ᓄᓇᓕᕆᓂᕐᒧᑦ ᐊᕙᑎᑦᑎᓐᓂᒃ ᐱᓕᕆᐊᓖᑦ ᑲᑐᔾᔨᔪᑦ ᐊᒻᒪ, ᑕᕆᐅᕐᒥᐅᑕᓕᕆᔨᑦ ᑲᑐᔾᔨᔪᑦ ᑖᒃᑯᐊ ᓇᐅᑦᓯᖅᑐᖅᐸᒃᑐᑦ ᐊᒃᑑᑕᐅᔪᓂᒃ ᓄᓘᔮᑦ ᐱᓕᕆᐊᖓᓐᓂᒃ, ᑲᑎᒪᓂᖃᓚᐅᖅᑐᑦ ᑐᒡᓕᐊᓂ ᑲᑎᒪᓂᐅᔪᒥ ᐋᑐᕚᒥ ᒪᐃ 3^rd ᐊᒻᒪ 4^th. https://www.qia.ca//qia-and-mittimatalik-htos-to-monitor-environmental-impact-of-mary-river-mine/

ᑖᒃᑯᐊ ᒪᕐᕉᒃ ᑲᑐᔾᔨᖃᑎᒌᑦ ᐃᓚᖃᖅᑐᑦ ᑭᒡᒐᖅᑐᐃᔨᖃᖅᑐᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᒥᑦᑎᒪᑕᓕᒃ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᑦ, ᓄᓘᔮᓂᒃ ᐊᒻᒪ ᑭᒡᒐᖅᑐᐃᔩᑦ ᒐᕙᒪᑐᖃᒃᑯᓐᓂᒃ ᐊᒻᒪ ᐊᕕᒃᑐᖅᓯᒪᓂᐅᔫᑉ ᒐᕙᒪᖏᑦ, ᕿᒥᕐᕈᖃᑦᑕᖅᑐᑦ ᐊᒃᑐᐃᔾᔪᑎᖏᓐᓂᒃ ᓄᓘᔮᑦ ᐱᓕᕆᐊᖓᑦᑕ ᐱᓪᓗᒋᑦ ᐃᓄᐃᑦ ᓄᓇᖏᑦ, ᐃᒪᐃᑦ ᐊᒻᒪ ᐆᒪᔪᐃᑦ.

ᑖᒃᑯᐊ ᑲᑐᔾᔨᔪᑦ ᐅᖃᐅᓯᖃᓚᐅᖅᑐᑦ ᖃᑦᓯᑲᓪᓚᖕᓂᑦ ᐅᖃᐅᓯᒃᓴᓂᒃ:  ᒪᕐᕉᖕᓂᑦ ᐃᓱᒪᓕᐅᕈᑎᖃᓗᐊᓚᐅᖅᑐᑦ ᐊᒃᑐᐃᔪᓐᓇᖅᑐᓂᒃ ᓴᓂᕋᔭᖕᒥᑦ, ᐃᒡᓗᓕᒃ, ᑲᖏᖅᑐᒑᐱᒃ ᐊᒻᒪ ᐃᒃᐱᐊᕐᔪᒃ.

ᓯᕗᓪᓕᖅ ᐃᓱᒪᓕᐅᕈᑕᐅᔪᖅ ᓴᖅᑭᑎᑦᓯᒍᒪᓪᓗᑎᒃ ᓄᓇᓕᖕᓂ ᓇᐅᑦᓯᖅᑐᖅᑎᐅᓂᐊᖅᑐᓂᒃ ᓄᓇᓕᖕᒥᐅᓂᒃ ᓇᐅᑦᑎᖅᑐᖅᑎᓪᓗᒋᑦ ᐊᕕᒃᑐᖅᓯᒪᓂᐅᔪᒥᒃ.  ᑐᕌᒐᖓ ᑕᒪᒃᑯᐊ ᐃᓄᐃᑦ ᖃᐅᔨᒪᑦᓯᐊᖅᑐᑦ ᐆᒪᔪᕐᓂᑦ, ᓄᓇᓂᒃ, ᐃᒪᕐᓂᒃ ᓄᓘᔮᓄᑦ ᐊᒃᑐᖅᑕᐅᓯᒪᔪᑦ ᓄᓇᓖᑦ ᖃᐅᔨᒪᒐᓱᐊᕈᓐᓇᕐᓗᑎᒃ ᐊᒃᑑᑕᐅᔪᓂᒃ ᓴᓂᑦᓯᐊᖏᓐᓂ.

ᓇᐅᑦᓯᖅᑐᕐᓂᖅ ᐱᓕᕆᐊᓂᒃ ᐃᖕᒥᒃᑰᖅᑐᖅ ᓴᓂᐊᓂᒃ ᐆᒃᑐᕋᐅᑦ ᐱᓕᕆᖓᑦᑕ ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᒋᐊᓚᐅᖅᐅᑐᖅ ᒪᐃ ᒥᑦᑎᒪᑕᓕᖕᒥ.  https://www.qia.ca//qia-launches-pilot-community-based-monitoring-project-in-pond-inlet/  ᑭᓯᐊᓂ, ᐱᓕᕆᖃᑎᒌᒍᑕᐅᑐᐃᓐᓇᕆᐊᓖᑦ ᑖᒃᑯᐊ.  ᒫᓐᓇᒧᑦ ᑖᒃᑯᐊ ᑲᑐᔾᔨᔪᑦ ᐃᓱᒪᓕᐅᖅᓯᒪᔪᑦ ᐱᓕᕆᕙᓪᓕᐊᒍᒪᓕᖅᑐᑎᒃ ᒥᑦᑎᒪᑕᓕᖕᒥ.  ᑲᑎᒪᔨᕋᓛᑦ ᐱᓕᕆᐊᖃᕐᓂᐊᖅᑐᑦ ᐱᐊᓂᒐᓱᐊᕐᓗᒋᑦ ᖃᓄᐃᓕᖓᓂᒃᓴᖏᑦ ᑖᑦᓱᒪ ᓄᓇᓕᖕᓂ ᓇᐅᑦᓯᖅᑐᐃᓂᐅᓂᐊᖅᑐᖅ ᐱᒋᐊᖅᑕᐅᔪᖅ ᓯᐊᕈᒃᑲᓐᓂᖅ ᔫᓂᒥ.

ᐊᓯᖏᑦ ᐱᒻᒪᕆᐅᔪᑦ ᐃᓱᒪᓕᐅᕈᑕᐅᓚᐅᖅᑐᑦ ᑕᒡᕙᓂ ᑲᑎᒪᓂᐅᕗᒥ ᐱᓪᓗᒋᑦ ᐅᒥᐊᕐᔪᐊᓂ ᓇᐅᑦᓯᖅᑑᑕᐅᕙᒃᑐᑦ ᑕᒪᒃᑯᐊ ᓇᐅᑦᓯᖅᑐᐃᔩᑦ ᐃᖏᕐᕋᔭᖃᑕᐅᔪᓐᓇᖃᑦᑕᖅᑐᑦ ᓄᓘᔮᑦ ᐅᒥᐊᕐᔪᐊᖓᒍᑦ ᐊᒃᑐᐃᓂᖃᕐᒪᖔᑕ ᑕᕆᐅᕐᒥᐅᑕᕐᓂᒃ.  ᑖᓐᓇ ᐱᓕᕆᐊᖅ ᓄᖅᑲᖅᑎᑕᐅᓚᐅᖅᑐᖅ 2014 ᐊᑦᑕᕐᓇᕆᐊᖃᓐᖏᓐᓂᖅ ᐱᔾᔪᑕᐅᓪᓗᓂ.

ᒫᓐᓇ, ᑖᒃᑯᐊ ᑲᑐᔾᔨᔪᑦ ᐅᒥᐊᕐᔪᐊᓂ ᓇᐅᑦᓯᖅᑐᖅᑎᒃᓴᓂᒃ ᕿᓂᓕᕐᒥᔪᑦ ᐱᒋᐊᖅᑕᐅᓛᕐᓗᓂ ᐊᑦᑕᕐᓇᖏᓐᓂᖅᓴᐅᓗᒍ ᒫᓐᓇᒫᖅ ᓯᕗᓂᒃᓴᓂ.

ᐊᓯᐊᑦᑕᐅᖅ ᐅᖃᐅᓯᒃᓴᖅ ᓴᖅᑭᑎᑕᐅᓚᐅᖅᑐᖅ ᑖᒃᑯᓇᓂ ᓄᓇᓕᕆᓂᕐᒧᑦ ᐊᕙᑎᑦᑎᓐᓂᒃ ᐱᓕᕆᐊᓖᑦ ᑲᑐᔾᔨᔪᑦ ᑕᒪᒃᑯᐊ ᐊᐅᓚᑕᐅᓂᖓ ᐳᔪᕐᓗᒃ ᐅᔭᕋᖕᓂᐊᕐᕕᖕᒥ.  ᑖᒃᑯᐊ ᐅᓯᑲᑦᑕᐅᑏᑦ ᓄᓇᒃᑰᔫᑦ ᐳᔫᖅᑎᑦᓯᒻᒪᕆᖃᑦᑕᕐᒪᑕ ᐊᖅᑯᑎᓂᒃ ᐊᒡᔭᖅᓯᑲᑕᒡᕕᖕᒥᑦ, ᐅᖓᑖᓅᓂᖅᓴᖅ ᓂᕆᐅᒋᔭᐅᓚᐅᖅᑑᑉ.

ᓄᓘᔮᑦ ᓴᖅᑭᑎᑦᓯᓯᒪᔪᑦ ᐱᓕᕆᐊᖃᕐᓂᐊᖅᑐᓂᒃ ᐃᒪᓕᖅᑐᐃᓂᖅᓴᐅᓗᑎᒃ ᐊᒻᒪ ᐃᓚᒃᓴᖃᕐᓗᒋᑦ calcium chloride ᐊᖅᑯᑎᓄᑦ ᐳᔫᓗᐊᓐᖏᓐᓂᖅᓴᐅᖁᓪᓗᒍ.

ᖃᑦᓯᑲᓪᓚᐃᑦ ᑕᕆᐅᓕᕐᓂᕐᒧᑦ ᐊᒻᒪ ᓄᓇᓕᕆᓂᕐᒧᑦ ᓇᐅᑦᓯᖅᑑᑕᐅᔪᑦ ᓴᖅᑭᓚᐅᖅᑐᑦ ᒪᑯᓇᓂ ᐊᕐᕌᒍᐊᓂ 2016 ᐊᒻᒪ 2017.

ᐅᑯᐊᖑᕗᑦ ᑎᑎᖅᑕᐅᓯᒪᔪᖅ ᑕᒪᒃᑯᐊ ᐱᓕᕆᐊᖑᑲᐃᓐᓇᖅᑐᑦ:

ᓇᐃᓪᓕᑎᖅᓯᔪᑦ 2016 ᑕᕆᐅᕐᒥᐅᑕᕐᓄᑦ ᓇᐅᑦᓯᖅᑑᑏᑦ

• ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᓕᕆᔨᒃᑯᓪᓗ ᐊᓪᓚᓐᖑᐊᓂᒃ ᓂᕕᑲᑖᓕᖅᑐᐃᓂᖏᑦ ᓄᓐᖑᐊᓂ ᔪᓚᐃ ᑎᑭᑦᑐᒍ ᓯᑎᐱᕆ
• ᑖᓐᓇ Bruce Head ᐱᓕᕆᐊᖅ ᓴᖅᑭᓚᐅᖅᑐᖅ ᓄᓐᖑᐊᓂ ᔪᓚᐃ ᑎᑭᑦᑐᒍ ᐊᐅᒍᓯ ᐊᒻᒪ ᕿᒥᕐᕈᓪᓗᑎᒃ ᖃᓄᐃᓕᒐᔭᕐᒪᖔᑕ ᐊᓪᓚᓐᖑᐊᑦ ᐅᒥᐊᕐᔪᐊᓄᑦ
• ᑕᒪᒃᑯᐊ ᐊᒥᓲᓂᖏᑦ ᐊᒻᒪ ᓅᑦᑕᕐᓂᖏᑦ ᐊᓪᓚᓐᖑᐊᑦ ᕿᒥᕐᕈᔭᐅᓚᐅᕐᒥᔪᑦ
• ᑖᒃᑯᐊ ᓄᓇᓖᑦ ᐊᖑᓇᓱᒃᑎᖏᑦᑕ ᑲᑐᔾᔨᖃᑎᒌᖏᑦ ᐃᓚᐅᓚᐅᖅᑐᑦ ᑕᒪᑐᒧᖓ ᐱᓕᕆᐊᒧᑦ ᐊᒻᒪ ᖃᐅᔨᒪᔨᑕᐅᓪᓗᑎᒃ ᐊᒻᒪ ᐃᓕᓐᓂᐊᖅᑎᑕᐅᓪᓗᑎᒃ ᐃᓚᐅᔪᑦ
• ᐅᔾᔨᖅᑐᐃᓂᖅ ᐃᒪᕐᓄᑦ ᐊᒃᑑᑕᐅᔪᓂ ᐱᓕᕆᕕᐅᔪᑦ ᒥᒃᓵᓃᑦᑐᓂ
• ᐅᔾᔨᖅᑑᑕᐅᔪᑦ ᓴᖅᑭᓚᐅᖅᑐᑦ ᑕᐃᑲᓂ Milne Port ᓄᓐᖑᐊᓂ ᔪᓚᐃ ᑎᑭᑦᑐᒍ ᓯᑎᐱᕆ
• ᐃᓚᖃᓚᐅᖅᑐᑦ ᐃᕐᕋᒥᑦ ᐆᒃᑐᕋᐅᑎᑖᖅᑐᑎᒃ ᐅᔾᔨᖅᑑᑎᓂᒃ ᐊᒻᒪ ᖃᐅᔨᓴᕈᑎᒋᓪᓗᒋᑦ

ᓇᐃᓪᓕᑎᑦᓯᒪᓂᖏᑦ ᑖᒃᑯᐊ 2017 ᐅᔾᔨᖅᑐᐃᓂᕐᒧᑦ ᐱᓕᕆᐊᑦ.

• ᑖᒃᑯᐊ Bruce Head ᐊᓪᓚᓐᖑᐊᑦ ᖃᐅᔨᓴᖅᑕᐅᖏᓐᓇᖅᑐᑦ
• ᑖᒃᑯᐊ ᐃᑦᑕᖅᑯᑎᒃᓴᓂᒃ ᐃᒪᕐᓂᒃ ᖃᐅᔨᓴᕐᓂᒃ ᑲᔪᓯᓂᐊᖅᑐᖅ
• ᑖᒃᑯᐊ ᑕᕆᐅᕐᒥᐅᑕᐃᑦ ᐃᓂᖏᑦ ᐊᓯᐸᒃᑕᐅᔪᑦ ᓇᐅᑦᓯᖅᑐᖅᑕᐅᔪᑦ

ᓇᐃᓪᓕᑎᑦᓯᒪᓂᖏᑦ ᑖᒃᑯᐊ 2016 ᓄᓇᒥᐅᑕᕐᓂᑦ ᓇᐃᑦᓯᖅᑐᐃᔾᔪᑏᑦ

• ᐳᔪᖅ ᑲᑕᒃᐸᓪᓕᐊᓂᖓᑕ ᓇᐅᑦᓯᖅᑐᖅᑕᐅᔾᔪᑎᖏᑦ
  • ᐱᕈᖅᑐᖃᑦᓯᐊᕐᒪᖔᑦ ᓚᐅᑦᓯᖅᑑᑏᑦ
  • ᐱᕈᖅᑐᑦ ᐊᒻᒪ ᐃᑉᔪ ᓴᕕᒃᓴᖃᖅᑐᑦ ᓇᐅᑦᑎᖅᑐᖅᑕᐅᔪᑦ
  • ᐱᑕᖃᓗᐊᕋᔪᐃᑦᑐᑦ ᐱᕈᑦᑐᑦ ᓇᐅᑦᑎᖅᑐᖅᑕᐅᔪᑦ (ᐃᓚᐅᓪᓗᑎᒃ ᖃᐅᔨᔭᐅᔪᑦ)

• ᖁᓕᒥᒎᒃᑯᑦ ᕿᒥᕐᕈᓂᖅ
  • ᐊᐳᑎᒃᑯᑦ ᑐᒥᓂᒃ ᖃᐅᔨᓴᕈᑕᐅᓂᖏᑦ;
  • ᐊᐳᑏᑦ ᐳᖅᑐᓯᓯᒪᓂᖏᑦ ᖃᐅᔨᓴᖅᑕᐅᓂᖏᑦ;
  • ᐳᖅᑐᓂᖏᑦ ᓄᓇᓂ ᑐᒃᑐᐃᑦ ᖃᐅᔨᓴᖅᑕᐅᓂᖏᑦ;
  • ᓄᓇᓕᕆᔭᐅᓚᐅᓐᖏᓂᖏᓐᓂ ᒪᓐᓂᖃᕐᒪᖔ ᖃᐅᔨᓴᕐᓂᖏᑦ;
  • ᖃᖃᓂᒃ ᐳᖅᑐᔪᓂ ᓂᕿᑐᖅᑐᑦ ᑎᖕᒥᐊᑦ ᐃᓂᖃᕐᓂᖏᑦ ᐊᒻᒪ ᕿᑐᓐᖏᐅᕐᓂᖏᓐᓄᑦ ᖃᐅᔨᓴᖅᑕᐅᓂᖏᑦ

2017 ᓄᓇᓂ ᐅᔾᔨᖅᑑᑕᐅᒍᒪᔪᑦ ᐱᓕᕆᐊᑦ

• ᐊᐃᐳᕈ-ᐳᖅᑐᓂᖏᑦ ᓄᓇᐃᑦ ᐊᒻᒪ ᐊᐳᑏᑦ ᐊᒻᒪ
• ᐊᐳᑎᒃᑯᑦ ᑐᒥᓂᒃ ᖃᐅᔨᓴᖃᑎᖃᕐᓂᖅ ᒥᑦᑎᒪᑕᓕᖕᒥ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᑦ
• ᔫᓂ-ᐳᖅᑐᓂᖏᑦ ᓄᓇᐃᑦ ᐱᖃᑎᒋᓪᓗᒋᑦ ᒥᑦᑎᒪᑕᓕᖕᒥ ᐊᖑᓇᓱᒃᑏᑦ ᑲᑐᔾᔨᖃᑎᒌᖏᑦ
• ᔫᓂ-ᖃᖃᓂᒃ ᐳᖅᑐᔪᓂ ᓂᕿᑐᖅᑐᑦ ᑎᖕᒥᐊᑦ ᐃᓂᖃᕐᓂᖏᑦ ᖃᐅᔨᓴᖅᑕᐅᓂᖏᑦ
• ᔪᓚᐃ/ᐊᐅᒍᓯ-ᐱᕈᖅᑐᓂᒃ ᒥᕐᕈᑲᓐᓂᕐᓂᖅ
• ᐊᐅᒍᓯ- ᖃᖃᓂᒃ ᐳᖅᑐᔪᓂ ᓂᕿᑐᖅᑐᑦ ᑎᖕᒥᐊᑦ ᕿᑐᓐᖏᐅᕐᓂᖏᓐᓄᑦ ᖃᐅᔨᓴᕐᓂᖅ
• ᐅᑎᖅᑕᖅᑐᓂᒃ ᐊᒻᒪ ᐳᔪᕐᓗᖕᓂᑦ ᖃᐅᔨᓴᕐᓂᖅ