ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑲᑎᒪᔨᔅᓴᓯᐅᖅᑐᑦ ᑖᒃᑯᓄᖓ ᑲᑎᒪᔨᐅᕕᓐᓄᑦ
ᐃᖃᓗᐃᑦ, ᓄᓇᕗᑦ, ᓯᑎᐱᕆ 15, 2026 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑲᑎᒪᔨᐅᖃᑕᐅᒍᒪᔪᓂᑦ ᑭᙴᒪᑦᑎᔪᑦ ᑖᒃᑯᓄᖓ ᑎᓴᒪᐅᔪᖅᑐᓄᑦ ᑲᑎᒪᔨᐅᕕᓐᓄᑦ ᑎᑎᕋᖅᑕᐅᓯᒪᔪᑦ ᐊᑖᓃᑦᑐᑦ ᑲᑎᒪᔨᐅᕕᐅᕙᑦᑐᑦ.
– ᓄᓇᕗᒻᒥ ᐃᒪᓕᕆᓂᕐᒧᑦ ᑲᑎᒪᔨᓄᑦ
ᐊᑕᐅᓯᕐᒥᒃ, 3ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᒥᒃ, ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᑲᑎᒪᔨᐅᖃᑕᐅᔪᓐᓇᖅᑐᑦ ᐱᓇᓱᐊᖁᔭᐅᕗᑦ
– ᑲᑭᕙᒃ ᑲᑐᔾᔨᖃᑎᒌᒃᑯᓐᓄᑦ
– ᐊᑕᐅᓯᕐᒥᒃ, 3ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᒥᒃ, ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᑲᑎᒪᔨᐅᖃᑕᐅᔪᓐᓇᖅᑐᑦ ᐱᓇᓱᐊᖁᔭᐅᕗᑦ
– ᕿᑭᖅᑖᓗᒃ ᑯᐊᐳᕇᓴᒃᑯᓐᓄᑦ
ᒪᕐᕉᓐᓂᒃ, 3ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑑᓐᓂᒃ, ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᑲᑎᒪᔨᐅᖃᑕᐅᔪᓐᓇᖅᑐᑦ ᐱᓇᓱᐊᖁᔭᐅᕗᑦ
– ᓯᕐᒥᓕᒃ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ
ᐊᑕᐅᓯᕐᒥᒃ, 4ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᒥᒃ, ᒥᑦᑎᒪᑕᓕᒻᒥᐅᑕᐃᑦ ᐊᒻᒪ ᐃᒃᐱᐊᕐᔪᒻᒥᐅᑕᐃᑦ ᑲᑎᒪᔨᐅᖃᑕᐅᒍᓐᓇᖅᑐᑦ ᐱᓇᓱᐊᖁᔭᐅᕗᑦ
– ᓯᕐᒥᓕᒃ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᒪᕐᕉᓐᓂᒃ, 4ᓄᑦ−ᐊᕐᕌᒍᓄᑦ ᑲᑎᒪᔨᐅᖃᑕᐅᒐᔭᖅᑑᓐᓂᒃ, ᒥᑦᑎᒪᑕᓕᒻᒥᐅᑕᐃᑦ ᐊᒻᒪ ᐃᒃᐱᐊᕐᔪᒻᒥᐅᑕᐃᑦ ᑲᑎᒪᔨᐅᖃᑕᐅᒍᓐᓇᖅᑐᑦ ᐱᓇᓱᐊᖁᔭᐅᕗᑦ
– ᖃᐅᓱᐃᑦᑐᕐᒥ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᐊᑕᐅᓯᕐᒥᒃ, 4ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᒥᒃ, ᖃᐅᓱᐃᑦᑐᕐᒥᐅᑕᐃᑦ/ᐊᐅᓱᐃᑦᑐᕐᒥᐅᑕᐃᑦ ᑲᑎᒪᔨᐅᖃᑕᐅᒍᓐᓇᖅᑐᑦ ᐱᓇᓱᐊᖁᔭᐅᕗᑦ
– ᑭᙶᓗᒃ ᒥᕐᖑᐃᓯᕐᕕᒻᒧᑦ −ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ
ᐊᑕᐅᓯᕐᒥᒃ, 3ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑐᒥᒃ, ᐃᓄᐃᑦ ᓴᓂᑭᓗᐊᕐᒥᐅᑦ ᑲᑎᒪᔨᐅᖃᑕᐅᒍᓐᓇᖅᑐᑦ ᐱᓇᓱᐊᖁᔭᐅᕗᑦ
– ᓇᐹᕐᑐᓕᒃ ᒥᕐᖑᐃᓯᕐᕕᒻᒧᑦ − ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ
ᒪᕐᕉᓐᓂᒃ, 3ᓄᑦ−ᐊᕐᕌᒍᓄᑦ ᑲᑎᒪᔨᐅᒐᔭᖅᑑᓐᓂᒃ, ᐃᓄᐃᑦ ᐊᐅᓱᐃᑦᑐᕐᒥᐅᑦ ᑲᑎᒪᔨᐅᖃᑕᐅᒍᓐᓇᖅᑐᑦ ᐱᓇᓱᐊᖁᔭᐅᕗᑦ
ᐃᓱᒪᒋᔭᐅᒋᐊᕈᒪᒍᕕᑦ ᓇᓕᑐᐃᓐᓇᖏᓐᓄᑦ ᑖᒃᑯᓄᖓ, ᐱᖃᓯᐅᔾᔨᒋᐊᖃᖅᑐᑎᑦ ᑎᑎᕋᕐᕕᒋᓯᒪᑦᑎᐊᖅᑐᒥᒃ ᐱᓇᓲᑎᓐᓂᒃ ᐊᒻᒪᓗ ᒫᓐᓇᓕᓴᕐᒥᒃ ᐱᔪᒐᕐᓴᐅᑎᓐᓂᒃ ᐃᖅᑲᓇᐃᔮᕆᖃᑦᑕᕐᓯᒪᔭᕐᓂᒃ ᐃᓕᓐᓂᐊᕐᓯᒪᔭᕐᓂᓪᓗ ᐱᓇᓲᑎᓐᓂᒃ. ᐃᓚᖏᑦ ᑲᑎᒪᔩᑦ ᐅᕝᕙᓘᓐᓃᑦ ᑲᑎᒪᔨᕋᓛᑦ ᑐᓂᓯᔭᐅᒍᒪᓲᖑᒻᒪᑕ ᐃᓱᒫᓗᓇᕐᓂᕐᓴᓄᑦ ᐃᓱᒫᓗᓇᙱᒃᑲᓗᐊᕐᒪᖔᑕ ᐱᓇᓱᑦᑐᑦ, ᖃᐅᔨᓴᖅᑕᐅᓯᒪᔾᔪᑎᓂᒃ ᑕᖅᑭᓂᑦ 6ᓂᑦ ᐊᓂᒍᕋᑖᕐᓯᒪᔪᓂᑦ.
ᐱᔪᒪᒍᕕᐅᒃ ᐱᓇᓲᑎ ᑎᑎᕋᕐᕕᒋᔭᕆᐊᓕᒃ, ᐊᑏ ᑖᓐᓇ ᓇᕿᓪᓗᒍ ᑐᕌᕈᑖ: https://www.qia.ca/application-for-board-or-committees/,
ᐅᖃᕐᕕᖃᕈᓐᓇᕐᒥᔪᑎᑦ ᓄᓇᔅᓯᓐᓂ ᑐᓴᐅᒪᑎᑦᑎᔨᑦᑎᓐᓂᒃ ᑐᓂᓯᔪᒪᒍᕕᑦ ᐱᔭᕇᕐᓯᒪᑦᑎᐊᖅᑐᒥᒃ ᐱᓇᓲᑎᓐᓂᒃ. ᑐᑭᓯᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐱᓇᓱᒍᒪᒍᕕᑦ ᐊᖅᑯᑎᒋᓗᒍ ᕿᑭᖅᑕᓂᒃᑯᓐᓂᑦ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨ, ᐊᑏ ᑎᑎᕋᕐᕕᒋᓂᐊᖅᑲᑦ ᐅᓇ nominations@qia.ca ᐅᖄᓚᓗᑎᓪᓘᓐᓂᑦ ᐅᕗᖓ 975-8417.
ᒪᑐᕕᔅᓴᖓ ᐱᓇᓲᑎᓂᑦ ᑐᓂᓯᖃᑦᑕᓂᕐᒧᑦ ᓯᑎᐱᕆ 25, 2026 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᒫᑯᓯ ᖃᐅᓂᖅ
ᑐᑭᒧᐊᑦᑎᑦᑎᔨᐅᓂᕐᒧᑦ ᑭᖑᕝᕕᐅᑎᓯᒪᑲᐃᓐᓇᖅᑐᖅ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8413
mqaunirq@qia.ca
