ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᒃᓱᒃᐳᑦ ᐃᓄᐃᑦ ᓇᐅᑦᑎᖅᓱᖅᑏᑦ ᓴᓂᑭᓗᐊᕐᒥ ᐱᒋᐊᕐᒥᖕᒪᑦ.

ᐋᒡᒌᓯ 13, 2021ᒥ, ᒥᓂᔅᑕ ᑖᓂᐅᓪ ᕚᓐᑐᓪ, ᒥᓂᔅᑕ ᐅᑭᐅᑕᖅᑐᓕᕆᓂᕐᒧᑦ ᕿᑭᖅᑕᓃᒃᑯᓪᓗ ᐊᖓᔪᖅᑳᕆᓚᐅᑲᒃᑕᖓ, ᐅᓛᔪᒃ ᐊᑭᓱᑦ, ᒐᕙᒪᑐᖃᒃᑐᑦ ᓴᓂᕐᕙᐃᔾᔪᑎᒋᔮ $3.4 ᒥᓕᐊᓐᓂᒃ ᐃᒪᕐᒥᐅᑕᓕᕆᔨᒃᑯᑦ ᐊᕐᕌᒎᖕᓄᑦ ᒪᕐᕉᖕᓄᑦ.

ᓇᐅᑦᑎᖅᓱᖅᑏᑦ ᐃᒋᐊᖅᑕᐅᓚᐅᖅᓯᒪᕗᖅ 2018ᒥ ᐃᒃᐱᐊᕐᔪᖕᒥ ᑕᓪᓗᕈᑎᐅᑉ ᐃᒪᖓ ᑐᕙᐃᔪᐃᑦᑑᓪᓗ ᐊᖏᖃᑎᒌᒍᑎᖓᓂ ᓴᖅᑭᑕᐅᓪᓗᓂ. ᐱᒋᐊᖅᑕᐅᓂᖓ ᐊᔪᖏᑦᑎᐊᕐᓂᖓᓄᑦ ᐃᓚᒋᐊᖅᓯᓚᐅᖅᑐᑎᑦ ᑕᓪᓗᕈᑎᐅᑉ ᐃᒪᖓᑕ ᓄᓇᓕᖏᓐᓂᒃ ᑎᓴᒪᓂᒃ ᑲᖏᖅᑐᒑᐱᑦ, ᐊᐅᓱᐃᑦᑐᖅ, ᒥᑦᑎᒪᑕᓕᒃ ᖃᐅᓱᐃᑦᑐᕐᓗ.

ᓴᓂᑭᓗᐊᕐᒥ ᐱᒋᐊᖅᑕᐅᓂᖓ ᕿᑭᖅᑕᓃᒃᑯᑦ ᐃᒪᕐᒥᐅᑕᓕᕆᔨᒃᑯᓪᓗ ᐊᖏᖃᑎᒌᒍᑎᖓᓂ ᐱᒋᐊᖅᑕᐅᓚᐅᖅᑐᖅ ᓂᕆᐅᒃᑐᑦ ᓴᖅᑭᑦᑎᓂᐊᕐᓂᖓᓂ ᕿᑭᖅᑕᐃᑦ ᐃᒪᖓᑕ ᓴᐳᔾᔭᐅᕕᖓᓂ. ᐱᒋᐊᖅᑕᐅᓂᕆᔭᖓ ᐃᑲᔪᖅᑐᐃᓂᐊᖅᑐᖅ ᓴᖅᑭᑦᑏᔾᔪᑎᐅᓗᓂ 7ᓂᒃ ᐃᖅᑲᓇᐃᔮᒃᓴᓂᒃ, ᐱᓕᒻᒪᒃᓴᐅᑎᓂᒃ, ᐱᖁᑎᑖᖅᑐᕈᓐᓇᖅᓯᓗᑎᒡᓗ, ᓇᐅᑦᑎᖅᓱᖅᑏᓪᓗ ᐱᒋᐊᖅᑕᐅᓂᖓᓂᒃ.

ᕿᑭᖅᑕᐃᑦ, ᓴᓂᑭᓗᐊᑉ ᕿᑭᖅᑕᖓᓃᒃᑐᑦ, ᐃᓚᒋᔭᖃᖅᑐᖅ 1,500 ᐅᖓᑖᓃᑦᑐᓂᒃ ᕿᑭᖅᑕᓂᒃ ᓄᓇᖓ ᐊᕙᓗᔭᐅᓯᒪᔪᖅ 5,000 ᑭᓛᒪᑐᓂ ᓯᒡᔭᖃᖅᖢᓂ. 35ᖑᔪᑦ ᐊᐅᒃᑲᓐᓃᑦ ᐅᑎᖅᐸᒃᑐᓂᒃ 30,000 ᑭᓛᒥᑕᓂᒃ²  ᐃᓗᐊᓂ ᓴᖅᑭᑉᐸᒃᑐᑦ, ᑕᒪᓐᓇ ᓴᓂᑭᓗᐊᕐᒦᑦᑐᑦ ᓇᔪᒐᕆᔭᐅᕗᖅ ᐆᒪᔪᓂᒃ, ᐊᐅᓪᓚᖅᐸᖏᑦᑐᑦ ᒥᑏᑦ ᐃᓚᒋᔭᐅᓪᓗᑎᒃ.

ᕿᑭᖅᑕᓃᒃᑯᑦ ᓇᐅᑦᑎᖅᓱᖅᑏᑦ ᐊᐅᓚᓂᖃᑦᑎᐊᕐᓂᖓᓄᑦ ᐃᓄᐃᑦ ᐱᔪᒪᔭᖏᓐᓂᒃ ᐱᒋᐊᖅᑕᐅᑎᓪᓗᒍᑦ, ᑲᒪᒋᔭᐅᑎᓪᓗᒍ ᐊᐅᓚᑕᐅᑎᓪᓗᒍᓗ ᑕᓪᓗᕈᑎᐅᑉ ᐃᒪᖓ ᑲᓇᑕᐅᑉ ᐃᒪᖓᓂ ᓴᐳᔾᔭᐅᓯᒪᓂᕐᒥᒃ.

ᓇᐅᑦᑎᖅᓱᖅᑏᑦ ᐃᓄᖕᓄᑦ ᐃᖅᑲᓇᐃᔮᒃᓴᓂᒃ ᓴᖅᑭᑦᑏᓯᒪᓕᖅᐳᖅ ᐸᐸᑦᑎᔨᐅᕐᓗᑎᒃ ᐊᖑᓇᓱᒃᑎᐅᓪᓗᑎᒡᓗ. ᓇᐅᑦᑎᖅᓱᖅᑏᑦ ᑭᒡᒐᖅᑐᐃᔨᐅᕗᑦ ᓴᐳᔾᔭᐅᖁᓪᓗᒍ ᑕᕆᐅᖅ ᓄᓇᓗ. ᖃᐅᔨᓴᖅᑎᑐᐃᓐᓇᐅᖏᑦᑐᑦ, ᓇᐅᑦᑎᖅᓱᖅᑏᑦ ᐸᖅᓱᐃᔪᓂᒃ ᐃᑲᔪᖃᑦᑕᖅᐳᑦ ᐊᖑᓂᒃᑕᐅᔪᓪᓗ ᐃᓐᓇᕐᓄᑦ ᓄᓇᓕᖕᓄᓪᓗ ᐃᑲᔪᕈᑎᐅᕙᒃᖢᑎᑦ ᐃᓄᐃᑦ ᓂᕿᖏᓐᓂᒃ ᐊᑐᐃᓐᓇᐅᑎᑕᐅᖁᓪᓗᒋᑦ.

“ᑕᒪᓐᓇ ᓇᐅᑦᑎᖅᓱᖅᑏᑦ ᐱᒋᐊᖅᑕᐅᓂᖓ ᕿᑭᖅᑕᓂ ᐱᒻᒪᕆᐅᖕᒪᑦ ᐃᒫᓂ ᑮᓇᐅᔭᓕᐅᕈᓐᓇᕐᓂᕐᒧᑦ ᖃᓄᖅᑑᕈᑎᖃᑎᖅᑎᓪᓗᑕ. ᐱᓕᕆᐊᖅ ᐊᔾᔨᒌᒃᑎᑦᑎᓂᕐᒧᑦ ᐃᓄᐃᑦ ᑮᓇᐅᔭᓕᐅᕈᓐᓇᐅᑎᒃᓴᖏᓐᓂᒃ ᐋᖅᑭᒃᑕᐅᓯᒪᕗᖅ- ᐃᓄᐃᑦ ᓂᕿᑦᑎᐊᕙᖏᓐᓂᒃ ᐊᑐᐃᓐᓇᕈᐃᓪᓗᓂ ᐊᑦᑕᕐᓇᖏᑦᑐᒥᓪᓗ ᐃᑲᔪᖅᑐᐃᓪᓗᓂ ᓄᒃᑕᖅᑎᓄᑦ. ᐊᓕᐊᓇᐃᒍᓱᒃᑐᒍᑦ ᑕᒪᓐᓇ ᐅᖃᐅᓯᕆᔭᐅᓂᖓᓂᒃ ᑕᐃᒪᑐᖅ ᒐᕙᒪᑐᖃᒃᑯᑦ ᐱᓕᖃᑎᒋᒃᑲᓐᓂᑦᑎᐊᓛᖅᐸᕗᑦ.” ᐅᓛᔪᒃ ᐊᑭᓱᒃ, ᕿᑭᖅᑕᓃᒃᑯᓐᓄᑦ ᐊᖓᔪᖅᑳᕆᔭᐅᓚᐅᑲᒃᑐᖅ.”