ᖃᐅᔨᒃᑲᐃᒍᑎ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᐅᓛᖅᑐᒥᒃ
ᖃᐅᔨᒃᑲᐃᒍᑎ ᑲᑎᒪᓂᐅᓛᖅᑐᒥᒃ
ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᐅᓛᖅᑐᒥᒃ
ᖃᐅᔨᒃᑲᐃᕗᒍᑦ, ᒪᓕᑦᑐᒍ ᑎᑎᕋᕐᓯᒪᓂᖓᓂ 5.02.2 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᒪᓕᒐᕋᓛᖏᓐᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᐅᑐᐱᕆ 6, 2026ᖑᓕᖅᑲᑦ, ᐃᖃᓗᓐᓂ, ᓄᓇᕗᒻᒥ.
ᑎᑎᕋᖅᑕᐅᕗᖅ ᑖᓐᓇ 15ᖑᑎᓪᓗᒍ, ᓯᑎᐱᕆ 2026 ᐃᖃᓗᓐᓂ, ᓄᓇᕗᒻᒥ.
ᖃᐅᔨᒃᑲᐃᒍᑎ ᐊᔾᔨᐅᖏᑦᑐᓂᒃ ᐱᖁᔨᕗᖔᕈᑎᓂᒃ:
ᖃᐅᔨᒃᑲᐃᒍᑎ ᐊᔾᔨᐅᖏᑦᑐᓂᒃ ᐱᖁᔨᕗᖔᕈᑎᓂᒃ
ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᓂᕐᒥ
ᖃᐅᔨᒃᑲᐃᕗᒍᑦ, ᒪᓕᑦᑐᒋᑦ ᑎᑎᕋᕐᓯᒪᓂᖏᓐᓂ 5.01.2 ᐊᒻᒪ 8.07.1 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᒪᓕᒐᕋᓛᖏᓐᓂ ᑕᓪᓕᒪᒋᓕᖅᑕᖏᓐᓂ (5) ᐊᒻᒪᓗ ᑎᑎᕋᕐᓯᒪᓂᖓᓂ 14.1 ᐅᐃᒍᖏᓐᓂᓪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑮᓇᐅᔭᓕᕆᓂᕐᒧᑦ ᐊᑐᐊᒐᖏᓐᓂᑦ, ᐊᔾᔨᐅᖏᑦᑐᓂᒃ ᐱᖁᔨᕗᖔᕈᑎᖃᓛᕐᖓᑕ ᑖᒃᑯᓂᖓ:
- ᑎᓕᓯᔾᔪᑎᖃᕐᓗᑎᒃ ᓄᑖᕈᖅᑎᑕᐅᒋᐊᖁᓪᓗᒋᑦ ᑲᑎᒪᔩᑦ ᑲᑎᒪᔾᔪᓯᐊᖅᑖᕆᕙᑦᑕᖏᑦ ᐊᑐᓕᕐᓂᐊᕐᖓᑕ ᖃᐅᑕᒫᕐᓯᐅᑎᓅᖓᔪᓂᑦ ᐋᖅᑭᒋᐊᖅᑕᐅᓯᒪᔪᓂᑦ ᑕᖅᑭᑕᒫᕐᓯᐅᑎᒋᕙᑦᑕᖏᓐᓄᑦ ᐊᒻᒪᓗ ᓈᒻᒪᔅᓯᑎᓪᓗᒋᑦ ᑲᑎᒪᓂᕆᕙᑦᑕᖏᓐᓄᑦ ᐊᑭᒋᕙᑦᑕᖏᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ (NTI) ᐊᑭᓕᕐᓱᐃᔾᔪᑎᒋᕙᑦᑕᖏᑎᑐᑦ.
ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖓᓐᓂ ᐅᑐᐱᕆ 6, 2026ᖑᓕᖅᑲᑦ, ᐃᖃᓗᓐᓂ, ᓄᓇᕗᒻᒥ.
ᐅᓛᔪᒃ ᐊᑭᓱᒃ
ᐊᖓᔪᖅᑳᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
