ᑭᓇᐅᓂᕗᑦ
ᓂᐱᔭᐅᔪᒍᑦ ᓄᓇᕗᒥ ᕿᑭᖅᑕᓂ ᓄᓇᓕᖕᓂᑦ ᐃᓄᖕᓄᑦ
ᐱᓕᕆᐊᒃᓴᕗᑦ
ᐃᖅᑲᓇᐃᔭᖅᑎᕗᑦ
ᑮᓇᐅᔭᕗᑦᓇᓗᓇᐃᖅᓯᔾᔪᑎᕗᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓯᕗᒧᐊᖅᑎᑦᓯᓂᐊᖅᑐᑦ ᐱᔪᓐᓇᐅᑎᓂᒃ ᐃᑲᔫᓯᐊᒃᓴᓂᓗ ᕿᑭᖅᑕᓂ ᐃᓄᖕᓄᑦ ᓴᐳᔾᔨᓂᒃᑯᑦ ᐊᒻᒪᓗ ᒪᑭᑕᑎᑦᓯᓂᒃᑯᑦ ᐃᓅᓯᕐᓂ, ᒐᕙᒪᓕᕆᓂᕐᓂ, ᐱᕙᓪᓕᐊᓂᕐᓂ ᐊᒻᒪᓗ ᐃᓕᖅᑯᓯᕐᒥᑦ ᐱᔭᐅᔪᒪᔪᓂᒃ; ᐊᑕᐅᑦᓯᒃᑯᓪᓗ ᓴᐳᔾᔨᓂᕐᒥᒃ ᓄᓇᓂᒃ, ᐃᒪᓂᒃ ᐊᒻᒪᓗ ᓄᓇᒥᓐᖔᖅᑐᓂᒃ ᒪᑭᒪᑎᑦᓯᔪᓂᒃ ᓄᓇᓕᖁᑎᑦᑎᓐᓂ.
ᑕᑯᓐᓇᙳᐊᖅᑕᕗᑦ
ᒐᕙᒪᓕᕆᓂᕐᒥᒃ ᐊᒻᒪ ᐃᓕᖅᑯᓯᓕᕆᓂᕐᒥᓪᓗ ᓴᙱᓕᖅᑎᑦᓯᓂᕐᒥᒃ, ᐃᓅᓯᕆᔭᐅᔪᑦ ᖃᓄᐃᓐᓂᕆᔭᖏᓐᓂᒃ, ᐱᕙᓪᓕᐊᓂᕐᒧᑦ ᒪᑭᒪᓂᕐᒥᒃ ᐊᒻᒪᓗ ᖃᓄᐃᙱᑦᓯᐊᕐᓗᓂ ᐊᕙᑎᒋᔭᕗᑦ ᕿᑭᖅᑕᓂ ᐃᓄᖕᓄᑦ
ᐱᓕᕆᐊᒃᓴᕗᑦ
ᕿᑭᖅᑕᓃᒃᑯᑦ ᐊᕕᒃᑐᖅᓯᒪᔪᒥᒃ ᐃᓄᐃᑦ ᑲᑐᔾᔨᖃᑎᒌᖑᔪᖅ ᑭᒡᒐᖅᑐᐃᔪᒥᒃ 51%ᓂ ᐃᓄᖕᓂᑦ ᓇᔪᖅᑐᓂᒃ ᓄᓇᕗᒥ, ᓄᓇᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᕿᑭᖅᑕᓃᒃᑯᑦ ᑎᒃᑯᐊᖅᑕᐅᓯᒪᓪᓗᑎᒃ ᑎᒥᖁᑎᒋᔭᐅᔪᑦ ᓄᓇᕗᑦ ᐊᖏᕈᑎᐊᑕ ᐊᑖᓂ. ᕿᑭᖅᑕᓃᒃᑯᑦ ᐃᓚᒋᔭᐅᖕᒪᑦ ᐱᖓᓲᑎᓪᓗᒋᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒃᑐᐊᔪᓄᑦ ᓄᓇᕗᑦ ᑐᙵᕕᒃᑯᓐᓄᑦ; ᑕᐃᒃᑯᐊ ᐱᖃᑎᖏᑦ ᑲᑐᔾᔨᖃᑎᒌᖑᔪᑦ ᐅᑯᐊᖑᔪᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏ
ᐃᖅᑲᓇᐃᔭᖃᑎᒋᕙᕗᑦ ᑲᑐᔾᔨᖃᑎᒋᔭᕗᑦ, ᓱᕐᓗ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᒻᒪᓗ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑦ ᑲᓇᑕᒥ, ᐊᒻᒪᓗ ᐊᓯᖏᑦ ᐊᔾᔨᒌᙱᑦᑐᓂᒃ ᒐᕙᒪᐅᔪᓄᑦ, ᑭᒡᒐᖅᑐᖅᖢᒋᑦ ᐃᓄᐃᑦ ᐃᓄᐃᑦ ᓄᓇᖏᓐᓂ, ᐃᓄᐃᑦ ᓄᓇᖓᑦ.
ᓄᓇᕗᒥ ᐊᖏᕈᑎᖓ ᓇᓗᓇᐃᖅᓯᓯᒪᔪᑦ 356,000 km2ᓂ ᓄᓇᓂᒃ ᓄᓇᕗᒥ ᐃᓄᖕᓄᑦ ᓄᓇᖁᑎᒋᔭᐅᓂᐊᖅᖢᑎᒃ − ᐊᖏᓂᖃᖅᖢᓂ ᓄᕙᐅᓛᓐ ᓚᐸᑐᐊᕆᑎᑐᑦ.
ᑖᓐᓇ ᐊᖏᓂᓕᒃ 17.7 ᐃᓚᖓᓂᒃ ᓄᓇᕗᑦ ᐊᐅᓚᑦᑎᕕᐅᑉ. ᑖᒃᑯᐊ ᐃᓄᐃᑦ ᓄᓇᖁᑎᖏᑦ ᑐᓂᔭᐅᓯᒪᔪᑦ ᓄᓇᕗᑦ ᑐᙵᕕᒃᑯᓐᓄᑦ. ᓄᓇᕗᑦ ᑐᙵᕕᒃᑯᑦ ᑎᒃᑯᐊᖅᓯᓪᓗᑎᒃ ᑐᓂᓯᖃᑦᑕᖅᑐᑦ ᐱᓕᕆᐊᒃᓴᓂᒃ ᐃᓄᐃᑦ ᓄᓇᖁᑎᖏᓐᓂᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᓇᑉᐸᓪᓗᐊᖏᑦ ᐃᓄᐃᑦ ᓄᓇᖁᑎᖏᑦ ᕿᑭᖅᑕᓂ ᓄᓇᓕᖏᓐᓃᑦᑐᑦ, ᑕᐃᒪᐃᒻᒪᑦ ᖀᑭᖅᑕᓃᒃᑯᓐᓂᑦ ᓄᓇᕐᔪᐊᕐᒥ ᐊᖏᓂᖅᐹᖑᓪᓗᑎᒃ ᓇᖕᒥᓂᖁᑎᖃᖅᑎᐅᔪᑦ. ᕿᑭᖅᑕᓃᒃᑯᑦ ᐊᐅᓚᑦᑎᕙᒃᑐᑦ ᐃᓄᐃᑦ ᓄᓇᖁᑎᖏᓐᓂᒃ ᕿᑭᖅᑕᓂ ᓄᓇᓕᖕᓂ.
ᐃᖅᑲᓇᐃᔭᖅᑎᕗᑦ
ᕿᑭᖅᑕᓃᒃᑯᑦ ᑐᑦᑕᕐᕕᖃᖅᑐᑦ ᐃᖃᓗᓐᓂ, ᓄᓇᕗᒥ. 80 ᐅᖓᑖᓂ ᐃᖅᑲᓇᐃᔭᖅᑎᖃᖅᑐᒍᑦ ᑭᒡᒐᖅᑐᐃᔪᓂᒃ ᓄᓇᓕᓕᒫᓂᑦ ᕿᑭᖅᑕᓂ.
ᑲᑎᒪᔩᑦ
ᕿᑭᖅᑕᓃᒃᑯᑦ ᑲᑎᒪᔨᖏᑦ ᐱᖃᓯᐅᑎᓯᒪᔪᑦ 13ᖑᔪᓂᒃ ᓄᓇᓕᖕᓂᑦ ᑲᑎᒪᔨᓂᑦ ᓂᕈᐊᖅᑕᐅᖃᑦᑕᖅᑐᓄᑦ ᐃᓄᖕᓄᑦ ᐊᑐᓂ ᓄᓇᓕᖁᑎᒋᔭᖏᓐᓂᑦ ᕿᑭᖅᑕᓂ. ᓯᕗᓕᖅᑏᑦ ᑲᑎᒪᔨᓂᑦ ᐱᖃᓯᐅᑎᓯᒪᔪᑦ ᑎᑎᕋᖅᑎ-ᑮᓇᐅᔭᓕᕆᔨᖓ, ᐊᖓᔪᖅᑳᑉ ᑐᖏᓕᐊ ᐊᒻᒪᓗ ᐊᖓᔪᖅᑳᖅ ᓂᕈᐊᖅᑕᐅᖃᑦᑕᖅᑐᓂᒃ ᕿᑭᖅᑕᓂ ᓄᓇᓕᓕᒫᓂᑦ − ᐊᒻᒪᓗᑦᑕᐅᖅ ᐱᖓᓱᓂᒃ ᑲᑎᒪᔨᑐᐃᓐᓇᐅᓂᐊᖅᑐᓂᒃ ᑎᒃᑯᐊᖅᑕᐅᔪᓄᑦ/ᓂᕈᐊᖅᑕᐅᔪᓄᑦ ᑲᑎᒪᔨᓄᑦ.
ᓯᕗᓕᖅᑏ ᑲᑎᒪᔨᓂᑦ
ᐅᓛᔪᒃ ᐊᑭᓱᒃ
ᐊᖓᔪᖅᑳᖅ
ᓕᕙᐃ ᐹᓇᐹᓯ
ᐊᖓᔪᖅᑳᕐᒃ ᑐᒡᓕᐊᑕ
ᔨᐅᕆᒥ ᑑᕐᖔᓗᒃ
ᑎᑎᕋᖅᑎ−ᑮᓇᐅᔭᓕᕆᔨ
ᑖᒥ ᐊᑲᕚᒃ
ᑲᑎᒪᔨᑐᐃᓐᓇᖅ
ᓚᐃᓴ ᓂᖏᐅᖅ
ᑲᑎᒪᔨᑐᐃᓐᓇᖅ
ᓵᓕ ᖁᒻᒧᐊᑦᑐᖅ
ᑲᑎᒪᔨᑐᐃᓐᓇᖅ
ᑲᑎᒪᔨᑕᓵᖓᑦ
ᒪᐃᒃ ᔭᐃᐴᑎ
ᑲᖏᖅᑐᒑᐱᒃ
ᐹᓪ ᐊᒪᕈᐊᓕᒃ
ᖃᐅᓱᐃᑦᑐᖅ
ᑕᐃᕕᑎ ᖃᕝᕕᒃ
ᓴᓂᑭᓗᐊᖅ
ᒫᑕ ᔮ
ᑭᙵᐃᑦ
ᓯᑏᕙᓐ ᐴᓕ ᓘᑲᓯ
ᐃᖃᓗᐃᑦ
ᓵᓚᒪᓐ ᐊᓗᕈᑦ
ᓴᓂᕋᔭᒃ
ᐲᑕ ᐃᕙᓗ
ᐃᒡᓗᓕᒃ
ᔫᓱᐊ ᑳᓴᒃ
ᒥᑦᑎᒪᑕᓕᒃ
ᓯᑏᕕ ᐊᐅᓚᕿᐊᖅ
ᕿᑭᖅᑕᕐᔪᐊᖅ
ᓵᓕ ᖁᒻᒧᐊᑦᑐᖅ
ᐸᓐᓂᖅᑑᖅ
ᑖᓖᓐ ᐅᐃᓕ
ᐃᒃᐱᐊᕐᔪᒃ
ᑖᒥ ᐊᑲᕚᒃ
ᑭᒻᒥᕈᑦ
ᕿᑭᖅᑕᓃᒃᑯᑦ ᐊᖓᔪᖅᑳᖓ
ᐲᔨᐊ ᐊᕿᐊᕈᖅ ᓯᕗᓕᖅᐹᒥᒃ ᓂᕈᐊᖅᑕᐅᓚᐅᖅᓯᒪᔪᖅ ᐊᖓᔪᖅᑳᖑᓂᕐᒧᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ 2014ᒥ ᐊᒻᒪᓗ ᓂᕈᐊᖅᑕᐅᒃᑲᓐᓂᖅᖢᓂ 2018ᒥ. ᑲᓇᑕᒥ ᐅᑭᐅᖅᑕᖅᑐᕐᒦᓐᓂᖅᐹᖑᔪᒥᑦ ᓄᓇᓕᖕᒥᐅᑕᒃᓴᔭᐅᓪᓗᓂ ᐊᐅᓱᐃᑦᑐᕐᒥ , ᐊᕿᐊᕈᖅ ᐊᒃᓱᕈᖅᖢᓂ ᐱᓕᕆᓯᒪᔪᖅ ᑭᒡᒐᖅᑐᐃᓪᓗᒋᑦ ᐃᓄᐃᑦ ᓄᓇᕗᒥ. ᕿᑭᖅᑕᓃᒃᑯᓐᓄᑦ ᐊᖓᔪᖅᑳᖑᓚᐅᖅᑎᓐᓇᒍ, ᐊᔾᔨᒌᙱᑦᑐᓂᒃ ᐱᓕᕆᐊᖃᖃᑦᑕᖅᓯᒪᔪᖅ ᐃᓄᐃᑦ ᑎᒥᖁᑎᖏᓐᓂᒃ, ᐱᖃᓯᐅᑎᓪᓗᒍ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ.
ᕿᑭᖅᑕᓃᒃᑯᑦ ᐃᖅᑲᓇᐃᔭᕐᕕᖏᑦ
ᓯᕗᓕᖅᑏᑦ ᐊᐅᓚᑦᑎᕕᐊ
ᐱᓕᕆᐊᒃᓴᓖᑦ ᑲᑎᒪᔨᓂᒃ ᐊᒻᒪᓗ ᓯᕗᓕᖅᑏᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᐊᖓᔪᖅᑳᖃᕐᕕᐅᓪᓗᓂ ᕿᑭᖅᑕᓃᒃᑯᑦ ᐃᖅᑲᓇᐃᔭᕐᕕᓕᒫᖏᓐᓄᑦ. ᓯᕗᓕᖅᑏᑦ ᐊᐅᓚᑦᑎᕕᐊ ᐃᖅᑲᓇᐃᔭᕐᕕᓕᒃ ᐅᑯᓂᖓ ᐃᖅᑲᓇᐃᔭᖅᑐᓕᕆᔨᒃᑯᓐᓂ, ᖃᕆᓴᐅᔭᓕᕆᔨᒃᑯᓐᓂ, ᐊᒡᓚᕝᕕᓕᕆᔨᒃᑯᓐᓂ ᐊᒻᒪ ᓄᓇᓕᖕᓂ ᑐᓴᐅᒪᑎᑦᑎᔨᑦ. .
ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᐱᓕᕆᐊᒃᓴᓖᑦ ᐊᓪᓚᕝᕕᖕᒥ ᓯᓚᑖᓂᓗ ᑐᓴᐅᒪᑎᑦᑎᔾᔪᑎᓂᒃ ᐊᒻᒪ ᑐᓴᖅᑎᑦᑎᔾᔪᑎᓂᓗ, ᖃᓄᐃᓕᐅᖅᑐᖃᕐᓂᐊᖅᑐᓂᒃ ᐸᕐᓇᐃᔨᐅᓪᓗᑎᒃ, ᐊᔾᔨᒌᙱᑦᑐᓂᒃ ᓴᖅᑭᔮᖅᑎᑕᐅᓂᐊᖅᑐᓂᒃ ᐃᑲᔪᖅᑎᒋᔭᐅᕙᒃᖢᑎᒃ, ᐊᒻᒪ ᒪᑯᓂ ᐱᖁᑎᓂ ᖃᐅᔨᒪᔾᔪᑎᓂᒃ.
ᑕᕆᐅᓕᕆᓂᕐᒧᑦ ᐅᒪᔪᓕᕆᓂᕐᒧᓪᓗ ᐃᖅᑲᓇᐃᔭᕐᕕᒃ
ᐱᓕᕆᐊᒃᓴᓖᑦ ᐊᔾᔨᒌᙱᑦᑐᓂᒃ ᓯᕗᒧᐊᖅᑎᑦᑎᔨᐅᔪᑦ ᓯᕗᓪᓕᐅᑎᑕᐅᔪᒪᔪᓄᑦ ᐱᓪᓗᒋᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᖏᑦ (ᐊᖏᕈᑎ) ᑲᓇᑕᒥ ᒥᕐᖑᐃᖅᓯᕝᕕᓄᑦ, ᑲᓇᑕᒥ ᐅᒪᔪᖃᕐᕕᖕᓄᑦ, ᑲᓇᑕᒥ ᐃᑦᑕᕐᓂᓴᖃᕐᕕᖕᓄᑦ, ᑲᓇᑕᒥ ᑕᕆᐅᕐᓂ ᓴᐳᔾᔨᕕᖕᓄᑦ, ᐊᒻᒪᓗ ᓄᓇᖃᖅᑐᑐᖃᓄᑦ ᓴᐳᔾᔭᐅᓯᒪᔪᓂᒃ ᓴᐳᔾᔨᕕᖕᓂ ᐊᒻᒪᓗ ᐃᖅᑲᓇᐃᔭᖃᑎᖃᕙᒃᖢᑎᒃ ᓯᕗᒧᐊᖅᑎᑦᑎᔨᐅᓪᓗᑎᒃ ᒪᑭᒪᔾᔪᑎᒃᓴᓂ ᑕᕆᐅᕐᒥ ᕿᑭᖅᑖᓗᖕᒥ.
ᓄᓇᓕᕆᔨᒃᑯᑦ ᓄᓇᓂᒃ ᐊᐅᓚᑦᑎᔩᑦ
ᐱᓕᕆᐊᒃᓴᓖᑦ ᐃᓄᐃᑦ ᓄᓇᖁᑎᖏᓐᓂᒃ ᐊᐅᓚᑦᑎᓂᖅ.
ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪ ᐃᓚᐅᑎᑦᑎᓂᖅ
ᐱᓕᕆᐊᒃᓴᓖᑦ ᓴᐳᔾᔨᓂᕐᒥᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ, ᓯᕗᒧᐊᖅᑎᑦᑎᓗᑎᒃ ᐃᓄᐃᑦ ᐱᔪᒪᔭᖏᓐᓂᒃ, ᐊᐅᓚᑦᑎᓂᕐᒥᒃ ᐃᓄᖕᓄᑦ-ᐊᐅᓚᑕᐅᔪᓄᑦ ᖃᐅᔨᓴᕐᓂᕐᓂᒃ ᐊᒻᒪᓗ ᐊᑐᕐᓂᕐᒥᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᑭᑖᕈᑎᒋᔭᐅᕙᓪᓕᐊᔪᓂᒃ, ᖃᐅᔨᓴᕐᓂᕐᒧᑦ, ᐅᒪᔪᓂᒃ ᓴᐳᔾᔨᓂᕐᒧᑦ ᐊᒻᒪᓗ ᓄᓇᓕᖕᓂ ᑐᑭᓯᒋᐊᕐᓂᕐᒧᑦ ᐃᓚᐅᑎᑦᑎᓂᕐᒥᒃ.
ᐃᓅᓯᓕᕆᓂᕐᒧᑦ ᐸᕐᓇᐃᔨᑦ
ᐱᓕᕆᐊᖃᖅᑐᑦ ᐃᓅᓯᕐᓅᖓᔪᓂᒃ ᐊᒻᒪ ᐃᓕᖅᑯᓯᐅᑉ ᒥᒃᓵᓄᑦ ᐊᑐᐊᒐᓕᕆᓂᕐᒧᑦ ᐊᒻᒪ ᐱᓕᕆᐊᒃᓴᓂ, ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᓐᓂ, ᐃᓅᓱᒃᑐᓄᑦ ᐱᓕᕆᐊᒃᓴᓄᑦ ᐊᒻᒪᓗ ᓄᓇᓕᖕᓂ-ᑐᕌᖓᔪᓂᒃ ᖃᐅᔨᓴᖅᑎᑦᑎᖃᑦᑕᕐᓂᕐᒥ ᐱᒋᐊᕈᑎᓂᒃ.
ᑮᓇᐅᔭᓕᕆᔨᒃᑯᑦ
ᑮᓇᐅᔭᓕᕆᔨᒃᑯᑦ ᑎᒥᐅᔪᒧᑦ .
ᕿᑭᖅᑕᓃᒃᑯᑦ ᓄᓇᓕᖕᓂᑦ ᑐᓴᐅᒪᑎᑦᓯᔩᑦ
ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖃᖅᑐᑦ ᓄᓇᓕᖕᓂᑦ ᑐᓴᐅᒪᑎᑦᓯᔨᓂ ᐊᑐᓂ 13ᓂ ᕿᑭᖅᑕᓂ ᓄᓇᓕᖕᓂᑦ
| ᐅᓛᓇ ᓄᕿᙵᖅ | ᓄᓇᓕᓐᓂᑦ ᑐᓴᐅᒪᑎᑦᑎᔨᓄᑦ ᑐᑭᒧᐊᑦᑎᑦᑎᔨ | ᑎᑎᖅᑲᓂᐊᕐᕕᖓ 1340, ᐃᖃᓗᐃᑦ, ᓄᓇᕗᑦ X0A 0H0 | ᐅᖄᓚᐅᑖ: 867•975•8449 | ᓱᑲᑦᑐᑰᕈᑖ: 867•979•3238 | onuqingaq@qia.ca |
| ᔮᒃ ᐅᐃᓕ | ᐃᒃᐱᐊᕐᔪᒃ | ᑎᑎᖅᑲᓂᐊᕐᕕᖓ 69, ᐃᒃᐱᐊᕐᔪᒃ, ᓄᓇᕗᑦ X0A 0A0 | ᐅᖄᓚᐅᑖ: 867•439•8277 | ᓱᑲᑦᑐᑰᕈᑖ: 867•439•8217 | jwillie@qia.ca |
| ᔫᑕᐃ ᑐᓄ ᓄᑲᕐᓯ | ᑭᙵᐃᑦ | ᑎᑎᖅᑲᓂᐊᕐᕕᖓ 151, ᑭᙵᐃᑦ, ᓄᓇᕗᑦ X0A 0C0 | ᐅᖄᓚᐅᑖ: 867•897•8638 | ᓱᑲᑦᑐᑰᕈᑖ: 867•897•8650 | jtoonoo@qia.ca |
| ᓃᓇ ᕿᓪᓚᖅ | ᑲᖏᖅᑐᒑᐱᒃ | ᑎᑎᖅᑲᓂᐊᕐᕕᖓ 159, ᑲᖏᖅᑐᒑᐱᒃ, NU X0A 0E0 | ᐅᖄᓚᐅᑖ: 867•924•6119 | ᓱᑲᑦᑐᑰᕈᑖ: 867•924•6120 | nqillaq@qia.ca |
| ᔭᐃᐱᑎ ᐲᑕ | ᐊᐅᓱᐃᑦᑐᖅ | ᑎᑎᖅᑲᓂᐊᕐᕕᖓ 74, ᐊᐅᓱᐃᑦᑐᖅ, ᓄᓇᕗᑦ X0A 0J0 | ᐅᖄᓚᐅᑖ: 867•980•4076 | ᓱᑲᑦᑐᑰᕈᑖ: 867•980•4078 | Jpeter@qia.ca |
| ᓕᓕ ᐊᕐᓇᕐᔪᐊᖅ | ᓴᓂᕋᔭᒃ | ᑎᑎᖅᑲᓂᐊᕐᕕᖓ 9, ᓴᓂᕋᔭᒃ, ᓄᓇᕗᑦ X0A 0K0 | ᐅᖄᓚᐅᑖ: 867•928•8103 | ᓱᑲᑦᑐᑰᕈᑖ: 867•928•8114 | larnaqjuaq@qia.ca |
| ᓯᑐᓂ ᐅᖔᓛᖅ | ᐃᒡᓗᓕᒃ | ᑎᑎᖅᑲᓂᐊᕐᕕᖓ 117, ᐃᒡᓗᓕᒃ, ᓄᓇᕗᑦ X0A 0L0 | ᐅᖄᓚᐅᑖ: 867•934•8760 | ᓱᑲᑦᑐᑰᕈᑖ: 867•934•8562 | sungalaq@qia.ca |
| ᒫᑕ ᓇᐅᓪᓚᖅ | ᐃᖃᓗᐃᑦ | ᑎᑎᖅᑲᓂᐊᕐᕕᖓ 1340, ᐃᖃᓗᐃᑦ, ᓄᓇᕗᑦ X0A 0H0 | ᐅᖄᓚᐅᑖ: 867•975•8420 | ᓱᑲᑦᑐᑰᕈᑖ: 867•979•3238 | mnowdlak@qia.ca |
| ᐱᐅᕆ ᐃᑭᓪᓗᐊᖅ | ᑭᒻᒥᕈᑦ | ᑎᑎᖅᑲᓂᐊᕐᕕᖓ 82, ᑭᒻᒥᕈᑦ, ᓄᓇᕗᑦ X0A 0N0 | ᐅᖄᓚᐅᑖ: 867•939•2135 | ᓱᑲᑦᑐᑰᕈᑖ: 867•939•2134 | pikkidluak@qia.ca |
| ᓰᓇ ᒫᒃᒧ | ᐸᓐᓂᖅᑑᖅ | ᑎᑎᖅᑲᓂᐊᕐᕕᖓ 633, ᐸᓐᓂᖅᑑᖅ, ᓄᓇᕗᑦ X0A 0R0 | ᐅᖄᓚᐅᑖ: 867•473•8991 | ᓱᑲᑦᑐᑰᕈᑖ: 867•473•8994 | smachmer@qia.ca |
| ᔪᐊᓇ ᐃᓐᓄᐊᓗᒃ-ᑯᓐᓄᒃ | ᒥᑦᑎᒪᑕᓕᒃ | ᑎᑎᖅᑲᓂᐊᕐᕕᖓ 459, ᒥᑦᑎᒪᑕᓕᒃ, ᓄᓇᕗᑦ X0A 0S0 | ᐅᖄᓚᐅᑖ: 867•899•8640 | ᓱᑲᑦᑐᑰᕈᑖ: 867•899•8642 | JInnualuk-Kunnuk@QIA.ca |
| ᓗᐊᓇ ᖁᓪᓗᐊᓕᒃ | ᕿᑭᖅᑕᕐᔪᐊᖅ | ᑎᑎᖅᑲᓂᐊᕐᕕᖓ 239, ᕿᑭᖅᑕᕐᔪᐊᖅ, ᓄᓇᕗᑦ X0A 0B0 | ᐅᖄᓚᐅᑖ: 867•927•8195 | ᓱᑲᑦᑐᑰᕈᑖ: 867•927•8196 | lkullualik@qia.ca |
| ᓲᓴᓐ ᓴᓪᓗᕕᓂᖅ | ᖃᐅᓱᐃᑦᑐᖅ | ᑎᑎᖅᑲᓂᐊᕐᕕᖓ 118, ᖃᐅᓱᐃᑦᑐᖅ, ᓄᓇᕗᑦ X0A 0V0 | ᐅᖄᓚᐅᑖ: 867•252•3127 | ᓱᑲᑦᑐᑰᕈᑖ: 867•252•3129 | ssalluviniq@qia.ca |
| ᔫᓕ ᐃᒥᖅᑯᑕᐃᓚᒃ | ᓴᓂᑭᓗᐊᖅ | ᑎᑎᖅᑲᓂᐊᕐᕕᖓ 90, ᓴᓂᑭᓗᐊᖅ, ᓄᓇᕗᑦ X0A-0W0 | ᐅᖄᓚᐅᑖ: 867•266•8162 | ᓱᑲᑦᑐᑰᕈᑖ: 867•266•8163 | jemikotailak@qia.ca |
ᑎᒥᖁᑎᕗᑦ
ᑮᓇᐅᔭᕗᑦ
ᐅᑑᕙᒥ 2016ᒥ, ᕿᑭᖅᑕᓃᒃᑯᑦ ᓴᖅᑭᑎᑦᓯᓚᐅᕐᒪᑕ ᓄᑖᒥᒃ ᑮᓇᐅᔭᐃᑦ ᐃᓯᖅᑐᓄᑦ ᐊᑐᐊᒐᕐᒥ ᐊᑐᖅᑕᐅᓂᐊᖅᖢᓂ ᖃᓄᖅ ᕿᑭᖅᑕᓃᒃᑯᓐᓄᑦ ᑮᓇᐅᔭᐃᑦ ᐃᓯᖅᑐᑦ ᑭᓱᓄᑦ ᐊᑐᕐᓂᐊᕐᒪᖔᑖᒃ ᐊᒻᒪᓗ ᑐᓂᐅᖅᑲᐅᑕᐅᓂᐊᕐᓂᖏᑦ ᐱᔨᑦᓯᑦᓯᐊᒃᑲᓐᓂᕈᒪᓪᓗᑎᒃ ᕿᑭᖅᑕᓂ ᐃᓄᖕᓂ. ᑐᕌᒐᖃᓚᐅᖅᑐᑦ ᓇᓗᓇᐃᖅᓯᒍᒪᓪᓗᑎᒃ ᒪᑐᐃᖓᑦᓯᐊᕐᓂᖓᓂ ᓴᖅᑭᔮᑦᓯᐊᕐᓂᖓᓂᓗ ᑮᓇᐅᔭᐃᑦ ᐅᓂᒃᑳᕆᔭᐅᓂᖏᓐᓄᑦ ᖃᓄᖅ ᐊᑐᖅᑕᐅᖕᒪᖔᑖᒃ ᑮᓇᐅᔭᐃᑦ. ᑖᓐᓇ ᑮᓇᐅᔭᓄᑦ ᐃᓯᖅᑐᓄᑦ ᐊᑐᐊᒐᖓ ᓴᖅᑭᑎᑦᓯᓚᐅᕐᒥᔪᖅ ᒪᕐᕉᓂᒃ ᓄᑖᓂᒃ ᑮᓇᐅᔭᖃᕐᕕᓂᒃ:
- ᑐᖅᑯᖅᓯᒪᔪᓂᒃ ᑮᓇᐅᔭᓂ, ᑮᓇᐅᔭᓂᒃ ᐱᕈᖅᑎᑦᓯᓂᐊᖅᑐᒥᒃ ᐊᑐᖅᑕᐅᔪᒃᓴᒫᖑᓂᐊᖅᖢᑎᒃ ᓯᕗᓂᒃᓴᒥ
- ᐃᑲᔪᓯᐊᒃᓴᓄᑦ ᑮᓇᐅᔭᐃᑦ, ᓴᖅᑭᑎᑦᓯᒍᑕᐅᓪᓗᑎᒃ ᐱᓕᕆᐊᒃᓴᓂ ᐃᓄᖕᓄᑦ
ᑖᒃᑯᐊ ᑐᖅᑯᖅᓯᒪᔪᑦ ᑮᓇᐅᔭᐃᑦ ᐃᓯᖅᑐᓂ ᐃᓕᔭᐅᓯᒪᔪᑦ ᐊᔾᔨᒌᙱᑦᑐᓂᓐᖔᖅᑐᓂᒃ ᐊᑭᓕᐅᓯᐊᓂᑦ ᓱᕐᓗ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᓂ ᐊᖏᕈᑎᓂᑦ (ᐊᖏᕈᑎᑦ), ᑮᓇᐅᔭᐃᑦ ᐱᔭᐅᕙᒃᑐᑦ ᓄᓇᕗᑦ ᑐᙵᕕᒃᑯᓐᓂᑦ, ᐅᔭᕋᕐᓂᐊᕐᕕᖕᓂᑦ ᐅᔭᕋᕐᓂᐊᖅᑎᓪᓗᒋᑦ ᐃᓄᐃᑦ ᓄᓇᖁᑎᖏᓐᓂᑦ , ᑮᓇᐅᔭᖅᑖᖅᐸᒃᖢᑎᒃ ᓯᐅᕋᕐᓂ ᑐᐊᐸᓂᓪᓗ ᐊᑐᕐᓂᕐᒧᑦ ᐃᓄᐃᑦ ᓄᓇᖁᑎᖏᓐᓂᑦ, ᓂᖏᖅᑕᐅᔪᓂᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᑦ ᐊᒻᒪ ᓄᓇᓯ ᑯᐊᐳᕇᓴᒃᑯᓐᓂᓗ , ᐊᒻᒪᓗ ᑐᖅᑯᖅᓯᒪᔪᓂᑦ ᑮᓇᐅᔭᐃᑦ ᑮᓇᐅᔭᓕᐅᕈᑕᐅᔪᓂᑦ.
ᑖᓐᓇ ᐃᑲᔫᓯᐊᒃᓴᓄᑦ ᑮᓇᐅᔭᐃᑦ ᐊᑐᖅᑕᐅᖃᑦᑕᖅᑐᑦ ᐃᓅᓯᕐᓂ ᐃᓕᖅᑯᓯᕐᒥᓗ ᐱᓕᕆᐊᒃᓴᓄᑦ ᕿᑭᖅᑕᓂ ᓄᓇᓕᖕᓂᑦ. ᑖᒃᑯᐊ ᐃᑲᔫᓯᐊᒃᓴᓄᑦ ᑮᓇᐅᔭᐃᑦ ᑮᓇᐅᔭᖅᑖᕙᒃᑐᑦ ᑐᖅᓯᒪᔪᓂ ᑮᓇᐅᔭᓂᑦ ᐊᕐᕌᒍᑕᒫᕐᒥᓗ ᑐᕌᒐᖃᖅᖢᑎᒃ ᑮᓇᐅᔭᓕᐅᖅᑕᐅᔪᓂᒃ 4%ᓂ, ᓈᓴᐅᓯᖅᑐᖅᑕᐅᓪᓗᑎᒃ ᐊᒻᒪᓗ ᐋᖅᑭᒋᐊᖅᑕᐅᕙᒃᖢᑎᒃ ᓴᖅᑭᑕᐅᓚᐅᖅᑎᓪᓗᒋᑦ ᑖᒃᑯᐊ ᑕᒻᒪᖅᓯᒪᔪᖅᓯᐅᖅᑕᐅᓯᒪᔪᑦ ᑮᓇᐅᔭᐃᑦ ᓇᓕᖅᑲᖏᑦ
ᐃᑲᔫᓯᐊᒃᓴᓂ ᑮᓇᐅᔭᓄᑦ ᐊᕐᕌᒍᑕᒫᖅᓯᐅᒻᒥ ᐅᓂᒃᑳᖏᑦ ᐅᓂᒃᑳᖅᓯᒪᔪᑦ ᐱᓕᕆᐊᖑᓚᐅᖅᑐᓂᒃ ᐊᑐᖅᑕᐅᓪᓗᓂ ᐃᑲᔫᓯᐊᒃᓴᓂ ᑮᓇᐅᔭᖏᑦ.
