ᕿᑭᖅᑕᓃᒃᑯᑦ ᑐᓂᓯᔪᑦ ᐃᑲᔫᑎᓂᒃ ᐃᓄᖕᓄᑦ ᕿᒻᒥᖃᖅᑎᐅᔪᓄᑦ
ᐃᖃᓗᐃᑦ, ᓄᓇᕗᑦ – ᐅᒃᑑᕙ 27, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᖁᕕᐊᓱᒃᖢᑎᒃ ᑐᓴᖅᑎᑦᑎᒍᒪᕗᑦ ᐱᖓᓱᒋᔭᖓᓂᑦ ᐊᕐᕌᒍᑕᒥ ᕿᑭᖅᑕᓂ ᕿᒧᒃᓯᖅᑎᓄᑦ ᐱᓕᕆᐊᕐᒥᒃ ᓴᖅᑭᑎᑦᑎᓯᒪᓕᖅᑐᑦ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᕿᒻᒥᖃᖅᑎᐅᔪᑦ.
ᑖᒃᑯᐊ ᕿᒻᒥᖃᖅᑎᐅᔪᓄᑦ ᐃᑲᔫᑎᑦ ᑐᓂᔭᐅᖃᑦᑕᖅᑐᑦ ᐃᓄᖕᓄᑦ ᕿᑭᖅᑕᓂᒥᐅᓄᑦ ᕿᒧᒃᓯᐅᑎᓂᒃ ᕿᒻᒥᓕᖕᓄᑦ. ᐊᑐᓂ ᑐᒃᓯᕋᖅᑐᖅ ᑮᓇᐅᔭᓂᑦ ᑐᓂᔭᐅᔪᓐᓇᖅᑐᖅ $3,000ᓂ ᐊᑕᐅᓯᐊᖅᑕᐅᓗᓂ ᐊᑭᓕᖅᑕᐅᓂᐊᕐᓗᓂ. ᑖᒃᑯᐊ ᑮᓇᐅᔭᐃᑦ ᐊᑐᕈᓐᓇᖅᑐᑦ ᐊᔾᔨᒌᙱᑦᑐᓄᑦ ᕿᒻᒥᖕᓄᑦ ᐊᑐᕆᐊᓕᖕᓂᑦ, ᐊᒻᒪᓗ ᑭᒡᓕᒋᔭᐅᙱᓪᓗᓯᖑᑎᒃ ᐅᑯᐊ, ᕿᒥᖅᑯᑎᒃᓴᑦ ᐊᓄᑖᕈᑎᐅᓗᑎᒃ ᐊᒻᒪᓗ ᐊᒃᖢᓈᓂᓪᓘᓐᓃᑦ.
“ᑲᔪᓯᓂᖓ ᕿᒧᒃᓯᖃᑦᑕᕐᓂᖅ ᕿᑭᖅᑖᓗᖕᒥ ᐱᒻᒪᕆᐅᕗᖅ ᐃᓚᒋᔭᐅᖕᒪᑦ ᐃᓕᖅᑯᓯᕐᒥᒃ ᐆᒪᖅᑎᑦᑎᓂᕐᒥᒃ ᐊᒻᒪ ᒪᒥᓴᕈᓐᓇᖅᖢᑎᒃ ᐃᓄᖁᑎᕗᑦ ᐊᒻᒪᓗ ᐅᐱᒍᓱᒃᖢᖓ ᐱᕙᓪᓕᐊᓯᒪᓂᑦᑎᓐᓂᒃ ᐅᓪᓗᒥᒧᑦ. ᑲᔪᓯᑎᑦᑎᓂᐊᖅᑐᑦ ᐊᖅᑯᑎᒋᔭᑦᑎᓐᓄᑦ ᓴᐃᒻᒪᖃᑎᒌᖕᓂᕐᒧᑦ ᐊᒻᒪᓗ ᐊᑑᑎᖃᕐᓂᐊᖅᑐᒃ ᓯᕗᒧᐊᕈᑎᖃᕐᓗᑕ ᐊᑐᓕᖁᔭᐅᓯᒪᔪᓂᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᓐᓂᑦ” ᐅᖃᖅᑐᖅ ᐅᓛᔪᒃ ᐊᑭᓱᒃ, ᐊᖓᔪᖅᑳᖅ ᕿᑭᖅᑕᓃᒃᑯᓐᓂ.
ᐃᓄᐃᑦ ᕿᑭᖅᑕᓂᒥᐅᑦ ᑕᓪᓕᒪᓂᒃ ᐅᖓᑕᓃᓪᓘᓐᓃᑦ ᕿᒻᒥᖃᖅᑐᑦ ᑐᒃᓯᕋᕈᓐᓇᖅᑐᑦ ᑕᒡᕙᙵᑦ ᕿᑭᖅᑕᓂ ᕿᒧᒃᓯᖅᑎᓄᑦ ᐃᑲᔫᑎᖓᓄᑦ, ᐱᖃᓯᐅᑎᓗᒋᑦ ᑕᐃᒃᑯᐊ ᑐᒃᓯᕋᓚᐅᖅᓯᒪᔪᑦ ᐊᕐᕌᒍᓂᑦ 2021ᒥ ᐊᒻᒪ 2020ᒥᓗ. ᑐᒃᓯᕋᐅᑎᑦ ᑕᑕᑎᕆᐊᓖᑦ ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓂᑦ ᐱᔭᐅᔪᓐᓇᖅᑐᑦ ᐅᕙᓂ (www.qia.ca/qikiqtani-qimuksiqtiit-project) , ᐃᑲᔪᖅᑕᐅᔪᓐᓇᖅᖢᓯ ᓄᓇᓕᖕᒥ ᑐᓴᐅᒪᑎᑦᑎᔨᒋᔭᔅᓯᓐᓄᑦ, ᐅᕝᕙᓘᓐᓃᑦ ᐅᖄᓚᕕᒋᓗᒍ ᑕᕋᐃᓯ ᐸᕋᑐᕆᔾ ᐅᕗᖓ 867-975-8377 ᐅᕝᕙᓘᓐᓃᑦ ᑎᑎᕋᕐᕕᒋᓗᒍ ᐃᕐᖐᓐᓈᖅᑕᐅᑖᓄᑦ ᐅᕗᖓ tpartridge@qia.ca.
ᑐᒃᓯᕋᐅᑎᓕᐅᕈᒪᔪᑦ ᑭᒡᓕᖃᖅᑎᑕᐅᔪᖅ ᑎᓯᐱᕆ 31, 2022ᒥ. ᑕᐃᒃᑯᐊ ᐊᖏᖅᑕᐅᔪᑦ ᑮᓇᐅᔭᖅᑖᕈᓐᓇᖅᓯᓂᐊᖅᖢᑎᒃ ᔭᓐᓄᐊᓕ 31, 2023ᖑᓕᖅᐸᑦ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒧᓪᓘᓐᓃᑦ 1.800.667.2742
