ᐃᖃᓗᐃᑦ, ᓄᓇᕗᑦ, ᒪᐃ  4, 2023, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐱᓪᓗᕆᒃᑐᓂᒃ ᐃᓄᖕᓂ ᑲᑎᒪᔨᙳᕈᒪᒐᔭᖅᑐᓄᑦ ᐅᑯᓂᖓ ᓇᓕᐊᑐᐃᓐᓇᖏᓐᓂᑦ ᑲᑎᒪᔨᐅᕝᕕᐅᔪᓄᑦ:

 ᕿᑭᖅᑕᓃᒃᑯᓐᓄᑦ ᒪᒃᑯᒃᑐᒥᒃ ᑭᒡᒐᖅᑐᖅᑎᒃᓴᒥ- ᐊᑕᐅᓯᖅ ᐃᓂᒃᓴᖅ (ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)

• ᕿᑭᖅᑕᓃᒃᑯᓐᓄᑦ ᐊᕐᓇᓄᑦ ᑭᒡᒐᖅᑐᖅᑎᒃᓴᒥ – ᐊᑕᐅᓯᖅ ᐃᓂᒃᓴᖅ (ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ)
• ᓯᕐᒥᓕᒃ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ − ᐊᑕᐅᓯᖅ ᐃᓂᒃᓴᖅ, ᑲᑎᒪᔨᐅᒐᔭᖅᑐᖅ ᐱᔭᕇᖅᑕᐅᓇᓱᐊᕐᓂᖓᓄᑦ
• ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᖅᓯᕝᕕᖕᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ − ᐊᑕᐅᓯᖅ ᐃᓂᒃᓴᖅ, ᑲᑎᒪᔨᐅᒐᔭᖅᑐᖅ ᐱᔭᕇᖅᑕᐅᓇᓱᐊᕐᓂᖓᓄᑦ
• ᐃᖃᓗᓐᓂ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ ᐃᖃᓗᐃᑦ ᑰᖓᓄᑦ ᐊᒻᒪ ᖃᐅᒻᒫᕐᕕᖕᒧᑦ ᓄᓇᕗᑦ ᒥᕐᖑᐃᖅᓯᕝᕕᖓ − ᒪᕐᕉᒃ ᐃᓂᒃᓴᑦ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᑎᒃ
• ᐊᐅᓱᐃᑦᑐᕐᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᕐᓂᒧᓪᓗ ᑲᑎᒪᔨᕋᓛᖏᑦ − ᓇᐹᖅᑐᓕᒃ ᓄᓇᕗᒥ ᒥᕐᖑᐃᖅᓯᕝᕕᖕᒧᑦ, ᐊᑕᐅᓯᖅ ᐃᓂᒃᓴᖅ, ᐱᖓᓱᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ.
• ᑲᑭᕙᒃ ᑲᑐᔾᔨᖃᑎᒌᖏᑦ, ᐊᑕᐅᓯᖅ ᐃᓂᒃᓴᖅ, (ᓇᓗᓇᐃᖅᑕᐅᔪᒃᓴᒫᖅ ᖃᓄᑎᒋᐅᓂᐊᕐᒪᖔᑦ ᑲᑎᒪᔨᐅᕝᕕᐅᓂᐊᖅᑐᖅ)

ᕿᑭᖅᑕᓃᒃᑯᑦ ᓇᓗᓇᐃᖅᓯᓯᒪᑦᑎᐊᕈᒪᕗᑦ ᐃᓄᐃᑦ ᐃᓚᒋᔭᐅᑦᑎᐊᕐᓂᖏᓐᓄᑦ ᐊᑐᓕᖅᑎᑕᐅᓂᖓᓂᒃ ᓄᓇᕗᒥ ᐊᖏᕈᑎᖓ.  ᑕᐃᒪᐃᒻᒪᑦ, ᕿᑭᖅᑕᓃᒃᑯᑦ ᐊᑐᖃᑦᑕᖅᑐᑦ ᒪᑐᐃᖓᑦᑎᐊᖅᑐᒥᒃ ᓵᙵᔭᐅᕝᕕᖃᕈᓐᓇᕐᓂᕐᒥᒃ ᖃᓄᖅᑑᕈᑎᒋᔭᖏᓐᓂᒃ ᐃᓱᒪᒃᓴᖅᓯᐅᕈᑎᖃᖅᑎᓪᓗᒋᑦ ᐆᒃᑐᖅᑐᓄᑦ ᑲᑎᒪᔨᒃᓴᐅᓂᕐᒧᑦ.  ᖃᐅᔨᒪᓂᐊᖅᑯᓯ ᐸᓖᓯᒃᑯᓐᓂᑦ ᖃᐅᔨᓴᖅᑕᐅᒋᐊᖃᕋᔭᖅᑐᑦ ᑎᒃᑯᐊᖅᑕᐅᒍᒪᔪᑦ/ᓂᕈᐊᒐᒃᓴᓕᐅᖅᑕᐅᔪᒪᔪᓄᓪᓘᓐᓃᑦ.

ᑭᓪᓕᖃᖅᑐᖅ ᐱᓇᓱᖃᑕᐅᒍᒪᔪᓄᑦ ᒪᐃ 15ᒥ, 2023ᒥ 5:00ᒧᐊᖅᐸᑦ ᑲᓇᖕᓇᐅᑉ ᓯᕿᙳᔭᖓ ᒪᓕᓪᓗᒍ.

ᑐᓂᓯᔪᓐᓇᖅᑐᑎᑦ ᑕᑕᑎᖅᓯᒪᔭᕐᓂᑦ ᐆᒃᑐᖃᑕᐅᒍᒪᓂᕐᒥᒃ ᑲᑎᒪᔨᐅᓂᕐᒧᑦ ᐅᕝᕙᓘᓐᓃᑦ ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:

ᕿᑭᖅᑕᓃᒃᑯᑦ ᐊᐅᓚᑦᑎᔾᔪᑎᓕᕆᓂᕐᒧᑦ ᐊᐅᓚᑦᑎᔨᖓ
ᓴᐅᒥᒃ ᑐᐊᕋᓱᐊᕆᐳᐊ
ᐅᖄᓚᐅᑖ: 867-975-8417
nominations@QIA.ca

ᐅᕝᕙᓘᓐᓃᑦ

ᐅᕝᕙᓘᓐᓃᑦ ᖃᐅᔨᒋᐊᕐᓗᒍ ᓄᓇᓕᔅᓯᓐᓂ ᑐᓴᐅᒪᑎᑦᑎᔨᓯ ᐃᑲᔪᖅᑕᐅᒋᐊᖃᕈᕕᑦ.

2023-05-board-committee-application-form-fillable-inuk

ᐱᕙᓪᓕᐊᔪᓕᕆᔨᑦ ᑐᒃᓯᕋᖅᐸᑕ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓄᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥ
ᐊᑭᖃᙱᑐᒃᑯᓘᓐᓃᑦ 1.800.667.2742
kflaherty@qia.ca