ᐃᖃᓗᐃᑦ, ᓄᓇᕗᑦ, ᐅᑐᐱᕆ 15, 2025 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (ᕿᑭᕐᒃᑕᓂᒃᑯᑦ) ᐊᒻᒪᓗ ᐹᕙᓐᓛᓐ ᓴᕕᒃᓴᓂᒃ ᐅᔭᕋᖕᓂᐊᖅᑏᑦ ᑯᐊᐳᕇᓴᓐ (ᐹᕙᓐᓛᓐ) ᖁᕕᐊᓱᒃᑐᑦ ᑲᑎᒪᑎᑦᑎᓛᕐᓂᕐᒥᖕᓂᒃ 2025-ᒥ ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᕐᔪᐊᕐᓇᒥᒃ ᑲᑎᒪᓂᖃᓛᖅᑐᑦ ᐃᒃᐱᐊᕐᔪᖕᒥ ᐅᑐᐱᕆ 21, 22, 23, 2025-ᒥ, ᐱᙳᐊᕐᕕᖕᒥ.
ᐊᕐᕌᒍᑕᒫᑦ ᐱᓕᕆᐊᒥᒃ ᕿᒥᕐᕈᓂᕐᒧᑦ ᑲᑎᒪᕐᔪᐊᕐᓇᖅ (ᑲᑎᒪᕐᔪᐊᕐᓇᖅ) ᑕᖃᖅᑕᐅᔭᕆᐊᖃᓪᓗᐊᑕᖅᑐᑦ ᓄᓘᔮᖕᓂ ᐱᓕᕆᐊᒥ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᒻᒧᑦ. ᑎᒪᕐᔪᐊᕐᓇᖅ ᐱᕕᒃᓴᖃᖅᑎᑦᑎᔪᖅ ᐅᖃᖃᑎᒌᖕᓂᕐᓂᒃ ᐱᓕᕆᐊᒧᑦ-ᐊᒃᑐᐊᔪᓂᒃ ᑐᓴᐅᒪᔾᔪᑎᖃᕐᓗᑎᒃ ᑕᓪᓕᒪᓄᒃᑐᖅᑕᐅᓯᒪᔪᓂ ᓄᓇᓕᐅᔪᓂ ᒥᑦᑎᒪᑕᓕᖕᒥ, ᑲᖏᖅᑐᒑᐱᖕᒥ, ᐃᒡᓗᓕᖕᒥ, ᐃᒃᐱᐊᕐᔪᖕᒥ ᓴᓂᕋᔭᖕᒥᓪᓗ.
ᑲᑎᒪᕐᔪᐊᖅᑐᖅ ᐊᑐᖅᑕᐅᓲᖅ ᐃᓂᒃᓴᖃᕐᕕᐅᓪᓗᓂ ᓄᓇᓕᖕᓂ ᑭᒡᒐᖅᑐᐃᔩᑦ ᑐᓴᖃᑎᒌᒍᑎᖃᕐᓗᑎᒃ ᐅᖃᐅᓯᒃᓴᖏᓐᓂᒃ ᕿᑭᕐᒃᑕᓂᒃᑯᑦ ᐊᒻᒪ ᐹᕙᓐᓛᓐᑯᓐᓄᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᓪᓗ ᐊᖏᕈᒻᒧᑦ ᐊᑐᓕᖅᑎᑕᐅᔭᕆᐊᓕᖕᓂᒃ, ᐊᕙᑎᒧᑦ ᐊᒃᑐᐃᓂᕐᓄᑦ, ᐸᓚᐅᒪᑎᑦᑎᓇᓲᑎᓂᒃ ᐊᒻᒪᓗ ᖃᐅᔨᓴᖅᐸᓪᓕᐊᖏᓐᓇᕐᓂᕐᒧᑦ ᐸᕐᓇᐅᑎᓄᑦ, ᐊᑐᓕᖁᔨᔾᔪᑎᓄᓪᓗ ᐊᑕᖏᕐᓗᒍ ᐱᓕᕆᐊᖅ ᐱᐅᓯᕚᓪᓕᖁᓪᓗᒍ.
ᓂᕈᐊᖅᑕᐅᓯᒪᔪᑦ ᕿᑭᕐᒃᑕᓂᒃᑯᑦ ᓄᓇᓕᖕᓂ ᑲᑎᒪᔨᐅᔪᑦ ᐊᒻᒪ ᓂᕈᐊᖅᑕᐅᓯᒪᔪᑦ ᐃᓐᓇᐃᑦ ᒪᒃᑯᒃᑐᓪᓗ ᑕᓪᓕᒪᓂᑦ ᐊᒃᑐᖅᑕᐅᓯᒪᔪᓂ ᓄᓇᓕᐅᔪᓂ ᑭᒡᒐᖅᑐᐃᓂᐊᖅᑐᑦ ᓄᓇᔅᓯᖏᓐᓂ ᑲᑎᒪᔭᖅᑐᕐᓗᑎᒃ. ᓄᓇᖃᖅᑐᑦ ᐃᒃᐱᐊᕐᔪᖕᒥ ᑐᙵᓱᒃᑐᑦ ᑕᐃᑯᙵᐅᓗᑎᒃ ᑐᓵᓗᑎᒡᓗ ᑲᑎᒪᔪᓂᒃ. ᐊᔭᐅᖅᑐᐃᖕᒥᔪᒍᑦ ᓄᓇᖃᖅᑐᓗᒃᑖᓂᒃ ᑕᓪᓕᒪᓂ ᓄᓇᓕᐅᔪᓂᒃ ᑐᓂᓯᖁᓪᓗᒋᑦ ᐊᐱᖅᑯᑎᖏᓐᓂᒃ ᐅᖃᐅᓯᒃᓴᖏᓐᓂᓪᓗ ᓄᓘᔮᖕᓂ ᐱᓕᕆᐊᒧᑦ ᑖᒃᑯᓄᖓ ᓄᓇᓕᖕᓂ ᑲᑎᒪᔭᖅᑐᕐᓂᐊᖅᑐᓂᒃ ᑐᓴᖅᑎᑦᑎᔾᔪᑕᐅᖁᓪᓗᒍ ᑲᑎᒪᕐᔪᐊᕐᓇᒥ. 2025-ᒥ ᑲᑎᒪᔭᖅᑐᖅᑐᒃᓴᑦ:
ᒥᒃᑎᒪᑕᓕᒃ ᑲᖏᖅᑐᒑᐱᒃ ᐃᒡᓗᓕᒃ
ᔮᓱᐊ ᑲᔅᓴᒃ (ᓄᓇᓕᖕᓂ ᑲᑎᒪᔨ) ᔩᓚ ᐊᐃᐱᓕ (ᐃᓐᓇᖅ) ᕗᕌᓐᓯᔅ ᐱᐅᒑᑦᑐᒃ (ᐃᓐᓇᖅ)
ᔩᓂ ᖁᒪᖔᐱᒃ (ᐃᓐᓇᖅ) ᐳᓃᔅ ᐃᖃᓗᒃᔪᐊᖅ (ᒪᒃᑯᒃᑐᖅ) ᔭᐃᓴᓐ ᐊᕙ (ᒪᒃᑯᒃᑐᖅ)
ᒥᓴᓖᓐ ᐃᑦᑐᕆᓕᒐᖅ (ᒪᒃᑯᒃᑐᖅ)
ᓴᓂᕋᔭᒃ
ᐊᐃᕝᕙᓚᕼᐋᒻ ᖃᒪᓂᖅ (ᐃᓐᓇᖅ)
ᑰᓪᐱ ᐃᖅᑭᑦᑐᖅ (ᒪᒃᑯᒃᑐᖅ)
ᐃᒃᐱᐊᕐᔪᒃ
ᑲᑕᐃᓯ ᐊᑕᒍᑦᑎᐊᖅ (ᓄᓇᓕᖕᓂ ᑲᑎᒪᔨ)
ᓴᑭᐊᓕ ᖃᐅᓐᓇᖅ (ᐃᓐᓇᖅ)
ᔪᐊᓇᓯ ᑲᓪᓗᒃ (ᒪᒃᑯᒃᑐᖅ)
ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᒻᒧᑦ ᐊᑐᓕᖅᑎᑦᑎᓃᑦ ᐊᒻᒪ ᐊᕙᑎᓕᕆᔨᒃᑯᓐᓂᑦ ᐃᖅᑲᓇᐃᔭᖅᑐᑦ ᑕᒪᐃᓐᓂᒃ ᕿᑭᕐᒃᑕᓂᒃᑯᑦ ᐊᒻᒪ ᐹᕙᓐᓛᓐᑯᓐᓂ ᑲᑎᒪᔭᖅᑐᖃᑕᐅᓛᖅᑐᑦ ᐅᓂᒃᑳᕆᐊᖅᑐᕐᓗᑎᒃ ᑐᓴᕐᕕᖃᕆᐊᕐᓗᑎᒡᓗ ᐅᖃᐅᓯᒃᓴᓂᒃ. ᑐᑭᓯᒃᑲᓐᓂᕈᒪᒍᕕᑦ ᐊᑏ ᐅᖃᖃᑎᒋᒃᑭᑦ:
ᑭᐅᕙᓐ ᕙᓛᕼᐅᑎ ᐲᑕ ᐊᒃᒪᓐ
ᑐᑭᒧᐊᒃᑎᑦᑎᔨ, ᑐᓴᐅᒪᑎᑦᑎᓂᕐᓄᑦ ᐊᖓᔪᖅᑳᖅ ᐱᖃᖃᑕᐅᔪᑦ ᐱᓕᕆᖃᑎᒌᒃᐸᖕᓂᖏᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᐅᒪᖃᑎᒌᖕᓂᖏᓪᓗ
(ᐅᖄᓚᐅᑦ) 867.975.8398 ᐹᕙᓐᓛᓐ, ᐆᒃᕕᐅᓪ ᐊᖓᔪᖅᑳᖃᕐᕕᒃ
ᐊᑭᖃᙱᑦᑐᒃᑯᓪᓘᓐᓂᑦ 1.800.667.2742 (ᐅᖄᓚᐅᑦ) 1.289.834.0744
kflaherty@qia.ca Peter.Akman@baffinland.com