ᕿᑭᖅᑕᓂ ᐃᓄᐃᒃ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓂᕿᖃᑦᑎᐊᖁᔨᓂᖅ ᐱᔾᔪᑎᐅᓪᓗᓂ ᓂᕿᑖᕈᓐᓇᐅᑎᑖᖅᑎᑦᑎᑲᑕᖕᓂᐊᓕᕐᒥᖕᒪᑕ ᐊᓂᑲᑕᒋᐊᖃᕈᓐᓃᑦᑎᑕᐅᓂᖏᓐᓄᑦ ᓄᓇᑦ ᓇᓗᓇᐃᖅᑕᐅᔪᑦ ᓂᐅᕕᕈᓐᓇᐅᓂᒃ ᑐᓐᓂᖅᓴᖅᑕᐅᓂᐊᖅᑐᑦ ᓄᐊᑦᑕᐅᓯᒪᔪᓂ ᑐᓂᖅᓴᖅᑕᐅᓂᐊᓕᕆᓪᓗᑎᒃ ᕿᑭᖅᑕᕐᔪᐊᕐᒥᑦ ᓴᓂᕋᔭᖕᒥᐅᓄᓪᓗ.

ᕿᑭᖅᑕᓂᕐᒥᐅᑦ ᐃᓄᐃᑦ ᓄᓇᖃᖅᑐᑦ ᕿᑭᖅᑕᕐᔪᐊᓂ ᓴᓂᕋᔭᖕᒥᓪᓗ ᓂᕆᔭᒃᓴᓄᑦ ᓂᐅᕕᕈᓐᓇᐅᑎᑖᖃᑕᐅᔪᓐᓇᖅᑐᑦ. ᓄᐊᑕᐅᓯᒪᔪᒡᓗ ᓂᕿᓂᒃ ᑐᓐᓂᖅᓴᖅᑕᐅᓂᐊᕐᒥᔪᑦ ᑕᒪᐃᓐᓂ ᐃᒡᓗᖃᖅᑎᐅᔪᓕᒫᑦ

“ᓄᓇᓕᓕᒫᑦ ᓄᕙᖕᓇᕐᔪᐊᖅ-19ᒧᑦ ᐊᒃᑐᖅᑕᐅᓯᒪᔪᑦ ᐃᓱᒪᒋᒐᓗᐊᖅᐸᕗᑦ ᕿᑭᖅᑕᓂᕐᒥᐅᑕᐅᔪᑦ” ᐊᖓᔪᖅᑳᖅ ᐅᓛᔪᑦ ᐊᑭᓱᒃ ᐅᖃᖅᑐᖅ,“ ᕿᑭᖅᑕᕐᔪᐊᓂ ᓴᓂᕋᔭᖕᒥᓪᓗ  ᓄᕙᖕᓇᕐᔪᐊᖅ-19ᒧᑦ ᐊᒃᑐᖅᑕᐅᓂᓯᒪᖕᒪᑎᒃ ᑖᒃᑯᐊ ᓄᓇᓖᑦ ᐃᑲᔪᖅᑕᐅᓇᓱᖕᓂᐊᕐᒪᑎᒃ ᓂᕆᔭᒃᓴᖃᕈᓐᓇᐅᑎᒃᑯᑦ ᐅᓗᕆᐊᓇᖅᑐᒃᑰᖅᑎᓪᓗᒋᑦ.”

ᐃᒪᐃᓕᖓᓂᐊᖅᑐᒍᑦ:

 ᕿᑭᖅᑕᕐᔪᐊᖅ

• ᐱᒋᐊᕐᓗᓂ ᑎᓯᐱᕆ 29ᒥ, ᕿᑭᖅᑕᓃᒃᑯᑦ ᑯᐊᐸᒃᑯᓪᓗ ᓂᐅᕕᕈᓐᓇᐅᑎᓂᒃ $250ᓂᒃ ᑐᓐᓂᖅᓴᐃᓂᐊᖅᑐᑦ.
• ᓂᐅᕕᕈᓐᓇᐅᑎᒃᑲᓐᓂᕐᒥᓪᓗ, $250ᖃᓪᓗᐊᕐᓗᓂ, ᐱᓇᓱᐊᕈᓯᙳᖅᐸᓪᓕᐊᔪᑦ ᐃᓗᐊᓂ ᑐᓐᓂᖅᓴᖅᑕᐅᓛᕆᓪᓗᑎᒃ.
• ᓂᐅᕕᕈᓐᓇᐅᑖᕈᑏᑦ ᑐᓂᔭᐅᔪᓪᓗ ᐊᒃᑐᖃᑦᑕᐅᑎᑦᑕᐃᓕᓂᒃᑰᕐᓂᐊᖅᑐᖅ ᑐᓐᓂᖅᓴᖅᑕᐅᓕᖅᑎᓪᓗᒋᑦ ᑕᒪᐃᓐᓄᑦ ᐃᒡᓗᖃᖅᑎᐅᔪᓄᑦ ᕿᑭᖅᑕᕐᔪᐊᓂ.

ᓴᓂᕋᔭᒃ

• ᐱᒋᐊᕐᓗᓂ ᔮᓄᐊᕆ 3ᒥ, 2022, ᕿᑭᖅᑕᓃᒃᑯᑦ ᖁᐊᐸᒃᑯᓪᓗ ᑐᓐᓂᖅᓴᐃᓕᕐᓂᐊᑦᑐᑦ ᓄᐊᓯᒪᔪᓂᒃ ᓂᕿᓂᒃ, ᐊᑭᖃᓪᓗᐊᓂᓗ$350ᓂᒃ.
• ᓂᕿᓂᒃ ᓄᐊᑕᐅᓯᒪᔪᓂᒃ ᐊᒃᑐᖃᑦᑕᐅᑎᑦᑕᐃᓕᓂᒃᑰᕐᓂᐊᖅᑐᖅ ᑐᓐᓂᖅᓴᖅᑕᐅᓕᖅᑎᓪᓗᒋᑦ ᑕᒪᐃᓐᓄᑦ ᐃᒡᓗᖃᖅᑎᐅᔪᓄᑦ ᓴᓂᕋᔭᖕᒥ.
• ᓂᐅᕕᕈᓐᓇᐅᑏᑦ, $250ᒧᑦ ᐊᑭᖃᓪᓗᐊᕐᖢᑎᒃ, ᐃᒡᓗᖃᑦᑎᐅᔪᓄᑦ ᐋᑕᐅᑲᑕᓕᓚᐅᖅᑐᑦ ᑎᓯᐱᕆ 24ᒥ ᓴᓂᕋᔭᖕᒥ.

ᐃᓄᐃᑦ ᐃᓄᒋᐊᒃᑐᒥᐅᑕᑦ ᐃᒡᓗᒥᐅᖃᑎᒌᒃᖢᑎᒃ ᑐᓴᖅᑎᑦᑎᖁᔭᐅᕗᑦ ᓄᓇᖏᓐᓂ ᕿᑭᖅᑕᓂ ᐃᖅᑲᓇᐃᔭᖅᑎᖏᓐᓂᒃ ᐃᑲᔪᖅᑕᐅᒃᑲᓐᓂᕆᐊᖃᕐᓂᖏᓐᓂᒃ.

ᕿᑭᖅᑕᓃᒃᑯᑦ ᓂᐅᕕᕈᓐᓇᐅᑎᓂᒃ ᓂᕿᓂᒡᓗ ᑐᓐᓂᖅᓴᐃᓂᐊᕐᒪᑕ ᑯᐊᐸᒃᑯᓐᓂ ᐃᑲᔪᖃᑎᖃᖅᖢᑎᒃ. ᑮᓇᐅᔭᑦ ᕿᑭᖅᑕᓃᒃᑯᑦ ᓄᕙᖕᓇᕐᔪᐊᖅ-19ᓕᕆᑎᓪᓗᒋᑦ ᑐᓂᔭᐅᓯᒪᕗᖅ ᑲᓇᑕᐅᑉ ᒐᕙᒪᖓᓂ ᓄᓇᖃᖅᑳᖅᑐᑦ ᓄᓇᓕᖏᑦ ᐃᑲᔪᖅᑕᐅᖁᓪᓗᒋᑦ.

ᑐᓴᕆᐊᒃᑲᓐᓂᕈᑎᒋᔪᒪᒍᕕᐅᒃ ᑕᒪᓐᓇ, ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕈᓐᓇᖅᐳᑎᑦ ᐅᕗᖓ: COVID-19@qia.ca or
ᐅᖄᓚᐅᑎᖓ: 1-867-975-8383.

ᐃᑭᐊᖅᑭᕕᒃᑯᑦ ᑕᑯᒋᐊᕈᓐᓇᕐᒥᔭᑎᑦ ᐅᕙᓂ qia.ca ᑐᓴᖅᑕᐅᔪᒃᓴᑦ ᓄᑖᙳᕆᐊᖅᑕᐅᖏᓐᓇᖅᑐᓪᓗ.

ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒋᒍᒃ:
ᕕᐅᓪ ᕼᐋᑉᑭᓐᔅ ᑐᑭᒧᐊᒃᑎᑦᑎᒋᔭᐅᓚᐅᑲᒃᑐᖅ ᑐᓴᐅᒪᔪᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 ᐅᓇᓘᓐᓃᑦ
1.800.667.2742