ᐃᖅᑲᓇᐃᔭᕐᑏᓇᕐᓄᑦ ᒪᑐᐃᖓᔪᖅ
ᐃᖅᑲᓇᐃᔮᖅ: ᑮᓇᐅᔭᓕᕆᔨ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᓂᐊᖅᑐᖅ
ᓇᒥ: ᐃᖃᓗᓐᓂ
ᒪᑐᐃᖓᔪᖅ: ᓯᕗᓪᓕᐅᔾᔭᐅᕗᑦ ᓄᓇᕗᒻᒥᐅᑦ ᐃᓄᐃᑦ ᐃᓚᒋᔭᐅᔾᔪᑎᓖᑦ ᓄᓇᕗᑦ ᐊᖏᖃᑎᒌᒍᑎᖏᓐᓄᑦ
ᑮᓇᐅᔭᓕᕆᔨ ᐱᔨᑦᓯᕐᑎᐅᕙᒻᒪᑦ ᐊᔾᔨᒌᖏᑦᑐᓂᑦ ᑮᓇᐅᔭᓕᕆᕙᑦᑐᓂ ᐊᒻᒪ ᐊᑭᓕᕐᑐᕆᐊᓕᓐᓂᑦ, ᑕᖅᑭᑕᒫᑦ ᑲᑎᑎᕆᐊᓕᓐᓂᑦ, ᕿᒥᕐᕈᔭᕆᐊᓕᓐᓂᑦ ᓇᓗᓇᐃᕐᑐᐃᕙᑦᑐᓂᓗ ᑕᐃᒫᑦᓯᐊᖑᒐᓗᐊᕐᒪᖔᑕ, ᐅᓂᒃᑳᓕᐅᕐᐸᑦᑐᓂ, ᖃᕆᓴᐅᔭᒧᑦ ᑲᑎᖅᓱᐃᕙᑦᑐᓂ ᓇᕿᑦᑕᕆᐊᓕᓐᓂᑦ, ᐊᓯᖏᓐᓂᓪᓗ ᑮᓇᐅᔭᓕᕆᔨᒃᑯᓐᓂ ᐊᐅᓚᑕᐅᒋᐊᓕᓐᓂᑦ ᐊᐅᓚᑦᓯᐊᕈᑕᐅᓂᐊᕐᑐᓂᑦ ᑮᓇᐅᔭᓕᕆᔨᒃᑯᓐᓄᑦ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ (ᕿᑭᖅᑕᓃᒃᑯᑦ).
ᐃᓂᖓᓃᑦᑐᖅ ᑲᒪᖃᑦᑕᓂᐊᕐᑐᖅ ᐃᖅᑲᓇᐃᔮᖑᒐᔪᑦᑐᓂᑦ, ᖃᐅᑕᒫᑦ ᑮᓇᐅᔭᓕᕆᒋᐊᓕᓐᓂᑦ ᐊᑭᓕᕐᑐᕆᐊᓕᓐᓂᓪᓗ ᐃᑲᔪᕐᑐᐃᔾᔪᑎᑦᓴᓂᑦ ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᕐᕕᖓᓄᑦ ᐊᒻᒪ ᐃᓘᓐᓇᑦᓯᐊᑎᑦ ᐊᑭᓕᖅᑐᕆᐊᓕᓐᓄᑦ ᓇᓕᖅᑲᐃᑦ, ᑕᖅᑭᑕᒫᑦ ᐊᑭᓕᕆᐊᓖᑦ, ᐅᓂᒃᑳᖑᒋᐊᓖᑦ, ᑲᑎᖅᓱᐃᕙᓪᓗᓂ ᓇᕿᑦᑕᕆᐊᓕᓐᓂᑦ ᕿᑐᑦᑐᒐᐅᔭᒃᑯᑦ ᐊᑭᓕᑦᓴᓂᐅᑎᒥᓂᕐᓂᑦ ᐊᒻᒪ ᐊᐅᓚᔾᔪᓯᖏᓐᓄᑦ ᐱᖃᓯᐅᑎᑦᓯᐊᐸᓪᓗᒋᑦ ᓈᒻᒪᓈᕐᑕᖅᓯᒪᒋᐊᓖᑦ ᑭᖑᕙᕐᓯᒪᕙᓐᖏᓪᓗᑎᑦ, ᑕᐃᒫᑦᓯᐊᖑᒐᓗᐊᕐᒪᖔᑕ ᐊᒻᒪ ᐅᓂᒃᑲᕆᑦᓯᐊᐸᓪᓗᒋᑦ. ᑖᑦᓱᒪ ᐱᔭᑦᓴᖏᑦ ᒪᓕᒋᐊᓖᑦ ᑕᒪᐃᓐᓄᑦ ᑮᓇᐅᔭᓕᕆᓂᖕᒥ ᒪᓕᑦᑕᐅᒐᔪᑦᑐᑦ ᑐᓐᖓᕕᖏᓐᓂᑦ, ᑮᓇᐅᔭᓕᕆᓂᖕᒧᑦ ᒪᓕᒐᕐᓂᑦ, ᐃᖅᑲᓇᐃᔭᕐᕕᒻᒥ ᐱᐅᓯᐅᒋᐊᓕᓐᓂᑦ ᐊᐅᓚᑦᑎᒍᑎᓂᓪᓗ ᐊᒻᒪ ᐊᑐᖅᑕᐅᖁᔭᖏᓐᓂᑦ ᕿᑭᖅᑕᓃᒃᑯᑦ ᐊᑐᐊᒐᖏᓐᓂ ᐱᑦᑎᐊᖅᓯᒪᓛᓂᑦ ᑮᓇᐅᔭᓕᕆᔾᔪᓯᖃᖁᓪᓗᒋᑦ ᐊᑭᓕᕐᑐᐃᑦᓯᐊᐸᓪᓗᑎᓪᓗ ᐱᔨᑦᓯᕐᑕᖏᓐᓄᑦ.
ᑮᓇᐅᔭᓕᕆᔨ ᐱᔭᑦᓴᖃᕐᓂᐊᕐᑐᖅ ᑲᑐᔾᔨᖃᑎᖃᕐᐸᓪᓗᓂ ᐊᒻᒪ ᑐᑭᓯᐅᒪᑎᑦᓯᓯᐊᕐᐸᓪᓗᓂ ᐃᖅᑲᓇᐃᔭᕐᕕᒻᒥ ᓯᓚᑖᓂᓗ ᐱᔨᑦᓯᕐᐸᑦᑕᖏᓐᓂᑦ ᐊᒻᒪ ᐱᓇᓱᐊᖃᑕᐅᕙᑦᑐᓂᑦ ᐃᖅᑲᓇᐃᔭᕐᕕᖓ ᐊᐅᓚᑦᓯᐊᖏᓐᓇᖁᓪᓗᒍ, ᐱᔨᑦᓯᕐᐸᑦᑕᖏᑦ ᓈᒻᒪᑦᓴᐃᓐᓇᖁᓪᓗᒋᑦ ᐊᒻᒪ ᐃᑲᔪᕐᐸᓪᓗᓂ ᑕᑯᓐᓇᕐᑕᐅᓂᖓᑕᓗ ᑮᓇᐅᔭᓕᕆᔨᖏᑕ ᕿᑭᖅᑕᓃᒃᑯᓪᓗ ᐅᑉᐱᕆᔭᐅᑦᓯᐊᖁᓪᓗᒋᑦ. ᐃᓂᖓᓃᑦᑐᖅ ᐃᑲᔪᕐᐸᑦᑐᖅ ᑮᓇᐅᔭᓕᕆᓂᖕᒥᑦ ᐊᐅᓚᑦᑎᐊᖏᓐᓇᖁᓪᓗᒋᑦ ᐱᐊᓚᔪᒥᑦ, ᓈᒻᒪᓈᖅᑕᖅᓯᒪᔪᓂᑦ ᐅᓂᒃᑳᕆᒋᐊᓕᖏᓐᓂᑦ ᐃᓱᒪᓕᐅᕈᑕᐅᒋᐊᓕᓐᓂᓪᓗ. ᐃᓂᖓᓃᑦᑐᖅ ᐃᑲᔪᖅᐸᑦᑐᖅ ᐋᖅᑭᐅᒪᐃᓐᓇᕐᑐᒥᑦ ᐊᐅᓚᑦᓯᐊᖏᓐᓇᖁᓪᓗᒋᑦ ᑮᓇᐅᔭᓕᕆᓂᖕᒧᑦ ᑎᑎᕋᕆᐊᓖᑦ ᐅᓂᒃᑳᖑᒋᐊᓖᓪᓗ ᐃᑲᔫᑕᐅᓂᐊᕐᑐᑦ ᑕᒻᒪᖅᓯᒪᔪᖅᓯᐅᑎᓄᑦ ᓈᓴᐃᓂᐅᓴᓕᕋᐃᑉᐸᑕ ᐅᐸᓗᖓᐃᕐᓯᒪᖁᓪᓗᒋᑦ. ᑮᓇᐅᔭᓕᕆᔨ ᐃᑲᔪᕐᐸᑦᑐᖅ ᐋᖅᑭᑦᓯᐊᕐᓯᒪᔪᓂᑦ ᓈᒻᒪᓈᕐᑕᖅᓯᒪᔪᓂᓪᓗ ᐅᓪᓗᕐᓯᐅᑎᒃᑯᑦ ᑲᑐᔾᔨᖃᑎᒌᖏᓐᓄᑦ ᑕᑕᑎᕆᐊᓕᖁᑎᖏᓐᓂᑦ, ᑎᑎᖅᑲᓂᑦ ᐊᒻᒪ ᑮᓇᐅᔭᓕᕆᓂᖕᒧᑦ ᑎᑎᖅᑲᓕᕆᒋᐊᓕᖏᓐᓂᑦ ᐃᖅᑲᓇᐃᔭᕐᕕᖓᓂ. ᐱᔭᑦᓴᖏᑦ ᐊᑕᐅᑦᓯᒃᑰᕐᑕᖁᒧᑦ ᐃᑲᔪᕐᑎᐅᖃᑎᖃᕐᐸᓪᓗᓂ ᑐᓴᐅᒪᖃᑦᑕᐅᑏᓐᓇᖁᓪᓗᒋᓪᓗ ᑮᓇᐅᔭᓕᕆᔨᐅᖃᑎᖏᑦ ᐃᖅᑲᓇᐃᔭᕐᕕᖓᓂ.
ᐃᖅᑲᓇᐃᔭᖅᑖᕋᓱᐊᕐᑐᓄᑦ, ᐱᓇᓱᐊᖃᑕᐅᔪᑦ ᓈᓴᐅᓯᕆᓕᒻᒪᒋᐊᓖᑦ ᕿᒥᕐᕈᑦᓯᐊᕈᓐᓇᕐᓗᑎᓪᓗ ᐱᓕᒻᒪᑦᓴᖅᓯᒪᓗᓂ, ᖃᐅᔨᓴᕋᐃᓪᓗᑎᓪᓗ ᐋᖅᑭᒋᐊᕆᐊᓕᓐᓂᑦ ᐊᒻᒪ ᖃᐅᔨᒪᑦᓯᐊᕆᐊᓖᑦ ᖃᕆᓴᐅᔭᓕᕆᔾᔪᑎᓂᑦ ᒪᐃᑯᕈᓵᑉᒥᑦ ᐊᒻᒪ ᑮᓇᐅᔭᓕᕆᓂᖕᒧᑦ ᐊᑑᑎᒋᐊᓕᓐᓂᑦ. ᐃᖅᑲᓇᐃᕐᔭᖅᑖᖅᑐᖅ ᐅᖃᖃᑎᖃᕈᓐᓇᑦᓯᐊᕆᐊᓕᒃ ᑐᑭᓯᓇᕐᑐᒥᑦ ᐊᒻᒪ ᐃᒻᒥᓂᖅᓱᕐᓗᓂ ᐃᖅᑲᓇᐃᔭᕈᓐᓇᑦᓯᐊᕐᓗᓂ ᐊᒻᒪ ᐃᖅᑲᓇᐃᔭᖃᑎᖏᓐᓂᑦ ᐃᖅᑲᓇᐃᔭᖃᑎᖃᕈᓐᓇᑦᓯᐊᕐᓗᓂ. ᕿᑭᖅᑕᓃᒃᑯᑦ ᐃᒻᒪᖃ ᐊᐱᕆᒐᔭᕐᑐᑦ ᐃᖅᑲᓇᐃᔭᕐᑖᖅᑐᒥᑦ ᓇᓪᓕᐅᒃᑯᒫᖃᐅᑎᖃᕈᓐᓇᕐᒪᖔᑦ ᓵᑕᐅᔪᓐᓇᕐᓂᖓᓄᑦ. ᐃᓄᒃᑎᑑᕈᓐᓇᑦᓯᐊᕐᐸᑦ ᐃᑲᔫᑎᖃᕋᔭᕐᑐᖅ.
ᑕᐃᒪᐃᒐᔪᒻᒪᑕ, ᐃᓂᖓᓃᑦᑐᖅ ᐃᓕᓐᓂᐊᕐᕕᐊᓗᖕᒥ ᐱᔭᕇᕐᓯᒪᓂᖓᓄᑦ ᐸᐃᑉᐹᖁᑎᖃᕆᐊᓕᒃ ᐊᒻᒪᓗ ᐊᑑᑎᖃᕈᓐᓇᕐᑐᓂᑦ ᐃᓕᓐᓂᐊᖃᑦᑕᓕᓂᐅᒋᐊᓕᒃ, ᐊᕐᕌᒍᓕᒫᒥᑦ ᐊᔪᕈᓐᓃᓴᖅᓯᒪᓗᓂ ᐃᖅᑲᓇᐃᔮᖃᕐᓂᑰᓗᓂ ᐊᑭᓕᕐᓱᐃᓂᖕᒥᑦ ᐅᕝᕙᓘᓐᓃᑦ ᐊᑐᖅᑕᐅᒐᔪᑦᑐᓂᑦ ᑮᓇᐅᔭᓕᕆᔨᐅᓂᑰᓗᓂ. ᑲᑎᑦᓯᓯᒪᑉᐸᑦ ᐃᓕᓐᓂᐊᖃᑦᑕᕐᓂᑰᓂᖏᑦ ᐱᓕᒻᒪᑦᓴᕐᓂᒃᑯᑦ ᐊᒻᒪ ᐊᑐᖅᓯᒪᔭᒥᒍᑦ ᓈᒻᒪᒋᔭᐅᔪᓐᓇᕐᒥᔪᑦ ᓇᓕᒧᒋᔭᐅᒋᐊᑦᓴᖅ ᐃᓕᓐᓂᐊᕐᓯᒪᔪᒻᒪᕆᑦᑎᑐᑦ. ᓯᕗᓪᓕᐅᔾᔭᐅᓂᐊᕐᑐᑦ ᓄᓇᕗᒥᐅᑦ ᐃᓄᐃᑦ ᐃᖅᑲᓇᐃᔭᖅᑖᕋᓱᐊᕐᑐᑦ ᐊᔪᓐᖏᓂᖃᑐᐊᖅᐸᑕ ᓇᓗᓇᐃᕐᑕᐅᕋᑖᖅᑐᓂᑦ.
ᐃᓂᖓᓄᑦ ᑮᓇᐅᔭᑦᓵᕆᓂᐊᕐᑕᖏᑦ ᐱᒋᐊᕐᕕᖃᕐᓂᐊᕐᑐᖅ $76,144/ᐊᕐᕌᒍᑕᒫᑦ, ᐃᓚᔭᐅᓗᑎᑦ $27,600/ᐊᕐᕌᒍᑕᒫᑦ ᐅᑭᐅᖅᑕᖅᑐᒥᐅᑕᐅᓂᖓᓄᑦ ᐃᑲᔫᓯᐊᓂᑦ.
ᐃᖅᑲᓇᐃᔮᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᑎᑎᖅᑲᓂᐊᕐᕕᑯᓪᓘᓐᓃᑦ ᐅᕗᖓ ᑐᕌᖅᑎᓪᓗᒋᑦ:
ᐃᖅᑲᓇᐃᔭᖅᑐᓕᕆᔩᑦ ᐅᖄᓚᐅᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓱᒃᑲᔪᒃᑰᕈᑖ: (867) 979-3238
ᐃᒡᓗᕗᑦ, 2 ᖄᖅᑎᖓ
ᑎᑎᖅᑲᒃᑯᕕᖓ 1340 ᐃᕐᖐᓈᖅᑕᐅᑖ: Resumes@ᕿᑭᖅᑕᓃᒃᑯᑦ.ca
ᐃᖃᓗᐃᑦ, ᓄᓇᕗᑦ X0A 0H0
ᒪᑐᕕᔅᓴᓕᒃ: ᔫᓂ6 2025 5:00ᒥ
