ᐃᖃᓗᐃᑦ, ᓄᓇᕗᑦ − ᓄᕕᐱᕆ 13, 2025 — ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA), ᐃᓚᒋᔭᐅᓪᓗᑎᒃ ᐃᓄᓐᓄᑦ
ᓇᑭᑐᐃᓐᓈᕐᓯᒪᔪᓂᑦ ᑕᒫᙵᑦ ᓄᓇᓕᓐᓂᑦ, ᑭᒡᒐᑐᖅᑎᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᐋᔪᕋᖅ ᓴᐳᔾᔨᕕᓐᓄᑦ ᑮᓇᐅᔭᓄᑦ
ᑲᑐᔾᔨᖃᑎᒌᓂᑦ (ᐋᔪᕋᖅ) ᐊᒻᒪᓗ ᐊᔪᕐᓴᖏᑦᑐᓂᑦ ᑲᑐᔾᔨᖃᑎᖏᓐᓂᑦ, ᐃᓚᒋᔭᐅᓪᓗᑎᒃ ᑖᒃᑯᐊ ᐱᐅ ᐃᑲᔫᓯᐊᔅᓴᓄᑦ ᐸᐸᑦᑎᔩᑦ
(Pew), ᖁᕕᐊᓲᑎᖃᖅᑯᑦ ᓴᖅᑭᖅᑕᐅᓪᓚᑦᑖᕐᓂᖏᓐᓂᒃ ᓯᓈ ᐊᖏᖃᑎᒌᒍᑏᑦ ᐊᑐᓕᖅᑎᑕᐅᕙᓪᓕᐊᓂᐊᓕᕐᖓᑕ.
ᑖᒃᑯᐊ ᓯᓈ ᐊᖏᖃᑎᒌᒍᑏᑦ, ᐃᓚᒋᔭᐅᓪᓗᑎᒃ ᐱᖓᓲᒻᒪᑕ ᒪᑭᒪᔾᔪᑎᔅᓴᓕᕆᓂᕐᒧᑦ (PFP) ᐱᓇᓱᐊᕈᑕᐅᔪᓄᑦ ᑲᓇᑕᒥ,
ᐊᑎᓕᐅᖅᑕᐅᓚᐅᕐᓯᒪᒻᒪᑕ ᓇᓗᓇᐃᕐᓯᒍᑕᐅᓪᓗᑎᓪᓗ ᕖᕝᕗᐊᓕᐅᑎᓪᓗᒍ 2025ᒥ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᕿᑭᖅᑕᓂ
ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐱᐅᒃᑯᓐᓄᑦ, ᐊᒻᒪᓗ ᐋᔪᕋᒃᑯᓐᓄᑦ.
ᒪᑭᒪᔾᔪᑎᔅᓴᓕᕆᓂᕐᒧᑦ ᐊᑐᖅᑕᐅᔪᑦ ᓄᑖᖑᓪᓗᑎᒃ ᑮᓇᐅᔭᓕᕆᓂᕐᒧᑦ ᐱᓇᓱᐊᕈᑕᐅᒻᒪᑕ ᑲᑐᔾᔨᖃᑎᒌᒍᑕᐅᓪᓗᑎᒃ
ᓄᓇᖃᖅᑳᖅᑐᓄᑦ ᑎᒥᐅᔪᓄᑦ, ᒐᕙᒪᒃᑯᓐᓄᑦ, ᐊᒻᒪᓗ ᐊᔪᕐᓴᖏᑦᑐᓄᑦ ᑎᒥᐅᔪᓄᑦ ᑲᑐᔾᔨᓗᑎᒃ−ᐱᕙᓪᓕᐊᑎᑦᑎᓂᐊᕐᖓᑕ
ᑖᒃᑯᓄᖓᔅᓴᐃᓐᓇᖅ ᑐᕌᒐᖏᓐᓄᑦ ᐊᒻᒪᓗ ᐋᖅᑮᒍᑕᐅᓂᐊᕐᖓᑕ ᓯᕕᑐᔪᒨᖓᔪᒥᒃ ᑮᓇᐅᔭᖃᖅᑎᑦᑎᒍᑎᔅᓴᓂᑦ ᓴᐳᔾᔨᕕᓐᓂᑦ
ᓴᖅᑭᐊᕙᓪᓕᐊᓂᐊᖅᑐᓄᑦ ᐱᕚᓪᓕᕈᑎᖃᖅᑎᑦᑎᓂᐊᖅᑐᓄᑦ ᑕᒪᒃᑮᓐᓄᑦ ᐊᕙᑎᖓᓄᑦ ᐃᓄᖏᓐᓄᓪᓗ.
ᐊᖅᑯᑎᒋᓗᒋᑦ ᓯᓈ, ᑲᓇᑕᐅᑉ ᒐᕙᒪᒃᑯᖏᑦ ᐱᕈᕐᐸᓪᓕᐊᑎ ᐊᖅᑯᑎᒋᓗᒋᑦ ᓯᓈ, ᑲᓇᑕᐅᑉ ᒐᕙᒪᒃᑯᖏᑦ
ᐱᕈᕐᐸᓪᓕᐊᑎᑦᑎᔾᔪᑎᖃᕐᓂᐊᖅᑐᑦ $200 ᒥᓕᐊᓐᓂᑦ, ᐊᔪᕐᓴᖏᑦᑐᓂᑦ ᑮᓇᐅᔭᖃᖅᑎᑦᑎᔪᓂᑦ ᐃᑲᔫᑎᖃᕐᓂᐊᕐᓂᕋᕐᓯᒪᒻᒪᑕ
$70 ᒥᓕᐊᓐᑲᓂᕐᓂᑦ. ᑖᒃᑯᐊ ᑮᓇᐅᔭᑦ ᐊᐅᓚᑕᐅᓂᐊᖅᑐᑦ ᐋᔪᕋᖅ ᓴᐳᔾᔨᕕᓐᓄᑦ ᑮᓇᐅᔭᓄᑦ ᑲᑐᔾᔨᖃᑎᒌᓄᑦ, ᑖᒃᑯᐊ
ᐃᓛᒃᑰᖅᑐᑦ, ᑲᓇᑕᒥᐅᓄᑦ ᓴᐳᔾᔨᕕᓐᓄᑦ ᐸᐸᑦᑎᔩᑦ ᖃᐅᔨᒪᒋᐊᖃᑦᑕᓂᐊᖅᑐᑦ ᐋᖅᑭᓯᒪᑦᑎᐊᕋᓗᐊᕐᒪᖔᑕ,
ᐊᑯᓂᓗ−ᐊᑐᕐᓂᐊᕋᓗᐊᕐᒪᖔᑕ ᑮᓇᐅᔭᖃᖅᑎᑦᑎᒍᑕᐅᔪᑦ ᐃᓄᓐᓄᑦ−ᑐᑭᒧᐊᑦᑎᑕᐅᔪᓄᑦ ᓴᐳᔾᔨᕕᓐᓄᑦ ᐊᒻᒪᓗ ᓄᓇᓕᓐᓂᑦ
ᐃᓅᓯᖃᑦᑎᐊᓂᕐᒧᑦ ᐱᓇᓱᐊᕈᑕᐅᔪᑦ ᕿᑭᖅᑕᓂ ᓄᓇᓕᓐᓂᑦ. ᐋᔪᕋᖅ ᑐᓂᓯᐅᖅᑲᐃᖃᑦᑕᓂᐊᖅᑐᑦ ᑮᓇᐅᔭᓄᑦ
ᕿᑭᖅᑕᓂᒃᑯᓐᓄᑦ ᒪᓕᓪᓗᑎᒃ ᓯᓈ ᓴᐳᔾᔨᕕᓐᓄᑦ ᐊᒻᒪᓗ ᑮᓇᐅᔭᓕᕆᔾᔪᑎᔅᓴᓄᑦ ᐸᕐᓇᑕᐅᓯᒪᔪᑦ.
“ᐅᓪᓗᒥ ᓇᓗᓇᐃᒃᑯᑕᐅᕗᖅ ᑲᒪᒋᔭᖃᕐᐸᓪᓕᐊᓂᐊᓕᕐᖓᑕ ᑲᑦᑐᖓᐃᕈᑕᐅᓯᒪᔪᓂᑦ,” ᐅᖃᖅᑐᖅ ᐅᓛᔪᒃ ᐊᑭᓱᒃ, ᐊᖏᔪᖅᑳᖅ
ᕿᑭᖅᑕᓂᒃᑯᓐᓄᑦ. “ᓯᓈ ᐊᖏᖃᑎᒌᒍᑎᑐᐃᓐᓇᐅᖏᒻᒪᑕ ᐸᐃᑉᐹᑎᒍᑦ − ᐱᔾᔪᑎᖃᕐᖓᑕ ᐃᓄᐃᑦ ᓯᕗᓕᕐᓯᓂᖏᓐᓂᒃ
ᓴᐳᔾᔨᕕᓐᓂᑦ, ᐃᖅᑲᓇᐃᔮᔅᓴᓕᐅᖃᑦᑕᕐᓂᖏᓐᓂᒃ, ᓴᐳᔾᔨᓂᖏᓐᓂᒃ ᓄᓇᑦᑎᓐᓂᒃ ᐃᒪᑦᑎᓂᓪᓗ, ᐊᒻᒪᓗ ᐋᖅᑭᔅᓱᐃᓪᓗᑎᒃ
ᓴᐳᔾᔨᕕᒻᒥᑦ ᒪᑭᒪᓇᓱᐊᕈᑎᓂᑦ ᓯᕗᓂᔅᓴᑎᓐᓂ ᑭᖑᕚᕆᓂᐊᖅᑕᑎᓐᓄᑦ.”
ᐊᕐᕌᒎᓂᐊᖅᑐᓂᑦ ᖁᓕᓂᑦ, ᐊᑐᓕᖅᑎᑕᐅᕙᓪᓕᐊᓂᖏᑦ ᓯᓈ ᓂᕆᐅᒋᔭᐅᕗᑦ ᒪᑯᓂᖓ ᐊᑑᑎᖃᕐᓂᐊᕐᓂᖏᓐᓂᒃ:
• ᓴᐳᔾᔨᓚᑦᑖᕐᓗᑎᒃ ᓄᑖᓂᑦ, ᐊᖏᓪᓕᒋᐊᖅᑕᐅᓯᒪᔪᓂᑦ ᐊᒻᒪᓗ ᐋᖅᑭᒋᐊᖅᑕᐅᓯᒪᔪᓂᑦ ᐃᒪᕕᒻᒥ ᓄᓇᒥᓗ
ᓴᐳᔾᔨᕕᓐᓂᑦ, ᐃᑲᔫᑎᓕᓐᓂᑦ ᑲᓇᑕᐅᑉ ᑐᕌᒐᖓᓄᑦ ᓴᐳᔾᔨᓂᕐᒧᑦ 30%ᖓᓂᒃ ᓄᓇᒥᒃ ᐊᒻᒪᓗ ᐃᒪᕕᓐᓂᑦ 2030
ᖃᓂᒋᔭᖓᓂ.
• ᐃᓄᓐᓄᑦ−ᑐᑭᒧᐊᑦᑎᑕᐅᔪᒥᒃ ᐊᐅᓚᑦᑎᓂᕐᒥᒃ ᓇᐅᑦᑎᕐᓱᖃᑦᑕᓂᕐᒥᓪᓗ ᐊᖏᓂᓕᒻᒥᒃ ᑎᑭᐅᒪᔪᒥᒃ 12.28%ᒧᑦ
ᑲᓇᑕᐅᑉ ᐃᒪᕕᖓᓂᒃ, ᑖᓐᓇ ᐱᔾᔪᑎᓕᒃ 40%ᒥᒃ ᑲᓇᑕᐅᑉ 2030ᒧᑦ ᐃᒪᕕᒻᒧᑦ ᑐᕌᒐᖓᓂᒃ ᐊᒻᒪᓗ 0.92%ᒥᒃ
ᓄᓇᒧᑦ ᑐᕌᒐᖓᓂᒃ. ᑖᒃᑯᐊ ᑕᒪᕐᒥᒃ ᑲᑎᑦᑐᒋᑦ ᑎᑭᐅᒪᔪᑦ 3.68%ᒧᑦ ᐊᖏᓕᒻᒧᑦ ᓄᑖᓂᑦ ᐃᒪᕕᒻᒥ ᓴᐳᑎᔭᐅᓯᒪᔪᓂᑦ
ᓴᐳᔾᔨᕕᓐᓂᓪᓗ ᐃᓚᖃᕆᓪᓗᓂ 8.6%ᒥᒃ ᒫᓐᓇ ᓴᐳᑎᔭᐅᓯᒪᔪᓂᑦ.
• ᓯᕕᑐᓂᕐᓴᒥᒃ ᐃᓄᓐᓄᑦ ᓴᐳᑎᔭᐅᓂᖏᑦ ᓯᕗᓕᕐᓯᒍᑕᐅᓗᑎᒃ ᓇᐅᑦᑎᕐᓱᖅᑎᖃᕐᓂᕐᒧᑦ ᐱᓕᕆᐊᖅᑎᒍᑦ ᕿᑭᖅᑕᓂ
ᓄᓇᓕᓐᓂᑦ.
• ᓄᑖᓂᑦ ᓄᓇᓕᓐᓂᑦ ᐊᐅᓚᔪᓐᓇᐅᑎᓂᑦ (ᐱᖁᑎᕐᔪᐊᓂᑦ), ᐃᓚᒋᔭᐅᓪᓗᑎᒃ ᑖᒃᑯᐊ ᓇᐅᑦᑎᕐᓱᖅᑎᓄᑦ ᑐᖅᑲᑕᕐᕖᑦ
ᐊᒻᒪᓗ ᐱᕈᕐᐸᓪᓕᐊᑎᑦᑎᒍᑕᐅᓂᐊᖅᑐᑦ ᐃᓕᓐᓂᐊᕈᑎᔅᓴᓂᑦ ᓱᓇᒃᑯᑖᓂᓪᓗ.
• ᓲᖑᓂᕐᓴᒥᒃ ᐃᓄᓐᓄᑦ−ᑐᑭᒧᐊᑦᑎᑕᐅᔪᓂᑦ ᕿᑭᖅᑕᓂ ᐊᐅᓚᑦᑎᓂᖃᕐᓗᑎᒃ ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ
ᐃᓄᐃᑦ ᑲᑐᔾᔨᖃᑕᐅᔪᑦ ᐊᑐᓕᖅᑎᑦᑎᕙᓪᓕᐊᒍᓐᓇᕐᓂᖏᓐᓂᒃ ᐃᓚᓕᐅᔾᔭᐅᓯᒪᔪᓂᑦ ᐃᓱᒪᒋᔭᐅᓯᒪᔪᓂᑦ ᓴᐳᔾᔨᓂᕐᒧᑦ
ᐃᓱᒪᒋᔭᖃᕆᐊᕐᓯᒪᔪᓂᑦ ᓄᓇᓖᑦ ᐊᒻᒪᓗ ᐊᕕᑦᑐᕐᓯᒪᓂᐅᔪᓂᑦ ᑕᑯᓐᓈᕈᓯᕐᓂᑦ ᐃᓚᒋᔭᐅᓪᓗᑎᒃ ᐃᓄᐃᑦ
ᖃᐅᔨᒪᔭᖏᑦ.
ᓯᓈ ᐃᓚᒋᔭᐅᒻᒪᑦ ᐊᖏᓂᕐᐹᖑᔪᓄᑦ ᓄᓇᖃᖅᑳᖅᑐᓂᑦ−ᑐᑭᒧᐊᑦᑎᑕᐅᔪᓂᑦ ᐃᒪᕕᒻᒥ ᓴᐳᔾᔨᕕᖃᕐᓂᕐᒧᑦ ᐱᓇᓱᐊᕈᑕᐅᔪᓂᑦ
ᓄᓇᕐᔪᐊᕐᒥ. ᑐᑭᒧᐊᑦᑎᑕᐅᓪᓗᑎᒃ ᐃᓄᓐᓄᑦ ᓯᕗᓕᖅᑎᓄᑦ, ᓯᓈ ᑕᑯᑎᑦᑎᔪᑦ ᖃᓄᖅ ᐃᓄᓕᒫᓂᑦ, ᓇᒻᒥᓂᓕᓐᓂᑦ,
ᓄᓇᖃᖅᑳᖅᑐᓂᓪᓗ ᑲᑐᔾᔨᖃᑎᖃᕐᓂᖅ ᐋᖅᑮᒍᑕᐅᔪᓐᓇᕐᒪᖔᖅ ᐊᑐᓪᓚᑦᑖᖅᑐᒥᒃ, ᓄᓇᓕᓐᓄᑦ−ᑐᑭᒧᐊᑦᑎᑕᐅᔪᓂᒃ
ᐋᖅᑭᓯᒪᔾᔪᑎᔅᓴᓂᑦ ᐊᕙᑎᒧᑦ ᐃᓄᖏᓐᓄᓪᓗ.
“ᑲᓇᑕᐅᑉ ᒐᕙᒪᒃᑯᖏᑦ ᐱᒃᑯᒍᓱᑦᑐᑦ ᑕᒫᓂ ᓇᖏᖃᑎᖃᕆᐊᔅᓴᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐊᒻᒪᓗ
ᑲᑐᔾᔨᖃᑎᑦᑎᓐᓂᒃ ᑖᒃᑯᐊ ᓯᓈ ᐊᖏᖃᑎᒌᒍᑏᑦ ᐸᕐᓇᑕᐅᓂᕆᓚᐅᖅᑕᖏᓐᓂᒃ ᐊᑐᓕᖅᑎᑕᐅᕙᓪᓕᐊᓂᐊᓕᖅᑎᓪᓗᒋᑦ.
ᑕᒪᓐᓇ ᓴᐳᔾᔨᓂᖅ ᑲᒪᒋᔭᐅᑦᑎᐊᖅᑯᖅ ᑕᐃᒫᒃ: ᐃᓄᓐᓄᑦ−ᑐᑭᒧᐊᑦᑎᑕᐅᓪᓗᓂ, ᓄᓇᓕᓐᓄᑦ−ᐊᐅᓚᑕᐅᓪᓗᓂ, ᐊᒻᒪᓗ
ᐋᖅᑭᓱᖅᑕᐅᓯᒪᓪᓗᑎᒃ ᐊᑯᓂ ᐊᑐᕈᓐᓇᓂᐊᕐᖓᑕ. ᑲᑐᔾᔨᓪᓗᑕ, ᓴᐳᔾᔨᒐᑦᑕ ᓄᓇᒥᒃ ᐃᒫᓂᓪᓗ ᐃᑲᔪᕐᓱᐃᓯᓐᓈᑦ ᐃᓅᓯᖏᓐᓂᒃ
ᕿᑭᖅᑕᓂ ᓄᓇᓕᓐᓂᑦ, ᐱᕚᓪᓕᑎᑦᑎᓪᓗᑕ ᑭᒃᑯᑐᐃᓐᓇᕐᓂᑦ, ᐊᕙᑎᖓᓂᒃ, ᐊᒻᒪᓗ ᐊᓐᓇᐅᒪᔪᓂᑦ ᓄᓇᓕᓐᓂᑦ
ᒪᑭᒪᓇᓱᐊᕈᑕᐅᔪᓂᑦ.”
ᓂᕈᐊᖅᑕᐅᓯᒪᔪᖅ ᔫᐋᓐ ᑖᒻᓴᓐ, ᒥᓂᔅᑕ ᐃᖃᓗᓕᕆᓂᕐᒧᑦ
“ᐱᕕᐊᕐᓇᖅᑐᖅ ᑕᑯᔭᕆᐊᔅᓴᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᑲᑐᔾᔨᖃᑎᖏᓐᓂᒃ ᑕᒪᑐᒥᖓ ᐱᒻᒪᕆᐊᓗᒻᒥᒃ
ᐃᖅᑲᓇᐃᔮᖑᓯᒪᔪᒥᒃ ᓴᐳᔾᔨᓂᕐᒧᑦ ᓇᐅᑦᑎᕐᓱᖃᑦᑕᓂᕐᒧᓪᓗ ᐊᑐᓕᖅᑎᑦᑎᑎᓪᓗᒋᑦ. ᓯᓈ ᓴᖅᑭᔮᖅᑎᑦᑎᔪᖅ ᐃᑲᔪᖅᑎᒌᓐᓂᕐᒥᒃ
ᐱᔪᓐᓇᐅᑎᐅᔪᒥᒃ ᐊᒻᒪᓗ ᐃᑎᓂᖓᓂᒃ ᐃᓄᐃᑦ ᓯᕗᓕᕐᓯᖃᑦᑕᕐᓂᖏᑕ ᓴᐳᔾᔨᓂᕐᒧᑦ ᓄᓇᒥᒃ ᐃᒫᓂᓪᓗ ᓄᑖᓂᒃ
ᐱᓇᓱᐊᕈᑎᖃᖅᑐᑎᒃ. ᐅᐱᒍᓱᑦᑐᖓ ᑕᑯᓐᓇᕆᐊᔅᓴᖅ ᑕᕝᕙᓂ ᐱᒻᒪᕆᐊᓗᒻᒥᒃ ᐊᑐᖅᑎᓪᓗᒋᑦ ᐊᒻᒪᓗ ᑕᑯᓐᓈᕆᐊᔅᓴᖅ ᖃᓄᖅ
ᑕᐃᒫᒃ ᑲᑐᔾᔨᖃᑎᒌᓐᓂᒃ ᐋᖅᑭᔅᓱᐃᓪᓗᑎᒃ ᐋᖅᑭᐅᒪᓂᐊᖅᑐᒥᒃ ᐊᒻᒪᓗ ᐱᕙᓪᓕᐊᑎᐊᕐᓂᐊᖅᑐᒥᒃ ᓯᕗᓂᔅᓴᑎᓐᓄᑦ
ᐃᑲᔫᑎᖃᖅᑐᓂ ᑭᒃᑯᑐᐃᓐᓇᕐᓄᑦ ᓄᓇᓕᓐᓄᓪᓗ ᕿᑭᖅᑕᓂ.”
ᓂᕈᐊᖅᑕᐅᓯᒪᔪᖅ ᓈᑕᓕ ᐳᕈᕚᔅᑦ, ᑎᑎᕋᖅᑎ ᓄᓇᓕᕐᔪᐊᓄᑦ (ᓄᓇᒥᐅᑕᓕᕆᓂᕐᒧᑦ)
“ᐱᒃᑯᒍᓱᑦᑐᑦ ᐱᓕᕆᖃᑎᖃᕆᐊᔅᓴᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᐃᑲᔪᖅᑐᑎᒃ ᑭᒃᑯᑐᐃᓐᓇᕐᓄᑦ ᐊᒻᒪᓗ
ᐊᕙᑎᖓᓂᒃ ᐅᑭᐅᖅᑕᖅᑐᒥ—ᐃᑉᐱᒋᔭᐅᓯᒪᔪᖅ ᐊᒥᓱᓄᑦ ᑲᓇᑕᒥᐅᓄᑦ ᓄᓇᕐᔪᐊᕐᒥᐅᓄᓪᓗ ᐊᔪᕐᓴᖏᑦᑐᓄᑦ ᑲᑐᔾᔨᖃᑕᐅᔪᓄᑦ
ᐃᓚᒋᔭᐅᓪᓗᑎᒃ ᐅᕙᑦᑎᓐᓄᑦ ᖁᕕᐊᓲᑎᖃᕐᓂᕐᒥᒃ ᑖᒃᑯᓂᖓ ᐱᒻᒪᕆᐊᓗᓐᓂᑦ ᐊᖏᖃᑎᒌᒍᑎᓂᑦ. ᑖᒃᑯᐊ ᐃᓄᐃᑦ
ᓯᕗᓕᖅᑎᖏᑦ ᕿᑎᐊᓃᑦᑐᑎᒃ ᓯᓈ ᐊᖏᖃᑎᒌᒍᑎᓕᕆᓂᖏᓐᓂᒃ, ᐋᖅᑭᐅᒪᑎᑦᑕᐅᓂᕆᓂᐊᖅᑕᖏᑦ ᑮᓇᐅᔭᓕᕆᔾᔪᑏᑦ
ᑖᒃᑯᓇᓂ ᐱᓇᓱᐊᕈᑕᐅᓪᓚᕆᑦᑐᓂᑦ ᐃᑲᔫᑎᖃᙳᓱᒻᒪᑕ ᐱᔨᑦᑎᕋᐅᑎᖃᕐᓂᕐᒥᒃ ᐊᖏᔪᐊᓗᒻᒥᒃ ᓴᐳᔾᔨᕕᒻᒥᑦ ᐊᒻᒪᓗ
ᐊᑐᓪᓚᑦᑖᖅᑐᒥᒃ, ᐱᓪᓚᑦᑖᓂᑦ ᐱᕚᓪᓕᕈᑎᔅᓴᓂᑦ ᕿᑭᖅᑕᓂ ᓄᓇᓕᓐᓄᑦ ᑕᒫᓂ ᐊᔾᔨᒋᔭᐅᙱᑦᑐᒥ ᓄᓇᖃᕐᕕᐅᔪᒥ.”
ᑖᒻ ᑎᓚᓐ, ᐊᖏᔪᖅᑳᑉ ᑐᖏᓕᐊ ᐊᕙᑎᓕᕆᓂᕐᒧᑦ ᐊᒻᒪᓗ ᑲᓲᑎᑎᑦᑎᒍᑕᐅᓂᐊᖅᑐᓂᑦ ᐱᓇᓱᐊᕈᑕᐅᔪᓂᑦ ᐱᐅ
ᐃᑲᔫᓯᐊᔅᓴᓄᑦ ᐸᐸᑦᑎᔨᓂᑦ
ᑐᑭᓯᒋᐊᕐᕕᔅᓴᐃᑦ
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓂᑦ ᑐᓴᐅᒪᖃᑦᑕᐅᑎᑎᑦᑎᔨᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742
kflaherty@qia.ca
ᐊᐃᕋ ᑭᑦᑳ
ᐱᕙᓪᓕᐊᔪᓂᑦ ᑎᑎᕋᖅᑎ
ᐊᓪᓚᕝᕕᐊᓂ ᒥᓂᔅᑕᐅᑉ ᐃᖃᓗᓕᕆᓂᕐᒧᑦ
Ira.Khedkar@dfo-mpo.gc.ca
ᑐᓴᕋᔅᓴᓕᕆᔩᑦ
ᐃᒪᕐᒥᐅᑕᓕᕆᔨᒃᑯᓐᓄᑦ ᑲᓇᑕᒥ
613-990-7537
Media.xncr@dfo-mpo.gc.ca
https://www.qia.ca/wp-content/uploads/2025/11/2025-11-13-SINAA-NR-final-inuk.pdf
https://www.qia.ca/qia-and-the-government-of-canada-sign-the-sinaa-agreement-today/