ᐃᖅᑲᓇᐃᔭᖅᑎᓄᑦ/ᐃᓄᓕᒫᓄᑦ ᐃᖅᑲᓇᐃᔮᔅᓴᖅ
ᐃᖅᑲᓇᐃᔮᖅ: ᐊᐅᓚᑦᑎᔨ, ᖃᕋᓴᐅᔭᓕᕆᔾᔪᑎᓄᑦ
ᐋᖅᑭᓯᒪᓂᖓ: ᐃᖅᑲᓇᐃᔮᖑᐃᓐᓇᕈᒫᕐᓂᐊᖅᑐᖅ ᓇᒥ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ: ᓯᕗᓪᓕᐅᔾᔭᐅᓂᐊᖅᑐᑦ ᐃᓄᐃᑦ ᐃᓚᒋᔭᐅᔾᔪᑎᓖᑦ ᓄᓇᕗᑦ ᐊᖏᖃᑎᒌᒍᑎᖏᓐᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐃᖅᑲᓇᐃᔭᖅᑎᓴᕐᓯᐅᖅᑐᖅ ᐃᖅᑲᓇᐃᔭᓕᒪᔪᒥᒃ ᐊᐅᓚᑦᑎᔨᐅᓂᕐᒧᑦ, ᖃᕋᓴᐅᔭᓕᕆᔾᔪᑎᓄᑦ (IT) ᐃᖅᑲᓇᐃᔭᖅᑎᐅᒐᔭᖅᑐᒥᒃ. ᑕᕝᕙᓂ ᐃᖅᑲᓇᐃᔮᕐᒥ ᑲᒪᒋᔭᖃᖃᑦᑕᕋᔭᖅᑐᖅ ᖃᐅᑕᒫᑦ ᖃᕋᓴᐅᔭᑎᒍᑦ ᐊᐅᓚᓂᐅᕙᑦᑐᓂᑦ ᐊᒻᒪᓗ ᐃᑲᔪᖃᑦᑕᕐᓗᓂ ᒫᓐᓇᓕᓴᕐᓂᑦ, ᐊᑦᑕᓇᐃᕐᓯᒪᔪᓂᑦ, ᐊᒻᒪᓗ ᑐᕚᕆᔭᐅᔪᓐᓇᑎᐊᖅᑐᓂᑦ ᖃᕋᓴᐅᔭᒃᑯᑦ ᐊᑐᖅᑕᐅᕙᑦᑐᓂᑦ ᐃᓘᓐᓇᖏᓐᓂᒃ ᕿᑭᖅᑕᓂᒃᑯᑦ ᐊᓪᓚᕝᕕᖏᓐᓂ ᓄᓇᓕᓐᓂᓪᓗ. ᑖᓐᓇ ᓯᕗᓕᖅᑎᐅᓂᕐᒧᑦ ᐃᖅᑲᓇᐃᔮᔅᓴᐅᒻᒪᑦ ᐃᖅᑲᓇᐃᔭᓕᒪᔪᒧᑦ ᖃᕋᓴᐅᔭᓕᕆᓂᕐᒥᒃ ᖁᕕᐊᒋᔭᓕᒻᒥᒃ ᐃᖅᑲᓇᐃᔭᕆᐊᔅᓴᖅ ᐱᔭᕆᐊᑐᔪᓂᑦ, ᐊᔾᔨᒌᙱᑐᒡᒍᑎᓂᑦ ᐊᓪᓚᕝᕕᖃᐅᖅᑐᓂᒃ ᐊᒻᒪᓗ ᐃᑉᐱᒍᓱᑦᑎᐊᖅᑐᒥᒃ ᐃᑲᔪᖅᑎᒌᖃᑦᑕᓂᕐᒥᒃ, ᐱᔨᑦᑎᕋᑦᑎᐊᖃᑦᑕᓂᕐᒥᒃ, ᐊᒻᒪᓗ ᑲᔪᓯᑎᑦᑎᕙᓪᓕᐊᖏᓐᓇᓂᕐᒥᒃ ᐋᖅᑭᒋᐊᕐᐸᓪᓕᐊᖃᑦᑕᓂᕐᒥᒃ. ᑖᓐᓇ ᐃᖅᑲᓇᐃᔮᔅᓴᖅ ᑐᕌᖓᒻᒪᑦ ᐊᖏᕐᓯᒪᑦᑎᐊᖅᑐᒧᑦ ᑭᒡᒐᖅᑐᐃᖃᑦᑕᓂᕐᒧᑦ ᐃᓄᓐᓂᑦ ᐊᒻᒪᓗ ᐃᑲᔪᖃᑦᑕᓂᕐᒥᒃ ᐃᓱᕐᕆᐅᑕᐅᕙᑦᑐᓂᑦ ᑐᙵᕕᒋᔭᐅᕙᑦᑐᓂᒃ ᐃᑲᔫᑎᖃᕐᐸᑦᑐᓂᑦ ᐊᑐᓕᖅᑎᑦᑎᕙᓪᓕᐊᓂᕐᒥᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐱᔾᔪᑎᖓᓐᓂᒃ ᕿᑭᖅᑕᓂ ᓄᓇᓕᓕᒫᓄᑦ.
ᑐᑭᒧᐊᑦᑎᑦᑎᔨᖃᕐᓗᓂ ᑐᑭᒧᐊᑦᑎᑦᑎᔨᖓᓐᓂᒃ ᖃᕋᓴᐅᔭᓕᕆᓂᕐᒧᑦ, ᐊᐅᓚᑦᑎᔨᐅᓂᐊᖅᑐᖅ ᖃᕋᓴᐅᔭᓕᕆᓂᕐᒧᑦ ᐊᐅᓚᓂᖏᓐᓄᑦ ᓯᕗᓕᕐᓯᖃᑦᑕᓂᐊᖅᑐᖅ ᐊᒻᒪᓗ ᑲᒪᒋᔭᖃᖃᑦᑕᕐᓗᓂ ᕿᑭᖅᑕᓂᒃᑯᑦ ᐊᔾᔨᒌᙱᕈᓘᔭᖅᑐᓂᑦ ᖃᕋᓴᐅᔭᓕᕆᔾᔪᑎᒋᕙᑦᑕᖏᓐᓂᒃ, ᐊᐅᓚᓂᖏᓐᓄᑦ ᐱᖁᑎᖏᓐᓂᒃ, ᐱᔨᑦᑎᕋᐅᑎᒋᕙᑦᑕᖏᓐᓂᓪᓗ. ᑖᓐᓇ ᐱᖃᓯᐅᔾᔨᓯᒪᔪᖅ ᑲᑐᔾᔨᖃᑎᒌᑉᐸᑦᑐᓂᑦ ᐊᐅᓚᑦᑎᔾᔪᑎᓂᑦ, ᖃᕋᓴᐅᔭᕐᓂᑦ ᓱᓇᒃᑯᑖᖏᓐᓂᓪᓗ ᐊᒻᒪᓗ ᖃᕋᓴᐅᔭᓕᕆᔾᔪᑎᒋᕙᑦᑕᖏᓐᓂᒃ ᐊᐅᓚᑦᑎᖃᑦᑕᓂᕐᒥᒃ, ᑎᑎᖅᑲᓂᑦ ᐊᑦᑕᓇᐃᕐᓯᓯᒪᓂᕐᒥᒃ, ᐊᑐᕐᐸᑦᑐᓂᑦ ᐃᑲᔪᖃᑦᑕᓂᕐᒥᒃ, ᐱᓕᕆᐊᔅᓴᓂᑦ ᐊᑐᓕᖅᑎᑦᑎᖃᑦᑕᓂᕐᒥᒃ, ᐊᒻᒪᓗ ᐱᔨᑦᑎᕋᐅᑎᖃᖃᑦᑕᓂᕐᒥᒃ ᖃᕋᓴᐅᔭᓕᕆᔾᔪᑎᓂᑦ ᓇᒥᓕᒫᖅ ᐃᖅᑲᓇᐃᔭᕐᕕᒋᕙᑦᑕᖏᓐᓂᒃ. ᑲᒪᒋᔭᖃᖃᑦᑕᖃᔭᖅᑐᑎᑦ ᖃᕋᓴᐅᔭᓕᕆᓂᕐᒧᑦ ᐃᖅᑲᓇᐃᔭᖅᑎᓂᑦ, ᑲᒪᒋᔭᖃᖃᑦᑕᕐᓗᑎᑦ ᓂᐅᕕᕐᕕᐅᕙᑦᑐᓂᑦ, ᖃᐅᔨᒪᒋᐊᑦᑎᐊᖃᑦᑕᕐᓗᑎᑦ ᑐᕚᖑᔪᓐᓇᕐᓂᖏᓐᓂᒃ ᐊᒻᒪᓗ ᐊᑦᑕᓇᐃᕐᓯᒪᒋᐊᖃᕐᓂᖏᓐᓂᒃ, ᐊᒻᒪᓗ ᑐᑭᒧᐊᑦᑎᑦᑎᖃᑦᑕᕐᓗᑎᑦ ᑎᒥᐅᔪᒥᒃ ᐃᓱᕐᕆᐅᑕᐅᕙᑦᑐᓂᑦ ᐊᒻᒪᓗ ᐊᐅᓚᓂᖏᓐᓂᑦ ᐊᓯᔾᔨᕐᓂᐅᕙᑦᑐᓂᑦ. ᑖᓐᓇ ᐃᖅᑲᓇᐃᔮᔅᓴᖅ ᐊᑑᑎᖃᓪᓚᕆᑦᑐᒥᒃ ᐃᖅᑲᓇᐃᔮᖃᕈᑕᐅᕙᒻᒪᑦ ᕿᑭᖅᑕᓂᒃᑯᑦ ᐃᓱᕐᕆᐅᑎᒋᕙᑦᑕᖏᓐᓂᒃ ᖃᕋᓴᐅᔭᒃᑯᑦ ᐊᑦᑕᓇᐃᕐᓯᓯᒪᒍᑕᐅᕙᑦᑐᓂ, ᑭᐅᔾᔪᑕᐅᕙᑦᑐᓂ, ᐋᖅᑭᓯᒪᑦᑎᐊᕈᑕᐅᕙᑦᑐᓂᓗ ᑎᒥᐅᑉ ᓯᕗᓪᓕᐅᑎᓯᒪᕙᑦᑕᖏᓐᓄᑦ. ᐃᓛᓐᓂᒃᑯᑦ ᐃᖅᑲᓇᐃᔮᖓ ᐱᔾᔪᑎᒋᓪᓗ ᐊᐅᓪᓚᕈᑕᐅᓚᐅᖃᑦᑕᓂᐊᖅᑐᖅ.
ᐊᐅᓚᑦᑎᔨ, ᖃᕋᓴᐅᔭᓕᕆᓂᕐᒧᑦ (IT) ᑲᒪᒋᔭᖃᓲᖅ ᓯᕗᓕᕐᓯᓂᕐᒥᒃ ᐊᐅᓚᑦᑎᖃᑦᑕᓂᕐᒥᓪᓗ ᖃᐅᑕᒫᑦ ᖃᕋᓴᐅᔭᓕᕆᓂᕐᒥ ᐊᐅᓚᓂᐅᕙᑦᑐᓂᑦ, ᐃᓚᒋᔭᐅᓪᓗᑎᒃ ᒪᑯᐊ ᑲᓲᒪᖃᑎᒌᓐᓂᖏᑦ, ᖃᕋᓴᐅᔭᒃᑯᑦ ᑎᑎᖅᑲᒃᑯᕕᖏᓐᓂᒃ, ᐃᑭᐊᖅᑭᕕᒃᑯᑦ ᐱᔨᑦᑎᕋᐅᑏᑦ, ᖃᕋᓴᐅᔭᓕᕆᔾᔪᑏᑦ, ᐊᒻᒪᓗ ᐊᑐᕐᐸᑦᑐᓂᑦ ᐃᑲᔪᖃᑦᑕᓂᕐᒥᒃ. ᑕᕝᕙᓂ ᐃᖅᑲᓇᐃᔮᕐᒥ ᑐᑭᒧᐊᑦᑎᑦᑎᖃᑦᑕᓂᐊᖅᑐᖅ ᐱᕙᓪᓕᐊᑎᑦᑎᖃᑦᑕᕐᓗᓂᓗ ᖃᕋᓴᐅᔭᓕᕆᔨᐅᖃᑎᒌᓂᑦ ᐃᑲᔪᖃᑦᑕᕐᓗᓂ, ᐃᖅᑲᓇᐃᔮᖏᓐᓂᒃ ᐊᐅᓚᑦᑎᖃᑦᑕᕐᓗᓂ, ᐊᒻᒪᓗ ᐃᖅᑲᓇᐃᔮᔅᓴᖏᓐᓂᒃ ᐸᕐᓇᐃᖃᑦᑕᓂᕐᒥᒃ, ᑲᒪᒋᔭᖃᕐᓯᓐᓈᑦ ᖃᕋᓴᐅᔭᓕᕆᔾᔪᑎᒋᕙᑦᑕᖏᓐᓂᒃ ᐊᔾᔨᒌᙱᑐᒡᒍᑎᓂᑦ ᓄᓇᓕᓐᓂᑦ, ᐃᓚᒋᔭᐅᓪᓗᑎᒃ ᐱᖁᑎᖏᑕ ᐊᑐᖅᑕᐅᔪᓐᓇᕐᓂᖏᓐᓂᒃ ᐊᐅᓚᑦᑎᖃᑦᑕᓂᕐᒥᒃ ᐊᒻᒪᓗ ᓚᐃᓴᖏᓐᓂᒃ ᒪᓕᒻᒪᖔᑕ. ᐊᐅᓚᑦᑎᔨ ᖃᐅᔨᒪᒋᐊᑦᑎᐊᖃᑦᑕᓂᐊᖅᑐᖅ ᖃᕋᓴᐅᔭᕐᓄᑦ ᐃᑭᐊᖅᑭᕕᒻᒥ ᐊᑦᑕᓇᙱᑦᑐᒦᒃᑲᓗᐊᕐᒪᖔᑕ, ᑎᑎᖅᑲᐃᑦ ᓇᓪᓕᐅᒃᑯᒫᖃᕋᓗᐊᕐᒪᖔᑕ, ᐊᒻᒪᓗ ᐃᖅᑲᓇᐃᔮᖏᓐᓂᒃ ᑲᔪᓯᑎᑦᑎᕙᓪᓕᐊᒍᑏᑦ ᐋᖅᑭᓯᒪᒐᓗᐊᕐᒪᖔᑕ, ᐊᒻᒪᓗ ᐸᕐᓇᐃᖃᑦᑕᕐᓗᓂ, ᓯᕗᓕᕐᓯᖃᑦᑕᕐᓗᓂ, ᐊᒻᒪᓗ ᐱᔨᑦᑎᕋᐅᑎᖃᖃᑦᑕᕐᓗᓂ ᖃᕋᓴᐅᔭᓕᕆᓂᕐᒧᑦ ᐱᓕᕆᐊᓂᑦ ᓲᕐᓗ ᒪᑯᓂᖓ ᐱᓕᕆᔾᔪᑎᖏᑦ ᓄᑖᕈᖅᑎᒋᐊᖃᑦᑕᕐᓗᒋᑦ, ᓄᑖᓂᑦ ᐃᓱᕐᕆᐅᑕᐅᕙᑦᑐᓂᑦ ᐊᑐᓕᖅᑎᑦᑎᖃᑦᑕᓂᕐᒥᒃ, ᐊᒻᒪᓗ ᐱᓕᕆᓂᕆᕙᑦᑕᖏᓐᓂᒃ ᐋᖅᑭᒋᐊᕐᓯᖃᑦᑕᕐᓗᓂ. ᑕᕝᕙᓂ ᐃᖅᑲᓇᐃᔮᕐᒥ ᐃᓱᕐᕆᐅᑎᓄᑦ ᐅᖃᐅᔾᔨᒋᐊᖅᑎᐅᖃᑦᑕᓂᐊᖅᑐᖅ ᐊᒻᒪᓗ ᐊᑐᓕᖁᔨᔾᔪᑎᖃᖃᑦᑕᕐᓗᓂ ᐊᖏᔪᖅᑲᐅᑎᓄᑦ, ᐊᐅᓚᑦᑎᖃᑦᑕᕐᓗᓂ ᓂᐅᕕᕐᕕᒋᕙᑦᑕᖏᓐᓂᒃ, ᖃᐅᔨᒪᔨᑕᕐᓂᑦ, ᐊᒻᒪᓗ ᓯᓚᑖᓃᑦᑐᓂᑦ ᐱᔨᑦᑎᕋᖅᑎᐅᕙᑦᑐᓂᑦ, ᐊᒻᒪᓗ ᐱᕙᓪᓕᐊᑎᑦᑎᖃᑦᑕᕐᓗᓂ ᐋᖅᑭᐅᒪᑎᑦᑎᖃᑦᑕᕐᓗᓂᓗ ᖃᕋᓴᐅᔭᓕᕆᓂᕐᒧᑦ ᐸᕐᓇᐅᑎᓂᑦ ᓈᒻᒪᑎᕐᓯᒪᔪᓂᑦ ᑎᒥᐅᑉ ᐊᑐᖃᑦᑕᕆᐊᓕᖏᓐᓄᑦ. ᑕᕝᕙᓂ ᐃᖅᑲᓇᐃᔮᕐᒥ ᐃᑲᔪᖃᑦᑕᓂᐊᕐᒥᔪᖅ ᐊᓯᔾᔨᖅᑐᓂᑦ ᐊᐅᓚᑦᑎᔨᓂᑦ ᐱᓇᓱᐊᕈᑕᐳᕙᑦᑐᓂᑦ ᐊᒻᒪᓗ ᐱᔨᑦᑎᕋᐅᑎᖃᖃᑦᑕᕐᓗᓂ ᐊᑐᖃᑦᑕᓂᐊᖅᑐᓂᑦ ᐃᓕᓐᓂᐊᑎᑦᑎᖃᑦᑕᕐᓗᓂ ᑕᐃᒫᒃ ᖃᐅᔨᒪᑦᑎᐊᖃᑦᑕᓂᐊᕐᖓᑕ ᐊᑐᓕᑦᑎᐊᕋᓗᐊᕐᒪᖔᑕ ᖃᕋᓴᐅᔭᓕᕆᔾᔪᑎᓂᑦ ᐱᔨᑦᑎᕋᐅᑎᒋᕙᑦᑕᖏᓐᓂᓪᓗ. .
ᑭᙴᒪᑦᑎᔪᒍᑦ ᐅᑯᓂᖓ:
- ᑕᓪᓕᒪᓂᑦ (5) ᐊᕐᕌᒍᓂᑦ ᐱᕙᓪᓕᐊᓯᒪᓪᓗᓂ ᐃᖅᑲᓇᐃᔮᖃᕐᓯᒪᓗᓂ ᖃᕋᓴᐅᔭᓕᕆᔨᐅᓂᕐᒥᒃ, ᐃᓚᒋᔭᐅᓪᓗᓂ ᐊᐅᓚᓂᖏᓐᓂᒃ ᑲᒪᒋᔭᔅᓴᖃᖃᑦᑕᖅᑐᒥᓂᐅᓗᓂ;
- ᐃᖅᑲᓇᐃᔮᖃᓕᓂᐅᓗᓂ ᓯᕗᓕᕐᓯᓂᕐᒥᒃ ᐊᓯᖏᓐᓂᒃ ᐊᒻᒪᓗ ᐃᑲᔪᖃᑦᑕᓂᕐᒥᒃ ᐃᖅᑲᓇᐃᔭᖃᑎᖏᓐᓂᒃ ᐊᒻᒪᓗ ᑲᒪᒋᔭᖃᖃᑦᑕᓂᕐᒥᒃ ᐃᖅᑲᓇᐃᔭᕐᓂᕆᕙᑦᑕᖏᓐᓂᒃ ᐊᐅᓚᑦᑎᓂᕐᒥᒃ;
- ᐃᖅᑲᓇᐃᔭᖃᓕᓂᐅᓗᓂ ᐊᐅᓚᑦᑎᓂᕐᒥᒃ ᖃᕋᓴᐅᔭᒃᑯᑦ ᑎᑎᖅᑲᒃᑯᕕᖏᓐᓂᒃ, ᑲᓲᒪᓂᖏᓐᓂᒃ, ᓱᓇᒃᑯᑖᖏᓐᓂᒃ, ᐊᖅᑯᑎᒋᕙᑦᑕᖏᓐᓂᒃ/ᑭᐳᑦᑕᑎᑦᑎᓂᕐᒥᒃ, ᐊᒻᒪᓗ ᐋᖅᑭᔅᓱᐃᑦᑎᐊᓂᕐᒥᒃ;
- ᖃᐅᔨᒪᑦᑎᐊᕐᓗᓂ ᖃᕋᓴᐅᔭᒃᑯᑦ ᑎᑎᖅᑭᕆᔾᔪᑎᓂᑦ, Microsoft 365 ᑎᑎᖅᑭᕆᔾᔪᑎᓂᑦ, Azure, Entra ID, Exchange Online ᐊᒻᒪᓗ ᑕᒪᑐᒪ ᒥᔅᓵᓅᖓᔪᓂᑦ ᐊᑐᖅᑕᐅᕙᑦᑐᓂᑦ;
- ᐃᓕᓯᒪᑦᑎᐊᕐᓗᓂ ᐃᑭᐊᖅᑭᕕᒃᑯᑦ ᑭᒃᑰᓂᖏᓐᓂᒃ ᓇᓗᓇᐃᕐᓯᓂᕐᒧᑦ ᐱᔨᑦᑎᕋᐅᑎᐅᕙᑦᑐᓂᑦ ᐊᒻᒪᓗ ᐊᑐᓕᖅᑎᑦᑎᓂᕐᒥᒃ ᓱᓇᒃᑯᑖᖏᓐᓄᑦ ᐊᐅᓚᔪᓐᓇᐅᑎᓄᑦ ᐊᖅᑭᓯᒪᔾᔪᑎᓂᑦ;
- ᐃᓄᒃᑎᑑᕈᓐᓇᖅᑲᑦ ᐊᑑᑎᖃᑦᑎᐊᕋᔭᖅᑐᖅ.
ᑕᐃᒫᒃ ᐱᐅᓯᖃᕋᔪᖃᑦᑕᕐᖓᑕ, ᒪᕐᕉᓐᓂᒃ ᐊᕐᕌᒎᓐᓂᒃ ᐃᓕᓐᓂᐊᓂᕐᒧᑦ ᐱᔭᕇᕐᓯᓯᒪᓂᖓᓂᒃ ᓇᓗᓇᐃᒃᑯᑕᖃᕆᐊᓕᒃ ᖃᕋᓴᐅᔭᓕᕆᓂᕐᒥᒃ ᐅᕝᕙᓘᓐᓃᑦ ᖃᕋᓴᐅᔭᐃᑦ ᐊᑐᖅᑕᐅᓲᖑᓂᖏᓐᓂ. ITIL ᐊᒻᒪᓗ/ᐅᕝᕙᓘᓐᓃᑦ ᐱᓕᕆᐊᕐᒥᒃ ᐊᐅᓚᑦᑎᓂᕐᒥᒃ ᓇᓗᓇᐃᒃᑯᑕᖃᖅᑲᑦ ᐊᑑᑎᖃᕋᔭᖅᑐᖅ. ᓈᒻᒪᑦᑐᒥᒃ ᐱᕋᔭᓚᐅᕐᓯᒪᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔾᔪᑎᖃᕆᐊᓕᒃ ᐊᒻᒪᓗ ᐃᓱᒫᓗᓇᕐᓂᕐᓴᓄᑦ ᐃᓱᒫᓗᓇᙱᒃᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᓕᒃ. ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᑮᓇᐅᔾᔭᔅᓵᕆᖃᑦᑕᓂᐊᖅᑕᖏᑦ ᑕᕝᕙᓂ ᐃᖅᑲᓇᐃᔮᕐᒥ ᐊᒥᓲᓂᓖᑦ $126,464 – $151,654 ᓄᑦ ᐊᕐᕌᒍᑕᒫᑦ, ᐊᒻᒪᓗᑦᑕᐅᖅ ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅᑖᖃᑦᑕᕋᔭᖅᑐᖅ $27,600ᓂᑦ ᐊᕐᕌᒍᑕᒫᑦ. ᐊᕐᕌᒍᑕᒫᑦ ᕿᑲᕈᑎᔅᓴᖅᑖᖃᑦᑕᕋᔭᕐᒥᔪᖅ (VTA). ᐃᓪᓗᖃᖅᑎᑦᑎᒍᑕᐅᔾᔮᖏᑦᑐᖅ.
ᐃᖅᑲᓇᐃᔮᖅᑖᕋᓲᑎᑦ ᑐᓂᔭᐅᖃᑦᑕᕈᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓈᖅᑕᐅᑎᒃᑯᑦ, ᓇᒻᒥᓂᖅ ᐋᓪᓗᒋᑦ, ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑦ ᓇᔅᓯᐅᑎᓗᒋᑦ ᐅᕗᖓ:
Human Resources ᐅᖄᓚᐅᑖ: (867) 975-8400
Qikiqtani Inuit Association ᓱᒃᑲᔪᒃᑰᕈᑖ: (867) 979-3238
200-922 Sivumugiaq St ᐃᕐᖐᓈᖅᑕᐅᑖ: Resumes@qia.ca
Iqaluit, NU X0A 3H0
ᒪᑐᕕᔅᓴᖓ: ᒪᑐᐃᖓᓂᐊᖅᑐᖅ ᑖᓐᓇ ᐃᓐᓄᒐᓱᓐᓂᖓᓂ