ᐃᖃᓗᐃᑦ, ᓄᓇᕗᑦ − ᔫᓂ 11, 2025- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑲᑎᒪᔨᐅᖃᑕᐅᒍᒪᒐᔭᖅᑐᓂᒃ ᐱᓇᓱᐊᖁᔨᓕᕐᒥᔪᑦ ᓄᓇᓕᓐᓄᑦ ᑭᒡᒐᑐᖅᑎᔅᓴᒥᒃ ᐃᖃᓗᓐᓄᑦ. ᑖᓐᓇ ᒪᑐᕕᔅᓴᓕᒃ ᐱᓇᓲᑎᓄᑦ ᔪᓚᐃ 11, 2025.
ᓯᑏᕙᓐ ᐴᓕ ᓘᑲᓯ ᓄᖅᑲᐅᔾᔨᓚᐅᕐᖓᑦ ᓄᓇᓕᓐᓄᑦ ᑲᑎᒪᔨᐅᓂᕐᒥᓂᒃ ᐃᖃᓗᓐᓄᑦ ᒪᐃᖑᑎᓪᓗᒍ, ᑖᓐᓇ ᐃᓂᒋᓚᐅᖅᑕᖓ ᐃᓄᖃᕈᓐᓃᕐᖓᑦ ᕿᑭᖅᑕᓂᒃᑯᑦ ᑲᑎᒪᔨᖏᓐᓂᑦ. ᒪᓕᑦᑐᒋᑦ ᒪᓕᒐᕋᓛᖏᑦ ᑕᓪᓕᒪᒋᓕᖅᑕᖏᑦ, ᑎᑎᕋᕐᓯᒪᓂᖓᑕ ᓇᓛᓂ 6.01.4 (b) (2) ᑖᓐᓇ ᐃᓂᒋᓚᐅᖅᑕᖓ ᒪᕐᕉᓐᓂᒃ (2) ᐊᕐᕌᒎᓐᓂᒃ ᓱᓕ ᐊᒥᐊᒃᑯᖃᕐᖓᑦ, ᑕᐃᒪᐃᓐᓂᖓᓄᑦ ᒪᐅᓇᑐᐃᓐᓇᖅ−ᓂᕈᐊᕈᑕᐅᒋᐊᑐᙱᒻᒪᑦ.
ᐆᑦᑐᕈᓐᓇᖅᑐᑦ ᑲᑎᒪᔨᐅᓂᕐᒧᑦ, ᑭᒃᑯᑐᐃᓐᓇᐃᑦ:
– ᐃᓅᔭᕆᐊᓕᒃ ᓇᓗᓇᐃᖅᑕᐅᓯᒪᓗᓂ ᐃᓚᒋᔭᐅᔾᔪᑎᖃᕐᓂᖓᓂᒃ ᓄᓇᕗᑦ ᐊᖏᖃᑎᒌᒍᑎᖏᓐᓂ;
– ᐃᖃᓗᓐᓂ ᓄᓇᖃᕆᐊᓕᒃ ᓄᓇᖃᕐᓯᒪᓗᓂ ᑕᒫᓂ 12ᓂᑦ ᑕᖅᑭᓂᑦ ᑐᖔᓂᐅᑎᑐᖅ;
– 16ᓂᑦ ᐅᑭᐅᖃᕆᐊᓕᒃ ᐅᖓᑖᓂᓘᓐᓃᑦ ᑕᕝᕙᓂ ᔪᓚᐃ 11;
– ᑐᓂᓯᔭᕆᐊᓕᒃ ᐱᕋᔭᓚᐅᕐᓯᒪᓂᑰᒻᒪᖔᖅ ᖃᐅᔨᓴᖅᑕᐅᔾᔪᑎᒥᓂᖏᓐᓂᒃ ᐱᖓᓲᔪᖅᑐᓂᑦ (6) ᑕᖅᑭᓂᑦ ᐊᓂᒍᕋᑖᕐᓯᒪᔪᓂᑦ
ᑐᑭᓯᒋᐊᒃᑲᓐᓂᕈᒪᒍᕕᑦ ᑭᓱᓂᑦ ᐃᖅᑲᓇᐃᔮᔅᓴᖃᓲᖑᒻᒪᖔᑕ ᓄᓇᓕᓐᓂᑦ ᑲᑎᒪᔨᐅᕙᑦᑐᑦ, ᐅᕝᕙᓘᓐᓃᑦ ᑐᓂᓯᔪᒪᒍᕕᑦ ᐱᓇᓲᑎᓐᓂᒃ ᑖᔅᓱᒧᖓ, ᐊᑏ ᐅᖃᕐᕕᒋᙳᐊᑕᕐᓯᓇᕐᓂᐊᖅᑲᑦ ᑭᐅᕋᓐ ᕙᓚᕋᑎ ᐅᕗᖓ 975-8398 ᑎᑎᕋᕐᕕᒋᓗᒍᓘᓐᓃᑦ ᐅᕗᖓ kflaherty@qia.ca.
ᑎᑎᕋᕐᕕᔅᓴᖅ ᐱᓇᓲᑎ ᖃᕋᓴᐅᔭᒃᑯᑦ ᐱᔭᔅᓴᖅ ᐅᕙᙵᑦ: https://www.qia.ca/community-director-for-iqaluit/
ᐊᑐᐃᓐᓇᖃᙱᒃᑯᕕᑦ ᖃᕋᓴᐅᔭᕐᒥᒃ, ᐸᐃᑉᐹᒨᕆᔾᔪᑎᒥᒃ ᐅᕝᕙᓘᓐᓃᑦ ᐱᓇᓲᑎᒥᒃ ᑎᑎᕋᕐᕕᔅᓴᒥᒃ, ᐊᐃᔅᓯᕈᓐᓇᖅᑐᑎᑦ ᑎᑎᕋᕐᕕᔅᓴᒥᒃ ᐅᕝᕙᓘᓐᓃᑦ ᑐᓂᓯᔪᓐᓇᖅᑐᑎᑦ ᐱᔭᕇᕐᓯᒪᑦᑎᐊᕐᓗᒍ ᐱᓇᓲᑏᑦ ᐃᖃᓗᓐᓂ ᑐᓴᐅᒪᑎᑦᑎᔨᒧᑦ, ᐊᓪᓚᕝᕕᓕᒃ ᖄᖅᑎᖓᓂ ᐊᑯᓪᓕᕐᐹᒥ ᐃᒡᓗᕗᑦ ᐃᓪᓗᒥ.
ᓂᕈᐊᓛᖅᑐᑦ ᓄᓇᓕᓐᓄᑦ ᑲᑎᒪᔨᔅᓴᒥᒃ ᐃᖃᓗᓐᓂ ᓯᑎᐱᕆᐅᓕᖅᑲᑦ, ᐊᒻᒪᓗ ᑕᐃᓐᓇ ᓂᕈᐊᖅᑕᖅ ᓂᕆᐅᒋᔭᐅᓛᖅᑐᖅ ᑲᑎᒪᖃᑕᐅᓛᕐᓂᖓᓂᒃ ᕿᑭᖅᑕᓂᒃᑯᑦ ᑲᑎᒪᕕᔾᔪᐊᓕᖅᑲᑕ ᐅᑐᐱᕆᐅᓕᖅᑲᑦ.
ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᒋᐊᕈᒪᒍᕕᑦ, ᑐᑭᓯᒋᐊᕐᕕᒋᓗᒍ ᑖᓐᓇ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅᖄᓚᐅᑖ) 867.975.8398 ᐅᖓᓯᑦᑐᒥᑦ ᐊᑭᖃᙱᑐᒃᑯᑦ 1.800.667.2742
kflaherty@qia.ca
