ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᑦ ᐃᖅᑲᓇᐃᔮᒡᓴᖅ
ᐃᖅᑲᓇᐃᔮᖅ: ᐊᑐᐊᒐᕐᓂᑦ ᕿᒥᕐᕈᔨ, ᐃᓅᓯᓕᕆᓂᕐᒧᑦ ᐃᑲᔫᑎᓂᑦ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ ᐅᑯᓄᖓ: ᓯᕗᓪᓕᐅᔾᔭᐅᓂᐊᖅᑐᑦ ᐃᓄᐃᑦ ᓄᓇᑖᖃᑕᐅᓯᒪᔪᑦ ᓄᓇᕗᑦ ᐊᖏᖃᑎᒌᒍᑎᖏᑎᒍᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᖅᑲᓇᐃᔭᖅᑎᓴᕐᓯᐅᖅᑐᑦ ᐃᖅᑲᓇᐃᔮᖃᕈᒪᑦᑎᐊᖅᑐᒥᒃ ᐊᒻᒪᓗ ᕿᒥᕐᕈᔪᓐᓇᑎᐊᖅᑐᒥᒃ ᐊᑐᐊᒐᕐᓂᑦ ᕿᒥᕐᕈᔨᐅᓂᕐᒧᑦ, ᐃᓅᓯᓕᕆᓂᕐᒧᑦ ᐃᑲᔫᑎᓂᑦ ᐃᑲᔪᖃᑦᑕᕋᔭᖅᑐᒥᒃ ᐱᓇᓱᐊᕈᑕᐅᕙᑦᑐᓂᑦ ᐊᑐᓕᖅᑎᑦᑎᕙᓪᓕᐊᓂᐊᖅᑐᒥᒃ ᐃᓄᓐᓄᑦ ᐃᓅᓯᓕᕆᓂᕐᒨᖓᔪᓂᑦ ᐊᒻᒪᓗ ᐃᓅᓯᖃᑦᑎᐊᓂᕐᒨᖓᔪᓂᑦ ᕿᑭᖅᑕᓂ ᓄᓇᓕᓐᓂᑦ ᐊᒻᒪᓗ ᐃᓄᐃᑦ ᓄᓇᖓᓐᓂ.
ᐊᑐᐊᒐᕐᓂᑦ ᕿᒥᕐᕈᔨ, ᐃᓅᓯᓕᕆᓂᕐᒧᑦ ᐃᑲᔫᑎᓂᑦ ᖃᐅᔨᓴᖃᑦᑕᓲᑦ ᐊᒻᒪᓗ ᕿᒥᕐᕈᖃᑦᑕᓲᖅ ᐃᓅᓯᕐᒨᖓᔪᓂᑦ ᐱᔾᔪᑕᐅᕙᑦᑐᓂᑦ ᐊᑑᑎᓂᖃᕐᐸᑦᑐᓂᑦ ᐃᓄᓐᓄᑦ ᓄᓇᓕᐅᔪᓄᑦ ᐊᒻᒪᓗ ᐃᑲᔫᑎᖃᕐᐸᑦᑐᓂᑦ ᐱᕙᓪᓕᐊᑎᑦᑎᓂᕐᒧᑦ, ᐊᑐᓕᖅᑎᑦᑎᕙᓪᓕᐊᓂᕐᒧᑦ, ᓇᐅᑦᑎᕐᓱᖃᑦᑕᓂᕐᒧᑦ, ᐊᒻᒪᓗ ᖃᐅᔨᓴᖃᑦᑕᓂᕐᒧᑦ ᐊᑐᐊᒐᕐᓂᑦ, ᐃᑲᔫᑎᓂᑦ, ᐊᒻᒪᓗ ᐱᓇᓱᐊᕈᑕᐅᕙᑦᑐᓂᑦ ᐊᑐᓕᖅᑎᑦᑎᕙᓪᓕᐊᒍᑕᐅᕙᑦᑐᓂᑦ ᐃᓄᓐᓄᑦ ᐃᓅᓯᓕᕆᓂᕐᒧᑦ ᓯᕗᓪᓕᐅᔾᔭᐅᕙᑦᑐᓂᑦ. ᑖᓐᓇ ᐃᖅᑲᓇᐃᔮᖅ ᐃᑲᔪᖅᑎᒌᑦᑐᑎᒃ ᑲᑐᔾᔨᖃᑎᒌᒍᑕᐅᕙᑦᑐᖅ ᐃᓄᓐᓄᑦ ᑎᒥᐅᔪᓄᑦ, ᒐᕙᒪᒃᑯᓐᓄᑦ, ᐋᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᓄᑦ, ᐊᒻᒪᓗ ᓄᓇᓕᓐᓂᑦ ᐊᑑᑎᕕᐅᖃᑕᐅᕙᑦᑐᓄᑦ ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᐃᓄᐃᑦ ᑕᑯᓐᓈᕈᓯᖏᑦ ᐱᔾᔪᑕᐅᖃᑦᑕᕋᓗᐊᕐᒪᖔᑕ ᐃᓅᓯᓕᕆᓂᕐᒧᑦ ᐊᑐᐊᒐᕐᓂᑦ ᐊᒻᒪᓗ ᐃᑲᔫᑎᓂᑦ ᐱᕙᓪᓕᐊᑎᑦᑎᓂᕐᒥᒃ. ᑐᑭᒧᐊᑦᑎᑦᑎᔨᖃᕐᓗᓂ ᐊᑐᐊᒐᕐᓂᑦ ᕿᒥᕐᕈᔨᓪᓗᐊᑕᕐᒥᒃ, ᐃᖅᑲᓇᐃᔮᖅᑖᖅᑐᖅ ᐃᑲᔫᑎᖃᖃᑦᑕᓂᐊᖅᑐᖅ ᐊᑐᐊᒐᕐᓂᑦ ᐱᕙᓪᓕᐊᑎᑦᑎᓂᕐᒧᑦ, ᖃᐅᔨᓴᖃᑦᑕᓂᕐᒧᑦ, ᐊᑑᑎᕕᐅᕙᑦᑐᓄᑦ ᐃᓚᒋᔭᐅᑎᑦᑎᖃᑦᑕᓂᕐᒥᒃ, ᐊᒻᒪᓗ ᐱᓕᕆᐊᕐᒥ ᑐᑭᒧᐊᑦᑎᑦᑎᖃᑦᑕᓂᕐᒥᒃ ᐃᑲᔫᑎᖃᕐᐸᑦᑐᓂᑦ ᐃᓄᓐᓄᑦ ᓇᒻᒥᓂᖅ−ᑐᑭᑖᕈᑎᖃᖃᑦᑕᓂᕐᒧᑦ ᐊᒻᒪᓗ ᑕᐃᒫᔅᓴᐃᓐᓇᖅ ᐊᑐᐃᓐᓇᖃᑦᑎᐊᖃᑦᑕᖁᓪᓗᒋᑦ ᐃᓕᖅᑯᓯᖅᑎᒍᑦ ᐊᑑᑎᓂᓕᓐᓂᑦ ᐃᓅᓯᓕᕆᓂᕐᒥᒃ ᐱᔨᑦᑎᕋᐅᑕᐅᕙᑦᑐᓂᑦ.
ᐅᐱᓐᓇᕋᓂᓗ, ᓯᓚᑦᑐᓴᕐᕕᒻᒥ ᐃᓕᓐᓂᐊᕈᒻᒥᑦ ᐸᐃᑉᐹᖅᑖᕈᑕᐅᓯᒪᒋᐊᓕᒃ ᒐᕙᒪᓕᕆᓂᕐᒥᑦ ᖃᐅᔨᓴᖅᑐᓕᕆᓂᕐᒥᒃ ᐅᕝᕙᓘᓐᓃᑦ ᐃᓅᓯᕐᒨᖓᔪᓂᑦ ᖃᐅᔨᓴᖅᑐᓕᕆᓂᕐᒥᒃ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐊᒻᒪᓗ ᐃᖅᑲᓇᐃᔮᖃᖃᑦᑕᕐᓯᒪᑉᐸᑦ ᐃᓱᒪᒋᔭᐅᒋᐊᕈᓐᓇᕐᒥᔪᖅ.
ᐃᖅᑲᓇᐃᔭᖅᑎᓴᕐᓯᐅᕈᑎᖃᖅᑐᒍᑦ ᒪᑯᓂᖓ:
- ᐱᖓᓱᓂᑦ (3) ᐊᕐᕌᒍᓂᑦ ᐃᖅᑲᓇᐃᔮᖃᕐᓯᒪᔪᒥᒃ ᖃᐅᔨᓴᖅᑐᓕᕆᓂᕐᒥᒃ ᕿᒥᕐᕈᖃᑦᑕᓂᕐᒥᓪᓗ, ᒪᑯᓂᖓᐅᖁᓇᖅᑐᓂ ᐃᓅᓯᕐᒨᖓᔪᓂᑦ ᐊᒻᒪᓗ ᓄᓇᖃᖅᑑᖅᑐᓄᑦ ᐅᕝᕙᓘᓐᓃᑦ ᐃᓅᓯᓕᕆᓂᕐᒧᑦ ᐊᑐᐊᒐᕐᓂᑦ.
- ᐅᓂᒃᑳᓕᐅᖃᑦᑕᕐᓂᑰᓗᓂ ᑐᓴᖅᑎᑦᑎᒍᑎᓂᑦ, ᖃᐅᔨᒃᑲᐃᔾᔪᑎᓂᑦ, ᐊᑐᐊᒐᕐᓅᖓᔪᖤᑦ, ᐊᒻᒪᓗ ᐊᑐᓕᖅᑎᑦᑎᖁᔨᔾᔪᑎᓂᑦ ᑐᑭᑖᕈᑎᖃᕐᓂᐊᖅᑐᓄᑦ.
- ᐃᖅᑲᓇᐃᔮᖃᖃᑦᑕᕐᓯᒪᓗᓂ ᓯᕗᓕᕐᓯᓂᕐᒥᒃ ᐊᑑᑎᕕᐅᖃᑕᐅᔪᓄᑦ ᐃᓚᒋᔭᐅᑎᑦᑎᓂᕐᒥᒃ, ᑐᑭᒧᐊᑦᑎᑦᑎᓂᕐᒥᒃ ᑲᑎᒪᔪᓂᑦ, ᐊᒻᒪᓗ ᐅᓂᒃᑳᖃᑦᑕᕐᓯᒪᓗᓂ ᐅᓂᒃᑳᕆᒋᐊᓕᖏᓐᓂᒃ.
- ᕿᒥᕐᕈᔪᓐᓇᑎᐊᖅᑐᒥᒃ, ᖃᐅᔨᓴᕈᑎᖃᕈᓐᓇᑎᐊᖅᑐᒥᒃ, ᑎᑎᕋᕈᓐᓇᑎᐊᖅᑐᒥᒃ, ᐅᖃᐅᓯᒃᑯᓪᓗ ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑎᐊᖅᑐᒥᒃ.
- ᖃᐅᔨᒪᑦᑎᐊᕐᓗᓂ ᐃᓄᓐᓄᑦ ᐃᓅᓯᕐᒨᖓᔪᓂᑦ ᓯᕗᓪᓕᐅᔾᔭᐅᕙᑦᑐᓂᑦ, ᐱᔾᔪᑕᐅᕙᑦᑐᓂᑦ ᐃᓅᓯᓕᕆᓂᕐᒨᖓᔪᓂᑦ, ᐃᓄᐃᑦ ᐱᖅᑯᓯᖅᑎᒍᑦ ᐅᑉᐱᕆᔭᖏᓐᓂᒃ, ᐊᒻᒪᓗ ᐃᓅᓯᖃᑦᑎᐊᓂᕐᒧᑦ ᑐᙵᕕᐅᔪᓂᑦ.
- ᖃᐅᔨᒪᑦᑎᐊᕐᓗᓂ ᓄᓇᕗᑦ ᐊᖏᖃᑎᒌᒍᑎᖏᓐᓂᒃ, ᐱᓗᐊᖅᑐᒥᑦ ᐃᓛᒃᑯᑦ 32-ᒥᒃ.
- ᖃᐅᔨᒪᑦᑎᐊᕐᓗᓂ ᑎᑎᖅᑭᕆᔾᔪᑎᓂᑦ ᐊᑐᖅᑕᐅᓲᓂᑦ ᖃᕋᓴᐅᔭᒃᑯᑦ Microsoft Office.
- ᐃᓄᒃᑎᑑᕈᓐᓇᑎᐊᕐᓗᓂ ᑖᓐᓇ ᐱᔪᒐᕆᔭᐅᓗᐊᕋᔭᕐᒥᔪᖅ.
ᑮᓇᐅᔾᔭᔅᓵᕆᖃᑦᑕᓂᐊᖅᑕᖏᑦ ᑕᒫᓃᑦᑐᑦ $103,628 to $124,313 ᐊᕐᕌᒍᑕᒫᑦ, ᓄᓇᕗᒻᒥ ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᓲᖑᒻᒥᔪᑦ $28,925ᓂᑦ ᐊᕐᕌᒍᑕᒫᑦ. ᐊᕐᕌᒍᑕᒫᑦ ᕿᑲᕈᑎᔅᓴᖅᑖᖃᑦᑕᕋᔭᕐᒥᔪᖅ (VTA). ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
Human Resources ᐅᖄᓚᐅᑖ: (867) 975-8400
Qikiqtani Inuit Association ᓱᒃᑲᔪᒃᑰᕈᑖ: (867) 979-3238
Igluvut building, 2nd floor
P.O. Box 1340 ᐃᕐᖐᓈᖅᑕᐅᑖ: Resumes@qia.ca
Iqaluit, NU X0A 0H0 ᑕᑯᓂᐊᕋᔅᓴᖅ: Tuttarvik.qia.ca
ᒪᑐᕕᔅᓴᖓᑕ ᐅᓪᓗᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ
