᑦ ᐃᑲᔫᑎᓂᑦ ᒪᕐᕉᓐᓄᒃ ᐃᓚᒋᔭᐅᔫᓐᓄᒃ ᑕᑯᔭᖅᑐᕈᒪᑎᓪᓗᒋᑦ ᐋᓐᓂᐊᓪᓚᕆᑦᑐᒥᒃ ᐊᒻᒪᓗ ᖁᓚᕆᔭᐅᓕᖅᑐᒥᒃ ᐃᓅᓂᕆᐊᕆᐊᔅᓴᖓᓂᒃ.

ᑭᒃᑯᑦ ᑐᔅᓯᕋᖃᑦᑕᕈᓐᓇᖅᑲᑦ?
ᕿᑭᖅᑕᓂ ᐃᓄᖏᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ (NTI) ᓄᓇᕗᑦ ᐊᖏᖃᑎᒌᒍᑎᖏᑎᒍᑦ ᐃᓚᒋᔭᐅᔪᑦ ᐋᓐᓂᐊᔪᑦ ᐅᕝᕙᓘᓐᓃᑦ ᐃᓅᔪᓐᓃᖅᑐᒧᑦ.

ᑭᓇ ᐃᓚᒋᔭᐅᓂᕋᖅᑕᐅᒐᔭᖅᑲ ᐃᓚᒌᓄᑦ?
ᓂᖏᐅᖅ/ᐊᓈᓇᑦᓯᐊᖅ, ᐃᑦᑐᖅ/ᐊᑖᑕᑦᓯᐊᖅ, ᐊᓈᓇ, ᐊᑖᑕ, ᐸᓂᒃ, ᐃᕐᓂᖅ, ᐊᔭ/ᐊᑦᑕ, ᐊᖓ/ᐊᒃᑲᒃ, ᓇᔭ/ᓄᑲᖅ/ᐊᖏᔪ, ᐊᓂᒃ/ᐊᖏᔪ/ᓄᑲᖅ ᐊᒻᒪᓗ ᐃᕐᖓᑕᐃᑦ.

ᑮᓇᐅᔭᓄᑦ ᐃᑲᔫᑏᑦ ᑭᓱᒧᑦ ᐊᑐᖅᑕᐅᖃᑦᑕᕈᓐᓇᖅᑲᑦ?
ᐊᑐᖅᑕᐅᖃᑦᑕᕈᓐᓇᖅᑐᑦ ᖃᖓᑦᑕᐅᑎᓄᑦ ᑭᓪᓕᖃᕐᓗᒍ ᒪᕐᕉᓐᓄᒃ ᐃᓚᒋᔭᐅᔫᓐᓄᒃ ᑕᑯᔭᖅᑐᕈᒪᔪᓄᑦ ᐋᓐᓂᐊᓪᓚᕆᑦᑐᒥᒃ ᐃᓚᖓᓐᓂᒃ, ᐅᕝᕙᓘᓐᓃᑦ ᖃᖓᑦᑕᐅᑎᓄᑦ ᐃᓗᕕᖅᑕᐅᔪᖃᕐᓂᐅᓴᑎᓪᓗᒍ ᐃᓚᖓᓐᓂᒃ ᐊᓯᐊᓄ ᓄᓇᓕᓐᓃᑦᑐᓂᑦ ᓄᓇᕗᒥ.

ᖃᓄᖅ ᑐᑭᓯᒃᑲᓐᓂᕋᔭᖅᑯᑕ ᑕᒪᑐᒪ ᒥᔅᓵᓄᑦ?
ᑐᑭᓯᒋᐊᕐᕕᖃᕐᓗᓯ ᓄᓇᔅᓯᓐᓂ ᑐᓴᐅᒪᑎᑦᑎᔨᔅᓯᓐᓄᑦ

ᐅᖄᓚᓗᑎᑦ 1•800•667•2742 ᐅᕝᕙᓘᓐᓃᑦ 867•222•1992

ᐊᖑᓇᓱᒋᐊᖃᑦᑕᖁᔨᓪᓗᑎᒃ ᑮᓇᐅᔭᑦ

ᐃᑲᔪᕐᓂᖅ ᐱᖅᑯᓯᖅᑎᒍᑦ ᐊᖑᓇᓱᖃᑦᑕᓂᕐᒥᒃ

ᓄᓘᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᔅᓴᖏᓐᓄᓪᓗ ᐊᖏᖃᑎᒌᒍᑏᑦ, ᐊᖏᓇᓱᒋᐊᖃᑦᑕᖁᔨᓪᓗᑎᒃ ᑮᓇᐅᔭᑦ ᐋᖅᑭᑦᑕᐅᔪᒻᒪᑕ. ᑖᒃᑯᐊ ᑮᓇᐅᔭᑦ ᐅᖅᓴᒍᑎᔅᓴᖅᑖᑎᑦᑎᕙᑦᑐᑦ 300 ᓖᑕᓂᑦ ᒑᓯᒥᑦ ᐊᕐᕌᒍᑕᒫᑦ ᐃᓄᓐᓄᑦ ᑐᕌᖓᓪᓗᑎᒃ ᐅᑭᐅᓕᓐᓄᑦ 12ᓄᑦ ᐅᖓᑖᓄᓪᓗ ᒥᑦᑎᒪᑕᓕᒻᒥᐅᓄᑦ.

ᑐᑭᓯᒃᑲᓐᓂᕈᒪᒍᔅᓯ ᑖᒃᑯᐊ ᒥᔅᓵᓄᑦ:

ᓄᓘᔮᓂᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑏᑦ

ᑐᑭᓯᒋᐊᕐᕕᔅᓴᐅᕗᑦ ᐹᕕᓐᓛᓐᑯᓐᓂ ᐅᕝᕙᓘᓐᓃᑦ ᕿᑭᖅᑕᓂᒃᑯᓐᓂᑦ ᓄᓇᔅᓯᓐᓂ ᑐᓴᐅᒪᑎᑦᑎᔩᑦ

ᐱᓇᓱᐊᕋᔅᓴᓄᑦ ᑮᓇᐅᔭᑦ

2016ᖑᑎᓪᓗᒍ, ᕿᑭᖅᑕᓂᒃᑯᑦ ᐋᖅᑭᔅᓯᓚᐅᕐᓯᒪᒻᒪᑕ ᓄᑖᓂᑦ ᑮᓇᐅᔭᓄᑦ ᐃᓯᕐᐸᑦᑐᓄᑦ ᐊᑐᐊᒐᕐᓂᑦ ᑐᑭᒧᐊᒍᑕᐅᓂᐊᕐᖓᑕ ᖃᓄᖅ ᕿᑭᖅᑕᓂᒃᑯᓐᓄᑦ ᑮᓇᐅᔭᑦ ᐃᓯᕐᐸᑦᑐᑦ ᐱᕈᕐᐸᓪᓕᐊᑎᑦᑎᔾᔪᑕᐅᓂᐊᕐᒪᖔᑕ ᐊᒻᒪᓗ ᑐᓂᐅᖅᑲᖅᑕᐅᖃᑦᑕᓂᐊᕐᒪᖔᑕ. ᑮᓇᐅᔭᓄᑦ ᐃᓯᕐᐸᑦᑐᓄᑦ ᐊᑐᐊᒐᑦ ᐋᖅᑮᔪᒻᒪᑕ ᒪᕐᕉᓐᓂᒃ ᑮᓇᐅᔭᐅᓂᐊᖅᑐᓂᑦ, ᑐᖅᑯᖅᑕᐅᕙᓪᓕᐊᔪᑦ ᑮᓇᐅᔭᑦ ᐊᒻᒪᓗ ᐃᑲᔫᓯᐊᔅᓴᑦ ᑮᓇᐅᔭᑦ. ᐃᑲᔫᓯᐊᔅᓴᑦ ᑮᓇᐅᔭᑦ ᐱᓕᕆᐊᔅᓴᖃᖅᑎᑦᑎᒍᑕᐅᕙᑦᑐᖅ ᕿᑭᖅᑕᓂ ᐃᓄᖏᓐᓄᑦ.

ᐱᓇᓱᐊᕋᔅᓴᓄᑦ ᑮᓇᐅᔭᑦ ᐋᖅᑭᑦᑕᐅᔪᔪᑦ ᑕᐃᒫᒃ ᕿᑭᖅᑕᓂᒃᑯᑦ ᐃᑲᔪᖃᑦᑕᕈᓐᓇᓂᐊᕐᖓᑕ ᐱᓇᓱᐊᕈᑕᐅᕙᑦᑐᓂᑦ ᓯᓚᑖᒍᑦ ᐃᑲᔫᓯᐊᔅᓴᓂᑦ ᑮᓇᐅᔭᓂᑦ ᐱᓕᕆᐊᖑᕙᑦᑐᓂᑦ. ᐊᕐᕌᒍᑕᒫᑦ, ᑎᑭᓯᒪᔪᑦ 10 ᐳᓴᓐᑎᖏᓐᓄᑦ ᑮᓇᐅᔭᓂᑦ ᐱᔭᔅᓴᐅᖃᑦᑕᕐᖓᑕ ᐃᑲᔫᓯᐊᔅᓴᓂᑦ ᑮᓇᐅᔭᓂᑦ ᑖᒃᑯᐊ ᓴᓂᕐᕙᖅᑕᐅᕙᑦᑐᑦ ᐱᓇᓱᐊᕋᔅᓴᓄᑦ ᑮᓇᐅᔭᓄᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ ᑖᒃᑯᐊ ᒥᔅᓵᓄᑦ:

2018-2019 ᐃᑲᔫᓯᐊᔅᓴᓂᑦ ᐊᒻᒪᓗ ᑐᖅᑯᖅᑕᐅᕙᓪᓕᐊᔪᓂᑦ ᑮᓇᐅᔭᓂᑦ ᐅᓂᒃᑳᑦ

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ