ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐊᐅᓚᑦᑎᔨ, ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᖃᑎᒌᒍᑎᓂᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ − ᐱᕙᓪᓕᕈᑎᔅᓴᓂᑦ ᐱᔨᑦᑎᕋᐅᑎᖃᕐᓂᖅ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ
ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᐃᓄᓐᓄᑦ ᐊᑎᓕᐅᖅᑕᐅᓯᒪᔪᓄᑦ ᓄᓇᕗᑦ ᐊᖏᖃᑎᒌᒍᑎᖏᓐᓄᑦ ᑭᓯᐊᓂ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᖅᑲᓇᐃᔭᖅᑎᓴᕐᓯᐅᖅᑐᑦ! ᐃᑉᐱᒍᓱᓪᓚᕆᒃᑯᕕᑦ ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᖃᐅᔨᒪᒋᐊᑦᑎᐊᖃᑦᑕᕈᒪᒍᕕᑦ ᐊᖏᔫᑎᓂᑦ ᐱᕙᓪᓕᐊᑎᑦᑎᓂᕐᒧᑦ ᓴᓇᓂᐅᕙᑦᑐᑦ ᐊᑯᓂ ᐊᑐᕐᓂᐊᖅᑐᓂᑦ ᐱᕚᓪᓕᕈᑎᖃᖅᑎᑦᑎᕙᓪᓕᐊᒐᓗᐊᕐᒪᖔᑕ ᐃᓄᓐᓄᑦ, ᐃᓕᓐᓂᒃ ᑐᓴᕈᒪᕗᒍᑦ!
ᐊᐅᓚᑦᑎᔨᐅᓗᑎᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕙᓪᓕᕈᑎᔅᓴᖏᓐᓄᓪᓗ ᐊᖏᕈᑎᓂᑦ (IIBA) ᐊᑐᓕᖅᑎᑦᑎᕙᓪᓕᐊᓂᕐᒥᒃ, ᐱᕚᓪᓕᕈᑎᔅᓴᓂᑦ ᐱᔨᑦᑎᕋᐅᑎᖃᕐᓂᕐᒥᒃ, ᓯᕗᓕᕐᓯᖃᑦᑕᕐᓂᐊᕋᕕᑦ ᐱᔨᑦᑎᕋᐅᑎᖃᖃᑦᑕᓂᕐᒥᒃ, ᓇᐅᑦᑎᕐᓱᖃᑦᑕᓂᕐᒥᒃ, ᐊᒻᒪᓗ ᑲᒪᒋᔭᖃᖃᑦᑕᓂᕐᒥᒃ ᐱᒻᒪᕆᐅᓗᐊᕐᓂᖏᓐᓂᒃ ᐱᕚᓪᓕᕈᑎᔅᓴᓅᖓᔪᓂᑦ ᑎᑎᕋᖅᑕᐅᓯᒪᔪᓂᑦ ᐊᖏᕈᑎᓂᑦ ᓄᓘᔮᓕᕆᓂᕐᒧᑦ. ᑖᓐᓇ ᐃᖅᑲᓇᐃᔮᖅ ᐊᑑᑎᖃᓪᓚᕆᒻᒪᑦ ᖃᐅᔨᒪᒋᐊᑦᑎᐊᕈᑕᐅᕙᑦᑐᓂ ᐃᓄᐃᑦ ᐊᑑᑎᓕᓐᓂᒃ ᐱᓇᓱᐊᕋᔅᓴᖅᑖᖃᑦᑕᖁᓪᓗᒋᑦ ᐊᒻᒪᓗ ᐱᕚᓪᓕᕈᑎᔅᓴᖅᑖᖃᑦᑕᖁᓪᓗᒋᑦ ᓄᓇᒥᐅᑕᕐᓂᑦ ᐱᕙᓪᓕᐊᔪᓕᕆᔪᓂᑦ. ᐃᔅᓯᕙᐅᑕᐅᖃᑎᐅᒋᐊᖃᖃᑦᑕᓂᐊᖅᑐᑎᑦ ᐊᖏᕈᑎᓂᑦ ᑳᓐᑐᓛᑦ ᐃᖅᑲᓇᐃᔮᓪᓗ ᒥᔅᓴᓄᑦ ᑲᑎᒪᔨᕋᓛᕐᓂᑦ ᐹᕕᓐᓛᑯᑦ ᐱᓕᕆᖃᑎᒋᓗᒋᑦ ᐊᒻᒪᓗ ᐃᓚᒋᔭᐅᖃᑦᑕᕐᓗᑎᑦ ᑲᑐᔾᔨᓪᓗᑎᒃ ᓯᕗᓕᖅᑎᓂᑦ ᑲᑎᒪᔨᕋᓛᖏᓐᓂᒃ, ᑲᒪᒋᔭᖃᖃᑦᑕᕐᓗᑎᑦ ᐅᓂᒃᑳᓕᐅᖃᑦᑕᓂᕐᒥᒃ ᐊᑐᓕᖅᑎᑕᐅᕙᓪᓕᐊᓂᖏᑕ ᒥᔅᓵᓄᑦ ᐊᒻᒪᓗ ᐊᖅᑯᑎᓪᓗᐊᑕᐅᖃᑦᑕᓂᐊᖅᑐᑎᑦ ᑖᒃᑯᓇᙵᑦ ᕿᑭᖅᑕᓂᒃᑯᓐᓂᑦ ᐹᕕᓐᓛᓐᑯᓐᓂᓪᓗ.
ᐊᐅᓚᑦᑎᔨ ᐃᖅᑲᓇᐃᔭᖃᑎᖃᓪᓚᑦᑖᖃᑦᑕᓂᐊᖅᑐᖅ ᐊᓯᖏᓐᓂᒃ ᕿᑭᖅᑕᓂᒃᑯᓐᓂᑦ ᐊᓪᓚᕝᕕᐅᔪᓂᑦ ᐋᖅᑭᔅᓱᐃᓂᕐᒧᑦ ᐃᓕᓐᓂᐊᕐᓂᐅᓂᐊᖅᑐᓂᑦ, ᐃᖅᑲᓇᐃᔮᔅᓴᓂᑦ, ᐊᒻᒪᓗ ᑳᓐᑐᓛᓂᑦ ᐱᓕᕆᐊᖑᕙᑦᑐᓂᑦ, ᑐᑭᒧᐊᑦᑎᑦᑎᕙᑦᑐᓂ ᐱᓕᕆᓂᕆᕙᑦᑕᖏᓐᓂᒃ ᓇᐅᑦᑎᕐᓱᖃᑦᑕᓂᕐᒥᒃ, ᐊᒻᒪᓗ ᐃᓄᓐᓂᑦ ᐃᓚᒋᔭᐅᑎᑦᑎᖃᑦᑕᓂᐊᖅᑐᓂ ᐃᓘᓐᓇᖏᓐᓂᒃ ᐱᓕᕆᓂᐅᔪᓂᑦ ᐱᓕᕆᐊᕐᒥ. ᑲᒪᒋᔭᔅᓴᒫᕆᖃᑦᑕᓂᐊᖅᑕᖏᑦ ᒪᑯᐊ ᑐᑭᒧᐊᑦᑎᑦᑎᖃᑦᑕᕐᓂᖅ ᐊᖏᕈᑎᓂᑦ−ᐱᓇᓱᐊᕋᔅᓴᐅᔪᓂᑦ ᐱᓕᕆᐊᓂᑦ ᓲᕐᓗ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᑦ ᑮᓇᐅᔭᑦ. ᐊᐅᓚᑦᑎᔨ ᐃᑲᔪᖃᑦᑕᓂᐊᖅᑐᖅ ᐃᓄᒃᑎᑐᑦ ᐃᖅᑲᓇᐃᔭᕐᕕᒻᒥ ᐊᑐᐊᒐᕐᓂᑦ, ᐅᐸᓗᖓᐃᔭᐃᖃᑦᑕᓂᐊᖅᑐᖅ ᐊᕐᕌᒍᑕᒫᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᖅᑑᑎᔅᓴᓂᑦ, ᐊᒻᒪᓗ ᑲᑐᔾᔨᖃᑎᖃᖃᑦᑕᓂᐊᖅᑐᖅ ᐅᒥᐊᕐᔪᐊᑦ−ᒥᔅᓵᓅᖓᔪᓂᑦ ᐊᑑᑎᓂᖃᕐᐸᑦᑐᓂᑦ ᐸᓚᕐᔫᒥᑎᑦᑎᓂᕐᒥᒃ. ᑕᕝᕙᓂ ᐃᖅᑲᓇᐃᔮᕐᒥ ᐃᑲᔫᑎᖃᖃᑦᑕᓂᐊᖅᑐᖅ ᑐᑭᒧᐊᒍᑎᔅᓴᓂᑦ ᐅᖃᐅᔾᔨᒋᐊᕈᑎᖃᖃᑦᑕᓂᕐᒥᒃ ᐃᑲᔪᕐᓗᓂ ᐋᖅᑮᓂᕐᒥᒃ ᐱᔭᕆᐊᑐᔪᓂᑦ ᐊᑐᓕᖅᑎᑕᐅᕙᓪᓕᐊᔪᓂᑦ ᐊᑲᐅᙱᓕᐅᕈᑕᐅᕙᑦᑐᓂᑦ ᐊᒻᒪᓗ ᐋᖅᑭᐅᒪᑎᑦᑎᖃᑦᑕᕐᓗᓂ ᐱᓕᕆᖃᑎᒌᑦᑎᐊᖃᑦᑕᓂᕐᒥᒃ ᑲᑐᔾᔨᖃᑎᒋᕙᑦᑕᖏᓐᓂᒃ ᑎᒥᐅᔪᓂᑦ ᐊᒻᒪᓗ ᒪᓕᒐᖅᑎᒍᑦ ᐊᐅᓚᑦᑎᔾᔪᑎᓕᕆᓂᕐᒧᑦ ᑎᒥᐅᔪᓂᑦ. ᐃᖅᑲᓇᐃᔮᖅᑖᕋᔭᖅᑐᖅ ᑖᔅᓱᒥᖓ ᓯᕗᓕᕐᓯᒍᓐᓇᑦᑎᐊᕆᐊᓕᒃ, ᕿᒥᕐᕈᔪᓐᓇᑦᑎᐊᕆᐊᓕᒃ ᐊᒻᒪᓗ ᐊᑲᐅᙱᓕᐅᕈᑕᐅᔪᓂᒃ−ᐋᖅᑮᔪᓐᓇᑦᑎᐊᕆᐊᓕᒃ ᑐᑭᓯᐅᒪᓗᓂ ᓄᓇᕗᒻᒥ ᐊᐅᓚᑦᑎᓂᐅᕙᑦᑐᒥᒃ ᐊᒻᒪᓗ ᓄᓇᓕᓐᓂᑦ−ᒪᑭᒪᓇᓱᐊᕈᑕᐅᕙᑦᑐᓂᑦ. ᑕᖅᑭᑕᒫᑦ ᐊᐅᓪᓚᖃᑦᑕᕆᐊᖃᕐᓂᐊᖅᑐᖅ ᐅᖓᓯᑦᑐᒥᐅᓄᑦ ᑖᓱᒥᖓ ᐃᖅᑲᓇᐃᕐᓗᓂ.
ᒪᑯᓂᖓ ᐃᖅᑲᓇᐃᔭᖅᑎᓴᕐᓯᐅᕈᑎᖃᖅᑐᒍᑦ
- ᑲᑐᔾᔨᖃᑎᖃᕐᓗᓂ ᓯᕗᓕᖅᑎᐅᖃᑦᑕᕐᓗᓂ ᒪᕐᕉᓐᓂᒃ (2) ᐊᕐᕌᒎᓐᓂᒃ ᐃᖅᑲᓇᐃᔮᖃᓕᓂᐅᓗᓂ ᐊᐅᓚᑦᑎᓂᕐᒥᒃ ᐱᓕᕆᐊᔅᓴᓂᑦ ᐊᒻᒪᓗ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐊᖏᖃᑎᒌᒍᑎᓂᑦ;
- ᐃᖅᑲᓇᐃᔮᖃᓕᓂᕐᒥᒃ ᓄᓇᓕᓐᓅᖓᔪᓂᑦ, ᑲᒪᒋᔭᖃᕈᓐᓇᑎᐊᕐᓗᓂ ᐊᒻᒪᓗ ᐅᓂᒃᑳᕈᓐᓇᑎᐊᕐᓗᓂ;
- ᐊᑲᐅᙱᓕᐅᕈᑕᐅᔪᓂᒃ−ᐋᖅᑮᔪᓐᓇᑎᐊᕐᓗᓂ ᐊᒻᒪᓗ ᐊᖏᖃᑎᒌᒍᓐᓇᐃᓪᓕᔪᓂᑦ ᐋᖅᑮᒍᓐᓇᕐᓗᓂ;
- ᐃᖅᑲᓇᐃᔮᖃᓕᓂᐅᓗᓂ ᐃᖅᑲᓇᐃᔭᖅᑎᓂᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪᓗ ᐃᓕᓐᓂᐊᕈᑎᔅᓴᓂᑦ;
- ᑐᑭᓯᐅᒪᖃᑦᑕᐅᑎᖃᑎᖃᕈᓐᓇᑎᐊᕐᓗᓂ ᐃᓄᒃᑎᑐᑦ ᖃᓪᓗᓈᑎᑐᓪᓗ ᑖᓐᓇ ᐊᑑᑎᖃᑦᑎᐊᕋᔭᖅᑐᖅ;
- ᑎᑎᖅᑭᕆᔾᔪᑎᓂᑦ ᖃᕋᓴᐅᔭᒃᑯᑦ Microsoft Office Suite ᐊᑐᕈᓐᓇᑎᐊᕐᓗᓂ; ᐊᒻᒪᓗ
- ᐱᓕᕆᐊᕐᒥ ᐊᐅᓚᑦᑎᓂᕐᒧᑦ ᓇᓗᓇᐃᒃᑯᑕᖃᕐᓗᓂ ᑖᓐᓇ ᐊᑑᑎᖃᑦᑎᐊᕋᔭᖅᑐᖅ.
ᑕᒪᕐᒥᒃ ᐃᓱᒪᒋᓪᓗᒋᑦ, ᒪᕐᕉᓐᓂᒃ ᐊᕐᕌᒎᓐᓂᒃ ᐱᔭᕇᕐᓯᓯᒪᓂᖓᓂᒃ ᓇᓗᓇᐃᒃᑯᑕᖃᕐᓗᓂ ᐃᓄᐃᑦ ᒥᔅᓵᓄᑦ ᐃᓕᓐᓂᐊᕈᑎᓂᑦ, ᐃᓄᓕᕆᓂᕐᒨᖓᔪᓂᑦ ᐅᕝᕙᓘᓐᓃᑦ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᔭᕆᐊᓕᒃ. ᑕᒪᒃᑮᓐᓂᒃ ᑕᒪᑐᒪ ᒥᔅᓵᓄᑦ ᐃᓕᓐᓂᐊᕐᓯᒪᑉᐸᑦ ᐊᒻᒪᓗ ᐃᖅᑲᓇᐃᔮᖃᕐᓯᒪᑉᐸᑦ ᑐᑭᓯᔭᐅᓯᒪᓂᐊᖅᑐᖅ ᓇᓕᒧᑦᑎᓂᖓᓂᒃ ᐃᓕᓐᓂᐊᕐᓯᒪᒍᑕᐅᔭᕆᐊᓕᓐᓂᒃ. ᓇᒻᒪᑦᑐᒥᒃ ᐱᕋᔭᓚᐅᕐᓯᒪᙱᒃᑲᓗᐊᕐᒪᖔᖅ ᐊᒻᒪᓗ ᐃᓱᒫᓗᓇᕐᓂᕐᓴᓄᑦ ᐃᓱᒫᓗᓇᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕐᓯᒪᔭᕆᐊᓕᒃ.
ᑮᓇᐅᔾᔭᔅᓵᖃᕋᔭᖅᑐᖅ ᑕᕝᕙᓂ ᐃᖅᑲᓇᐃᔮᕐᒥ ᑕᒫᓃᑦᑐᓂᒃ $96,450 – $ 141,460 ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕋᔭᖅᑐᖅ $27,600ᓂᒃ ᐊᕐᕌᒍᑕᒫᑦ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ ᑖᓐᓇ.
ᐊᐱᕐᓱᖅᑕᐅᒍᒪᒐᔭᖅᑐᑦ ᑭᓯᐊᓂ ᐅᖃᕐᕕᐅᖃᑦᑕᓛᕐᒥᔪᑦ.
ᐃᖅᑲᓇᐃᔭᖅᑖᕋᓲᑏᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
Human Resources ᐃᕐᖐᓈᖅᑕᐅᑖ: Resumes@qia.ca
Qikiqtani Inuit Association ᐅᖄᓚᐅᑖ: (867) 975-8400
200-922 Sivumigiaq Street ᓱᒃᑲᔪᒃᑰᕈᑖ: (867) 979-3238
Igluvut building, 2nd floor ᑕᑯᓂᐊᕐᓗᒍ: Tuttarvik.qia.ca
Iqaluit, NU X0A 3H0
ᒪᑐᕕᔅᓴᖓᑕ ᐅᓪᓗᖓ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓ ᑖᓐᓇ