ᐃᖃᓗᐃᑦ, ᓄᓇᕗᑦ, ᔮᓐᓄᐊᓕ 16, 2025 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᑲᑎᒪᔨᔅᓴᓯᐅᖅᑐᑦ ᑲᑎᒪᔨᐅᖃᑕᐅᒍᒪᒐᔭᖅᑐᓂᑦ ᑎᓴᒪᐅᔪᙱᒐᖅᑐᓄᑦ ᑲᑎᒪᔨᐅᕕᓐᓄᑦ ᑕᕝᕙ ᐊᑖᓂ ᓇᓗᓇᐃᕐᓯᒪᕗᑦ ᓇᓪᓕᐊᖑᒻᒪᖔᑕ.
ᐃᓄᐃᑦ ᑕᑯᓐᓇᕋᔅᓴᓕᐅᖅᑏᑦ ᑎᒥᖓᑦ
ᐊᑕᐅᓯᕐᒥᒃ ᑲᑎᒪᔨᔅᓴᒥᒃ, 3ᓄᑦ ᐊᕐᕌᒍᓄᑦ − ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᑲᑭᕙᒃ ᑲᑐᔾᔨᖃᑎᒌᑦ
ᐊᑕᐅᓯᕐᒥᒃ ᑲᑎᒪᔨᔅᓴᒥᒃ, 3ᓄᑦ ᐊᕐᕌᒍᓄᑦ − ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ
ᐊᑕᐅᓯᕐᒥᒃ ᑲᑎᒪᔨᔅᓴᒥᒃ, 3ᓄᑦ ᐊᕐᕌᒍᓄᑦ − ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᖃᐅᒻᒫᕐᕖᑦ ᒥᕐᖑᐃᓯᕐᕕᒃ – ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᐊᑕᐅᓯᕐᒥᒃ ᑲᑎᒪᔨᔅᓴᒥᒃ − ᐃᓄᐃᑦ ᐃᖃᓗᒻᒥᐅᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᑲᑕᓐᓂᓕᒃ ᒥᕐᖑᐃᓯᕐᕕᒃ − ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᐊᑕᐅᓯᕐᒥᒃ ᑲᑎᒪᔨᔅᓴᒥᒃ − ᐃᓄᐃᑦ ᑭᒻᒥᕈᕐᒥᐅᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᓇᐹᕐᑐᓕᒃ ᒥᕐᖑᐃᓯᕐᕕᒃ − ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᒪᕐᕉᓐᓂᒃ ᑲᑎᒪᔨᔅᓵᓐᓂᒃ − ᐃᓄᐃᑦ ᐊᐅᓱᐃᑦᑐᕐᒥᐅᑦ ᐱᓇᓱᐊᕈᓐᓇᖅᑐᑦ ᑖᒃᑯᓄᖓ
ᖃᐅᓱᐃᑦᑐᖅ ᒥᕐᖑᐃᓯᕐᕕᒃ − ᓄᓇᓕᓐᓂᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᑦ
ᐊᑕᐅᓯᕐᒥᒃ (1) ᑲᑎᒪᔨᔅᓴᒥᒃ − ᑕᒪᕐᒥᒃ ᕿᑭᖅᑕᓂ ᓄᓇᓖᑦ ᐃᓄᐃᑦ ᐱᓇᓱᐊᕈᓐᓇᖅᑐᑦ ᑖᔅᓱᒧᖓ
ᐃᓱᒪᒋᔭᐅᒋᐊᕈᒪᒍᕕᑦ ᓇᓕᑐᐃᓐᓇᖏᓐᓄᑦ ᑖᒃᑯᓄᖓ, ᐱᖃᓯᐅᔾᔨᒋᐊᖃᖅᑐᑎᑦ ᐱᔭᕇᕐᓯᒪᑦᑎᐊᕐᓗᒍ ᐱᓇᓲᑏᑦ ᐊᒻᒪᓗ ᒫᓐᓇᓕᓴᕐᒥᒃ ᐃᖅᑲᓇᐃᔮᔅᓴᕐᓯᐅᕈᑎᓐᓂᒃ. ᐃᓚᖏᑦ ᑲᑎᒪᔩᑦ ᐅᕝᕙᓘᓐᓃᑦ ᑲᑎᒪᔨᕋᓛᑦ ᑐᓂᓯᔭᐅᒋᐊᖃᓲᖑᒻᒪᑕ ᐃᓱᒫᓗᓇᕐᓂᕐᓴᓄᑦ ᐃᓱᒫᓗᓇᙱᒃᑲᓗᐊᕐᒪᖔᑕ ᖃᐅᔨᓴᖅᑕᐅᔾᔪᑎᒥᓂᕐᒥᒃ, ᑲᒪᒋᔭᐅᕋᑖᕐᓯᒪᓗᓂ 6 ᑕᖅᑮᑦ ᐊᓂᒍᖅᑐᓂᑦ.
ᐱᔪᒪᒍᕕᑦ ᐱᓇᓲᑎᒥᒃ ᑎᑎᕋᕐᕕᔅᓴᒥᒃ, ᐊᑏ ᑖᓐᓇ ᓇᕿᓪᓗᒍ ᑐᕌᕈᑎᖓ: https://www.qia.ca/application-for-board-or-committees/,
ᐅᖃᕐᕕᒋᔪᓐᓇᕐᒥᔭᐃᑦ ᓄᓇᔅᓯᓃᑦᑐᖅ ᑐᓴᐅᒪᑎᑦᑎᔨ ᑐᓂᓯᓂᐊᕋᕕᑦ ᐱᓇᓲᑎᓐᓂᒃ. ᑐᑭᓯᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐱᓇᓱᐊᕈᒪᒍᕕᑦ ᐊᖅᑯᑎᒋᓗᒍ ᕿᑭᖅᑕᓂᒃᑯᓐᓂᑦ ᐊᐅᓚᑦᑎᓂᕐᒧᑦ ᐊᐅᓚᑦᑎᔨ, ᐊᑏ ᑎᑎᕋᕐᕕᓗᒍ ᐅᕗᖓ nominations@qia.ca ᐅᕝᕙᓘᓐᓃᑦ ᐅᖄᓚᓗᑎᑦ ᐅᕗᖓ 975-8417.
ᒪᑐᕕᔅᓴᖓ ᐱᓇᓲᑎᓄᑦ ᕖᕝᕗᐊᓕ 6, 2026 5:00ᒨᖅᑲᑦ ᐅᓐᓄᓴᒃᑯᑦ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ.
ᑐᓴᕋᔅᓴᐃᑦ ᒥᔅᓵᓄᑦ ᑐᑭᓯᒋᐊᕈᒪᒍᕕᑦ, ᐊᑏ ᑐᑭᓯᒋᐊᕐᕕᒋᒍᒃ ᑖᓐᓇ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᕝᕙᓘᓐᓃᑦ ᐅᖓᓯᑦᑐᒥᒃ ᐊᑭᖃᙱᑐᒃᑯᑦ 1.800.667.2742
kflaherty@qia.ca