ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᓕᓐᓂᐊᓂᕐᒧᑦ ᑐᓐᓂᖅᑯᓯᐊᖅᑎᑦᓯᓂᖓ ᕿᑭᖅᑕᓂ ᐃᓄᖏᓐᓄᑦ

ᐃᖃᓗᐃᑦ, ᓄᓇᕗᑦ, ᐆᒃᑑᕝᕙ 16, 2026 – ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᖁᕕᐊᓱᑉᐳᑦ
ᓇᓗᓇᐃᕐᓯᔭᕆᐊᑦᓴᖅ ᑐᓐᓂᖅᑯᓯᐊᖅᑐᒥᓂᕐᓂᒃ ᑕᕝᕙᓂ ᐊᕐᕌᒍᒥ ᐃᓕᓐᓂᐊᓂᕐᒧᑦ ᑐᓐᓂᖅᑯᓯᐊᓂᒃ 2026ᒥᒃ−2027ᒧᑦ
ᐃᓕᓐᓂᐊᕐᓇᖓᓂ ᐊᕐᕌᒍᐊᑕ. 2016ᒥᓂᒃ, ᕿᑭᖅᑕᓂᒃᑯᑦ ᑐᓐᓂᖅᑯᓯᐊᖅᑎᑦᓯᒪᓕᖅᑐᑦ ᐅᖓᑖᓃᑦᑐᓂᒃ $1.8 ᒥᓕᐊᓐ
ᐃᓕᓐᓂᐊᖅᑐᓂᒃ ᐃᑲᔪᕈᑕᐅᑎᓪᓗᒋᑦ ᕿᑭᖅᑕᓂ ᓄᓇᓕᓐᓂᑦ.

ᑕᕝᕙᓂ ᐊᕐᕌᒍᒥ, ᕿᑭᖅᑕᓂᒃᑯᑦ ᐊᑭᑦᑐᕆᐊᕐᓯᔪᔪᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᒃ $205,000ᓂᒃ. ᕿᑭᖅᑕᓂᒃᑯᑦ ᒫᓐᓇ
ᒪᓂᒪᑎᑦᓯᓕᖅᑐᑦ $461,000ᓂᒃ ᐃᓕᓐᓂᐊᕈᓯᐊᑦᓴᓂᒃ ᕿᑭᖅᑕᓂ ᐃᓄᖏᓐᓄᑦ ᓯᓚᑦᑐᓴᕐᕕᒻᒥ ᓯᓚᑦᑐᓴᕐᕕᔾᔪᐊᒥᓘᓐᓃᑦ
ᐃᓕᓐᓂᐊᕈᒪᔪᓄᑦ. ᑕᕝᕙᖓᑦ $450,000 ᑐᓂᐅᖅᑲᖅᑕᐅᕙᑦᑐᑦ 150ᐅᓪᓗᑎᒃ ᐃᓕᓐᓂᐊᖅᑐᓄᑦ ᑐᕌᖓᔪᑦ $3,000ᓂᒃ ᐊᑐᓂᒃ
ᑐᓐᓂᖅᑯᓯᐊᖅᐸᑦᑐᑦ ᓯᕗᓪᓖᑦ ᐃᓕᓐᓂᐊᕆᐊᖅᑐᑦ ᐱᑎᑕᐅᖅᑳᖅᓱᑎᒃ.

ᐃᓚᓕᐅᑎᑎᓪᓗᒍ, ᕿᑭᖅᑕᓂᒃᑯᑦ ᔮᓐ ᐊᒪᕈᐊᓕᒃ ᐃᓕᓐᓂᐊᓂᕐᒧᑦ ᑐᕌᖓᔪᖅ, $10,000 ᑐᓂᔭᐅᕙᑦᑐᖅ ᐃᓕᓐᓂᐊᑦᓯᐊᓂᖅᐹᒧᑦ
ᑐᓴᕋᑦᓴᓕᕆᓂᕐᒧᑦ ᐱᕙᓪᓕᐊᔪᓕᕆᓂᕐᒧᑦ ᐃᖅᑲᓇᐃᔮᖅᑖᕐᓂᐊᖅᑐᓄᑦ ᐱᓕᕆᐊᓅᖓᔪᓂᓪᓘᓐᓃᑦ ᐱᕙᓪᓕᐊᑎᑦᓯᓂᕐᒧᑦ ᐃᓄᐃᑦ
ᐅᖃᐅᓯᖓᓂᒃ ᐱᖅᑯᓯᖓᓂᓪᓗ. ᑖᓐᓇ ᐃᓕᓐᓂᐊᓂᕐᒧᑦ ᑐᓐᓂᖅᑯᓯᐊᖅ ᐅᐱᒋᓪᓗᒍ ᔮᓐ ᐊᒪᕈᐊᓕᒃ ᐃᑲᔪᖅᓯᒪᓂᖓ
ᐱᕚᓪᓕᑎᑦᓯᓯᒪᓂᒃᑯᑦ ᐃᓄᖕᓂᒃ ᓄᓇᕗᒻᒥᐅᓂᒃ, ᐱᓗᐊᖅᑐᒥᓗ, ᐃᓄᖕᓄᑦ ᕿᑭᖅᑕᓂ ᓄᓇᓕᓐᓄᑦ.

ᑕᕝᕙᓂ ᐊᕐᕌᒍᒥ, ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᖅ ᑐᓂᔭᒥᓂᖅ ᔭᐃᒥ ᑰᒥᐊᒧᑦ ᐃᖃᓗᒻᒥᐅᒧᑦ, ᑐᒡᓕᐊᓂ ᐊᕐᕌᒍᐊᑕ
ᐃᓕᓐᓂᐊᕐᓂᐅᓴᔪᖅ ᖁᑦᓯᓂᖅᓴᒥᒃ ᐃᓄᐃᑦ ᐱᖅᑯᓯᖏᑕ ᒥᑦᓵᓄᑦ ᓄᓇᕗᑦ ᓯᕗᓂᒃᓴᕗᒻᒥ.
ᕿᑭᖅᑕᓂᒃᑯᑦ ᐅᐱᒋᔭᖃᖅᐳᑦ ᐃᑲᔪᖅᓯᓯᒪᒋᐊᑦᓴᖅ ᐃᓕᓐᓂᐊᓂᓕᕆᓂᕐᒥ ᐱᒋᐊᖅᑕᐅᓂᐊᖅᑐᒥᒃ ᐊᕐᕌᒍ 2026ᒥ−2027ᒧᑦ
ᐃᓕᓐᓂᐊᕈᓯᐊᕈᒫᖅᑐᓂᒃ ᐱᔪᓐᓇᖅᑕᒥᒍᓪᓗ ᐱᓇᓱᐊᑦᓯᐊᖁᔨᕗᑦ ᐃᓕᓐᓂᐊᓂᕐᒥ ᖁᑦᓯᓂᖅᓴᓂᒃ.

ᑐᓴᕋᔅᓴᐃᑦ ᒥᔅᓵᓄᑦ ᑐᑭᓯᒋᐊᖅᑐᖃᕈᒪᑉᐸᑦ, ᑐᑭᓯᒋᐊᕐᕕᒋᙳᐊᑕᖅᓯᓐᓇᕈᒃ:

ᒫᒃᑯᓯ ᖃᐅᓐᓂᖅ
ᑭᖑᕝᕕᐅᑎᓯᒪᑲᐃᓐᓇᖅᑐᖅ/ᑐᑭᒧᐊᑦᑎᑦᓯᔨ, ᑐᓴᒪᐅᒪᖃᑦᑕᐅᑎᔾᔪᑎᓄᑦ ᕿᑭᖅᑕᓂ
ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑎᖓ) 867.975.8413 ᐅᕝᕙᓘᓐᓃᑦ ᐊᑭᖃᖏᑦᑐᒃᑯᑦ ᐅᕗᖓ 1.800.667.2742
mqaunirq@qia.ca