ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᕿᒃᓵᖃᑕᐅᕗᑦ ᑲᔪᓯᓂᖓ ᐹᓪ ᐊᒪᕈᐊᓕᒃ
ᐃᖃᓗᐃᑦ, ᓄᓇᕗᑦ, ᔪᓚᐃ 13, 2026 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᒃᐱᒍᓱᒃᐳᑦ ᐃᓚᙵᖅᑐᓂᒃ ᐃᓚᒌᑦ, ᐱᖃᓐᓇᕆᔭᓖᑦ, ᓄᓇᓕᖕᒥᐅᖃᑎᒌᑦ ᐹᓪ ᐊᒪᕈᐊᓕᒃᒥᑦ, ᖃᐅᔨᒪᔭᐅᑦᑎᐊᖅᑐᖅ ᐃᓅᓪᓗᓂ ᓯᕗᓕᖅᑎᐅᓪᓗᓂ ᖁᓕᕆᒃᑕᖅᑐᓂᑦ ᐊᕐᕌᒍᓂᑦ ᐱᔨᑦᑎᖅᖢᓂ ᐃᑲᔪᖅᓯᒪᔪᖅ ᓯᕗᒧᐊᖅᑎᑦᑎᓪᓗᓂ ᐃᓄᐃᑦ ᐱᔪᓐᓇᖅᑕᖏᓐᓂᒃ, ᒪᑐᐃᙶᖅᑎᑦᑎᓂᖅ, ᓇᖕᒥᓂᖅᓱᕈᓐᓇᕐᓂᕐᒥᑦ ᕿᑭᖅᑕᓂᓕᒫᖅ ᐊᕕᒃᑐᖅᓯᒪᔪᓂᑦ.
ᐹᓪ ᐱᖃᑕᐅᖃᑦᑕᓚᐅᖅᓯᒪᕗᖅ ᑎᒥᐅᔪᒥᒃ ᐱᒋᐊᕋᑖᕐᓂᑰᑎᓪᓗᒍ ᕿᑭᖅᑕᓂ ᐊᕕᒃᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖑᑎᓪᓗᒋᑦ (BRIA), ᑕᐃᔅᓱᒪᓂ ᐃᓄᐃᖅ ᐋᖅᑭᒃᓱᐃᕙᓪᓕᐊᑎᓪᓗᒋ ᑲᑎᒪᔨᑎᐅᕝᕕᓕᕆᓂᕐᒥᑦ ᐱᓕᕆᕙᓪᓕᐊᓪᓗᑎᒃ ᓴᙱᓂᖅᓴᒥᒃ ᓂᐱᖃᕐᓂᕐᒥᑦ ᐃᓱᒪᓕᐅᕆᓂᒃᑯᑦ ᐊᒃᑐᐃᔪᓂᒃ ᓄᓇᓕᖏᓐᓂᑦ. ᐃᒻᒥᓂ ᑐᓂᓯᒪᐃᓐᓇᓚᐅᖅᑐᖅ ᐃᓄᐃᑦ ᓯᕗᓕᖅᓯᓂᕐᒥᑦ ᑲᔪᓯᓂᖃᖅᖢᓂᓗ ᐱᔨᑦᑎᕐᓂᕐᒥᑦ ᐊᓯᔾᔨᖅᐸᓪᓕᐊᑎᓪᓗᒍ ᕿᑭᖅᑕᓂ ᐊᕕᒃᑐᖅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖑᑎᒥᑦ (BRIA) ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒧᑦ (QIA)
ᐊᑯᓂᐅᔪᒥᒃ ᑭᒡᒐᖅᑐᐃᔨᐅᓪᓗᓂ ᐊᐅᓱᐃᑦᑐᒧᑦ, ᐹᓪ ᐱᔨᑦᑎᕋᓚᐅᖅᐳᖅ ᐊᔾᔨᒌᖏᑦᑑᑎᓂᒃ ᓯᕗᓕᖅᓯᓂᒃᑯᑦ ᐃᖅᑲᓇᐃᔭᖃᑦᑕᕐᓂᕐᒥᑦ, ᐱᖃᓯᐅᑎᓪᓗᓂ ᐊᕐᕌᒍᒐᓴᖕᓄᑦ ᓄᓇᓕᖕᓂ ᑲᑎᒪᔨᐅᓪᓗᓂ ᕿᑭᖅᑕᓂᒃᑯᓐᓄᑦ.
ᐃᓅᓚᐅᖅᓯᒪᔪᖅ ᐅᒥᐊᕐᔪᐊᒦᑎᓪᓗᒋᑦ ᐅᓯᔪᓂᒃ ᐃᓄᖕᓂᑦ ᐃᓚᒌᓂᑦ ᓅᑕᐅᓂᑯᓂᑦ ᐅᐊᖕᓇᖓᓂ ᑯᐸᐃᒃᒥᑦ ᖁᑦᑎᒃᑐᒧᑦ ᐅᑭᐅᖅᑕᕐᑐᒧᑦ, ᐹᓪ ᐃᓅᓯᖓ ᐅᔾᔨᕐᓇᖅᑎᑦᑎᓚᐅᖅᐳᖅ ᓴᐱᖏᓐᓂᕐᒥᑦ ᓴᙱᓂᖃᕐᓂᕐᒥᑦ ᐃᓄᖕᓂᑦ. ᓄᓇᓕᖓᓄᑦ ᐊᒃᑐᐊᓂᖃᐃᓐᓇᓚᐅᖅᐳᖅ ᑲᔪᖏᖅᓴᐃᕙᒃᖢᓂᓗ ᒪᒃᑯᒃᑐᓂᑦ ᐃᓄᖕᓂᑦ ᐱᖃᑕᐅᖃᑦᑕᖁᓪᓗᓂᒋᑦ ᓯᕗᓕᖅᓯᓂᕐᒥᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕐᓂᕐᒥᑦ ᐃᑲᔪᖅᓯᓪᓗᓂ ᖃᓄᐃᓕᖓᓕᕐᓂᖓ ᓯᕗᓂᒃᓴᖏᑦ ᐃᓄᐃᑦ.
“ᐹᓪ ᐊᒪᕈᐊᓕᒃ ᑐᓂᓯᓯᒪᓚᐅᖅᐳᖅ ᐊᕐᕌᒍᒐᓴᖕᓂᑦ ᐃᓅᓯᖓᓂ ᐱᔨᑦᑎᖅᖢᓂ ᐃᓄᖕᓂᑦ ᓴᙱᓕᓂᖃᓕᖅᖢᑎᒃ ᓄᓇᓕᕗᑦ,” ᐅᖃᖅᐳᖅ ᐅᓛᔪᒃ ᐊᑭᓱᒃ, ᐊᖓᔪᖅᑳ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ. “ᓯᕗᓕᖅᓯᓂᖓ, ᐃᖅᑲᓇᐃᔮᕆᖃᑦᑕᖅᓯᒪᔭᖏᑦ, ᐊᒻᒪᓗ ᐊᖏᖅᓯᒪᓂᕐᒥᑦ ᐃᓄᖕᓄᑦ ᐃᖅᑲᒪᔭᐅᓂᐊᖅᐳᑦ ᖁᔭᓕᓂᒃᑯᑦ. ᑭᒡᒐᖅᑐᖅᖢᒋ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐅᖃᕈᒪᕗᖓ ᕿᒃᓵᖃᑕᐅᓂᓐᓂᑦ ᐹᓪ ᐃᓚᖏᓐᓄᑦ, ᐱᖃᓐᓇᕆᔭᖏᓐᓄᑦ, ᑭᓇᑐᐃᓐᓇᐃᓪᓗ ᐃᒃᐱᒍᓱᒃᑐᑦ ᐃᓚᙵᕐᓂᕐᒧᑦ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐅᖃᖅᐳᑦ ᐆᒻᒪᑎᒥᑎᒍᑦ ᐃᒃᐱᖕᓂᐊᓂᖏᓐᓂ ᐃᓚᙵᕐᓂᕐᒧᑦ ᐹᓪ ᑲᔪᓯᓂᖓᓂ.
ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕐᕕᒋᓗᒍ:
ᒫᑰᓯ ᖃᐅᕐᓂᖅ
ᑭᖑᕝᕕᖅᓯᒪᔪᖅ, ᐸᕐᓇᐅᑎᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
(ᐅᖄᓚᐅᑎ) 867.975.8413 ᐊᑭᖃᖏᑦᑐᖅ 1.800.667.2742
ᐃᕐᖐᓐᓈᖅᑕᐅᑎᒃᑯᑦ mqaunirq@qia.ca