ᐃᖃᓗᐃᑦ, ᓄᓇᕗᑦ – ᒪᐃ 21, 2025- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐃᓄᖕᒥᒃ ᑐᒃᓯᕋᐅᓯᐅᕈᒪᒐᔭᖅᑐᒥᒃ ᐃᓛᒃᑰᕐᓂᐊᖅᑐᒥᒃ ᐃᒃᓯ?ᐅᑕᐅᓂᐊᖅᑐᒥᒃ ᓄᓘᔮᓐᓂ ᐱᓕᕆᐊᕐᒥ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓂᑦ.
ᑖᒃᑯᐊ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔩᑦ ᑲᑎᒪᔨᖃᖅᑐᑦ ᓄᓇᒥ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓂᑦ (TEWG) ᐊᒻᒪᓗ ᑖᒃᑯᓇᙵᑦ ᐃᒫᓂ ᐊᕙᑎᓕᕆᓂᕐᒥᒃ ᐱᔭᕆᐊᑭᓪᓕᑎᑦᑎᔨᓂᑦ (MEWG) ᐊᒻᒪᓗ ᑖᒃᑯᐊ ᐅᖃᐅᔾᔨᔨᒋᔭᐅᓪᓗᑎᒃ, ᐊᔪᕆᕐᓯᐅᔾᔨᔨᒋᔭᐅᓪᓗᑎᒃ ᐊᒻᒪᓗ ᐊᑐᓕᖁᔨᔾᔪᑎᓕᐅᕈᓐᓇᖅᖢᑎᒃ ᐸᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᕐᓂᐊᖅᑎᓄᑦ ᓄᓇᒥ ᐃᒫᓂᓗ ᐊᕙᑎᓕᕆᓂᕐᒧᑦ ᓇᐅᑦᑎᖅᓱᖅᑕᐅᖃᑦᑕᕐᓂᖏᓐᓄᑦ ᐱᓕᕆᐊᖏᓐᓄᑦ.
ᐃᒃᓯᕙᐅᑕᐅᑉ ᐱᓕᕆᐊᒃᓴᖏᑦ ᐅᑯᐊ ᑖᒃᑯᓄᖓᐃᓐᓇᑲᓪᓚᒃ ᑭᒡᓕᖃᕋᑎᒃ:
- ᐃᒃᓯᕙᐅᑕᐅᓗᓂ ᐱᖓᓱᓄᑦ 3 ᓄᓇᒥ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓄᑦ ᐊᒻᒪᓗ 3 ᐃᒫᓂ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓄᑦ ᐊᕐᕌᖑᑕᒫᑦ
- ᐃᒃᓯᕙᐅᑕᐅᓗᓂ ᐱᖓᓱᐊᖅᑎᕐᓗᓂ ᐊᑐᓂ ᑲᑎᒪᓂᖏᓐᓂᑦ ᖃᐅᔨᒋᐊᖅᑎᓪᓗᒋᑦ ᐱᓕᕆᐊᖏᑕ ᒥᒃᓵᓄᑦ ᑕᒪᕐᒥᒃ ᑲᑎᒪᔨᓂᑦ
- ᐊᓯᖏᓐᓂᑦ ᑲᑎᒪᔨᕋᓛᖑᑲᐃᓐᓇᖅᑐᓂᑦ ᐃᒃᓯᕙᐅᑕᐅᖃᑦᑕᕐᓗᓂ ᑲᑎᒪᓂᖏᓐᓂᒃ
- ᑲᑎᒪᔾᔪᑎᒃᓴᓂ ᐋᖅᑭᒃᓱᐃᖃᑦᑕᕐᓗᓂ ᑐᓂᐅᖅᑲᖃᑦᑕᕐᓗᒋᓪᓗ
- ᑎᑎᕋᖃᑦᑕᕐᓗᒋᑦ ᐊᒻᒪᓗ ᑐᓂᐅᖅᑲᖃᑦᑕᕐᓗᒋᑦ ᑲᑎᒪᔾᔪᑎᕕᓃᑦ ᐊᒻᒪᓗ ᖃᓄᐃᓕᐅᕆᐊᖁᔭᐅᔪᑦ
- ᓴᖅᑭᑎᑦᑎᖃᑦᑕᕐᓗᑎᒃ ᐊᕐᕌᒎᑉ ᐃᓗᐊᓂ ᒪᕐᕈᐊᑎᕐᓗᑎᒃ ᐅᓂᒃᑳᓂᒃ ᐱᓕᕆᐊᖑᓯᒪᔪᓂᒃ ᑖᒃᑯᓄᖓ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓄᑦ
- ᐃᑲᔪᖃᑦᑕᕐᓂᖅ ᑲᑎᒪᔨᓂᒃ ᐊᑐᓕᖁᔾᔪᑎᓕᐅᕈᑎᓂᑦ ᑲᒪᑎᓪᓗᒋᑦ
- ᐃᑲᔪᖃᑦᑕᕐᓂᖅ ᐊᖏᖃᑎᒌᒍᓐᓇᐃᓕᓂᕐᒧᑦ ᐋᖅᑮᒍᑕᐅᓇᓱᑦᑐᓂᒃ
- ᐃᒃᓯᕙᐅᑕᖅ ᐱᓕᕆᖃᑎᖃᖃᑦᑕᕐᓂᐊᖅᑐᖅ ᐊᕙᑎᓕᕆᓂᕐᒧᑦ ᐱᔭᕆᐊᑭᓪᓕᑎᑦᑎᔨᓂᑦ ᑲᑎᒪᔨᖏᓐᓂᒃ ᐋᖅᑭᒃᓱᐃᖃᑎᒌᖃᑦᑕᓂᐊᕐᒪᑕ ᑲᑎᒪᕕᒋᖃᑦᑕᓂᐊᖅᑕᖏᓐᓂᒃ ᐊᒻᒪᓗ ᐊᑐᖅᑕᐅᖃᑦᑕᕆᐊᖃᕐᓂᐊᖅᑐᓂᒃ ᐅᖃᐅᓯᐅᑦᑎᐊᕈᓐᓇᕐᓂᐊᕐᒪᑕ ᐊᒻᒪᓗ ᐊᑐᓕᖁᔾᔪᑎᓕᐅᕈᑕᐅᓗᑎᒃ
- ᑐᓴᐅᒪᖃᑦᑕᐅᑎᖃᑎᒋᖃᑦᑕᕐᓗᒋᑦ ᓄᓇᕗᒥ ᐊᕙᑎᓕᕆᓂᕐᒧᑦ ᑲᑎᒪᔩᑦ ᐃᖅᑲᓇᐃᔭᖃᑎᒋᔭᐅᒋᐊᖃᓕᖃᐃᑉᐸᑕ
- ᐋᖅᑭᐅᒪᑎᑦᑎᓗᓂ ᐸᐃᑉᐹᓂᒃ ᑎᑭᑉᐸᓪᓕᐊᔪᓂᒃ
ᕿᒥᕐᕈᔪᒪᒍᕕᐅᒃ ᓂᕈᐊᕐᓂᕐᒧᑦ ᐱᐅᓯᕆᔭᐅᓲᑦ, ᑕᑯᒋᐊᕈᓐᓇᖅᑕᐃᑦ ᐃᓛᒃᑯᑦ 4.2 ᐊᒻᒪᓗ ᑐᑭᓯᒋᐊᕈᑏᑦ D.1 ᐅᐃᒍᖓᓂ ᐱᓕᕆᐊᒃᓴᓄᑦ ᓇᓗᓇᐃᔭᐅᑎᓂᑦ. ᐊᑐᐃᓐᓇᐅᔪᑦ ᑐᒃᓯᕋᖅᑐᖃᑐᐊᖅᐸᑦ ᐅᕙᙵᑦ cgoddard@qia.ca ᐅᕝᕙᓘᓐᓃᑦ 867-975-8385.
ᐱᓇᓱᖃᑕᐅᔪᒪᒍᕕᑦ, ᑎᑎᖅᑲᕐᒥᒃ ᐱᔾᔪᑎᓐᓂᑦ ᐱᖃᓯᐅᔾᔨᓗᑎᑦ ᐊᒻᒪᓗ ᐃᖅᑲᓇᐃᔮᕆᓯᒪᔭᕐᓂᑦ ᓇᓕᖅᑲᖏᓐᓂᒃ ᐊᒻᒪᓗ ᑐᒃᓯᕋᐅᑎᓕᐅᖅᓯᒪᔭᐃᑦ ᐱᖃᓯᐅᑎᓗᒍ ᔫᓂ 1, 2025ᖑᓚᐅᙱᓐᓂᖓᓂ 5:00ᒧᐊᖅᐸᑦ ᑲᓇᖕᓇᐅᑉ ᓯᕿᙳᔭᖓ ᒪᓕᑦᑐᒍ ᑐᓂᓗᒋᑦ ᑖᔅᓱᒧᖓ ᑳᓄ ᒐᑕᑦ, ᐊᐅᓚᑦᑎᔨ ᐱᓕᕆᐊᕐᒥᑦ ᒪᓕᒃᑎᑦᑎᓂᕐᒧᑦ ᖃᐅᔨᓴᕐᓂᕐᒥᓗ ᐅᕗᖓ cgoddard@qia.ca
ᑕᑕᑎᒐᒃᓴᒥ ᐱᔪᒪᒍᕕᑦ, ᐅᓇ ᓇᕿᑐᐃᓐᓇᕆᐊᓕᒃ ᓇᕿᓪᓗᒍ:
https://www.qia.ca/applications/mary-river-project-environmental-working-groups/
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᑭᐅᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂᑦ ᑐᓴᐅᒪᖃᑦᑕᐅᑎᔾᔪᑎᓄᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒃᑯᓘᓐᓃᑦ 1.800.667.2742
