ᑐᔅᓯᕋᐅᓯᐅᖁᔨᔾᔪᑎ
ᑐᔅᓯᕋᐅᑎᐅᑉ ᑕᐃᔭᐅᓂᖓ: ᑎᑎᖅᑐᒐᕐᓯᒪᓂᕆᒐᔭᖅᑕᖏᓐᓂᒃ ᓴᓇᔭᐅᓂᕆᒐᔭᖅᑕᖓᓄᓪᓗ ᐱᔨᑦᑎᕋᖅᑎᔅᓴᓂᑦ ᑭᒃᑯᑐᐃᓐᓇᕐᓄᑦ−ᐊᑐᖅᑕᐅᖃᑦᑕᕋᔭᖅᑐᒥᒃ ᓄᓇᓕᓐᓂᑦ ᐃᓪᓗᕐᔪᐊᔅᓴᒥᒃ ᐃᒡᓗᓕᒻᒥ
ᓴᖅᑭᖅᑕᐅᕕᖓᑕ ᐅᓪᓗᖓ: ᒪᐃ 23, 2025
ᒪᑐᕕᔅᓴᖓᑕ ᐅᓪᓗᖓ ᐊᒻᒪᓗ ᖃᑦᑎᒥᐅᒐᔭᕐᒪᖔᖅ: ᔫᓂ 20 2025, 4:00 ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
ᑐᔅᓯᕋᐅᑏᑦ ᓇᔅᓯᐅᑎᖃᑦᑕᕐᓗᒋᑦ ᐅᕗᖓ: procurement@qia.ca
ᓇᓕᖅᑲᑖᖅᑎᓪᓗᒋᒃ: mhamp@QIA.ca ᐊᒻᒪ justine@plusArctic.ca
ᓇᓗᓇᐃᖅᑕᐅᓯᒪᔪᖅ ᑐᑭᓯᒋᐊᕐᕕᓴᓪᓗᐊᑕᖅ ᑕᒪᑐᒥᖓ ᓂᐅᕕᕋᓱᓐᓂᕐᒧᑦ: ᔭᔅᑏᓐ ᓚᐃᕗᑦ, ᐱᓕᕆᐊᔅᓴᓕᕆᔨ– justine@plusArctic.ca
ᑐᑭᓯᒋᐊᕈᓐᓇᓂᕐᒧᑦ ᒪᑐᕕᔅᓴᖓ: ᓴᓇᔪᒪᓯᒪᔪᑦ ᓇᔅᓯᐅᔾᔨᖃᑦᑕᕆᐊᓖᑦ ᐊᐱᖅᑯᑎᖏᓐᓂᒃ ᓇᓗᓇᐃᖅᑕᐅᓯᒪᔪᒧᑦ ᑐᑭᓯᒋᐊᕐᕕᓴᓪᓗᐊᑕᕐᒧᑦ ᓯᕗᕐᖓᒍᑦ ᔫᓂ 16, 2025 4:00ᒨᓚᐅᙱᓐᓂᖓᓂ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ
ᑐᔅᓯᕋᐅᓯᐅᖁᔨᔾᔪᑎᐅᑉ ᒥᔅᓵᓄᑦ ᓇᐃᓈᕐᓯᒪᓪᓗᒋᑦ ᑐᑭᓯᑎᑦᑎᒋᐊᕈᑏᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑐᔅᓯᕋᐅᓯᐅᖁᔨᒻᒪᑕ ᐱᔪᓐᓇᕐᓂᖃᖅᑐᓂᒃ ᑎᑎᖅᑐᒐᖅᑎᓂᑦ ᓴᓇᔭᔅᓴᓕᕆᔨᓂᓪᓗ ᑎᒥᐅᔪᓂᑦ ᑲᒪᒋᔭᖃᕋᔭᖅᑐᓂᑦ ᓴᓇᓯᒪᓂᕆᒐᔭᖅᑕᖓᓂᒃ ᐊᒻᒪᓗ ᓴᓇᔭᐅᓂᕆᒐᔭᖅᑕᖓᓂᒃ ᓄᑖᖑᓗᓂ ᑭᒃᑯᑐᐃᓐᓇᕐᓄᑦ−ᐊᑐᖅᑕᐅᔪᓐᓇᖅᑐᒥᒃ ᓄᓇᓕᓐᓂᑦ ᐃᓪᓗᕐᔪᐊᔅᓴᒥᒃ ᐃᒡᓗᓕᒻᒥ, ᓄᓇᕗᒻᒥ. ᑖᓐᓇ ᐱᓕᕆᐊᔅᓴᖅ ᐃᑲᔫᑎᖃᕐᓂᐊᖅᑐᖅ ᐊᑯᓂ−ᐊᑐᖅᑕᐅᖃᑦᑕᓂᐊᖅᑐᒥᒃ ᓄᓇᓕᓐᓂᑦ ᓯᕗᓪᓕᐅᔾᔭᐅᕙᑦᑐᓄᑦ ᓴᓇᓗᑎᒃ ᑐᙵᓇᖅᑐᒥᒃ, ᐃᓂᒋᔭᐅᔪᓐᓇᖅᑐᒥᒃ ᐊᑑᑎᖃᕋᔭᖅᑐᒥᒃ ᑭᖑᕚᕇᒡᒍᑎᓄᑦ ᐃᓄᓐᓄᑦ ᐃᓅᓯᕐᒥ ᒪᑭᒪᓂᕐᒧᑦ, ᐃᓕᖅᑯᓯᓕᕆᓂᕐᒧᑦ, ᐃᓕᓐᓂᐊᕐᓂᓕᕿᓂᕐᒧᑦ, ᐊᒻᒪᓗ ᓄᓇᓕᓐᓂᑦ ᐃᑲᔫᑕᐅᖃᑦᑕᓂᐊᖅᑐᓄᑦ. ᕿᑭᖅᑕᓂᒃᑯᑦ ᑕᑯᓐᓈᕐᖓᑕ ᐃᒫᒃ ᑖᓐᓇ ᐃᓪᓗᕐᔪᐊᔅᓴᖅ ᐃᓚᒋᔭᐅᓪᓚᕆᒃᑲᔭᕐᖓᑦ ᓄᓇᓕᓐᓄᑦ ᐊᐅᓚᔪᓐᓇᐅᑎᐅᓗᓂ ᐃᑲᔫᑎᖃᕐᓗᓂ ᐃᓄᓐᓄᑦ ᓇᒻᒥᓂᖅ−ᑐᑭᑖᕈᑎᖃᖃᑦᑕᕐᓗᑎᒃ ᐊᒻᒪᓗ ᓄᓇᓖᑦ ᒪᑭᒪᖁᓪᓗᒋᑦ.
ᓂᕈᐊᖅᑕᖅ ᓴᓇᔪᒪᓯᒪᔪᖅ ᐱᓕᕆᖃᑎᖃᓪᓚᑦᑖᕋᔭᖅᑐᖅ ᕿᑭᖅᑕᓂᒃᑯᓐᓂᑦ, ᓄᓇᓕᓐᓂᑦ ᐊᑑᑎᕕᐅᖃᑕᐅᔪᓂᑦ, ᐊᒻᒪᓗ ᓄᓇᓕᓐᓂᑦ ᐱᔪᓐᓇᐅᑎᖃᕐᐸᑦᑐᓂᑦ ᑲᒪᒋᔭᐅᓂᓕᒫᖓᓂ ᑖᓐᓇ:
- ᐃᓱᒪᒋᔭᐅᓯᒪᓂᖓ ᐊᒻᒪᓗ ᓇᓗᓇᐃᔭᕐᓯᒪᔪᑦ ᓴᓇᓯᒪᓂᕆᒐᔭᖅᑕᖏᑦ
- ᓴᓇᔭᐅᓂᕆᓛᖅᑕᖓᓄᑦ ᐊᑭᑦᑐᕋᐅᓯᐅᖁᔨᔾᔪᑎᖃᕐᓗᑎᒃ ᐊᒻᒪᓗ ᑐᑭᒧᐊᑦᑎᑦᑎᓗᑎᒃ;
- ᓴᓇᔭᐅᔭᕇᖅᑲᑦ ᓇᓪᓕᐅᒃᑯᒫᖅᑕᐅᓯᒪᓂᐊᕐᓂᖓ ᐊᒻᒪᓗ ᑭᖑᓂᐊᒍᑦ ᐱᔨᑦᑎᕋᐅᑎᐅᖃᑦᑕᓂᐊᖅᑐᑦ.
ᓴᓇᓯᒪᓂᕆᒐᔭᖅᑕᖓᓄᑦ ᓯᕗᓪᓕᐅᔾᔭᐅᒐᔭᖅᑐᑦ ᒪᑯᐊ ᐆᒻᒪᖅᑯᑎᓂᑦ ᐊᑐᑦᑎᐊᕐᓗᓂ, ᓯᓚᖓᓄᑦ ᓈᒻᒪᑎᕐᓯᒪᓗᓂ ᐋᖅᑭᓯᒪᑦᑎᐊᖏᓐᓇᖁᓪᓗᒍ, ᐋᖅᑭᐅᒪᑎᑕᐅᓂᖓ ᐸᓚᕐᓗᓂ, ᐊᒻᒪᓗ ᓯᕗᓂᔅᓴᑎᓐᓂ ᐊᑐᐃᓐᓇᐅᓗᓂ ᓯᕿᓂᕐᒨᖅᑐᒧᑦ, ᐅᖅᑰᓴᐅᑎᖓᑕ ᐳᓪᓚᖓᓄᑦ, ᐊᒻᒪᓗ ᓄᒃᑭᔅᓴᐅᑎᓂᑦ ᐃᓚᓯᕕᐅᔪᓐᓇᕐᓗᓂ. ᓴᓇᔪᒪᓯᒪᔪᑦ ᐊᑎᓕᐅᕐᓯᒪᔭᕆᐊᓖᑦ ᐃᖅᑲᓇᐃᔮᖃᓪᓗᐊᑕᖃᑦᑕᕐᓗᑎᒃ ᖃᐅᔨᒪᔭᐅᑦᑎᐊᕐᓗᑎᒃ ᓴᓇᔨᑦᑎᐊᕙᐅᓂᖏᓐᓂᒃ (NAPEG/Canada) ᐊᒻᒪᓗ ᖃᐅᔾᔨᑎᖃᑦᑎᐊᕐᓗᑎᒃ ᐅᑭᐅᖅᑕᖅᑐᒥᒃ ᐊᒻᒪᓗ ᐃᓄᓐᓂᑦ ᓄᓇᓕᓐᓂᑦ ᐱᐅᓯᕆᔭᐅᕙᑦᑐᓂᑦ.
ᐱᓇᓱᖃᑕᐅᔪᒪᔪᑦ ᑎᒥᐅᔪᑦ ᑎᓕᐅᖅᑕᐅᕗᑦ ᐅᖃᓕᒫᖃᑦᑕᖁᔭᐅᓪᓗᑎᒃ ᓈᒪᔪᓂᑦ ᑐᔅᓯᕋᐅᓯᐅᖁᔨᔾᔪᑎᓂᑦ, ᐃᓚᒋᔭᐅᓪᓗᑎᒃ ᐅᑯᐊ ᖃᓄᖅ ᐱᕙᓪᓕᐊᑎᑕᐅᓯᒪᒻᒪᖔᖅ ᓴᓇᓯᒪᓂᕆᒐᔭᖅᑕᖓᓄᑦ ᑎᑎᖅᑲᐃᑦ ᐊᒻᒪᓗ ᓱᑯᑦᑎᐊᓃᒃᑲᔭᕐᒪᖔᖅ ᐃᓱᒪᒋᔭᐅᒋᐊᕐᓯᒪᔪᓂᑦ.
ᑕᐃᒃᑯᐊ ᐱᓇᓱᖃᑕᐅᔪᒪᔪᑦ ᓇᔅᓯᐅᔾᔨᖃᑦᑕᕆᐊᓖᑦ ᐱᓇᓲᑎᖏᓐᓂᒃ ᐅᕗᖓ procuement@qia.ca (cc. mhamp@qia.ca ᐊᒻᒪᓗ justine@plusArctic.ca ᓯᕗᕐᖓᒍᑦ ᔫᓂ 13, 2025, 4:00ᒨᓚᐅᙱᓐᓂᖓᓂ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ. ᐊᐱᖅᑯᑎᔅᓴᖃᕈᔅᓯ, ᐊᑏ ᑎᑎᕋᕐᕕᐅᖃᑦᑕᕐᓕ ᔭᔅᑏᓐ ᓚᐃᕗᑦ ᐅᕗᖓ justine@plusArctic.ca
ᐃᓄᒃᑎᑑᔪᖓᔪᑦ ᑐᔅᓯᕋᐅᓯᐅᖁᔨᔾᔪᑏᑦ ᐊᑐᐃᓐᓇᕈᖅᑎᑕᐅᓂᐊᖅᑐᑦ ᑐᔅᓯᕌᖑᑉᐸᑕ. ᐊᑏ ᑎᑎᕋᖃᑦᑕᓂᐊᖅᑯᓯ ᐅᕗᖓ procuement@qia.ca.
