ᐃᖃᓗᐃᑦ, ᓄᓇᕗᑦ, ᐄᐳᕈ 30, 2025 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑭᙴᒪᑦᑎᒻᒪᑕ ᐊᑕᐅᓯᕐᒥᒃ ᐃᓄᒻᒥᒃ ᑲᑎᒪᔨᐅᖃᑕᐅᒍᒪᒐᔭᖅᑐᒥᒃ ᐋᔪᕋᖅ ᓴᐳᔾᔨᕕᒻᒧᑦ ᑮᓇᐅᔭᓄᑦ ᑲᑐᔾᔨᖃᑎᒌᑦ ᑲᑎᒪᔨᖏᓐᓄᑦ.
ᑖᒃᑯᐊ ᐋᖅᑭᑦᑕᐅᕋᑖᕐᓯᒪᔪᑦ ᑲᑐᔾᔨᖃᑎᒌᑦ ᐃᑲᔫᑎᖃᖃᑦᑕᕋᔭᖅᑐᑎᑦ ᑐᙵᕕᐅᔪᑦ ᑮᓇᐅᔭᓂᒃ ᐃᑲᔫᑎᖃᖃᑦᑕᓂᐊᖅᑐᑦ ᐃᓄᓐᓄᑦ−ᑐᑭᒧᐊᑦᑎᑕᐅᔪᒥᒃ ᓴᐳᔾᔨᕕᒻᒥᒃ ᕿᑭᖅᑕᓂ, ᐊᒻᒪᓗ ᐊᑐᕐᕕᖓᓂ, ᐊᓯᖏᓐᓂᒃ ᐃᒪᕕᓕᕆᓂᕐᒧᑦ ᑲᓇᑕᒥ ᐱᕚᓪᓕᕈᑎᖃᖃᑦᑕᖁᓪᓗᒋᑦ ᐃᓄᐃᑦ ᐊᒻᒪᓗ ᐊᓯᖏᑦ ᑲᓇᑕᒥᐅᑕᐃᑦ.
ᑲᑎᒪᔩᑦ ᑎᓕᔭᑦ ᑲᑐᔾᔨᖃᑎᒌᓄᑦ ᑐᑭᑖᕈᑎᖃᖃᑦᑕᓂᐊᖅᑐᑦ ᑐᓂᐅᖅᑲᖅᑕᐅᓂᐊᖅᑐᓂᑦ ᑮᓇᐅᔭᓄᑦ ᐃᓄᓐᓄᑦ−ᑐᑭᒧᐊᑦᑎᑕᐅᔪᓂᑦ ᐊᐅᓚᑦᑎᓂᕐᒥ, ᓇᐅᑦᑎᕐᓱᖃᑦᑕᓂᕐᒥ ᐊᒻᒪᓗ ᓄᓇᓕᓐᓂᑦ ᐊᐅᓚᔪᓐᓇᐅᑎᓂᑦ ᐱᕙᓪᓕᐊᑎᑦᑎᓂᕐᒥ ᕿᑭᖅᑕᓂ ᐃᑲᔪᖅᑐᑎᒃ ᓯᓈ ᐊᖏᖃᑎᒌᒍᑎᓂᑦ ᐊᒻᒪᓗ ᑖᒃᑯᐊ ᒥᔅᓵᓅᖓᔪᓂᑦ ᓴᐳᔾᔨᕕᒻᒥ ᐊᑐᓕᖅᑎᑕᐅᔪᓂᑦ ᕿᑭᖅᑕᓂ ᓄᓇᓕᓐᓂᑦ, ᐊᒻᒪᓗᑦᑕᐅᖅ ᐱᕈᕐᐸᓪᓕᐊᑎᑦᑎᓂᕐᒨᖓᔪᓂᑦ ᑐᑭᑖᕈᑎᖃᖃᑦᑕᕐᓗᑎᒃ ᑮᓇᐅᔭᓂᑦ ᐸᐸᑕᐅᔪᓂᑦ ᑲᑐᔾᔨᖃᑎᒌᓄᑦ.
ᑲᑎᒪᔩᑦ ᐊᑑᑎᑎᑦᑎᔭᕆᐊᓖᑦ ᑖᒃᑯᓂᖓ ᒪᓕᒐᕐᓂᑦ ᑎᓕᔭᐅᔪᒪᓂᐊᖅᑲᑕ:
- ᐃᓅᓗᓂ ᐊᑎᓕᐅᖅᑕᐅᓯᒪᓗᓂ ᕿᑭᖅᑕᓂ, ᑕᐃᒫᒃ ᓇᓗᓇᐃᖅᑕᐅᓯᒪᒻᒪᑦ ᓄᓇᕗᑦ ᐊᖏᖃᑎᒌᒍᑎᖏᓐᓂᑦ
- ᐊᑑᑎᑎᑦᑎᓗᑎᑦ ᐊᔪᙱᓐᓂᐅᔭᕆᐊᓕᓐᓂᑦ ᑲᑎᒪᔨᐅᖃᑕᐅᔪᓐᓇᓂᕐᒧᑦ ᑲᓇᑕᒥᐅᓄᑦ ᖃᑭᒪᒍᑎᔅᓴᓕᐅᕋᓱᐊᖅᑎᐅᖏᑦᑐᓄᑦ ᓄᓇᕗᒻᒥ ᑲᑐᔾᔨᖃᑎᒌᓄᑦ;
- ᑕᑯᖅᑯᔨᓗᑎᑦ ᐅᕝᔭᓘᓐᓃᑦ ᐊᖏᕐᓯᒪᓗᑎᑦ ᐃᓕᖅᑯᓯᖅᑎᒍᑦ ᐊᔪᙱᓐᓂᓐᓂ ᐊᒻᒪᓗ ᖃᐅᔨᒪᓂᓐᓂ ᐱᔪᓐᓇᐅᑎᓂᑦ, ᐊᑐᖅᑕᐅᖃᑦᑕᕐᓯᒪᔪᓂᑦ ᐊᒻᒪᓗ ᒫᓐᓇᐅᓕᖅᑐᖅ ᑕᑯᓐᓈᕈᓯᖏᓐᓂᒃ ᐃᓄᐃᑦ ᕿᑭᖅᑕᓂ ᓄᓇᓖᑦ;
- ᐃᓕᑦᑎᓯᒪᓗᑎᑦ ᐅᕝᕙᓘᓐᓃᑦ ᐊᖏᕐᓯᒪᓗᑎᑦ ᐃᓕᑦᑎᒍᓐᓇᓂᕐᒧᑦ ᐊᒻᒪᓗ ᐅᖃᓕᒫᕈᓐᓇᕐᓗᑎᑦ ᑐᑭᓯᐊᔪᓐᓇᕐᓗᑎᓪᓗ ᑮᓇᐅᔭᓕᕆᔾᔪᑎᓂᑦ ᐊᒻᒪᓗ ᐱᕈᕐᐸᓪᓕᐊᑎᑦᑎᓂᕐᒧᖓᔪᓂᑦ ᓇᓗᓇᐃᔭᖅᑕᐅᓯᒪᔪᓂᑦ; ᐊᒻᒪᓗ
- ᐱᔨᑦᑎᕐᓯᒪᓗᑎᑦ ᐃᓄᑐᐃᓐᓇᐅᓗᑎᑦ, ᑭᒡᒐᑐᖅᑎᐅᖏᓪᓗᑎᑦ ᐊᓯᖏᓐᓄᑦ ᑎᒥᐅᔪᓂᑦ ᐊᒻᒪᓗ ᑎᒥᕈᖅᑎᑕᐅᓯᒪᔪᓄᑦ.
ᐃᓚᒃᑲᓐᓂᖏᑦ ᐱᓇᓱᐊᖃᑕᐅᔪᓐᓇᓂᕐᓄᑦ ᐊᑐᕆᐊᓖᑦ, ᐃᓚᒋᔭᐅᔪᑦ ᑖᒃᑯᓇᙵᑦ ᐊᑕᐅᓯᕐᒥᒃ ᐊᒥᓲᓂᕐᓴᓂᓪᓘᓐᓃᑦ ᐊᑑᑎᑎᑦᑎᔭᕆᐊᓖᑦ ᐊᔪᙱᓐᓂᕆᒋᐊᓕᖏᓐᓂᒃ:
- ᖃᐅᔨᒪᓪᓗᑎᑦ ᐃᓄᐃᑦ ᐃᓕᖅᑯᓯᖓᓐᓂᒃ ᐊᒻᒪᓗ ᒪᓕᒐᖏᓐᓂᒃ;
- ᑐᑭᓯᐅᒪᓪᓗᑎᑦ ᐃᓘᓐᓇᖏᓐᓂᒃ ᓄᓇᕗᒻᒥ ᐅᕝᕙᓘᓐᓃᑦ ᐃᓄᐃᑦ ᓄᓇᖓᓐᓂ;
- ᐊᐅᓚᑦᑎᕕᒻᒥ ᑐᑭᓯᐅᒪᓪᓗᑎᑦ ᐱᓕᕆᐊᕐᒥ ᐸᕐᓇᐃᓂᕐᒥᒃ ᐊᒻᒪᓗ ᐊᑐᓕᖅᑎᑦᑎᖃᑦᑕᓂᕐᒥᒃ ᓄᓇᕗᒻᒥ;
- ᓴᐳᔾᔨᕕᒻᒥᒃ ᑐᑭᓯᐅᒪᓗᑎᑦ, ᐃᓚᒋᔭᐅᓪᓗᑎᒃ ᐅᑯᐊ ᐃᓄᓐᓄᑦ−ᑐᑭᒧᐊᑦᑎᑕᐅᔪᓂᑦ ᓴᐳᔾᔨᕕᒻᒥᑦ ᐊᒻᒪᓗ ᓇᐅᑦᑎᕐᓱᖃᑦᑕᓂᕐᒥᒃ;
- ᑮᓇᐅᔭᓕᕆᓂᕐᒥᒃ;
- ᐱᕈᕐᐸᓪᓕᐊᑎᑦᑎᓂᕐᒥᒃ;
- ᑐᑭᓯᐅᒪᑦᑎᐊᖅᑐᑎᑦ ᐱᓕᕆᐊᕐᒥ ᒪᑭᒪᔾᔪᑎᔅᓴᓕᕆᓂᕐᒥᒃ ᐱᓇᓱᐊᕈᑕᐅᔪᒥᒃ ᑎᑭᐅᒪᔪᒥᒃ ᐊᑐᑯᑖᓐᓂᐊᖅᑐᒧᑦ ᓴᐳᔾᔨᕕᒻᒥ;
- ᓴᐳᔾᔨᕕᒻᒥ ᐸᐸᑕᐅᔪᓂᑦ ᑮᓇᐅᔭᓂᑦ ᐊᐅᓚᑦᑎᖃᑦᑕᓂᕐᒥᒃ ᐃᖅᑲᓇᐃᔮᖃᕐᓯᒪᓂᕐᒥᒃ; ᐊᒻᒪᓗ ᐅᕝᕙᓘᓐᓃᑦ
- ᐊᐅᓚᑦᑎᓂᕐᒥᒃ/ᒪᓕᒐᓕᕆᓂᕐᒥᒃ ᑐᑭᓯᐅᒪᑦᑎᐊᕐᓂᖅ
ᐃᓱᒪᒋᔭᐅᒋᐊᕈᒪᒍᕕᑦ ᑖᔅᓱᒧᖓ ᐃᓂᐅᔪᒧᑦ, ᐱᖃᓯᐅᔾᔨᔭᕆᐊᖃᖅᑐᑎᑦ ᓯᕗᓕᐊᕈᑕᕐᒥᒃ ᑎᑎᖅᑲᓂᑦ ᓇᓗᓇᐃᕐᓯᓗᑎᑦ ᓇᓪᓕᐊᓐᓂᒃ ᑖᒃᑯᓇᙵᑦ ᖁᓛᓃᑦᑐᓂᑦ ᐱᔾᔪᑎᖃᕐᒪᖔᕐᐱᑦ, ᒫᓐᓇᓕᓴᕐᒥᒃ ᐱᔪᒐᕐᓴᐅᑎᓐᓂᒃ ᐃᖅᑲᓇᐃᔮᕆᖃᑦᑕᕐᓯᒪᔭᖏᓐᓂᒃ ᐃᓕᓐᓂᐊᖃᑦᑕᕐᓯᒪᔭᖏᓐᓂᓪᓗ ᐃᕝᕕᑦ ᐊᒻᒪᓗ ᐱᔭᕇᕐᓯᒪᓗᒍ ᑖᓐᓇ ᐱᓇᓲᑎ.
ᐅᖃᕐᕕᒋᔪᓐᓇᕐᒥᔭᐃᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ ᑐᓂᓯᔪᒪᒍᕕᑦ ᐱᔭᕇᕐᓯᒪᔪᓂᑦ ᐱᓇᓲᑎᓐᓂᒃ. ᑐᑭᓯᑦᑎᐊᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐱᓇᓱᐊᒍᒪᒍᕕᑦ ᕿᑭᖅᑕᓂᒃᑯᑦ ᓯᕗᓕᖅᑎᐅᑉ ᐃᖅᑲᓇᐃᔭᖅᑎᓄᑦ ᐃᑲᔪᖅᑎᖓ ᐊᖅᑯᑎᒋᓗᒍ, ᐃᒪᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᓴᐳᔾᔨᕕᒻᒥ, ᐊᑏ ᑎᑎᕋᕐᓂᐊᖅᑯᑎᑦ ᑕᕝᕗᖓ nominations@qia.ca ᐅᖄᓚᓗᑎᓪᓘᓐᓃᑦ ᐅᕗᖓ 975-8417.
ᒪᑐᕕᔅᓴᓕᒃ ᐱᓇᓲᑎᓂᑦ ᑐᓂᓯᖃᑦᑕᓂᕐᒧᑦ ᒪᐃ 16, 2025, ᓯᕿᙳᔭᖅ 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.
ᑕᑕᑎᕆᐊᓕᒃ ᐊᑐᐃᓐᓇᐅᔪᕐᒃ ᐅᓇ ᓇᕿᓪᓗᒍ: 2025-Aajuraq board application−inuk and eng
ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᒋᐊᕈᒪᒍᕕᑦ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742
