ᔮᓐᓄᐊᓕ 2023ᖑᑎᓪᓗᒍ, ᕿᑭᖅᑕᓂ ᐃᓄᐃᑦ ᑲᔾᑐᔨᖃᑎᒌᖏᑕ (QIA) ᑲᑎᒪᔨᖏᑦ ᐱᖁᔨᕗᖔᕈᑎᖃᔪᒻᒪᑕ ᑲᔪᓯᖁᔨᓪᓗᑎᒃ ᑐᔅᓯᕋᐅᑕᐅᔪᒥᒃ ᐋᔩᖃᑎᒌᒍᑎᖃᕐᓂᕐᒧᑦ ᓄᑖᓂᑦ ᐊᒻᒪᓗ ᐱᓇᓱᐊᕈᑕᐅᓪᓚᕆᓐᓂᐊᖅᑐᓂᑦ ᓴᐳᔾᔨᓂᕐᒧᑦ.
ᑲᓇᑕ ᑲᑦᑐᖓᐃᕈᑎᖃᕐᓯᒪᒻᒪᑦ ᓴᐳᔾᔨᒍᒪᓪᓗᓂ 25%ᒥᒃ ᐊᖏᓂᖓᓂᒃ ᓄᓇᖓᓂ ᐃᒪᖓᓂᓪᓗ 2025 ᖃᓂᒋᔭᖓᓂ. ᐅᐸᓗᖓᐃᕐᓯᒪᒻᒪᑕ ᐱᕈᕐᐸᓪᓕᐊᑎᑦᑎᔾᔪᑎᖃᕈᒪᓪᓗᑎᒃ ᓴᐳᔾᔨᓂᕐᒥᒃ ᓄᓇᓂᑦ, ᐃᒪᖏᓐᓂᑦ ᐆᒪᔪᓂᓪᓗ ᓄᓇᓕᖏᓐᓂᓪᓗ ᑕᒪᒃᑯᓂᖓ ᑐᙵᕕᖃᕐᐸᑦᑐᓂᑦ. ᑲᓇᑕᒥ ᓄᓇᕐᔪᐊᓕᒫᒥᓗ ᐊᔪᕐᓴᖏᑦᑐᑦ ᐃᑲᔪᖅᑎᐅᕙᑦᑐᑦ ᐃᑉᐱᒍᓱᑉᐸᑦᑐᑦ ᐊᕙᑎᒥᒃ, ᐃᓚᒋᔭᐅᓪᓗᓂ ᐅᑭᐅᖅᑕᖅᑐᖅ ᐊᒻᒪᓗ ᐱᕈᕐᐸᓪᓕᐊᑎᑦᑎᔾᔪᑎᖃᕈᒪᓪᓗᑎᒃ ᐃᓄᓐᓄᑦ−ᑐᑭᒧᐊᑦᑎᑕᐅᔪᓂᑦ ᓴᐳᔾᔨᕕᒻᒥᑦ.
ᐱᕕᔅᓴᖃᕐᓂᖅ ᑕᐃᒫᒃ ᐊᑲᐅᓈᑦᑎᐊᕐᖓᑦ ᓯᕗᒧᐊᑦᑎᑦᑎᒍᒪᑎᓪᓗᑕ ᐃᓱᒪᒋᓯᒪᔭᑦᑎᓐᓂᒃ ᑲᔪᓯᑎᒍᒪᒐᔭᖅᑐᒋᑦ ᐋᖅᑭᐸᓪᓕᓂᐊᕐᖓᑕ ᓄᓇᓕᑦᑎᓐᓂ ᐃᓅᓯᖏᑦ, ᒪᑭᒪᓇᓱᐊᕈᑎᑎᒍᑦ ᒪᑭᑕᔾᔪᑎᔅᓴᖏᑦ ᐊᒻᒪᓗ ᖃᓄᐃᓐᓂᖏᑦ ᓄᓇᑦᑕ, ᐃᒪᑦᑕ, ᓂᕐᔪᑎᑦᑕᓗ.
ᐊᕐᕌᒍᒋᓂᐅᓴᔭᑦᑎᓐᓂ, ᕿᑭᖅᑕᓂᒃᑯᑦ ᐊᒻᒪᓗ ᑲᑐᔾᔨᖃᑎᕗᑦ ᑕᕆᐅᓕᕆᔩᑦ ᐅᑭᐅᖅᑕᖅᑐᒥ ᒪᕐᕈᐊᑎᕐᓗᑎᒃ ᑲᑎᒪᖃᑎᖃᕆᐊᖅᑐᖃᑦᑕᓛᕐᖓᑕ ᐊᑐᓂᑦ ᕿᑭᖅᑕᓂ ᓄᓇᓕᐅᔪᓄᑦ ᑐᑭᓯᒋᐊᕆᐊᖅᑐᕐᓗᑎᒃ ᖃᓄᖅ ᐃᓱᒪᒋᔭᖃᕐᒪᖔᑕ ᕿᑭᖅᑕᓂ ᒪᑭᒪᔾᔪᑎᔅᓴᓂᑦ.
ᐃᓚᒋᔭᐅᑎᑦᑎᓗᑎᒃ ᑐᑭᓯᒋᐊᕈᑕᐅᓛᕐᖓᑕ ᖃᓄᖅ ᐃᓱᒪᒋᔭᖃᕐᒪᖔᑕ ᐅᑯᐊ ᐱᔾᔪᑎᒋᓪᓗᒋᑦ:
- ᐃᓕᖅᑯᓯᓕᕆᓂᕐᒥ, ᐃᓅᓯᖃᑦᑎᐊᓂᕐᒥ ᓄᓇᓕᓐᓂᓪᓗ ᐱᕙᓪᓕᐊᔪᓕᕆᓂᕐᒥ ᓯᕗᓪᓕᐅᔾᔭᐅᔪᑦ
- ᓂᕿᓂᑦ ᐊᐅᓚᑦᑎᒍᓐᓇᕐᓂᖅ
- ᐃᖃᓗᓕᕆᓂᕐᒥ ᐋᖅᑮᑦᑎᐊᕐᓂᖅ
- ᓇᐅᑦᑎᕐᓱᕐᓂᖅ
- ᐊᐅᓚᔾᔪᑎᔅᓴᓂᑦ ᐋᖅᑭᓯᒪᓂᐅᔭᕆᐊᓕᓐᓂᑦ
- ᓄᓇᐃᑦ ᐱᒻᒪᕆᐅᒋᔭᐅᓗᐊᖅᑐᑦ
- ᓴᐳᔾᔨᕕᒻᒧᑦ ᑐᕌᒐᑦ
ᑐᓴᕐᕕᒋᔭᕇᑐᐊᕈᑦᑎᒍ ᐊᑐᓂᑦ ᓄᓇᓖᑦ, ᑐᓴᖅᑎᓛᖅᑕᕗᑦ ᐅᓂᒃᑳᕐᕕᒋᓗᒋᑦ ᕿᑭᖅᑕᓂᒃᑯᑦ ᑲᑎᒪᔨᖏᑦ ᐋᖅᑮᓂᕐᒨᖓᔪᓂᑦ ᓴᐳᔾᔨᕕᒻᒥᒃ ᐊᒻᒪᓗ ᓄᓇᓕᓐᓂᑦ ᐱᕙᓪᓕᐊᔪᓕᕆᓂᕐᒧᑦ ᐸᕐᓇᐅᑏᑦ ᒥᔅᓵᓄᑦ ᐃᑲᔪᕐᓱᐃᔪᓂᑦ ᐊᒻᒪᓗ ᐋᖅᑭᐸᓪᓕᕈᑕᐅᓂᐊᖅᑐᓂᑦ ᓄᓇᓖᑦ ᑐᕌᒐᖏᓐᓄᑦ.
ᓄᓇᓕᖕᓄᑦ ᐳᓚᕋᕐᓂᕐᒥ ᐅᓪᓗᖏᑦ
| ᓇᓃᑉᐱᑕ | ᐳᓚᕋᕐᓂᕐᒧᑦ ᐅᓪᓗᕆᔭᐅᓛᖅᑐᑦ |
|---|---|
| ᐊᐅᓱᐃᑦᑐᖅ | TBD |
| ᖃᐅᓱᐃᑦᑐᖅ | TBD |
| ᑲᖏᖅᖢᒑᐱᒃ | TBD |
| ᒥᑦᑎᒪᑕᓕᒃ | TBD |
| ᐸᖕᓂᖅᑑᖅ | TBD |
| ᕿᑭᖅᑕᕐᔪᐊᖅ | TBD |
| ᐃᒡᓗᓕᒃ | ᔫᓂ 14 - 15 |
| ᓴᓂᕋᔭᒃ | ᔫᓂ 16 - 17 |
| ᐃᒃᐱᐊᕐᔪᒃ | ᔫᓂ 20 - 22 |
| ᑭᒻᒥᕈᑦ | ᔫᓂ 26 - 27 |
| ᐃᖃᓗᐃᑦ | TBD |
| ᑭᙵᐃᑦ | ᒪᐃ 29 - 30 |
| ᓴᓂᑭᓗᐊᖅ | ᒪᐃ 2 - 3 |
