ᐃᓕᓐᓂᐊᕐᓂᖅ ᐊᒻᒪ ᐅᖃᐅᓯᓕᕆᓂᖅ

ᐃᓕᓐᓂᐊᕐᓂᖅ ᐊᒻᒪ ᐅᖃᐅᓯᓕᕆᓂᖅ

ᐃᓕᓐᓂᐊᕐᓂᕐᒧᑦ ᐃᑲᔫᑎᑦ

ᐅᖃᐅᓯᓕᕆᔾᔪᑎᑦ

ᓯᐹᒃᔅ ᐊᐅᔭᒃᑯᑦ ᓄᑕᖅᑲᑦ ᖃᓄᐃᓕᐅᖅᑎᑕᐅᓂᖏᑦ

ᐱᒋᐊᕈᑎᑦᓯᐊᕙᐃᑦ ᐱᓕᕆᐊᖓ

ᐃᓕᓐᓂᐊᕈᓯᐊᔅᓴᑦ

ᕿᑭᖅᑕᓂᒃᑯᓐᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓄᑦ ᐃᑲᔫᓯᐊᔅᓴᑦ

ᐊᕐᕌᒍᑕᒫᑦ ᕿᑭᖅᑕᓂᒃᑯᑦ ᑐᓂᓯᖃᑦᑕᓲᖑᒻᒪᑕ ᐅᖓᑖᓃᑦᑐᓂᑦ $200,000 ᐊᕐᕌᒍᑕᒫᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᕿᑭᖅᑕᓂ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖃᑦᑕᖅᑐᓄᑦ. ᑖᒃᑯᐊ ᐃᒪᐃᑦᑑᕙᑦᑐᑦ 80 ᕿᑭᖅᑕᓂ ᐃᓕᓐᓂᐊᕈᓯᐊᔅᓴᑦ $2,500/ᐊᕐᕌᒍᑕᒫᑦ ᐊᒻᒪᓗᑦᑕᐅᖅ $5,000 ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᑦ.

ᑭᐅᔾᔪᑕᐅᖃᑦᑕᕐᓯᒪᔪᑦ ᐃᓕᓐᓂᐊᖅᑎᓂᑦ ᑕᑯᔾᔪᑕᐅᖃᑦᑕᕐᖓᑕ ᐃᓕᓐᓂᐊᕈᓯᐊᖅᑖᖑᕙᑦᑐᑦ ᐊᑑᑎᖃᓪᓚᕆᐊᑦᑐᐊᓘᕙᒻᒪᑕ ᐃᑲᔫᑎᖃᕐᐸᑦᑐᑎᒃ ᐃᓄᓐᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᓐᓇᑎᑦᑎᕙᑦᑐᑎᒃ.

ᒪᓕᒐᕆᕙᑦᑕᖏᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᓂᑦ:

  • ᕿᑭᖅᑕᓂ ᐃᓄᖏᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᓄᓇᕗᑦ ᐊᖏᖃᑎᒌᒍᑎᑎᒍᑦ
  • ᓄᓇᖃᕐᓯᒪᓗᑎᒃ ᕿᑭᖅᑕᓂ ᖁᓕᓂᑦ ᒪᕐᕉᓂᓪᓗ ᑕᖅᑭᓂᑦ ᐅᖓᑖᓂᓘᓐᓃᑦ
  • ᐊᑎᓕᐅᖅᑕᐅᓯᒪᓗᑎᒃ ᐃᓕᓐᓂᐊᖅᑎᐅᓂᐊᕐᓂᖏᓐᓂᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᒻᒥᑦ

ᖃᓄᖅ ᑐᔅᓯᕋᐅᓯᐅᕐᕕᓴᐅᒻᒪᖔᖅ ᕿᑭᖅᑕᓂᒃᑯᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᖁᑎᖏᓐᓂ

ᐃᓕᓐᓂᐊᖅᑎᓄᑦᑮᓇᐅᔭᑦᐃᑲᔫᑏᑦᑐᓂᔭᐅᓲᖑᕗᑦᐱᓇᓱᐊᖅᑳᖅᑐᑦᐊᖏᖅᑕᐅᖃᑦᑕᖅᑐᑎᑦ. ᕿᑭᖅᑕᓂᒃᑯᑦ ᑐᔅᓯᕋᐅᓯᐅᖁᔨᒐᔪᓲᑦ ᐊᐅᔭᐅᓱᖓᓕᕋᐃᒻᒪᑦ, ᐊᒻᒪᓗ ᒪᓕᑦᑐᒋᑦ ᐊᒥᓲᓂᕆᕙᑦᑕᖏᑦ ᑐᔅᓯᕋᒃᑲᓐᓂᖃᑦᑕᖅᑐᑦ, ᑐᖏᓕᐊᓂ ᑐᔅᓯᕋᐅᓯᐅᖁᔨᔾᔪᑎᖃᒃᑲᓂᕐᐸᒻᒥᔪᑦ ᔮᓐᓄᐊᓕᐅᓕᖅᑎᓪᓗᒍ. ᐃᓘᓐᓇᑎᒃ ᑐᔅᓯᕋᐅᑏᑦ ᑐᓂᔭᐅᖃᑦᑕᕆᐊᖃᓲᑦ ᖃᕋᓴᐅᔭᒃᑰᖅᑎᑕᐅᓗᑎᒃ.

ᖃᓄᖅ ᑐᔅᓯᕋᐅᓯᐅᕐᕕᓴᐅᒻᒪᖔᖅ ᔮᓐ ᐊᒪᕈᐊᓕᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᖁᑎᖏᓐᓂ

ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᑦ ᐊᑭᑦᑐᕋᐅᑕᐅᒋᐊᖃᓲᑦ. ᐊᑐᓂᑦ ᐱᓇᓲᑕᐅᔪᑦ ᕿᒥᕐᕈᔭᐅᖃᑦᑕᓂᐊᖅᑐᑦ ᓂᕈᐊᕐᓂᕐᒧᑦ ᑲᑎᒪᔨᕋᓛᕐᓄᑦ ᐊᒻᒪᓗ ᓈᓴᐅᑎᑎᒍᑦ 15ᒥᒃ ᐊᑐᖅᑐᑎᒃ ᑐᙵᕕᖃᓲᑦ ᒪᓕᑦᑐᒋᑦ ᒪᓕᒋᐊᓕᖏᑦ.

  1. ᖃᓄᑎᒋ 500ᓂᑦ ᐅᖃᐅᓯᖅᑕᓕᒃ ᐅᓂᒃᑳᓕᐊᖑᓯᒪᔪᖅ ᓇᓗᓇᐃᔭᐃᓯᒪᖃᑦᑕᕆᐊᖃᖅᑲ ᔮᓐ ᐊᒪᕈᐊᓕᒃ ᑲᔪᓯᑎᑦᑎᐊᖃᑦᑕᕐᓯᒪᔭᖏᓐᓄᑦ? ( /5)
  2. ᖃᓄᑎᒋ ᑐᔅᓯᕋᐅᓯᐅᖅᑐᖅ ᓇᓗᓇᐃᔭᐃᓯᒪᖃᑦᑕᕆᐊᖃᖅᑲ ᓇᒻᒥᓂᖅ ᑲᑦᑐᖓᐃᕈᑎᒋᓯᒪᔭᖏᓐᓂᒃ ᐃᓕᓐᓂᐊᕈᑎᒋᓂᐊᖅᑕᖏᓐᓄᑦ? ᖃᓄᑎᒋ ᑐᔅᓯᕋᐅᓯᐅᖅᑐᖅ ᓇᓗᓇᐃᔭᐃᓯᒪᔭᕆᐊᖃᖅᑲ ᐊᖏᕐᓯᒪᓂᖓᓂᒃ ᐊᑐᕐᓂᐊᕐᓂᖓᓄᑦ ᐃᓕᓐᓂᐊᕈᑎᒥᓂᖏᓐᓂᒃ ᓯᕗᒧᐊᑦᑎᑦᑎᓂᕐᒧᑦ ᐃᓄᓐᓂᒃ? ( /5)
  3. ᖃᓄᑎᒋ ᐋᖅᑭᓯᒪᑦᑎᐊᖅᑎᒋᕙᑦ ᑐᔅᓯᕋᐅᓯᐅᕈᑕᐅᔪᑦ ᑐᓂᔭᐅᓯᒪᔪᑦ? ( /5)

ᑐᔅᓯᕋᐅᓯᐅᖅᑐᑦ ᑐᓂᓯᖃᑦᑕᕆᐊᓖᑦ ᑖᒃᑯᓂᖓ ᐃᓚᒋᔭᐅᓗᑎᒃ ᑐᔅᓯᕋᐅᓯᐅᕈᑎᖓᓄᑦ:

  • 500−ᓂᑦ ᐅᖃᐅᓯᖃᖅᑐᒥᒃ ᑎᑎᕋᕆᐊᖃᖅᐳᑎᑦ ᖃᓄᖅ ᐱᓕᕆᐊᖃᕈᒪᔾᔪᑎᒋᓯᒪᓕᖅᑐᒍ ᔮᓐ ᐊᒪᕈᐊᓕᒃ ᖃᓄᐃᓕᐅᕈᑎᒋᓯᒪᔭᖏᑦ ᐃᓱᒪᒋᒋᐊᖅᑳᓚᐅᖅᑐᒋᑦ ᐊᒻᒪᓗ ᓄᓇᕗᒻᒥ ᐊᖏᕈᑎᐅᔪᖅ
  • ᐱᔪᒐᕐᓴᐅᑏᑦ ᐃᖅᑲᓇᐃᔮᔅᓴᓄᑦ/ᐃᓕᓐᓂᐊᕋᔅᓴᓄᑦ
  • ᒫᓐᓇᓕᓴᐅᓂᕐᐹᑦ ᐃᓕᓐᓂᐊᕈᑎᒋᓯᒪᔭᑎᑦ
  • ᒪᕐᕉᓐᓂᒃ ᑐᑭᓯᒋᐊᕐᕕᓵᓐᓂᒃ ᑎᑎᖅᑳᓐᓂᒃ ᐅᑯᓇᙶᕐᓯᒪᑉᐸᑕ ᐱᐅᓗᐊᙳᐊᕋᔭᖅᑐᖅ ᐃᓕᓴᐃᔨ, ᓯᓚᑦᑐᓴᕐᕕᒻᒥ ᐃᓕᓴᐃᔨ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᒋᓯᒪᔭᐃᑦ ᐃᓕᓐᓂᒃ ᐃᖅᑲᓇᐃᔭᖃᑎᖃᖃᑦᑕᕐᓯᒪᔪᖅ

ᑐᑭᓯᒃᑲᓐᓂᕈᒪᒍᔅᓯ ᐅᕝᕙᓘᓐᓃᑦ ᐱᔪᒪᒍᔅᓯᐅᒃ ᑐᔅᓯᕋᐅᓯᐅᕈᑦ:

ᑐᔅᓯᕋᐅᑏᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ

ᐃᕐᖐᓈᖅᑕᐅᑖ: scholarship@QIA.ca

ᐅᖃᐅᓯᓕᕆᔾᔪᑎ ᐅᓪᓗᒥ

ᐅᔾᔨᓇᕐᓯᑎᑦᑎᒋᐊᕈᑕᐅᕙᑦᑐᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐊᒻᒪᓗ ᐃᓄᐃᑦ ᓴᓇᐅᒐᖏᓐᓂᑦ

ᐅᖃᐅᓯᓕᕆᔾᔪᑎᐅᕙᑦᑐᑦ ᖃᐅᑕᒫᑦ ᐱᒋᐊᖅᑎᑕᐅᓂᑯ ᓴᖅᑭᔮᖅᑎᑦᑎᒋᐊᒃᑲᓐᓂᕈᑕᐅᕙᑦᑐᓂ ᐃᓄᒃᑎᑐᑦ ᐅᖃᐅᓯᕐᒥᒃ ᐊᒻᒪᓗ ᐃᓄᐃᑦ ᓴᓇᐅᒐᖏᓐᓂᑦ ᐊᖅᑯᑎᒋᕙᑦᑐᒍ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᕙᐃᔅᐳᒃᑯᑦ ᑐᑭᓯᒋᐊᕈᑎᖃᕐᕕᖓ, ᐊᔾᔨᙳᐊᓕᕆᔾᔪᑎᑎᒍᑦ ᐊᒻᒪᓗ ᐅᖃᓗᕋᐅᔭᐅᑎᑎᒍᑦ ᐃᓄᓕᒫᓄᑦ ᑐᓴᕋᔅᓴᓕᕆᒍᑕᐅᓲᑦ.

ᐅᖃᐅᓯᓕᕆᔾᔪᑎᐅᕙᑦᑐᖅ ᖃᐅᑕᒫᑦ ᐱᒋᐊᖅᑎᑕᐅᓂᑯ ᕖᕝᕗᐊᓕ 2017ᖑᑎᓪᓗᒍ. ᐅᖃᐅᓯᓕᕆᔾᔪᑎ ᖃᐅᑕᒫᑦ ᐃᓄᒃᑎᑑᖓᔪᓂᑦ ᐅᖃᐅᓯᓂᕐᑦ ᓴᖅᑭᑎᑦᑎᓲᑦ ᐊᒻᒪᓗ/ᐅᕝᕙᓘᓐᓃᑦ ᐅᖃᕈᓯᕐᓂᑦ ᑐᑭᓕᐅᖅᑕᐅᓯᒪᕙᑦᑐᑎᒃ ᐊᒻᒪᓗ ᖃᓄᖅ ᐅᖃᖅᑕᐅᓲᖑᒻᒪᖔᑕ ᑎᑎᕋᕐᓯᒪᕙᑦᑐᑎᒃ ᓴᖅᑭᖅᑎᑕᐅᕙᑦᑐᑦ ᐃᓄᐃᑦ ᓴᓇᐅᒐᖏᓐᓂᒃ ᓴᖅᑭᑎᑦᑎᓯᓐᓈᖅᑐᑎᒃ. ᐅᖃᐅᓯᓕᕆᔾᔪᑎᐅᕙᑦᑐᑦ ᖃᐅᑕᒫᑦ ᖁᕕᐊᒋᔭᐅᓂᕐᐹᕈᖅᑕᐅᑎᒋᓯᒪᔪᑦ ᐃᓚᖏᑦ ᓴᖅᑭᖅᑕᐅᕙᑦᑐᑦ ᐱᐅᒋᔭᐅᕙᑦᑐᑎᒃ ᐊᒻᒪᓗ ᑕᑯᖅᑯᔾᔨᒋᐊᒃᑲᓐᓂᕈᑕᐅᕙᑦᑐᑎᒃ Hᐊᓐᓇᓚᐃᕋᖅᑐᒋᑦ. ᐅᑭᐅᖅ 2019 ᐅᖃᐅᓯᓕᕆᔾᔪᑎᐅᕙᑦᑐᖅ ᐃᓚᓕᐅᔾᔨᔪᔪᖅ ᓂᐱᓕᐅᕐᓯᒪᔪᓂᑦ ᐊᑐᓂᑦ ᐅᖃᐅᓯᕐᓄᑦ ᐅᖃᖅᑕᐅᔾᔪᑎᖏᓐᓄᓪᓗ. ᐅᐃᒍᒋᐊᕈᑎᒋᔭᐅᔪᑦ ᑮᓇᐅᔭᓂ ᐃᑲᔪᖅᑕᐅᓯᒪᔪᖅ ᓄᓇᕗᑦ ᒐᕙᒪᒃᑯᑦ ᐃᓕᖅᑯᓯᓕᕆᔨᒃᑯᓐᓂᑦ.

ᑐᓴᐅᒪᐃᓐᓇᖃᑦᑕᒃᑭᑦ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᐅᕘᓇ Facebook, Instagram ᐊᒻᒪᓗ Twitter ᐃᓕᖃᑦᑕᕐᓂᐊᕋᔅᓯ ᑐᓴᕆᐅᖅᑕᓯᓐᓂᒃ ᐃᓄᒃᑎᑐᑦ ᐅᖃᐅᓯᕐᓂᑦ ᖃᐅᑕᒫᑦ.

ᓱᐳᕋᐅᑦᔅ ᐅᓪᓗᖅᓯᐅᕆᐊᖅᑐᕐᕕᒃ ᓱᕈᓯᕐᓄᑦ

ᕿᑭᖅᑕᓃᒃᑯᑦ ᐅᐱᒍᓱᒃᖢᑎᑦ ᑮᓇᐅᔭᖃᖅᑎᑦᓯᕙᒃᑐᑦ ᓯᐳᕋᐅᑦᔅᒥ ᐅᓪᓗᖅᓯᐅᕆᐊᖅᑐᕐᕕᖕᒥ ᓱᕈᓯᕐᓄᑦ. ᑖᓐᓇ ᐱᓕᕆᐊᖅ ᐸᐃᕆᖃᑦᑕᖅᑐᑦ, ᐱᙳᐊᖅᑎᑕᐅᕙᒃᑐᑦ ᐊᒻᒪᓗ ᐃᓕᓐᓂᐊᖅᑎᑕᐅᓪᓗᑎᒃ ᓱᕈᓯᕐᓂ ᐊᕐᕌᒍᓕᖕᓄᑦ 5ᒥᑦ 9ᒧᑦ, ᐃᑲᔪᖅᑎᖃᖅᖢᑎᒃ (ᐊᕐᕌᒍᓕᖕᓂᑦ 10ᒥᑦ 12ᒧᑦ) ᐊᒻᒪᓗ ᐃᖅᑲᓇᐃᔭᖅᑎᖃᖅᖢᑎᒃ (ᐊᕐᕌᒍᓕᖕᓂᑦ 13ᒥᑦ 18ᒧᑦ). ᓯᐳᕋᐅᑦᔅ ᐊᕐᕌᒍᑕᒫᑦ ᐊᐅᓚᑕᐅᕙᒃᑐᖅ ᓯᑕᒪᓄᑦ ᐱᖓᓲᔪᖅᑑᔪᓄᓪᓗ ᐱᓇᓱᐊᕈᓯᓂ ᔪᓚᐃᒥ ᐊᒡᒌᓯᒧᑦ.

ᐱᔾᔪᑎᓪᓗᐊᑕᖓ ᑖᔅᓱᒪᐅᑉ ᐱᓕᕆᐊᑉ ᐃᓄᖕᓂ ᐃᓅᓱᒃᑐᓂ ᓯᕗᒃᑲᖅᑎᐅᓂᕐᒧᑦ ᐃᓕᓐᓂᐊᖅᑎᑕᐅᓪᓗᑎᒃ, ᑲᑐᔾᔨᖃᑎᒌᖕᓂᕐᒥᒃ ᐊᒻᒪᓗ ᐱᔭᒃᓴᒥᒃ ᐋᖅᑭᒃᓯᔪᓐᓇᕐᓂᕐᒥᒃ ᓴᖅᑭᑎᑦᓯᓂᕐᒥᓗ. ᐊᑐᖅᖢᑎᒃ ᐃᓄᐃᑦ ᐱᐅᓯᑐᖃᖏᓐᓂᒃ ᐃᓚᐅᑎᑦᓯᖃᑦᑕᕐᓂᕐᒥᒃ ᐃᓕᓐᓂᐊᕐᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐊᒻᒪᓗ ᓴᓇᙳᐊᕐᓂᕐᒥᓗ, ᓱᕈᓰᑦ ᐃᓅᓱᒃᑐᓪᓗ ᐃᓚᐅᕙᒃᖢᑎᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂ, ᐱᖃᓯᐅᑎᓪᓗᒋᑦ ᐅᑯᐊ:

  • ᓴᓇᙳᐊᕐᓂᖅ
  • ᐱᙳᐊᕐᓂᖅ ᑲᑎᒻᒪᓪᓗᑎᒃ
  • ᖃᐅᔨᓴᖅᑐᓕᕆᓂᕐᒥᒃ ᐱᓕᕆᐊᒃᓴᓂ
  • ᓄᓇᓕᐊᕐᓂᖅ − ᐊᒻᒨᒪᔾᔨᐊᕐᓂᖅ, ᐃᖃᓪᓕᐊᕐᓂᖅ, ᐊᓯᖏᓪᓗ ᓯᓚᒥ ᖃᓄᐃᓕᐅᕈᑎᓂ
  • ᐃᒐᑎᑦᓯᓂᖅ ᐊᒻᒪᓗ ᓴᓗᒻᒪᖅᓴᐃᑎᑕᐅᓪᓗᑎᒃ ᐃᓕᓐᓂᐊᖅᑎᑦᓯᒐᓱᒃᖢᑎᒃ ᐃᑲᔪᖃᑕᐅᒋᐊᖃᕐᓂᕐᒥᒃ

ᓯᐳᕋᐅᑦᔅ ᐱᒋᐊᖅᑕᐅᓚᐅᖅᓯᒪᔪᖅ 1996ᒥ ᐊᒻᒪᓗ ᐊᕐᕌᒍᑕᒫᑦ ᓴᖅᑭᑎᑕᐅᕙᒃᖢᓂ ᐃᖃᓗᓐᓂ. 50ᓂ ᓱᕈᓯᕐᓂ ᐃᓅᓱᒃᑐᓂᓗ ᐃᓚᐅᔪᖃᕈᓐᓇᖅᑐᖅ ᐃᓕᓐᓂᐊᖅᑎᑕᐅᓪᓗᑎᒃ ᐊᐅᔭᒃᑯᑦ ᐃᓕᖅᑯᓯᕐᒥ ᖃᓄᐃᓕᐅᖅᑎᑦᓯᕙᒃᖢᑎᒃ ᐊᕐᕌᒍᑕᒫᑦ. ᕿᑭᖅᑕᓃᒃᑯᑦ ᓄᓇᓕᖕᓂ ᐃᑲᔪᖅᖢᑎᒃ ᑕᐃᒪᓐᓇᐃᑦᑐᓂ ᐱᓕᕆᐊᒃᓴᓂ ᓴᖅᑭᑎᑦᓯᕙᖕᒥᔪᑦ ᕿᑭᖅᑕᓂ ᓄᓇᓕᖕᓂ.

ᕿᑭᖅᑕᓃᒃᑯᑦ ᖁᔭᓐᓇᒦᖅᓯᒪᔪᑦ ᐊᒃᓱᐋᒃᑯᓐᓂ ᐃᑲᔪᖅᓯᒪᓂᖏᓐᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᖑᔪᓂᒃ ᓯᐳᕋᐅᑦᓯᓄᑦ ᐅᓪᓗᖅᓯᐅᕆᐊᖅᑐᕐᕕᖕᒧᑦ

ᑐᑭᓯᒍᒪᒍᕕᑦ ᖃᓄᖅ ᐱᓇᓱᖃᑕᐅᔪᓐᓇᕐᒪᖔᖅᐲᑦ, ᖃᐅᔨᒋᐊᕐᕕᒋᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

ᐅᖄᓚᐅᑖ: 867•975•8400
ᐊᑭᖃᙱᑦᑐᖅ: 1•800•667•2742
ᓱᑲᑦᑐᒃᑯᑦ: 867•979•3238
ᐃᕐᖐᓐᓈᖅᑕᐅᑖ: BKilabuk@QIA.ca

ᐱᒋᐊᕈᑎᑦᑎᐊᕙᐃᑦ ᐱᓕᕆᐊᖅ

ᓴᓇᓂᖅ ᐃᓄᒃᑎᑑᖓᔪᓂᑦ ᐅᖃᓕᒫᒐᕐᓂᑦ

ᕿᑭᖅᑕᓂᒃᑯᑦ ᐱᓕᕆᖃᑎᖃᖃᑦᑕᕐᓯᒪᒻᒪᑕ ᐅᖃᓕᒫᒐᓕᐅᖅᑎᓂᑦ Inhabit Media ᖁᓕᐸᓗᓐᓂᑦ ᐊᕐᕌᒍᓂᑦ ᐱᒋᐊᕈᙱᑦᑎᐊᕙᑦᑎᒍᑦ ᑖᒃᑯᐊ ᓴᓇᖃᑦᑕᓲᑦ ᐃᓄᒃᑎᑑᖓᔪᓂᑦ ᓱᕈᓯᕐᓯᐅᑎᓂᑦ ᐅᖃᓕᒫᒐᕐᓂᑦ. ᐃᑲᔪᕐᓯᒪᔪᑦ ᐃᓱᒪᒋᓯᒪᔭᑦᑎᓐᓂᒃ ᐊᒻᒪᓗ ᐃᑲᔪᕐᓯᒪᓪᓗᑎᒃ ᐅᕙᑦᑎᓐᓂᒃ ᐃᓱᒪᑖᕆᓯᒪᔭᕗᑦ ᐱᓪᓚᑦᑖᕈᖅᑎᑕᐅᖃᑦᑕᖅᑐᑎᒃ.

ᐅᖃᓕᒫᒐᓕᐊᖑᕙᑦᑐᑦ ᑕᕝᕘᓇ ᑐᓂᔭᐅᕙᑦᑐᑦ ᐃᓕᓴᕕᓐᓄᑦ ᐸᐃᕆᕕᓐᓄᓪᓗ ᕿᑭᖅᑕᓂ ᓄᓇᓕᓐᓄᑦ. ᑖᒃᑯᐊ ᐱᔭᔅᓴᐅᖃᑦᑕᕐᒥᔪᑦ ᐊᑭᖃᕋᑎᒃ ᖃᕋᓴᐅᔭᒃᑯᑦ ᐅᕙᙵᑦ ᑐᑭᓯᒋᐊᕈᑎᖃᕐᕕᒻᒥᑦ ᓄᓇᕗᒥ ᒪᕐᕉᓐᓂᒃ ᐅᖃᐅᓯᓕᓐᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᑲᑐᔾᔨᖃᑎᒌᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓ.

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ