ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓴᖅᑭᑦᑎᕗᑦ ᓯᕗᒧᑦ ᐊᓪᓗᕆᐊᕐᓂᖅ ᒪᒥᓴᕐᓂᕐᒧᑦ ᖃᓄᐃᖏᑦᑎᐊᕐᓂᕐᓗ ᐱᓕᕆᐊᖅ ᐸᖕᓂᖅᑑᒥᑦ
ᐃᖃᓗᐃᑦ, ᓄᓇᕗᑦ − ᔪᓚᐃ 24, 2026 − ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᔪᒪᓇᓲᑎᓂᒃ ᐱᔪᓐᓇᖅᓯᔪᑦ ᕿᑭᖅᑕᓂ ᐃᓄᖕᓂᑦ ᐊᕐᕌᒍᓕᖕᓄᑦ 18ᓂᒃ-85ᒧᑦ ᓯᕗᒧᑦ ᐊᓪᓗᕆᐊᕐᓂᕐᒧᑦ, ᐅᓪᓗᓄ ᐱᖓᓲᔪᖅᑐᓄᑦ ᒪᒥᓴᕐᓂᕐᒧᑦ ᐊᒻᒪᓗ ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᖅ ᐊᑐᖅᑕᐅᔪᒃᓴᒫ ᐸᖕᓂᖅᑑᒥᑦ ᓯᑎᐱᕆ 1-6, 2026.
ᓯᕗᒧᑦ ᐊᓪᓗᕆᐊᕐᓂᖅ ᐱᖃᑕᐅᔪᓄᑦ ᐱᑎᑦᑎᕗᖅ ᐱᕕᖃᖅᑎᓪᓗᒋᑦ ᖃᐅᔨᓇᓱᒃᑎᓪᓗᒋᑦ ᓴᐱᓕᖏᓐᓂᕐᒥᑦ, ᖁᐊᖅᓵᖅᓯᒪᑰᔪᓂᒃ, ᐃᓚᙶᓂᖅ ᐃᓄᐃᖅᓯᓂᕐᓗ, ᐊᔪᓕᕈᑎᖃᕐᓂᖅ, ᐊᒻᒪᓗ ᑭᓇᐅᓂᕐᒧᑦ ᐃᓕᓴᕆᓂᖅ ᐋᖅᑭᒃᓱᖅᑕᐅᓯᒪᔪᒃᑯᑦ ᑲᑎᙵᔪᓂ ᐅᖃᓪᓚᖃᑎᖃᕐᓗᑎᒃ, ᐃᓄᖕᒥᑦ−ᐃᓄᖕᒧᑦ ᐅᖃᓪᓚᖃᑎᖃᕐᓂᖅ, ᐃᓕᖅᑯᓯᓕᕆᓂᕐᒃ ᓯᓚᒥᓪᓗ ᐱᓕᕆᓂᐅᔪᑦ. ᐊᑑᑎᖃᖅᐳᖅ ᐱᓕᕆᐊᖅ ᐱᑎᑦᑎᓂᕐᒥᑦ ᐊᑦᑕᕐᓇᖏᑦᑐᒥᑦ ᑐᙵᓇᖅᑐᒥᑦ ᐃᓂᐅᔪᒥᑦ ᐱᖃᑕᐅᔪᑦ ᐅᖃᕈᓐᓇᕐᓗᑎᒃ, ᑲᑎᖃᑎᖃᕐᓗᑎᒃ ᐊᓯᖏᓐᓂᒃ, ᑲᔪᓯᓗᑎᒡᓗ ᒪᒥᓴᕐᓂᕐᒧᑦ.
ᐱᓕᕆᔾᔪᑎᑦ ᑐᓂᔭᐅᓂᐊᖅᑐᑦ ᐃᓄᒃᑎᑐᑦ ᐅᖃᐅᓯᖓᑎᒍᓪᓗᐊᑕᖅ, ᐱᕕᖃᕐᓇᖅᑐᖅ ᐃᑲᔪᖅᓯᓂᕐᒥᑦ ᐊᔾᔨᒋᖏᑕᖓᓂ ᐅᖃᐅᓯᓕᖕᓂᑦ.
ᖃᖓᑦᑕᐅᑎᑦ, ᑐᔪᕐᒥᔾᔪᑎᑦ, ᓂᕆᔾᔪᑎᓪᓗ ᐱᖃᖅᑎᑕᐅᓂᐊᖅᑐᑦ ᐱᓇᔪᒃᑐᓄᑦ ᑲᔪᓯᔪᓄᑦ.
ᐱᓇᔪᒃᑐᑦ ᑐᓂᓯᔪᓐᓇᖅᐳᑦ ᐋᒡᒌᓯ 07−ᖑᕋᓱᖕᓂᖓᓂ. ᐱᔪᒪᔪᑦ ᕿᑭᖅᑕᓂ ᐃᓄᐃᑦ ᑲᔪᖏᖅᑕᐅᕗᑦ ᐱᓇᔪᒐᓱᖁᔭᐅᓪᓗᑎᒃ.
ᑐᓴᕆᐊᒃᑲᓐᓂᕈᒪᒍᕕᑦ, ᐅᖃᕐᕕᒋᔪᓐᓇᖅᑕᐃᑦ:
ᐋᓐᓂ ᐊᓲᓇ − ᑐᑭᒧᐊᖅᑎᑦᑎᔨ. ᖃᓄᐃᖏᑦᑎᐊᕐᓂᕐᒧᑦ ᐱᓕᕆᐊᖅ
ᐃᕐᖐᓐᓈᕈᑖ IDW@qia.ca
ᐅᖄᓚᐅᑎᖓ 867-975-837
ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕐᕕᒋᓗᒍ:
ᒫᑰᓯ ᖃᐅᕐᓂᖅ
ᑭᖑᕝᕕᖅᓯᒪᔪᖅ, ᐸᕐᓇᐅᑎᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
(ᐅᖄᓚᐅᑎ) 867.975.8413 ᐊᑭᖃᖏᑦᑐᖅ 1.800.667.2742
ᐃᕐᖐᓐᓈᖅᑕᐅᑎᒃᑯᑦ mqaunirq@qia.ca