ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᖃᐅᑉᐸᑦ ᑲᑎᒪᓂᖓᑦ ᐱᒋᐊᓛᖅᑐᖅ
ᐃᖃᓗᐃᑦ, ᓄᓇᕗᑦ − ᒫᑦᓯ 2, 2026 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᑲᑎᒪᔨᖏᑦ ᑲᑎᒪᒋᐊᓯᓛᖅᑐᑦ ᖃᐅᑉᐸᑦ ᐃᖃᓗᓐᓂ ᐊᒻᒪᓗ ᐃᓄᓕᒫᓄᑦ ᒪᑐᐃᖓᓂᐊᖅᑐᓂ ᒫᑦᓯ 3ᒥ−6ᒧᑦ, 2026 ᐊᖅᓴᕐᓃᑦ ᑐᔪᕐᒥᕕᐅᑉ ᑲᑎᒪᕕᐊᓂ.
ᐃᓄᓕᒫᑦ ᐅᐸᒍᑎᔪᓐᓇᖏᑦᑐᑦ ᑕᑯᓐᓈᖃᑦᑕᕈᓐᓇᖅᑐᑦ ᑲᑎᒪᓂᖏᓐᓂᒃ ᑖᓐᓇ ᐊᑐᕐᓗᒍ ᑐᕌᕈᑎᖓ ᐊᒻᒪᓗ ᐅᖄᓚᕕᔅᓴᖅ ᐊᑖᓂ ᑎᑎᕋᕐᓯᒪᔫᒃ:
ᑲᑎᒪᔩᑦ ᑲᑎᒪᓂᖓᑦ
ᖃᕋᓴᐅᔭᒃᑯᑦ ᑐᕌᕈᑖ: https://qia-ca.zoom.us/j/83965143450
ᐅᖄᓚᕕᔅᓴᖅ ᓈᓴᐅᑖ: +1 647 558 0588
ᐃᑭᐊᖅᑭᕕᒃᑯᑦ ᓇᓗᓇᐃᒃᑯᑕᖓ: 839 6514 3450
ᑲᑎᒪᔩᑦ ᕿᒥᕐᕈᓂᐊᖅᑐᑦ ᑎᒥᐅᑉ ᓯᕗᓪᓕᐅᑎᓯᒪᔭᖏᓐᓂᒃ, ᐃᓚᒋᔭᐅᓪᓗᑎᒃ ᐅᑯᐊ ᖃᐅᑕᒫᑦ ᐊᑭᓕᕐᓱᐃᔾᔪᑕᐅᕙᑦᑐᓄᑦ ᐋᖅᑭᒋᐊᕈᑏᑦ ᐊᒻᒪᓗ ᓈᒻᒪᒋᔭᐅᓂᖏᑦ 2026-2027ᒥ ᑮᓇᐅᔭᑦ ᐊᑐᖅᑐᔅᓴᐃᑦ. ᑲᑎᒪᔩᑦ ᐃᓱᒪᔅᓴᕐᓯᐅᕈᑎᖃᓛᕐᒥᔪᑦ ᐋᖅᑭᑦᑕᐅᓂᕆᓛᖅᑕᖏᓐᓂᒃ ᓄᓇᓕᓐᓄᑦ ᐊᐅᓚᔪᓐᓇᐅᑎᓄᑦ ᐊᐅᓚᓂᕐᓂᑦ ᐋᖅᑭᐅᒪᑎᑦᑎᓂᕐᒧᑦ ᑮᓇᐅᔭᓄᑦ ᐊᐅᓚᔾᔪᓯᐅᔭᕆᐊᓖᑦ ᐊᒻᒪᓗ ᑐᑭᓯᑎᑦᑎᒋᐊᕈᑏᑦ ᐃᖅᑲᓇᐃᔭᖅᑎᓄᑦ ᐊᑐᐊᕐᓯᔾᔪᑏᑦ ᒥᔅᓵᓄᑦ.
ᐃᑲᔫᑎᐅᕙᑦᑐᑦ ᒥᔅᓵᓄᑦ ᑐᑭᓯᑎᑦᑎᒋᐊᕈᑏᑦ ᒪᑯᓂᖓ ᐱᔾᔪᑎᖃᕐᓂᐊᖅᑐᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ, ᓄᓇᓕᓐᓂᑦ ᐊᑐᖅᑕᐅᔪᓐᓇᖅᑐᓄᑦ ᐱᓇᓱᐊᕋᔅᓴᓄᓪᓗ ᑮᓇᐅᔭᑦ, ᐱᕙᓪᓕᐊᓂᖏᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ ᐊᑐᓕᖁᔨᔾᔪᑕᐅᓯᒪᔪᑦ, ᐊᑭᓕᓐᓂᑦ ᐅᓇᒻᒥᓇᕐᔫᒥᔪᓂᑦ ᐃᓪᓗᓕᕆᓂᕐᒧᑦ ᐱᓇᓱᐊᕈᑕᐅᔪᑦ, ᓇᐅᑦᑎᕐᓱᖅᑏᑦ ᐊᐅᓚᓂᕆᕙᑦᑕᖏᓐᓄᑦ ᐊᑐᐊᒐᑦ, ᐊᒻᒪᓗ ᓴᓂᕐᕙᐃᔪᒪᓂᕐᒧᑦ ᑐᔅᓯᕋᐅᑦ ᐊᖑᓇᓱᑦᑎᓄᑦ ᐃᑲᔫᑎᓄᑦ.
ᐅᓂᒃᑳᕆᐊᖅᑐᕐᓯᒪᓛᕐᒥᔪᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᒃᑯᑦ. ᑲᑎᒪᔩᑦ ᐃᓱᒪᔅᓴᕐᓯᐅᕈᑎᖃᓛᕐᒥᔪᑦ ᑎᓕᓯᕕᐅᔭᕆᐊᓕᓐᓂᑦ ᓂᕈᐊᕋᔅᓴᓕᐅᕐᕕᐅᔭᕆᐊᓕᓐᓂᓪᓗ ᑲᑎᒪᔨᓄᑦ ᑲᑎᒪᔨᕋᓛᕐᓄᓪᓗ.
ᐊᖏᖅᑕᐅᑉᐸᑕ, ᕿᑭᖅᑕᓂᒃᑯᑦ ᑲᑎᒪᓂᖓᓐᓂ ᑲᑎᒪᔾᔪᑎᔅᓴᐃᑦ ᑕᑯᔭᔅᓴᕈᓛᖅᑐᑦ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᖓᓐᓂ: www.qia.ca
ᑐᓴᕋᔅᓴᐅᑉ ᒥᔅᓵᓄᑦ ᑐᑭᓯᒋᐊᕈᒪᔪᓄᑦ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᓴᐅᒪᖃᑦᑕᐅᑎᔾᔪᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742
kflaherty@qia.ca