ᐃᖃᓗᐃ, ᓄᓇᕗᑦ – ᔫᓂ 5, 2025ᒥ – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓱᓕᕈᑎᒋᓚᐅᕐᒃᑕᖏᑦ ᑲᑎᒪᔨᖏᑕ ᐅᓪᓗᒥ. ᐊᑐᓂ ᐱᓕᕆᕖᑦ ᑕᑯᓐᓈᖅᑎᒃᓯᓚᐅᒻᒪᑕ ᑐᑭᓯᔭᐅᖁᔭᖕᒥᓂᑦ ᒫᓐᓇᐅᔪ ᖃᓄᐃᓘᑉᐸᓕᖕᒪᖔᒻᒥᑦ ᐊᔾᔨᒌᖏᕈᓘᔭᖅᑐᓂᑦ ᐱᓕᕆᐊᒃᓴᐅᔪᓂᑦ ᕿᑭᖅᑕᓂᒃᑯᓐᓂᑦ, ᐱᓇᓱᐊᒐᕆᔭᐅᔪᓪᓗ ᐱᔭᒃᓴᕆᔭᐅᔪᓪᓗ. ᐃᓚᓯᓗᑕ ᕿᑭᖅᑕᓂᒃᑯᓐᓄᑦ ᐃᓚᒋᔭᐅᔪᑦ ᑎᒥᐅᔪᑦ ᑲᑎᕙᒃᑯᑦ ᐊᒻᒪᓗ ᕿᑭᖅᑖᓗᒻᒥᑦ ᑯᐊᐳᕇᓴᓐ ᓇᒻᒥᓂᖁᑎᖏᓪᓗ ᑕᑯᓐᓈᖅᑎᒃᓯᑎᓪᓗᒋᑦ ᐱᓕᕆᐊᕆᕙᑦᑕᖏᓐᓂᑦ ᑐᓴᐅᒪᔾᔪᑎᒃᓴᓂᑦ ᑲᑎᒪᔨᓄᑦ ᑲᑎᒪᓂᖃᖅᑎᑦᓯᑎᓪᓗᒋᑦ ᐱᓇᓱᐊᕈᓯᕆᔭᑦᑎᓐᓂᑦ. ᐊᒥᓲᖏᑦᑑᒐᓗᐊᓂᑦ ᐱᒋᐊᖅᑎᑦᑎᔪᓐᓇᓚᐅᒻᒪᑕ ᐃᓚᖓᒍᓪᓗ:
- ᐊᖏᖅᑕᐅᓂᖓ ᐃᓕᓯᓂᖅ $2.5ᒥᓕᔭᓐᓂᒃ ᐃᑲᔫᑎᑦᓴᑦᓂᑦ ᑮᓇᐅᔭᑦ ᓴᓂᕝᕙᖅᑕᐅᓯᒪᔪᓂᑦ ᑐᕌᖓᔪᓄᑦ ᐃᓕᖅᑯᓯᓕᕆᓂᖕᒧᑦ ᐱᓕᕆᐊᒃᓴᑦ, ᐃᓄᐃᓪᓗ ᐃᓕᓐᓂᐊᕆᐊᒃᑲᓐᓂᒍᓐᓇᖅᑎᑕᐅᖁᓪᓗᒋᑦ ᐃᓕᓐᓂᐊᕕᔾᔪᐊᓄᑦ, ᐸᐃᕆᕕᓄᑦ ᐃᑲᔫᑎᒃᓴᑦ ᐊᒻᒪᓗ ᐱᕕᒃᓴᖃᒃᑲᓐᓂᖁᔨᓂᕐᒧᑦ ᐃᑲᔫᓯᐊᑦᓴᑦ ᐱᓪᓗᒋᑦ.
- ᐊᖏᖅᑕᐅᓂᖓ ᐊᑭᖏᓐᓄᑦ ᐋᖅᑭᒋᐊᕈᑏᑦ ᑐᕌᖓᔪᑦ ᑲᑭᕙᒃ ᑲᑐᔾᔨᖃᑎᒌᒃᑯᖏᓐᓄᑦ ᓴᓇᔪᓕᕆᔨᖏᓐᓄᑦ ᐊᖏᖃᑎᒌᕈᑕᐅᓯᒪᔪᑦ ᓴᓂᕋᔭᐅᑉ ᐸᐃᕆᕕᒃᓴᙵᓐᓄᑦ.
- ᐊᖏᖅᑕᐅᓂᖓ ᒪᓕᒐᕋᓛᓂᑦ ᓄᑖᓄᑦ ᑐᕌᖓᔪᑦ ᓴᖅᑭᑕᐅᓕᕋᑖᕐᑐᓂᑦ ᑮᓇᐅᔭᓕᐅᕋᓱᐊᓐᓂᐅᖏᑦᑐᓂᑦ ᐃᓪᓗᓕᕆᓂᖕᒧᑦ ᑎᒥᐅᔪᑦ
- ᐊᖏᖅᑕᐅᓂᖓ ᕿᑭᖅᑕᓂᒃᑯᑦ ᐃᓚᒋᔭᐅᓕᔪᓐᓇᖁᓪᓗᒋᑦ ᑮᓇᐅᔭᓕᐅᕋᓱᐊᓐᓂᐅᖏᑦᑐᓂᑦ ᐃᓪᓗᓕᕆᓂᖕᒥᑦ ᑎᒥᐅᔪᓄᑦ
- ᐊᖏᖅᑕᐅᓂᖓ ᑎᒃᑯᐊᖅᑕᐅᓗᓂ ᑲᑕᐃᓯ ᐊᑕᒍᑦᓯᐊᒃ ᓄᑖᓄᑦ ᓴᖅᑭᑕᐅᓕᕋᑖᕐᑐᓂᑦ ᑮᓇᐅᔭᓕᐅᕋᓱᐊᓐᓂᐅᖏᑦᑐᓐᓂᑦ ᐃᓪᓗᓕᕆᓂᖕᒥᑦ ᑎᒥᐅᔪᒧᑦ
ᐅᑯᐊᑦᑕᐅ ᓂᕈᐊᒐᑦᓴᙳᖅᑎᑕᐅᓯᒪᔪᑦ ᑲᑎᒪᔨᒃᓴᓄᑦ:
- ᓄᓇᕗᒻᒥ ᐆᒪᔪᓕᕆᔨᔾᔪᐊᒃᑯᑦ ᑲᑎᒪᔨᖏᓐᓄᑦ – ᔮᓱᐊ ᐋᕆᐊᕐᒃ
- ᐃᓅᓯᕐᒨᖓᔪᓂᑦ ᐊᑐᐊᒐᓂᑦ ᑲᑎᒪᔨᕋᓛᑦ – ᐃᖕᓇᐃᑦ ᑭᒡᒐᖅᑐᐃᔨᖓᑦ – ᒫᑕ ᒪᒃᑖᕐ
- ᓄᓇᕗᒻᒥ ᐃᓕᓱᓪᓗᕐᑐᓄᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒌᑦ – ᒫᑕ ᒪᒃᑖᕐ
- ᓄᓇᕗᑦ ᐸᐸᑦᑎᕕᖓᑦ – ᐋᑦᑎ ᐊᖕᓇᒃᑲᒃ
- ᑲᑭᕙᒃ ᐊᑐᒃᑕᒃᓴᓂ ᑮᓇᐅᔭᓂᑦ ᐃᑲᔫᓯᐊᑦᓴᐃᓪᓗ ᐅᓂᓪᓘᑕᐅᔪᑦ ᑲᑎᒪᔨᕋᓛᖏᓐᓄᑦ – ᓵᓕ ᖁᒻᒧᐊᕐᑐᖅ
- ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ – ᐹᓪ ᖃᓗᔾᔭᒃ
ᑕᑯᓪᓗᒋ ᐅᑯᐊ ᑲᑎᒪᔨᒃᓴᓄᑦ ᐊᑐᐃᓐᓇᐅᔪᑦ ᑐᔅᓯᕌᕆᔭᐅᓯᒪᖏᒻᒪᑕ ᑕᐃᒪᐃᒪᓐ ᐱᕙᓪᓕᐊᔪᒃᑯᑦ ᓴᖅᑭᔮᕐᑎᑕᐅᒃᑲᓐᓂᓛᕐᑐᑦ: ᖃᐅᓱᐃᑦᑐᒥ ᒥᙳᐃᓯᓕᕆᕕᒃ ᑲᑐᔾᔨᖃᑎᒌᓐᓂᒃᑯᑦ ᐸᖕᓇᐃᔩᑦ ᐊᐅᓚᑦᓯᔩᓪᓗ ᑲᑎᒪᔨᕋᓛᒃᓴᖏᑦ, ᑲᑕᖕᓇᓕᒃ ᒥᙳᐃᓯᕝᕕᒃ ᓄᓇᓕᖕᓂᑦ ᑲᑐᔾᔨᖃᑎᒌᓐᓂᒃᑯᑦ ᐸᖕᓇᐅᔩᑦ ᐊᐅᓚᑦᓯᔩᓪᓗ ᑲᑎᒪᔨᕋᓛᒃᓴᖏᑦ, ᓇᐹᕐᑐᓕᒃ ᒥᙳᐃᓯᕝᕕᒃ ᓄᓇᓕᖕᓂᑦ ᑲᑐᔾᔨᖃᑎᒌᓐᓂᒃᑯᑦ ᐸᖕᓇᐅᔩᑦ ᐊᐅᓚᑦᓯᔩᓪᓗ ᑲᑎᒪᔨᕋᓛᒃᓴᖏᑦ.
ᐱᕙᓪᓕᐊᔪᓕᕆᓂᖕᒥᑦ ᑐᑭᓯᒋᐊᕝᕕᐅᔪᓐᓇᕐᑐᖅ, ᕿᓄᕕᒋᕋᒃᓴᖅ:
ᑭᐅᕋᓐ ᕕᓛᕈᑎ
ᑐᑭᒧᐊᑦᑎᑦᑎᔨ, ᐸᖕᓇᐅᑎᓕᕆᓂᖕᒥᑦ ᑐᓴᐅᒪᑎᑦᑎᔨ
ᕿᑭᖅᑕᓂ ᐃᓄᐃᑦ ᖃᑐᔾᔨᖃᑎᒌᖏᑦ
(ᐅᖄᓚᐅᑎᖓᑦ) 867.975.8398 ᐅᕝᕙᓘᓐᓃᑦ ᐊᑭᖃᖏᑦᑐᒃᑯᑦ ᐊᒻᒪᐃᓗᑎ 1.800.667.2742
ᐃᙲᓐᓈᖅᑕᐅᑎᒃᑯᑦ ᑐᕌᕈᑎᖓ: kflaherty@qia.ca
