ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᙵᓱᒃᑎᑦᓯᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ ᕿᑭᖅᑕᓃᒃᑯᑦ ᐃᓕᖅᑯᓯᓕᕆᓂᕐᒧᑦ ᐃᑲᔫᓯᐊᒃᓴᓄᑦ
ᔪᓚᐃ 12, 2019, ᐃᖃᓗᐃᑦ, ᓄᓇᕗᑦ –ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᙵᓱᒃᑎᑦᓯᓕᕐᒥᔪᑦ ᑐᒃᓯᕋᐅᑎᓕᐅᕈᒪᔪᓄᑦ ᕿᑭᖅᑕᓃᒃᑯᑦ ᐃᓕᖅᑯᓯᓕᕆᓂᕐᒧᑦ ᐃᑲᔫᓯᐊᒃᓴᓄᑦ ᑮᓇᐅᔭᖏᓐᓂᑦ ᐅᑯᓄᖓ ᓄᓇᓕᖕᓂᑦ: ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᕋᔭᒃ, ᖃᐅᓱᐃᑦᑐᖅ, ᐊᐅᓱᐃᑦᑐᖅ, ᓴᓂᑭᓗᐊᕐᓗ.
ᐃᓄᐃᑦ ᐊᒻᒪᓗ ᓄᓇᓕᖕᓂ ᑎᒥᐅᔪᑦ ᑖᒃᑯᓇᙵᑦ ᓄᓇᓕᖕᓂᑦ ᑮᓇᐅᔭᓂᒃ ᑐᒃᓯᕋᐅᑎᓕᐅᕈᒪᔪᓄᑦ ᐱᓕᕆᐊᒃᓴᐅᓂᐊᖅᑐᓂᒃ ᐊᐅᓚᑕᐅᓂᐊᖅᑐᓂᒃ ᐊᒡᒌᓯᐅᑉ ᕿᑎᐊᓂᑦ 2019ᒥᑦ ᒫᑦᓯ 31, 2020ᒧᑦ. ᐊᑐᓂ ᑖᒃᑯᐊ ᑕᓪᓕᒪᐅᔪᑦ ᓄᓇᓖᑦ ᑮᓇᐅᔭᓂᒃ ᓴᓂᕐᕙᖅᑕᐅᓯᒪᔪᑦ $25,000ᓂ.
ᕿᑭᖅᑕᓃᒃᑯᑦ ᐃᓕᖅᑯᓯᓕᕆᓂᕐᒧᑦ ᐃᑲᔫᓯᐊᒃᓴᓄᑦ ᐱᓕᕆᐊᖓᑦ ᕿᑭᖅᑕᓃᒃᑯᑦ ᑲᑎᒪᔨᖏᓐᓄᑦ ᓂᕈᐊᖅᑕᐅᓚᐅᕐᒪᑦ ᐅᑐᐱᕆᒥ 2017ᒥ ᐃᑲᔫᓯᐊᒃᓴᓄᑦ ᑮᓇᐅᔭᖏᓐᓂᑦ. ᑮᓇᐅᔭᐃᑦ ᐃᑲᔫᓯᐊᒃᓴᓄᑦ ᑮᓇᐅᔭᓂᑦ ᓴᖅᑭᓯᒪᔪᑦ ᑐᖅᑯᖅᓯᒪᔪᓂᒃ ᑮᓇᐅᔭᓂᑦ, ᑖᒃᑯᐊ ᑐᖅᑯᖅᓯᒪᔪᑦ ᑮᓇᐅᔭᐃᑦ ᐱᕈᖅᐸᓪᓕᐊᑎᓪᓗᒍ ᑖᒃᑯᐊᑦᑕᐅᖅ ᐃᑲᔫᓯᐊᒃᓴᓄᑦ ᑮᓇᐅᔭᐃᑦ ᐊᖏᓪᓕᒋᐊᖅᑕᐅᓇᔭᖅᖢᑎᒃ ᐱᓕᕆᐊᒃᓴᓄᑦ ᐃᓄᖕᓄᑦ.
ᕿᑭᖅᑕᓃᒃᑯᑦ ᐃᑲᔫᓯᐊᒃᓴᓄᑦ ᑮᓇᐅᔭᖏᑦ ᐃᑲᔪᖃᑦᑕᖅᑐᑦ ᓄᓇᓕᖕᓂᑦ-ᑐᕌᖓᔪᓂᒃ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᓄᑦ. ᑖᒃᑯᐊ ᓄᓇᒨᕈᔾᔨᓂᖅ ᐊᒻᒪᓗ ᒥᖅᓱᖅᑎᑦᓯᓂᖅ ᓯᕗᓪᓕᐅᑎᑕᐅᒐᓗᐊᖅᑎᓪᓗᒋᑦ, ᕿᑭᖅᑕᓃᒃᑯᑦ ᐊᓯᖏᓐᓂᑦ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᒃᓴᕆᔭᐅᔪᒪᔪᓂᒃ ᐃᓱᒪᓕᐅᕈᑎᖃᕈᓐᓇᕐᒥᔪᑦ.
ᐅᓪᓗᖓ ᑭᓪᓕᒋᔭᐅᔪᖅ ᑐᒃᓯᕋᐅᑎᓕᐅᕈᒪᔪᓄᑦ ᑐᓂᓯᓂᕐᒥᒃ ᓇᒡᒐᔾᔭᐅᒥ ᔪᓚᐃ 22, 2019ᒥ.
ᑕᑕᑎᖅᓯᒪᔪᑦ ᓇᒃᓯᐅᔾᔭᐅᔪᓐᓇᖅᑐᑦ ᐃᕐᖐᓐᓈᖅᑕᐅᑎᒃᑯᑦ ᐅᕗᖓ QCAP@qia.ca, ᓱᑲᑦᑐᒃᑯᓪᓘᓐᓃᑦ ᐅᕗᖓ 867-979-3238 ᐅᕝᕙᓘᓐᓃᑦ ᑐᓂᔭᐅᓗᑎᒃ ᓄᓇᓕᔅᓯᓐᓂ ᓄᓇᓕᖕᓂ ᑐᓴᐅᒪᑎᑦᓯᔨᒧᑦ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᓰᒪ ᓴHᐊ ᔨᐅᕋHᐃ
ᑐᑭᒧᐊᑦᑎᑦᑎᔨ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ
867.975.8413
1.800.667.2742