ᓯᑎᐱᕆ 20ᑎᓪᓗᒍ, ᓇᓗᓇᐃᕐᓯᔪᒐᑦᑕ ᐃᑲᔫᓯᐊᖅᑕᖅᑐᓂᑦ ᑲᑐᔾᔨᖃᑎᒌᒃᑯᑦ ᓴᖅᑭᕋᑖᕐᓯᒪᔭᖏᓐᓂᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᖏᓐᓂᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᐃᓕᓐᓂᐊᖅᑎᐅᓂᐊᖅᑐᓂᑦ 2017-2018ᒥ ᐃᓕᓐᓂᐊᓂᕐᒧᑦ ᐊᕐᕌᒍᒥ. ᐊᑯᓂᐅᙱᑦᑐᖅ ᐃᕐᖐᓈᖅᑕᐅᑎᕗᑦ ᐊᒥᓱᕐᔪᐊᕌᓗᓐᓄᑦ ᑎᑎᕋᕐᕕᐅᓯᒪᓕᔪᒻᒪᑦ ᐃᓚᖏᓐᓂᒃ 2017-2018ᒥ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑐᓂᑦ.

80 ᓴᖅᑭᖅᑕᐅᕋᑖᕐᓯᒪᔪᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᑦ $2,500/ᐊᕐᕌᒍᑕᒫᑦ, ᑐᓂᔭᐅᓚᐅᕐᖓᑕ ᓯᕗᓪᓕᕐᐹᑐᐃᓐᓇᕐᓄᑦ−ᑐᔅᓯᕋᐅᓯᐅᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᕿᑭᖅᑕᓂ ᓄᓇᓕᓐᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓂᐅᓴᔪᓄᑦ.

ᑕᕝᕙ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑐᑦ ᐅᖃᐅᓯᕆᖃᑦᑕᔪᔭᖏᑦ:

“ᖁᔭᓐᓇᒦᒃ ᑐᓴᕈᒥᓇᓪᓚᕆᑦᑐᒥᒃ ᑐᓴᖅᑎᑦᑎᒐᔅᓯ! ᐊᑲᐅᓈᕕᐅᑎᑦᑐᒥᒃ ᓈᒻᒪᓈᕐᓯᑎᑦᑎᔪ.”

• ᐃᓅᔭᖅ ᓴᓪᓗᕕᓂᖅ

“ᑳᕕᔾᔪᐊᑯᓗᒃ! ᖁᔭᓐᓇᒦᒃ!”

• ᔮᓂᕗ ᑲᓪᓗᒃ

“ᖃᓄᒃᑲᓐᓂᒃ ᖁᔭᓕᔭᕆᐊᔅᓴᖅ ᓇᓗᓇᒻᒪᕆᑦᑐᖅ! ᖁᔭᓐᓇᒦᕐᐹᓗᒃ!”

• ᓇᑖᓴ ᖃᑦᑑᖅ ᖄᐱᒃ

“ᐊᔭᐃᒐᓕ! ᐊᓕᐊᓇᐃᑦ!!!!! ᖁᔭᓐᓇᒦᕐᐹᓗᒃ!!!”

• ᓴᓂ ᓖ ᓈᑕᓇᐃ

“ᖁᔭᓕᕗᖓ ᑐᓂᔭᐅᔭᕆᐊᔅᓴᖅ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᑮᓇᐅᔭᑦ ᐊᑐᕐᓂᐊᕋᒃᑭᑦ ᓂᐅᕕᐅᑎᒋᓗᒋᑦ ᓴᓇᕐᕈᑎᔅᓴᑲᓐᓂᕐᓂᑦ ᐱᔭᕇᕈᑎᒋᓂᐊᖅᑕᕐᓂᒃ ᐃᓕᓐᓂᐊᓂᐊᖅᑕᕐᓂᒃ ᐊᒻᒪᓗ ᓯᕗᓂᔅᓴᑎᓐᓂ ᐃᖅᑲᓇᐃᔮᕆᓛᖅᑕᓐᓂᒃ ᐊᑐᖃᑦᑕᓛᕋᒃᑭᑦ.”

• ᓵᒧᐃᓕ ᑯᓪᓗᕈᖅᑐᖅ

“ᖁᔭᓕᓪᓗᖓ ᑎᑎᕋᖅᑐᖓ ᖁᔭᓐᓇᒦᕈᑎᓐᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓕᕆᔨᓄᑦ ᐊᖏᖅᑕᐅᒻᒪᑦ ᑐᔅᓯᕋᐅᑎᒐ. ᖁᔭᒋᕙᒃᑲ ᐱᓇᓱᐊᕐᓂᕆᕙᑦᑕᓯ ᐃᑲᔪᖅᑐᓯ ᓄᓇᑖᖃᑕᐅᓯᒪᔪᓂᑦ ᕿᑭᖅᑕᓂ ᓄᓇᓕᓐᓂᑦ ᐃᓕᓐᓂᐊᕈᑎᒋᔪᒪᔭᖏᓐᓂᒃ ᐃᓕᓐᓂᐊᕆᐊᕐᐸᑦᑐᓂᑦ ᓯᓚᑦᑐᓴᕐᕕᒻᒧᑦ. ᑖᒃᑯᐊ ᐃᓕᓐᓂᐊᓂᕐᒧᑦ ᐃᑲᔫᓯᐊᑦ ᐃᑲᔫᑎᖃᓪᓚᕆᙳᓱᒻᒪᑕ ᐅᕙᓐᓄᑦ ᐃᓚᓐᓄᓪᓗ ᖃᓄᓕᒫᑦᑎᐊᖅ. ᑕᐃᒫᒃ ᓱᓕ, ᖁᔭᓐᓇᒦᒃ.”

• ᑭᓕᐅᕋ ᓖᑎᐊ ᐋᑯᓗᔾᔪᒃ

“ᖁᔭᓐᓇᒦᒃ ᑐᓴᕈᒥᓇᓪᓚᕆᑦᑐᒥᒃ ᑐᓴᖅᑎᑕᐅᒐᒪ!”

• ᔫᑭᐸ ᐊᓐᕋᖑ ᑰᑦᑎᖅ

“ᔭᐃ! ᖁᔭᓐᓇᒦᒃ!”

• ᑏᓇ ᒥᐊᓕ ᑰᓂᓘᓯ

“ᑐᓴᕈᒥᓇᕐᓂᕐᐹᑦᑎᐊᓪᓚᕆᒃ ᑖᓐᓇ ᐅᓪᓗᒥ.”

• ᔨᐊᓇ ᓈᑕᓇᐃ ᐸᓖᑦᑐᖅ

ᑐᑭᓯᔾᔪᑎᒋᓂᐊᕋᔅᓯᐅᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᕈᓐᓇᖅᑐᑦ ᒥᔅᓵᓄᑦ:

• ᐃᑲᔫᓯᐊᖅᑖᖃᑦᑕᓂᐊᖅᑐᑦ ᐃᓕᓐᓂᐊᖅᑏᑦ ᐃᓘᓐᓇᖏᓐᓂᒃ 13ᓂᑦ ᕿᑭᖅᑕᓂ ᓄᓇᓕᓐᓃᙶᕐᓯᒪᔪᑦ
• ᐃᑲᔫᓯᐊᖅᑖᖃᑦᑕᓂᐊᖅᑐᑦ ᑕᒪᕐᒥᒃ ᐃᓕᓐᓂᐊᕐᕕᐊᓗᒻᒥ ᐱᔭᕇᕋᑖᕐᓯᒪᔪᑦ ᐊᒻᒪᓗ ᐃᓐᓇᐃᑦ ᐃᓕᓐᓂᐊᕆᐊᒃᑲᓂᕐᓂᐅᓴᔪᑦ
• ᐊᒥᓱᑦ ᐃᑲᔫᓯᐊᖅᑖᐸᑦᑐᑦ ᕿᑐᕐᖓᓖᑦ
• ᐊᒥᓱᑦ ᐃᑲᔫᓯᐊᖅᑖᐸᑦᑐᑦ ᕿᑐᕐᖓᓖᑦ−ᐃᓄᑑᔾᔨᓪᓗᑎᒃ
• 56 ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑎᓯᒪᔭᕗᑦ ᐊᕐᓇᐃᑦ
• 24 ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑎᓯᒪᔭᕗᑦ ᐊᖑᑏᑦ
• 28 80ᓂᑦ ᐊᑎᓕᐅᖅᑕᐅᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ
  • 10 ᐊᕙᑎᓕᕆᓂᕐᒥᒃ ᐃᓕᓐᓂᐊᓂᕐᒥ
  • 9 ᓄᓇᕗᒥ ᐃᓕᓴᐃᔨᔅᓴᐅᓂᕐᒧᑦ ᐃᓕᓐᓂᐊᓂᕐᒥ
  • 3 ᑐᓵᔨᐅᓂᕐᒥ/ᑐᑭᓕᐅᕆᔨᐅᓂᕐᒥ ᐃᓕᓐᓂᐊᓂᕐᒥ
  • 2 ᐋᓐᓂᐊᓯᐅᖅᑎᐅᓂᕐᒥ ᐃᓅᓯᓕᕆᓂᕐᒥᓪᓗ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᓂᕐᒥ
  • 2 ᐱᐅᓗᖅᑯᑎᓕᐅᓂᕐᒥ ᓴᕕᕋᔭᓂᓪᓗ ᓴᓇᖃᑦᑕᓂᕐᒥᒃ ᐃᓕᓐᓂᐊᓂᕐᒥ
  • 1 ᐸᐃᕆᕕᓕᕆᓂᕐᒥᒃ ᐃᓕᓐᓂᐊᓂᕐᒥ
  • 1 ᐊᓪᓚᕝᕕᓕᕆᓂᕐᒥᒃ ᐃᓕᓐᓂᐊᓂᕐᒥ
• 7 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᒥ ᒪᓕᒐᓕᕆᔨᐅᓂᕐᒥᒃ ᐃᓕᓐᓂᐊᓂᕐᒥᒃ
• 12 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᓂᕐᒥᒃ
• 2 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᒪᓕᒐᓕᕆᔨᐅᓂᕐᒥᒃ ᐃᓕᓐᓂᐊᓂᕐᒥᒃ ᖃᓪᓗᓈᑦ ᓄᓇᖓᓐᓂ
• 18 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ
• 9 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓯᕗᓪᓕᕐᓂᑦ ᐃᓕᓐᓂᐊᖅᑕᐅᓲᓂᑦ ᑐᖏᓕᕇᓂᑦ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ
• 4 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᖁᕝᕙᓯᓐᓂᕐᓴᒥ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ

 

ᖃᐅᔨᓚᐅᕐᓯᐅᒃ ᑭᒃᑰᒻᒪᖔᑕ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑐᑦ:

ᐃᒃᐱᐊᕐᔪᒃ

ᐃᒃᐱᐊᕐᔪᒻᒥᐅᑕᖅ ᔭᓇᕗ ᖃᖅᑲᓯᖅ ᑕᖅᑐ, 22, ᐃᓕᓐᓂᐊᖅᑐᖅ ᓄᓇᕗᑦ ᓯᕗᓂᒃᓴᕗᒻᒥ ᐊᑕᐅᓯᕐᒥ−ᐊᕐᕌᒍᒥ.

ᑭᙵᐃᑦ

ᒥᐊᓕᑯᓗ ᒪᒃᒪᓐ, 45 ᑭᙵᕐᒥᐅᑕᔅᓴᔭ, ᒫᓐᓇ ᐃᖃᓗᓐᓂ ᓄᓇᓕᒃ ᐱᖓᔪᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᑐᓵᔨᐅᓂᕐᒥᒃ/ᑐᑭᓕᐅᕆᔨᐅᓂᕐᒥᒃ ᐃᓕᓐᓂᐊᖅᑐᖅ.

ᑲᖏᖅᑐᒑᐱᒃ

ᑲᖏᖅᑐᒑᐱᒻᒥᐅᑕᖅ ᔨᐊᓇ ᓈᑕᓇᐃ ᐸᓖᑦᑐᖅ, 31, ᓯᕗᓪᓕᕐᐹᖓᓂ−ᐊᕐᕌᒍᒥ−ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᓄᓇᕗᒥ ᐃᓕᓴᐃᔨᔅᓴᐅᓂᕐᒧᑦ ᐃᓕᓐᓂᐊᖅᑐᖅ.

ᐊᐅᓱᐃᑦᑐᖅ

ᐊᐅᓱᐃᑦᑐᕐᒥᐅᑕᖅ ᐃᑦᑐᐊᖓᑦ ᐊᕿᐊᕈᖅ, 21, ᑐᖏᓕᐊᓂ−ᐊᕐᕌᒍᒥ−ᐃᓕᓐᐊᓂᖅᑎ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ.

ᓴᓂᕋᔭᒃ

ᓴᓂᕋᔭᒻᒥᐅᑕᖅ ᑳᑎ ᐱᑯᔭᒃ, 23, ᐃᓕᓐᓂᐊᖅᑎ ᐋᓪᒑᓐᑯᐃᓐ ᓯᓚᑦᑐᓴᕐᕕᒻᒥ ᐃᓄᐃᑦ ᒥᔅᓵᓄᑦ ᖁᕝᕙᓯᓐᓂᕐᓴᒥ ᐃᓕᓐᓂᐊᖅᑐᖅ.

ᐃᒡᓗᓕᒃ

ᐃᒡᓗᓕᒻᒥᐅᑕᖅ ᕕᐊᔅ ᑰᑦᑎᖅ, 28, ᐱᖓᔪᐊᓂ−ᐊᕐᕌᒍᒥ ᖁᕝᕙᓯᓐᓂᕐᓴᒥ ᒪᓕᒐᓕᕆᔨᐅᓂᕐᒧᑦ ᐃᓕᓐᓂᐊᖅᑐᖅ ᓯᓚᑦᑐᓴᕐᕕᔾᔪᐊᕐᒥ ᐋᑐᕚᒥ.

ᐃᖃᓗᐃᑦ

ᑕᐃᕕᑎ ᓛᓴᓐ, 34, ᓯᕗᓪᓕᕐᐹᖓᓂ−ᐊᕐᕌᒍᒥ ᓄᓇᕗᒥ ᒪᓕᒐᓕᕆᓂᕐᒥᒃ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᑎᑦᑎᒍᑕᐅᔪᒥ ᑲᑐᔾᔨᖃᑎᖃᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓴᔅᑳᑦᑐᐊᓐ.

ᑭᒻᒥᕈᑦ

ᑭᒻᒥᕈᕐᒥᐅᑕᖅ ᑭᐅᕋᓐ ᓄᙵᖅ, 43, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.

ᐸᓐᓂᖅᑑᖅ

ᐸᓐᓂᖅᑑᕐᒥᐅᑕᖅ ᐄᒪᓕ ᖄᐱᒃ, 31, ᓯᕗᓪᓕᕐᐹᖓᓂ ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᒥ ᒪᓕᒐᓕᕆᓂᕐᒥᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᑎᑦᑎᒍᑕᐅᔪᒥ ᑲᑐᔾᔨᖃᑎᖃᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓴᔅᑳᑦᑐᐊᓐ.

ᒥᑦᑎᒪᑕᓕᒃ

ᒥᑦᑎᒪᑕᓕᒻᒥᐅᑕᖅ ᔨᐊᓇ ᒥᖅᑯᓵᖅ, 26, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᖅᑐᖅ.

ᕿᑭᖅᑕᕐᔪᐊᖅ

ᕿᑭᖅᑕᕐᔪᐊᕐᒥᐅᑕᖅ ᔨᐊᓂ ᒨᓯᓯ, 22, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.

ᖃᐅᓱᐃᑦᑐᖅ

ᖃᐅᓱᐃᑦᑐᕐᒥᐅᑕᖅ ᓖᓴ ᖁᒪᖔᐱᒃ, 44, ᓯᕗᓪᓕᕐᐹᒥ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᑐᓵᔨᐅᓂᕐᒥᑦ/ᑐᑭᓕᐅᕆᔨᐅᓂᕐᒧᑦ ᐃᓕᓐᓂᐊᖅᑐᖅ.

ᓴᓂᑭᓗᐊᖅ

ᓴᓂᑭᓗᐊᕐᒥᐅᑕᖅ ᒥᒃ ᐊᐸᖅᑲᖅ, 25, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.