ᕿᑭᖅᑕᓃᒃᑯᑦ ᑐᓂᓯᔪᑦ $152Kᓂ ᐊᑭᓕᖕᓂᑦ ᓂᕿᓂᒃ ᓴᓂᑭᓗᐊᕐᒥᐅᓄᑦ ᖁᕕᐊᓱᒡᕕᐅᓂᐊᓵᖅᑎᓪᓗᒍ
ᐃᖃᓗᐃᑦ, ᓄᓇᕗᑦ – ᑎᓯᐱᕆ 16, 2020 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑐᓂᓯᓂᐊᖅᑐᑦ ᓂᕿᓂᒃ ᐊᑭᓕᖕᓂᑦ $80,000ᓂ ᐊᒻᒪᓗ ᓂᕿᑖᕈᑎᒃᓴᓂᒃ ᐊᑭᓕᖕᓂᑦ $72,000 ᐃᒡᓗᖃᖅᑎᐅᔪᓄᑦ ᓴᓂᑭᓕᐊᕐᒥ ᖁᕕᐊᓱᕝᕕᐅᓂᐊᓵᖅᑎᓪᓗᒍ. ᑖᒃᑯᐊ ᓯᕗᓂᐊᒍᑦ ᐃᑲᔫᓯᐊᖑᔪᑦ ᐱᖓᔪᒋᔭᖓᓂᑦ ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19ᒥᑦ ᐱᒋᐊᕈᑎᒋᔭᐅᓯᒪᔪᓂᑦ.
“ᓴᓂᑭᓗᐊᓗᕐᒥᐅᑦ ᐊᒃᓱᕈᓐᓇᖅᑐᒃᑰᓚᐅᕐᒪᑕ ᓄᕖᕝᕙᒥ, ᓄᕙᓐᓇᕐᔪᐊᖅ-19ᒥ ᖃᓂᒪᓇᖅᑖᖅᓯᒪᔪᖃᓚᐅᕐᒪᑦ ᐊᒻᒪᓗ ᑲᑐᔾᔨᑦᑎᐊᓚᐅᖅᖢᑎᒃ ᓯᐊᒻᒪᒃᑎᑦᑎᑕᐃᓕᕐᓂᕐᒥᒃ ᖃᓂᒪᓇᕐᒥ, ᐊᒻᒪᓗ ᖃᓂᒪᓇᖅᑐᖃᕈᓐᓃᓚᐅᖅᖢᓂ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓᒃ ᐲᔨᐊ ᐊᕿᐊᕈᖅ, “ᑖᒃᑯᐊ ᓂᖀᑦ ᐊᒻᒪ ᓂᕿᑖᕈᑎᒃᓴᑦ, ᓂᐅᕕᕈᓐᓇᐅᑎᓗ, ᐸᔪᖅᑎᖅᑕᐅᓂᐊᖅᑐᑦ ᐃᒡᓗᖃᖅᑎᐅᔪᓕᒫᓄᑦ ᖁᕕᐊᓱᕝᕕᐅᓂᐊᓵᖅᑎᓪᓗᒍ, ᖁᔭᓕᓯᒪᓪᓗᑕᓗ ᓄᓇᓕᖕᒥᐅᓂᒃ ᓴᖅᑭᔮᖅᑎᑦᑎᑎᐊᓚᐅᕐᓂᖏᓐᓂᒃ ᓴᙱᓂᖏᓐᓂᒃ ᑲᔪᓯᑎᑦᑎᑦᑎᐊᕈᓐᓇᓚᐅᕐᓂᖏᓐᓂᓗ.”
ᕿᑭᖅᑕᓃᒃᑯᑦ ᑖᒃᑯᓂᖓ ᐃᑲᔫᓯᐊᒃᓴᓂ ᑐᓂᓯᓂᐊᖅᑐᖅ ᓴᓂᑭᓗᐊᕐᒥᐅᓂᒃ ᑲᑐᔾᔨᖃᑎᖃᖅᖢᑎᒃ ᐅᑭᐅᖅᑕᖅᑐᒥ ᐃᓚᒌᓴᒃᑯᓐᓂ (ᑯᐊᐸᒃᑯᑦ), ᐃᑲᔪᕐᓂᐊᖅᖢᑎᒃ ᓂᕿᓂ ᐸᔪᖅᑎᕆᓂᕐᒥᒃ ᐊᒻᒪᓗ ᐃᑲᔪᕐᓂᐊᖅᖢᑎᒃ ᓄᓇᑖᖃᑕᐅᓯᒪᔪᓂᒃ ᐃᒡᓗᖃᖅᑎᐅᔪᓂ.
ᑖᒃᑯᐊ ᐃᑲᔫᑎᑦ ᓴᓂᑭᓗᐊᕐᒧᑦ ᐱᖓᔪᒋᔭᖓᓂᑦ ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19ᒧᑦ ᐱᒋᐊᕈᑎᐅᔪᓂᑦ ᐱᓯᒪᔪᑦ, ᕿᑭᖅᑕᓂᒃᑯᑦ ᓴᓂᕐᕙᐃᖅᓯᓯᒪᔪᑦ $663,665ᓂ ᓴᓂᑭᓗᐊᕐᒧᑦ ᐊᒃᑐᖅᑕᐅᓯᒪᓂᖏᓐᓄᑦ ᓄᕙᓐᓇᕐᔪᐊᖅ-19ᒧᑦ ᑖᒃᑯᐊ ᐅᑯᓂᖓ ᐱᖃᓯᐅᔾᔨᓯᒪᔪᑦ:
- $731,250ᓂ ᕿᑭᖅᑕᓂ ᓄᕙᓐᓇᕐᔪᐊᖅ-19ᒧᑦ ᐅᐸᓗᖓᐃᔭᐅᑎᒋᔭᐅᓪᓗᑎᒃ ᓂᕿᑖᕈᑎᑦ ᐃᓚᒌᓄᑦ ᓂᖃᐃᑐᖅᐸᒃᑐᓄᑦ.
- $311,970ᓂ ᕿᑭᖅᑕᓂ ᓄᕙᓐᓇᕐᔪᐊᖅ-19ᒧᑦ ᐃᓕᓐᓂᐊᕐᕕᖕᓄᑦ ᓂᕿᖃᖅᑎᑦᑎᓂᕐᒧᑦ ᐱᒋᐊᕈᑎᐅᔪᒥᒃ
- $301,215ᓂ ᑮᓇᐅᔭᓂᒃ ᐊᑐᖅᑐᖃᕆᐊᖃᓕᖅᐸᑦ ᐊᒻᒪ ᐊᐅᓚᑦᑎᔾᔪᑎᓄᑦ
ᑐᑭᓯᒃᑲᓐᓂᕈᒪᒍᕕᑦ ᑖᒃᑯᓂᖓ ᓄᕙᓐᓇᕐᔪᐊᖅ-19ᒧᑦ ᐱᒋᐊᕈᑎᒋᔭᐅᓯᒪᔪᓂᑦ ᐊᑐᐃᓐᓇᐅᓕᕐᓂᐊᖅᑐᑦ ᔭᓐᓄᐊᓕᒥ.
ᑖᒃᑯᐊ ᑮᓇᐅᔭᐃᑦ ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19ᒧᑦ ᑭᐅᔾᔪᑎᖃᕐᓂᕐᒧᑦ ᐸᕐᓇᐅᑎᖏᑦ ᓴᖅᑭᓯᒪᔪᑦ ᐱᖓᓱᐃᓕᖓᔪᓂᑦ ᓄᓇᓕᖕᓄᑦ ᐃᑲᔫᑎᒃᓴᓄᑦ ᑮᓇᐅᔭᓂᑦ (ICSF) ᓇᓗᓇᐃᔭᖅᑕᐅᓚᐅᖅᑐᓂᒃ ᒐᕙᒪᑐᖃᒃᑯᓐᓂᑦ. ᕿᑭᖅᑕᓃᒃᑯᑦ ᑮᓇᐅᔭᖅᑖᕆᓯᒪᔭᖏᑦ ᑖᒃᑯᓇᙵᑦ ᑮᓇᐅᔭᐅᔪᓂᑦ $2,008,101ᖑᔪᑦ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᓰᒪ ᓴᕼᐊᕐ ᓯᐊᕋᕼᐃ
ᑐᑭᒧᐊᒃᑎᑦᑎᔨ, ᑐᓴᐅᒪᖃᑦᑕᐅᑎᓄᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
867.975.8413 or
1.800.667.2742