ᐃᓄᓕᒫᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐱᓕᕆᐊᕐᒥᑦ ᐊᐅᓚᑦᑎᔨ, ᓄᓇᓕᓐᓄᑦ ᐊᐅᓚᔪᓐᓇᐅᑎᓅᖓᔪᓂᑦ ᐱᕙᓪᓕᐊᑎᑦᑎᓂᕐᒧᓪᓗ (2 ᐃᖅᑲᓇᐃᔮᔅᓵᒃ)
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᓂ
ᓄᓇᓕᓐᓂᑦ: ᐃᖃᓗᓐᓂ, ᓄᓇᕗᒥ
(ᒪᕐᕈᐃᓕᖅᑲᖓᔪᒥᒃ ᐊᓪᓚᕝᕕᖃᕐᓗᓂ/ᓄᓇᓕᓐᓂᑦ ᐊᓯᐊᓂᒃ ᐃᖅᑲᓇᐃᔮᖃᕐᓗᓂ ᐊᖏᕐᕋᕐᓯᒪᓗᓂ ᐃᓱᒪᒋᔭᐅᒋᐊᕈᓐᓇᕐᒥᔪᖅ)
ᒪᑐᐃᖓᔪᖅ: ᓯᕗᓪᓕᐅᔾᔭᐅᕗᑦ ᓄᓇᕗᒻᒥᐅᑦ ᐃᓄᐃᑦ ᐃᓚᒋᔭᐅᔾᔪᑎᓖᑦ ᓄᓇᕗᑦ ᐊᖏᖃᑎᒌᒍᑎᖏᓐᓄᑦ
ᐱᓕᕆᐊᕐᒥ ᐊᐅᓚᑦᑎᔨ ᓄᓇᓕᓐᓄᑦ ᐊᐅᓚᔪᓐᓇᐅᑎᓅᖓᔪᓂᑦ ᐊᒻᒪᓗ ᐃᓪᓗᖁᑎᖓᑕ ᐊᐅᓚᓂᖏᓐᓄᑦ ᐊᐅᓚᓂᖏᓐᓅᖓᔪᓂᑦ ᐃᖅᑲᓇᐃᔮᖃᕋᔭᖅᑐᖅ ᑲᑐᔾᔨᖃᑎᒌᒃᑯᓐᓂᑦ. ᐱᓕᕆᐊᕐᒥ ᐊᐅᓚᑦᑎᔨ ᐃᓚᒋᔭᐅᕗᖅ ᐃᖅᑲᓇᐃᔭᖃᑎᒌᓄᑦ ᐃᖅᑲᓇᐃᔮᔅᓴᖃᕐᐸᑦᑐᓄᑦ ᑲᒪᒋᔭᖃᖃᑦᑕᓂᕐᒥᒃ ᐸᕐᓇᐃᓂᕐᒥᒃ, ᐊᑐᓕᖅᑎᑦᑎᖃᑦᑕᓂᕐᒥᒃ, ᐊᒻᒪᓗ ᐱᔨᑦᑎᕋᐅᑎᖃᑦᑎᐊᖃᑦᑕᓂᕐᒥᒃ ᓄᓇᓕᓐᓄᑦ ᐊᐅᓚᔪᓐᓇᐅᑎᓅᖓᔪᓂᑦ ᐊᒻᒪᓗ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᐊᓂᑦ ᐱᔾᔪᑎᒋᓪᓗᒋ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᖃᐅᔨᒪᒋᐊᑦᑎᖃᑦᑕᖅᑐᑎᒃ ᐱᔨᑦᑎᕋᐅᑎᖃᑦᑎᐊᖃᑦᑕᕋᓗᐊᕐᒪᖔᑕ ᐊᒻᒪᓗ ᐊᑯᓂ−ᐊᑐᕐᓂᐊᖅᑐᓂᑦ ᐋᖅᑭᐅᒪᑎᑦᑎᒐᓗᐊᕐᒪᖔᑕ ᓄᓇᓕᓐᓄᑦ ᐊᐅᓚᔪᓐᓇᐅᑎᓂᑦ ᐱᖁᑎᓂᑦ.
ᐱᓕᕆᐊᕐᒥ ᐊᐅᓚᑦᑎᔨᐅᓂᑉ ᐃᖅᑲᓇᐃᔮᔅᓴᖅ ᑲᒪᒋᔭᔅᓴᓕᒃ ᑲᒪᒋᔭᖃᖃᑦᑕᓂᕐᒥᒃ ᐊᔾᔨᒌᙱᑐᒡᒍᑎᓂᑦ ᐱᓕᕆᐊᓂᑦ, ᐸᕐᓇᐃᓂᕐᒥᑦ ᒪᑯᓄᖓ ᑎᑭᐅᒪᔪᓂᑦ ᓴᓇᓂᕐᒥᒃ, ᐃᖅᑲᓇᐃᔮᔅᓴᖃᖅᑎᑦᑎᖃᑦᑕᓂᕐᒧᑦ, ᐊᐅᓚᓂᖏᓐᓂᒃ ᐱᕙᓪᓕᐊᑎᑦᑎᖃᑦᑕᓂᕐᒥᒃ. ᐱᓕᕆᐊᕐᒥ ᐊᐅᓚᑦᑎᔨ ᐸᕐᓇᐃᖃᑦᑕᓂᐊᖅᑐᖅ ᐊᑐᓕᖅᑎᑦᑎᖃᑦᑕᕐᓗᓂᓗ ᐱᓕᕆᐊᓂᑦ, ᐃᑲᔪᖃᑦᑕᕐᓗᓂ ᓇᓗᓇᐃᔭᐃᓂᕐᒥᒃ ᐱᓕᕆᐊᑉ ᐊᖏᓂᖓᓂᒃ, ᑐᕌᒐᖏᓐᓂᒃ ᐊᑐᓕᖅᑎᑕᐅᔭᕆᐊᓕᓐᓂᓪᓗ ᐊᒻᒪᓗᑦᑕᐅᖅ ᓇᓗᓇᐃᔭᐃᖃᑦᑕᓂᕐᒥᒃ ᑲᒪᒋᔭᔅᓴᓂᑦ ᐊᒻᒪᓗ ᐊᑐᖅᑕᐅᒋᐊᓕᓐᓂᑦ. ᑕᕝᕙᓂ ᐃᖅᑲᓇᐃᔮᔅᓴᒥ ᑲᒪᒋᔭᖃᖃᑦᑕᓂᐊᖅᑐᖅ ᐱᓕᕆᐊᕐᒥ ᑮᓇᐅᔭᖅᑑᑎᔅᓴᓕᕆᓂᕐᒥᒃ, ᐋᖅᑭᓯᒪᓂᕆᓂᐊᖅᑕᖏᓐᓂᒃ ᐊᒻᒪᓗ ᐱᓕᕆᓂᕐᒧᑦ ᐋᖅᑭᓯᒪᓂᕆᓂᐊᖅᑕᖏᓐᓂᒃ ᐊᒻᒪᓗ ᐅᓂᒃᑳᓕᐅᖃᑦᑕᓂᕐᒥᒃ ᐱᓕᕆᐊᑉ ᖃᓄᐃᓕᖓᓕᕐᓂᖓᓂᒃ. ᐱᒻᒪᕆᐅᓗᐊᕐᒥᔪᑦ ᐱᓕᕆᐊᕐᒥ ᐊᐅᓚᑦᑎᖃᑦᑕᓂᕐᒥᒃ ᒪᑯᐊ ᖃᐅᔨᒪᑦᑎᐊᕋᓱᖃᑦᑕᓂᕐᒥᒃ ᐱᓕᕆᐊᑉ ᖃᓄᖅ ᐱᕙᓪᓕᐊᓂᖃᕐᒪᖔᖅ, ᐋᖅᑭᐅᒪᑎᑦᑎᓂᕐᒥᒃ ᐱᑦᑎᐊᕐᓯᒪᔪᓂᑦ ᐱᓕᕆᐊᑉ ᒥᔅᓵᓄᑦ ᑎᑎᖅᑲᓂᑦ, ᐅᐸᓗᖓᐃᔭᐃᖃᑦᑕᓂᕐᒥᒃ ᐅᓂᒃᑳᓂᑦ ᐃᓚᒋᔭᐅᓪᓗᑎᒃ ᑐᓂᓯᔭᐅᖃᑦᑕᕐᓂᖅ ᐅᓂᒃᑳᓂᑦ ᐊᒻᒪᓗ ᕿᒥᕐᕈᖃᑦᑕᓂᕐᒥᒃ ᐱᕙᓪᓕᐊᓂᖓᓂᒃ ᐊᒻᒪᓗ ᐃᓱᒫᓗᓇᕐᓂᖏᓐᓂᒃ ᐊᒻᒪᓗ ᑐᓴᐅᒪᖃᑦᑕᐅᑎᖃᑎᖃᖃᑦᑕᓂᕐᒥᒃ ᑖᒃᑯᓂᖓ ᑐᓴᐅᒪᖃᑦᑕᐅᑎᖃᑎᖃᑦᑎᐊᖃᑦᑕᕐᓗᓂ.
ᐅᓂᒃᑳᓕᐅᖃᑦᑕᓂᐊᖅᑐᖅ ᑐᑭᒧᐊᑦᑎᑦᑎᔨᓪᓗᐊᑕᖓᓄᑦ ᑐᑭᒧᐊᒍᑎᔅᓴᓄᑦ ᐸᕐᓇᐃᓂᕐᒧᑦ, ᑖᓐᓇ ᐃᖅᑲᓇᐃᔮᔅᓴᖅ ᖃᐅᔨᒪᒋᐊᑦᑎᐊᕈᑕᐅᖃᑦᑕᓂᐊᖅᑐᖅ ᐱᕙᓪᓕᐊᓂᖓᓂᒃ ᐊᒻᒪᓗ ᐊᑐᓕᖅᑎᑕᐅᕙᑦᑐᓂᑦ ᐱᓕᕆᐊᑦ ᖃᐅᔨᒪᔭᐅᖃᑦᑕᓂᐊᕐᖓᑕ, ᕿᒥᕐᕈᔭᐅᖃᑦᑕᓂᐊᕐᖓᑕ, ᑐᓴᐅᒪᑎᑦᑎᒍᑕᐅᖃᑦᑕᓂᐊᕐᖓᑕ, ᐊᒻᒪᓗ ᐃᓚᓕᐅᔾᔭᐅᖃᑦᑕᓂᐊᕐᖓᑕ ᑐᑭᑖᕈᑎᖃᖃᑦᑕᕆᐊᖃᖅᑎᓪᓗᒋᑦ. ᐱᓕᕆᐊᕐᒥ ᐊᐅᓚᑦᑎᔨ ᐊᑑᑎᖃᓪᓚᕆᑦᑐᒥᒃ ᐃᖅᑲᓇᐃᔮᖃᖃᑦᑕᓂᐊᕐᒥᔪᖅ ᐊᑑᑎᕕᐅᖃᑕᐅᔪᓄᑦ ᑐᓴᐅᒪᑎᑦᑎᖃᑦᑕᓂᕐᒥᒃ ᐊᒻᒪᓗ ᐃᓚᒋᔭᐅᑎᑦᑎᖃᑦᑕᓂᕐᒥᒃ, ᑭᒡᒐᖅᑐᐃᓗᓂ ᕿᑭᖅᑕᓂᒃᑯᓐᓂᑦ ᑲᑎᒪᔪᓂᑦ ᑲᑎᒪᖃᑎᖃᖅᑎᓪᓗᒋᑦ ᓯᓚᑖᓃᑦᑐᓂᑦ ᑲᑐᔾᔨᖃᑎᖏᓐᓂᒃ, ᑮᓇᐅᔭᖃᖅᑎᑦᑎᕙᑦᑐᓂᑦ, ᐊᒻᒪᓗ ᑳᓐᑐᓛᒃᑕᐅᓯᒪᕙᑦᑐᓂᑦ. ᐊᒻᒪᓗᑦᑕᐅᖅ, ᐋᖅᑭᔅᓱᐃᖃᑦᑕᓂᐊᖅᑐᖅ ᐋᖅᑭᓯᒪᔪᓂᑦ ᐅᓂᒃᑳᓂᑦ, ᐱᓕᕆᐊᕐᒥ ᐊᐅᓚᑦᑎᔾᔪᑎᓂᑦ, ᐊᒻᒪᓗ ᐅᓂᒃᑳᓂᑦ ᑕᐃᒫᒃ ᓯᕗᓕᖅᑏᑦ ᐊᖏᔪᖅᑲᐅᑏᑦ, ᓯᕗᓕᖅᑏᑦ ᑲᑎᒪᔨᓂᑦ, ᑲᑎᒪᔩᓪᓗ ᖃᐅᔨᒃᑲᖅᑕᐅᓯᒪᖃᑦᑕᓂᐊᕐᖓᑕ ᐱᓕᕆᐊᑉ ᐱᕙᓪᓕᐊᓂᖓᑕ ᒥᔅᓵᓄᑦ, ᐃᓱᒫᓗᓇᕐᓂᖏᓐᓂᒃ, ᐊᒻᒪᓗ ᑐᑭᑖᕈᑕᐅᔭᕆᐊᖃᓗᐊᖅᑐᑦ ᒥᔅᓵᓄᑦ. ᖃᐅᔨᒪᑦᑎᐊᕆᐊᓕᒃ ᖃᓄᖅ ᐊᑐᖅᑕᐅᓲᖑᒻᒪᖔᑕ ᐱᓕᕆᐊᕐᒥ ᐊᐅᓚᑦᑎᓂᕐᒧᑦ ᖃᕋᓴᐅᔭᒃᑯᑦ ᐊᑐᖅᑕᐅᓲᓂᑦ.
ᐃᖅᑲᓇᐃᔮᖃᓕᓂᐅᓗᓂ ᐅᓂᒃᑳᖃᑦᑕᓂᕐᒥᒃ ᐅᕝᕙᓘᓐᓃᑦ ᓯᕗᓕᕐᓯᖃᑦᑕᓂᕐᒥᒃ ᐱᔭᕆᐊᑭᓪᓕᑎᑦᑎᔨᓂᑦ ᐊᒻᒪᓗ ᐃᖅᑲᓇᐃᔮᖃᕐᓂᐊᖅᑐᖅ ᐅᐸᓗᖓᐃᔭᐃᖃᑦᑕᕆᐊᖃᕐᓂᐊᕐᒥᔪᖅ ᑮᓇᐅᔭᓄᑦ ᑐᔅᓯᕋᐅᑎᓂᑦ ᐊᒻᒪᓗ ᑲᒪᒋᔭᖃᖃᑦᑕᓂᕐᒥᒃ ᐱᓕᕆᐊᕐᒧᑦ ᑮᓇᐅᔭᖅᑑᑎᔅᓴᓂᑦ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕐᓂᕐᒥᒃ. ᐃᖅᑲᓇᐃᔮᖅᑖᕋᓱᑦᑐᑦ ᐃᖅᑲᓇᐃᔮᖃᓕᓂᐅᒋᐊᓖᑦ ᓯᕗᓕᕐᓯᖃᑦᑕᓂᕐᒥᒃ ᐊᒻᒪᓗ ᐊᐅᓚᑦᑎᖃᑦᑕᓂᕐᒥᒃ ᐊᔾᔨᒌᙱᑐᒡᒍᑎᓂᑦ−ᐃᓕᓐᓂᐊᕈᑎᖃᕐᓯᒪᔪᓂᑦ ᐃᖅᑲᓇᐃᔭᖃᑎᒌᓂᑦ. ᐃᖅᑲᓇᐃᔮᖃᓕᓂᐅᒋᐊᓕᒃ ᐊᐅᓚᑦᑎᓂᕐᒥᒃ ᓄᓇᓕᓐᓄᑦ ᐊᐅᓚᔪᓐᓇᐅᑎᓅᖔᔪᓂᑦ ᐱᓕᕆᐊᓂᑦ, ᒪᑯᐊ ᐃᓚᒋᔭᐅᓪᓗᑎᒃ ᐊᑑᑎᖃᕐᓂᖏᑕ ᐊᐅᓚᓂᕆᓲᖓᓂᒃ ᐊᐅᓚᑦᑎᓂᕐᒥᒃ, ᑕᒪᑐᒥᖓᑦᑕᐅᖅ ᖃᐅᔨᒪᓗᓂ. ᐃᖅᑲᓇᐃᔮᖃᓕᓂᐅᒋᐊᓕᒃ ᐃᓱᒫᓗᓇᖅᑐᓂᑦ ᑲᒪᖃᑦᑕᓂᕐᒥᒃ, ᐃᓚᒋᔭᐅᓪᓗᓂ ᐊᑐᓕᖅᑎᑦᑎᕙᓪᓕᐊᓂᖅ ᐸᓚᕐᔫᒥᑎᑦᑎᒋᐊᕐᓂᕐᒧᑦ ᖃᓄᖅᑑᕈᑎᓂᑦ, ᑖᓐᓇ ᐊᑑᑎᖃᓪᓗᐊᑕᕐᓂᐊᕐᒥᔪᖅ ᑕᕝᕙᓂ ᐃᖅᑲᓇᐃᔮᔅᓴᒥ.
ᐃᒪᐃᑦᑑᖁᓇᖅᑐᓂᓗ, ᐃᖅᑲᓇᐃᔮᖃᕐᓂᐊᖅᑐᖅ ᓯᓚᑦᑐᓴᕐᕕᒻᒥ ᐸᐃᑉᐹᖅᑖᕐᓯᓗᓂ ᐱᔭᕇᕈᑎᒋᓯᒪᔭᖓᓂᒃ ᓴᓇᔭᐅᓲᓂᑦ ᓴᓇᖃᑦᑕᓂᕐᒥᒃ, ᑎᑎᖅᑐᒐᖏᓐᓂᒃ ᐃᓪᓗᓕᐊᖑᓲᑦ ᐅᕝᕙᓘᓐᓃᑦ ᓇᒻᒥᓂᕐᒥᒃ ᐱᓕᕆᕕᒻᒥᑦ ᐊᐅᓚᑦᑎᓂᕐᒥᒃ ᐱᔾᔪᑎᖃᕐᓂᕐᓴᐅᓪᓗᓂ ᐱᓕᕆᐊᔅᓴᓕᕆᓂᕐᒥᒃ ᐊᒻᒪᓗ ᓄᓇᓕᓐᓄᑦ ᐊᐅᓚᔪᓐᓇᐅᑎᓕᕆᓂᕐᒥᒃ. ᐱᓕᕆᐊᕐᒥ ᐊᐅᓚᑦᑎᓂᕐᒧᑦ ᐸᐃᑉᐹᖅᑖᕐᓯᒪᓗᓂ ᐃᓕᓴᕆᔭᐅᔾᔪᑎᒥᒃ (PMP, PRINCE2, CCM) ᑖᓐᓇ ᐊᑑᑎᖃᓪᓚᕆᒃᑲᔭᖅᑐᖅ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐃᖅᑲᓇᐃᔮᖃᕐᓯᕐᒪᑉᐸᓪᓗ ᓈᒻᒪᒋᔭᐅᔪᓐᓇᕐᒥᔪᖅ ᓇᓕᒧᑦᑎᓂᖓᓂᒃ ᐃᓱᒪᒋᔭᐅᓗᓂ. ᓈᒻᒪᑦᑐᒥᒃ ᐱᕋᔭᓚᐅᕐᓯᒪᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕆᐊᓕᒃ.
ᑮᓇᐅᔾᔭᔅᓵᕆᖃᑦᑕᓂᐊᖅᑕᖏᑦ ᑕᒫᓃᑦᑐᑦ $116,755ᓂᑦ $171,240ᓄᑦ ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕋᔭᖅᑐᖅ $27,600ᓂᑦ ᐊᕐᕌᒍᑕᒫᑦ.
ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
Human Resources ᐅᖄᓚᐅᑖ: (867) 975-8400
Qikiqtani Inuit Association ᓱᒃᑲᔪᒃᑰᕈᑖ: (867) 979-3238
200-922 Sivumigiaq Street ᐃᕐᖐᓈᖅᑕᐅᑖ: Resumes@qia.ca
Igluvut building, 2nd floor ᑕᑯᓂᐊᕐᓗᒍ: Tuttarvik.qia.ca
Iqaluit, NU X0A 3H0
ᒪᑐᕕᔅᓴᖓᑕ ᐅᓪᓗᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ
