ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᑦ ᐃᖅᑲᓇᐃᔮᔅᓴᖅ

 ᐃᖅᑲᓇᐃᔮᖅ: ᐊᖏᔪᖅᑳᖅ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ

ᓇᒥ: ᐃᖃᓗᐃᑦ, ᓄᓇᕗᑦ

ᒪᑐᐃᖓᔪᖅ ᐃᓄᓕᒫᓄᑦ; ᓯᕗᓕᐅᑎᑦᑎᓂᐊᖅᑐᑦ ᐃᓄᖕᓂ ᓄᓇᕗᒥᐅᓂ ᐱᓇᓱᖃᑕᐅᔪᓄᑦ  

 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐃᖅᑲᓇᐃᔭᖅᑎᓴᕐᓯᐅᕐᖓᑕ ᐃᓕᓯᒪᑦᑎᐊᖅᑐᒥᒃ ᐊᒻᒪᓗ ᐊᔪᙱᑎᐊᖅᑐᒥᒃ ᓯᕗᓕᖅᑎᐅᒐᔭᖅᑐᒥᒃ ᑲᒪᒋᔭᖃᖃᑦᑕᓂᐊᖅᑐᒥᒃ ᐊᒻᒪᓗ ᑲᔪᓯᑎᑦᑎᕙᓪᓕᐊᓂᐊᖅᑐᒥᒃ ᓴᐳᔾᔨᕕᓕᕆᓂᕐᒥᒃ ᕿᑭᖅᑕᓂ.

ᐊᖏᔪᖅᑳᕐᒧᑦ ᐃᖅᑲᓇᐃᔮᕐᒥ ᑲᒪᒋᔭᖃᖃᑦᑕᓂᐊᖅᑐᖅ ᑐᑭᒧᐊᒍᑎᔅᓴᓂᑦ ᑕᐅᑐᒐᔅᓴᖃᖅᑎᑦᑎᓂᕐᒥᒃ ᐊᒻᒪᓗ ᓯᕗᓕᕐᓯᖃᑦᑕᓂᕐᒥᒃ ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᐊᓪᓚᕕᒻᒥ. ᑕᕝᕙᓂ ᐊᖏᔪᖅᑳᖑᓂᕐᒧᑦ ᐃᖅᑲᓇᐃᔮᕐᒥ ᑲᒪᒋᔭᖃᖃᑦᑕᓂᐊᖅᑐᖅ ᐃᑲᔪᖃᑦᑕᕐᓗᓂᓗ ᐊᐅᓚᓂᓪᓗᐊᑕᕆᖃᑦᑕᓂᐊᖅᑕᖏᓐᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ (ᕿᑭᖅᑕᓂᒃᑯᓐᓂ) ᑲᔪᓯᑎᑦᑎᕙᓪᓕᐊᓂᕐᒥᒃ ᓯᕗᓪᓕᐅᑎᓯᒪᔭᖏᓐᓂᒃ, ᑕᐃᒫᒃ ᑎᓕᔭᐅᖃᑦᑕᕐᓂᖓ ᐃᑲᔪᖅᑎᖓᓄᑦ ᓯᕗᓕᖅᑎᐅᑉ ᐃᖅᑲᓇᐃᔭᖅᑎᓄᑦ ᐊᐅᓚᓂᕐᓄᑦ ᐱᕚᓪᓕᕈᑎᔅᓴᓄᓪᓗ.

ᐊᖏᔪᖅᑳᖅ ᑲᒪᒋᔭᔅᓴᖃᖃᑦᑕᓂᐊᖅᑐᖅ ᐸᕐᓇᐃᓂᕐᒥᒃ, ᐱᕙᓪᓕᐊᑦᑎᓂᕐᒥᒃ ᐊᑐᓕᖅᑎᑦᑎᕙᓪᓕᐊᓂᕐᒥᓪᓗ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎᓂᑦ (IIBA) ᐱᙳᖅᑎᑦᑎᒍᑕᐅᔪᓂᑦ ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒫᓂ ᓴᐳᔾᔨᕕᒻᒥᒃ (TINMCA). ᓴᐳᔾᔨᕕᓕᕆᓂᕐᒥᒃ ᐱᓇᓱᐊᕈᑕᐅᔪᑦ ᐱᔾᔪᑎᖃᓗᐊᕐᓂᐊᖅᑐᑦ ᕿᑭᖅᑕᓂ ᓄᓇᒥᐅᑕᕐᓂᑦ (ᓂᕐᔪᑎᓂᑦ, ᓄᓇᒦᑦᑐᓂᑦ, ᐃᒫᓃᑦᑐᓂᓪᓗ), ᐊᒻᒪᓗ ᐃᑲᔪᖃᑦᑕᑐᔅᓴᐅᕗᖅ ᐃᓄᓐᓄᑦ−ᒪᑭᒪᓇᓱᐊᕈᑎᓂᑦ ᐱᕙᓪᓕᐊᑎᑦᑎᖃᑦᑕᓂᕐᒥᒃ ᓄᓇᓕᓐᓂᑦ ᐊᖅᑯᑎᒋᓗᒋᑦ ᐅᑯᐊ ᐊᑐᒃᑲᓐᓂᖃᑦᑕᓂᕐᒥᒃ ᐃᓄᔅᓯᐅᑎᓂᑦ ᓂᕿᓂᑦ, ᓇᐅᑦᑎᕐᓱᖅᑏᑦ, ᐊᕙᑎᒥᒃ ᓇᐅᑦᑎᕐᓱᖃᑦᑕᓂᕐᒥᒃ, ᐊᒻᒪᓗ ᐊᖏᔪᓂᑦ ᐱᕈᕐᐸᓪᓕᐊᑎᑦᑎᓂᕐᒥᒃ ᓄᓇᓕᓐᓂᑦ ᐃᒫᓂᓗ ᐱᖁᑎᕐᔪᐊᓂᑦ. ᑕᕝᕙᓂ ᐃᖅᑲᓇᐃᔮᕐᒥ ᐃᓚᒋᔭᐅᖃᑦᑕᓂᐊᖅᑐᖅ ᐋᔩᖃᑎᒌᓐᓂᐅᔪᓂᑦ ᓯᕗᒧᐊᑦᑎᑦᑎᓂᕐᒧᑦ ᕿᑭᖅᑕᓂᒃᑯᑦ ᐃᓚᒋᔭᐅᖃᑦᑕᕐᓂᖏᓐᓂᒃ ᓴᐳᔾᔨᕕᓐᓄᑦ, ᐆᒪᔪᓕᕆᓂᕐᒧᑦ, ᐊᒻᒪᓗ ᐃᒪᓂ ᐱᓇᓱᐊᕈᑕᐅᖃᑦᑕᓂᐊᖅᑐᓂᑦ ᐊᒻᒪᓗ ᑲᒪᒋᔭᖃᖃᑦᑕᓂᕐᒥᒃ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᓴᐳᔾᔨᓂᕐᒧᑦ ᐊᐅᓚᑦᑎᓂᕐᒧᓪᓗ ᐸᕐᓇᐅᑎᓂᑦ ᐊᒻᒪᓗ ᐊᖏᖃᑎᒌᒍᑎᓂᑦ ᑲᓲᒪᔪᓂᑦ ᒪᑯᓄᖓ ᑲᓇᑕᒥ ᒥᕐᖑᐃᓯᕐᕖᑦ, ᑲᓇᑕᒥ ᓂᕐᔪᑎᖃᕐᕖᑦ, ᑲᓇᑕᒥ ᐃᑦᑕᕐᓂᓴᖃᕐᕖᑦ, ᑲᓇᑕᒥ ᐃᒫᓂ ᓴᐳᔾᔨᕖᑦ, ᐊᒻᒪᓗ ᓄᓇᕗᒥ ᒥᕐᖑᐃᓯᕐᕕᓐᓂᑦ.

ᑲᔪᓯᑎᑦᑎᕙᓪᓕᐊᓂᐊᖅᑐᖅ ᑖᔅᓱᒥᖓ ᐃᖅᑲᓇᐃᔮᕐᒥ ᑐᑭᓯᐅᒪᑦᑎᐊᕐᓗᓂ ᒪᓕᒐᔅᓴᓕᐊᖑᓯᒪᔪᓂᑦ, ᐊᖏᖃᑎᒌᒍᑎᓂᑦ (IIBAs) ᐊᒻᒪᓗ ᐊᑐᐊᒐᕐᓂᑦ ᐱᔾᔪᑎᓕᓐᓂᑦ ᐆᒪᔪᓕᕆᓂᕐᒥᒃ, ᓄᓇᒥᒃ ᐃᒫᓂᓪᓗ ᓴᐳᔾᔨᕕᓐᓂᑦ ᐱᓇᓱᐊᒐᐅᔪᓂᑦ ᓄᓇᕗᒥ. ᐃᖅᑲᓇᐃᔮᖃᕐᓂᐊᖅᑐᖅ ᐃᓱᒪᔅᓴᕐᓯᐅᕈᓐᓇᑦᑎᐊᕆᐊᓕᒃ ᐊᒻᒪᓗ ᐸᕐᓇᒋᐊᓕᓐᓂᒃ ᐃᓱᒪᔅᓴᕐᓯᐅᕈᓐᓇᕆᐊᓕᒃ, ᐊᓯᔾᔩᕙᓪᓕᐊᓂᕐᒧᑦ ᐊᐅᓚᑦᑎᓂᕐᒥᒃ ᐊᒻᒪᓗ ᐱᓕᕆᐊᔅᓴᓕᕆᓂᕐᒥᒃ ᐊᔪᙱᓐᓂᖃᕆᐊᓕᒃ, ᐊᒻᒪᓗᑦᑕᐅᖅ ᖃᐅᔨᓴᕐᓂᕐᒨᖓᔪᓂᑦ ᐊᒻᒪᓗ ᐅᓂᒃᑳᓕᐅᖃᑦᑕᓂᕐᒥᒃ ᑎᑎᕋᕈᓐᓇᕆᐊᓕᒃ. ᐃᖅᑲᓇᐃᔮᖅᑖᕋᓱᑦᑐᑦ ᑕᑯᑎᑦᑎᔭᕆᐊᓖᑦ ᑕᓪᓕᒪᓂᑦ ᐊᕐᕌᒍᓂᑦ ᐱᕙᓪᓕᐊᓯᒪᓗᓂ ᐊᐅᓚᑦᑎᓂᕐᒥᒃ ᐃᖅᑲᓇᐃᔮᖃᕐᓯᒪᓂᖓᓂᒃ, ᑲᒪᖃᑦᑕᓕᓂᐅᓗᓂ ᐃᓄᓐᓄᑦ−ᒪᑭᒪᓇᓱᐊᕈᑎᓕᕆᓂᕐᒥᒃ ᐊᒻᒪᓗ ᓴᐳᔾᔨᕕᓕᕆᓂᕐᒥᒃ. ᐱᓕᕆᐊᔅᓴᓕᕆᓂᕐᒥᒃ ᐊᒻᒪᓗ ᑮᓇᐅᔭᓕᕆᓂᕐᒥᒃ ᐃᖅᑲᓇᐃᔭᖃᑎᖃᖃᑦᑕᕐᓯᒪᒋᐊᓕᒃ ᓄᓇᕗᒥ ᓄᓇᓕᐅᔪᓂᑦ, ᓄᓇᖃᖅᑳᕐᓯᒪᔪᓂᑦ ᑎᒥᖁᑎᖏᓐᓂᒃ ᐅᕝᕙᓘᓐᓃᑦ ᒐᕙᒪᒃᑯᑦ ᐱᓕᕆᕕᖏᓐᓂᒃ ᐱᒻᒪᕆᐅᓗᐊᕐᒥᔪᖅ. ᖃᓪᓗᓇᐅᔭᕈᓐᓇᑎᐊᖅᑲᑦ ᐃᓄᒃᑎᑑᕈᓐᓇᑎᐊᖅᑲᓪᓗ ᐊᑑᑎᖃᑦᑎᐊᓂᐊᕐᒥᔪᖅ. ᓈᒻᒪᑦᑐᒥᒃ ᐱᕋᔭᓐᓂᑰᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕐᓯᒪᒋᐊᓕᒃ.

ᑖᓐᓇ ᐃᖅᑲᓇᐃᔮᔅᓴᖅ ᐱᔭᕇᕐᓯᓯᒪᒍᐅᔭᕆᐊᓕᒃ ᐊᕙᑎᓕᕆᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ, ᒪᑭᒪᓇᓱᐊᕈᑎᓕᕆᓂᕐᒥᒃ ᐅᕝᕙᓘᓐᓃᑦ ᑕᒪᑐᒧᖓ ᑐᕌᒐᔪᒥᒃ ᐃᓕᓐᓂᐊᕈᒻᒥᑦ. ᑲᑎᓯᒪᔪᓂᑦ ᐃᓕᓐᓂᐊᕐᓯᒪᓂᖃᖅᑲᑦ ᑕᒪᑐᒪ ᒥᔅᓵᓄᑦ ᐊᒻᒪᓗ ᐃᖅᑲᓇᐃᔮᖃᕐᓯᒪᑉᐸᑦ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᔭᕆᐊᔅᓴᖅ ᐃᓱᒪᒋᔭᐅᓗᓂ.

ᐱᒋᐊᕈᑎᖃᕋᔭᖅᑐᖅ ᑮᓇᐅᔾᔭᔅᓵᕆᓂᐊᖅᑕᖏᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓕᓐᓂᑦ ᐃᒪᓐᓇᓂᑦ $114,419 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕐᓗᓂ $27,600 ᐊᕐᕌᒍᑕᒫᑦ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.

ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:

Human Resources            Tel: (867) 975-8400

Qikiqtani Inuit Association    Fax: (867) 979-3238

Igluvut building, 2^nd floor

P.O. Box 1340               Email: Resumes@qia.ca

Iqaluit, NU X0A 0H0

ᒪᑐᕕᔅᓴᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ ᑖᓐᓇ