ᖃᓄᐃᓕᐅᕐᓂᐅᔪᖅ: ᕿᑭᖅᑕᓃᒃᑯᑦ ᓄᖅᑲᖅᑎᑦᑎᕗᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᐊᑐᓕᖅᑎᑦᑎᓪᓗᑎᒃ ᐊᖏᕐᕋᒥᒃ ᐃᖅᑲᓇᐃᔭᕐᓂᕐᒧᑦ ᒪᓕᒃᖢᒋᑦ ᓄᓇᕗᑦ ᒐᕙᒪᒃᑯᑦ ᑎᓕᐅᕈᑎᒋᔭᖏᑦ ᓄᕙᓐᓇᕐᔪᐊᖅ-19 ᐱᔾᔪᑎᒋᓪᓗᒍ.  

ᓯᕗᓪᓕᐅᑎᓯᒪᐃᓐᓇᕋᑦᑎᒍᑦ ᐃᖅᑲᓇᐃᔭᖅᑎᑦ ᓄᓇᓖᓪᓗ ᐋᓐᓂᐊᖅᑖᖅᑕᐃᓕᖁᓪᓗᒋᑦ ᖃᓄᐃᑦᑕᐃᓕᑦᑎᐊᖁᓪᓗᒋᓪᓗ ᐊᒻᒪᓗ ᐃᑲᔪᖃᑕᐅᒍᒪᓪᓗᑕ ᓯᐊᒻᒪᒃᑎᑦᑎᑕᐃᓕᓂᕐᒥᒃᓄᕙᓐᓇᕐᔪᐊᖅ-19ᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ)  ᓄᖅᑲᖓᑎᑦᑎᖃᑕᐅᒍᒪᓪᓗᑎᒃ ᐋᓐᓂᐊᒥᒃ ᓄᖅᑲᖅᑎᑦᑎᑲᐃᓐᓇᖅᑐᑦ ᐱᒻᒪᕆᐋᓘᙱᑦᑐᓂᒃ ᐱᓕᕆᐊᒃᓴᖏᓐᓂᒃ ᑐᓴᖅᑎᑦᑎᓚᐅᙱᓐᓇᕐᓂᖏᓐᓄᑦ ᑎᑭᓪᓗᒍ.

ᒫᓐᓇᐅᓂᖓᓂᒃ ᐱᓕᕆᐊᒃᓴᐅᔪᑦ ᓱᕐᓗ ᐅᓇ ᕿᑭᖅᑕᓂ ᐃᓕᖅᑯᓯᓕᕆᓂᕐᒧᑦ ᐱᓕᕆᐊᖓ, ᕿᑭᖅᑕᓂ ᐱᓕᒻᒪᒃᓴᐃᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᓪᓗ ᐱᓕᕆᐊᖓ, ᑐᓐᓂᖅᑯᓯᐊᑦ ᐊᐃᑦᑑᓯᐊᓪᓗ ᐊᒻᒪᓗ ᐃᓚᒌᒃᑐᓄᑦ ᓄᓇᓕᖕᓄᓪᓗ ᐱᕙᓪᓕᐊᔾᔪᑎᒃᓴᑦ ᑮᓇᐅᔭᐃᑦ, ᐃᓚᕐᖓᖅᑐᓄᑦ ᐃᓚᓕᐊᕆᐊᓕᖕᓄᓪᓗ ᐱᓕᕆᐊᖓ ᓄᖅᑲᖅᓯᒪᑲᐃᓐᓇᕐᓂᐊᖅᑐᑦ.

ᐱᖓᔪᒋᓕᖅᑕᖓᓂ ᕿᑭᖅᑕᓂᒃᑯᑦ ᐃᓱᒫᓗᓇᕐᓯᓯᒪᑎᓪᓗᒍ ᓄᕙᕐᔪᐊᓇᖅᑐᒧᑦ ᐃᑲᔫᑎᖏᑦ ᑲᔪᓯᔪᑦ ᐃᑲᔪᕈᒪᓪᓗᒋᑦ ᕿᑭᖅᑕᓂ ᓄᓇᓖᑦ ᐃᓄᐃᑦ. ᕿᑭᖅᑕᓂᒃᑯᓐᓂ ᓂᕿᑖᕈᑎᔅᓴᐃᑦ ᕿᑭᖅᑕᓂ ᓄᓇᓕᓐᓄᑦ ᐃᓄᑐᖃᕐᓄᑦ ᐊᑐᐃᓐᓇᐅᓂᐊᖅᑐᑦ ᒪᐃ 11ᒥ ᔫᓂ 22ᒧᑦ. ᐃᓘᓐᓇᑎᒃ ᕿᑭᖅᑕᓂ ᓄᓇᓖᑦ ᐃᓄᑐᖃᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᑎᒍᑦ ᐊᑎᓕᖅᑕᐅᑦᑕᐅᑎᒋᓯᒪᔪᑦ, ᐃᓚᒋᔭᐅᓪᓗᑎᒃ ᑕᐃᒃᑯᐊ ᓄᓇᕗᑦ ᐊᓯᐊᓂ ᓄᓇᓖᑦ. ᐃᓄᑐᖃᐃᑦ ᑖᒃᑯᐊᖑᓂᕋᖅᑕᐅᕗᑦ ᐅᑭᐅᓖᑦ 60ᓂᑦ ᐅᖓᑖᓂᓗ 60ᓂᑦ ᐅᑭᐅᖃᓕᕐᓂᐊᖅᑐᑦ ᔫᓂ 30, 2021ᒥ.

ᕿᑭᖅᑕᓂᒃᑯᑦ ᐃᑲᔫᑎᔅᓴᖃᒃᑲᓐᓂᓛᕐᒥᔪᑦ ᐃᓱᒫᓗᓇᕐᓯᓯᒪᑎᓪᓗᒍ ᐊᐅᓪᓚᕐᓯᒪᔾᔪᑎᔅᓴᓂᑦ ᐃᑲᔫᑎᓂᑦ ᐃᑲᔪᕈᒪᓪᓗᒋᑦ ᕿᑭᖅᑕᓂ ᓄᓇᓖᑦ ᐃᓄᐃᑦ ᐊᑑᑎᕕᐅᔪᑦ ᓄᓇᓕᓐᓂᑦ ᐃᓄᓕᓐᓃᕋᔭᙱᑲᐃᓐᓇᓂᐊᕐᖓᑕ ᐃᓚᖏᓐᓂᒃ ᐊᐅᓪᓚᕐᓯᒪᖃᑎᖃᕐᓗᑎᒃ. ᖃᓄᐃᓕᖓᓂᐊᕐᒪᖔᑕ ᑖᒃᑯᐊ ᐃᑲᔫᑎᔅᓴᐃᑦ ᓴᖅᑭᖅᑕᐅᓛᖅᑐᑦ ᒫᓐᓇᕈᓗᒃ.

ᑐᑭᓯᒃᑲᓐᓂᕈᒪᒍᕕᑦ ᑖᒃᑯᓂᖓ ᒪᕐᕉᓄᑦ ᐱᓕᕆᐊᒃᓴᓂᒃ, ᐃᕐᖐᓐᓈᕈᑎᒃᑯᑦ ᑎᑎᕋᕐᓗᑎᑦ ᐅᕗᖓ covid-19@qia.ca ᐅᕝᕙᓘᓐᓃᑦ ᐅᖄᓚᒍᕕᑦ ᖃᒪᐃᓗᑎᒃ ᓂᐱᓕᐅᖅᓯᒪᔪᒥᒃ ᐅᖄᓚᐅᑎᒧᑦ 867 975 8383ᒧᑦ.

ᒪᓗᒍᓱᓕᕈᕕᑦ ᐋᓐᓂᐊᓕᖕᒥᑦ ᓄᕙᓐᓇᕐᔪᐊᖅ-19ᒥ ᐅᖄᓚᓂᐊᖅᐳᑎᑦ ᓄᓇᕗᑦ ᒐᕙᒪᒃᑯᑦ ᓄᕙᓐᓇᕐᔪᐊᖅ-19ᒧᑦ ᐅᖄᓚᐅᑎᖓᓄᑦ ᐅᕗᖓ 1-888-975-8601 10ᒥᑦ ᐅᓪᓛᒃᑯᑦ 6ᒧᑦ ᐅᓐᓄᒃᑯᑦ, ᐅᕝᕙᓘᓐᓃᑦ ᑐᓴᖅᑎᑦᑎᓗᑎᒃ ᓄᓇᓕᖕᒥ ᐋᓐᓂᐊᕐᕕᖕᒧᑦ, ᐊᒻᒪᓗ ᐃᓄᑑᒋᐊᓯᑲᐅᑎᒋᓗᑎᑦ ᐊᕐᕌᕐᓂ 14ᓄᑦ ᐅᓪᓗᓄᑦ.  ᐋᓐᓂᐊᕐᕕᓕᐊᖅᑕᐃᓕᑦᑎᐊᕆᑦ.

ᐋᓐᓂᐊᖃᕋᓱᒋᓗᕈᕕᑦ ᓄᕙᓐᓇᕐᔪᐊᖅ-19ᒥ ᐃᒪᓐᓇᐃᓕᕋᔭᖅᑐᑎᑦ ᐆᓇᖅᓯᖃᑦᑕᕐᓂᖅ, ᖁᐃᖅᓱᖃᑦᑕᕐᓂᖅ, ᐊᓂᖅᓵᑦᑎᐊᖃᑦᑕᕈᓐᓃᕐᓂᖅ.  ᓯᐊᒻᒪᒃᑎᑦᑎᑕᐃᓕᒍᒪᒍᕕᑦ ᐋᓐᓂᐊᒥᒃ ᖃᓂᒌᓗᐊᙱᓪᓗᓯ, ᒪᑐᐊᖅᓯᒪᓗᓯ, ᐊᒡᒐᓯ ᐅᐊᓴᕋᔪᒡᓗᒋᑦ ᐊᒻᒪ 20 ᓯᐊᑲᓐᓯᓄᑦ ᐅᐊᓴᕐᓗᒋᑦ, ᖁᐃᖅᓱᖃᑦᑕᕐᓗᑎᒃ ᑕᒋᐅᖃᑦᑕᕐᓗᑎᓪᓗ ᐃᑯᓯᖕᓄᑦ ᐊᒻᒪᓗ ᐊᖏᕐᕋᖅᓯᒪᓗᑎᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᐅᓂᕐᒧᑦ ᑐᓴᐅᒪᖃᑦᑕᐅᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.222.0663 or
1.800.667.2742