ᐃᒻᒥᖕᓄᑦ/ᓯᓚᑎᒥᖕᓄᑦ ᒪᑐᐃᖓᔪᖅ
ᐃᖅᑲᓇᐃᔮᒃᓴᖅ: ᖃᐅᔨᒪᔨᒻᒪᕆᒃᓴᒥᒃ, ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐊᖏᕈᑎᑦ
ᐃᖅᑲᓇᐃᔮᕐᒧᑦ ᐊᑕᔾᔪᑖ: ᓇᓗᓇᐃᖅᓯᒪᓐᖏᑦᑐᖅ ᐃᓂᖓ: ᐃᖃᓗᐃᑦ, ᓄᓇᕗᑦ
ᒪᑐᐃᖓᔪᖅ ᐅᑯᓄᖓ: ᐃᖅᑲᓇᐃᔭᓕᖅᑎᑕᐅᖄᕐᓂᐊᖅᑐ ᐃᓄᐃᑦ ᐱᔪᓐᓇᐅᑎᖃᖅᑐᑦ ᓄᓇᕗᑦ ᐊᖏᕈᑎᖏᑦᑎᒍᑦ
ᐅᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᕿᓂᖅᑐᑦ ᖃᐅᔨᒪᔨᒻᒪᕆᒃᓴᒥᒃ, ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐊᖏᕈᑎᑦ.
ᐅᓇ ᐃᖅᑲᓇᐃᔮᒃᓴᖅ ᐃᑲᔫᑎᔪᓂᒃ ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᓴᓇᔭᐅᔪᓂᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᖐᑦ ᐱᔭᕇᖅᓯᓗᑎᒃ ᐱᔭᒃᓴᒥᖕᓂᒃ ᐊᑖᒍᑦ ᓄᓇᕗᑦ ᐊᖏᕈᑎᑦ. ᐅᓇ ᐃᖅᑲᓇᐃᔮᒃᓴᖅ ᓈᒻᒪᒃᑐᖅ ᑭᓇᑐᐃᓐᓇᒧᑦ ᖁᕕᐊᒋᔭᓕᖕᒧᑦ ᓴᓇᖃᑎᖃᕆᐊᒃᓴᖅ ᐃᓅᖃᑎᒥᓂᒃ, ᐃᒃᐱᒍᓱᑦᑎᐊᖅᑐᖅ ᐃᓄᐃᑦ ᐱᔪᓐᓇᐅᑎᖃᕐᒪᑕ, ᐊᒻᒪᓗ ᐃᑲᔪᕈᒪᔪᖅ ᓱᕈᖅᓴᖅᑕᐅᒋᐊᖃᓐᖏᑦᑐᓄᑦ ᐊᒻᒪᓗ ᒪᑭᒪᓇᓱᐊᖅᑎᑦᑎᓂᕐᒧᑦ ᒪᑐᐃᖓᔪᓄᑦ ᕿᑭᖅᑕᓂ. ᐅᓂᒃᑳᖃᑦᑕᕐᓗᑎᑦ ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐊᖏᕈᑎᑦ ᐊᐅᓚᑦᓯᔨᖓᓄᑦ, ᐅᓇ ᖃᐅᔨᒪᔨᒻᒪᕆᒃ ᐃᑲᔫᑎᓂᐊᖅᑐᖅ ᐸᕐᓇᐃᔪᓂ ᐊᒻᒪᓗ ᑲᔪᓯᑎᓪᓗᒋᑦ ᐃᓄᐃᑦ ᐊᒃᑐᖅᓴᐅᓂᖏᓐᓄᑦ ᐃᑲᔫᓯᐊᖅᑖᕈᑎᒃᓴᖏᓐᓄᓪᓗ ᐊᖏᕈᑎᑦ. ᐅᑯᐊ ᐊᖏᕈᑎᑦ ᐊᑕᔪᑦ ᒥᕐᖑᐃᖅᓯᕐᕕᖕᓄᑦ, ᓴᐳᒻᒥᔭᐅᔪᑦ ᓄᓇᐃᑦ ᑕᕆᐅᓪᓗ, ᐊᒻᒪᓗ ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐱᔭᒃᓴᐃᑦ. ᐅᓇ ᐃᓂᖓ ᐃᓚᖃᖅᑐᖅᑕᐅᖅ ᓴᓇᖃᑎᖃᕐᓗᓂ ᐱᓇᓱᐊᖃᑎᒋᔭᐅᓲᓂᒃ ᓲᕐᓗ ᐃᓄᐃᑦ ᐊᐅᓚᑦᓯᔨᖏᓐᓂᑦ, ᒐᕙᒪᒃᑯᑦ ᓄᓇᕗᒻᒥ, ᐊᒻᒪᓗ ᒐᕙᒪᑐᖃᒃᑯᑦ. ᐊᐅᓪᓚᖃᑦᑕᕆᐊᖃᕐᓂᐊᖅᑐᑎᑦ. ᑕᐃᒪᐃᑦᑑᓗᑎᑦ ᓱᕈᖅᑕᐅᑦᑕᐃᓕᑎᑦᑎᓂᖅ ᒪᑭᒪᓇᓱᐊᕈᑕᐅᔪᓄᑦ ᖃᐅᔨᒪᔨᒻᒪᕆᐅᓗᑎᑦ ᐃᑲᔪᕐᓂᐊᖅᑐᑎᑦ ᐋᕿᒃᓱᐃᖃᑦᑕᕐᓗᑎᑦ ᑲᑎᒪᓂᐊᖅᑐᓂᒃ, ᐃᑲᔪᕐᓗᑎᑦ ᓄᓇᓕᖕᓂ ᑐᑭᓯᓇᓱᖃᑎᒌᒃᑐᓂ, ᐊᒻᒪᓗ ᒪᓕᒃᓗᒋᑦ ᖃᓄᐃᓕᖓᓕᕐᒪᖔᑕ ᐱᓕᕆᐊᖑᔪᑦ ᐊᒻᒪᓗ ᑮᓇᐅᔭᒃᓴᐃᑦ. ᐃᖅᑲᓇᐃᔮᑦ ᐃᓚᖃᖅᑐᖅ ᑎᑎᕋᖃᑦᑕᕐᓗᑎᒃ ᐅᓂᒃᑳᓂᒃ, ᑎᑎᕋᖃᑦᑕᕐᓗᑎᑦ ᑲᑎᒪᐅᑎᒃᓴᑦ ᑎᑎᖃᖏᓐᓂᒃ, ᐊᒻᒪᓗ ᐃᑲᔪᖃᑦᑕᕐᓗᑎᑦ ᐊᖏᕈᑎᓕᕆᔪᓂᒃ ᐊᒻᒪᓗ ᐸᕐᓇᐃᔪᓂᒃ ᑎᑎᖃᓂᒃ. ᖃᐅᔨᒪᔨᒻᒪᕆᐅᓗᑎᑦ ᐃᑲᔫᑎᓂᐊᖅᑐᖅ ᐃᓱᓕᕕᒃᓴᐃᑦ ᓱᓇᑐᐃᓐᓇᓄᑦ ᖄᖏᐅᑎᔭᐅᓐᖏᒃᑲᓗᐊᕐᒪᖔᑕ ᐊᒻᒪᓗ ᐱᓕᕆᐊᖑᔪᑦ ᓈᒻᒪᓈᖅᓯᒪᑦᑎᐊᕐᓗᑎᒃ.
ᐃᒪᐃᓕᖓᔪᓂᒃ ᕿᓂᖅᐳᒍᑦ:
- ᑐᑭᓯᓯᒪᓗᒋᑦ ᓄᓇᕗᑦ ᐊᖏᕈᑎᖏᑦ ᐃᑲᔫᑎᒻᒪᕆᒃᑐᖅ;
- ᐅᖃᓪᓚᒍᓐᓇᑦᑎᐊᕐᓗᑎᑦ ᐊᒻᒪᓗ ᑎᑎᕋᕈᓐᓇᑦᑎᐊᕐᓗᑎᑦ;
- ᐋᕿᑦᑎᐊᖅᓯᒪᓗᒋᑦ ᓴᓇᔭᑎᑦ ᐊᒻᒪᓗ ᐊᐅᓚᑦᑎᓗᑎᑦ ᐊᒥᓱᓂᒃ ᐱᔭᒃᓴᓂᒃ ᐊᑕᐅᑦᑎᒃᑯᑦ;
- ᐃᖅᑲᓇᐃᔭᕈᓐᓇᕐᓗᑎᑦ ᐃᓗᑑᔾᔨᓗᑎᑦ ᐊᒻᒪᓗ ᐱᓕᕆᖃᑕᐅᖕᒥᓗᑎᑦ ᐱᓇᓱᐊᖃᑎᒌᒃᑐᓂ;
- ᑮᓇᐅᔭᖅᑑᑎᑦ ᐊᒻᒪᓗ ᐊᐅᓚᑦᑎᔾᔪᑕᐅᔪᓂ ᓴᓇᔪᓐᓇᕆᐊᖃᖅᑕᑎᑦ (ᒪᓕᑦᑎᐊᕐᓗᒋᑦ ᑮᓇᐅᔭᖅᑑᑎᑦ ᐊᒻᒪᓗ ᐅᓂᒃᑳᓕᐊᕆᓗᒋᑦ);
- ᑐᑭᒧᐊᒃᑎᑦᑎᖃᑦᑕᖅᓯᒪᒍᕕᑦ ᐅᕝᕙᓘᓐᓃᑦ ᐃᑲᔪᖃᑦᑕᖅᖢᑎᑦ ᐊᓯᖕᓂᒃ ᐃᑲᔫᑎᒻᒪᕆᒃᑐᑦ;
- ᐅᖃᓪᓚᒍᓐᓇᕈᕕᑦ ᐃᓄᒃᑐᑦ ᐃᑲᔫᑎᒻᒪᕆᒃᑐᖅ;
- ᓴᓇᖃᑎᖃᖃᑦᑕᖅᓯᒪᓗᑎᑦ ᐃᓄᖕᓂᒃ ᐅᕝᕙᓘᓐᓃᑦ ᓄᓇᖅᑲᖅᑳᖅᓯᒪᔪᑦ ᓄᓇᖏᓐᓂᒃ;
- ᐱᓕᕆᖃᑦᑕᖅᓯᒪᓗᑎᑦ ᓱᕈᖅᓴᖅᑕᐅᑦᑕᐃᓕᑎᑦᑎᓂᖅ ᐱᓕᕆᐊᒃᓴᐃᑦ, ᐱᓕᕆᑎᑦᑎᔾᔪᑕᐅᔪᑦ, ᐅᕝᕙᓘᓐᓃᑦ ᑕᐃᒪᐃᑦᑐᓕᕆᔪᑦ.
ᐅᓇ ᐳᑦᑐᓂᖅᓴᓂᒃ ᐃᓕᓐᓂᐊᖅᓯᒪᒋᐊᓕᒃ ᑕᒪᑐᒥᖓ ᐃᖅᑲᓇᐃᔮᕆᓂᐊᖅᑕᒥᓂᒃ (ᓲᕐᓗ ᓱᕈᖅᑕᐅᑦᑕᐃᓕᑎᑦᑎᓂᖅ, ᓇᖕᒥᓂᖃᖅᑐᓕᕆᓂᖅ, ᐅᕝᕙᓘᓐᓃᑦ ᓈᓴᐅᓯᕆᓂᖅ) ᐅᑯᐊ ᐱᑕᖃᕆᐊᖃᐃᓐᓇᓲᑦ. ᑲᑎᖓᔪᓂᒃ ᐃᓕᓐᓂᐊᖅᓯᒪᖕᒥᒍᕕᑦ ᐊᒻᒪᓗ ᐊᑐᖅᓯᒪᓗᑎᑦ ᓈᒻᒪᒋᔭᐅᓂᐊᕐᒥᔪᑦ.
ᖃᐅᔨᒪᒍᕕᒋᑦ ᓄᓇᕗᒻᒥ ᐊᖏᕈᑎᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᑎᑦᑎᔾᔪᑎᖏᑦ ᐃᑲᔫᑎᒻᒪᕆᒃᑐᑦ.
ᐅᖃᓪᓚᒍᓐᓇᕈᕕᑦ ᐃᓄᒃᑐᑦ ᐊᑑᑎᖃᒻᒪᕆᒃᑐᖅ.
ᖃᓂᒋᔮᓂ ᑮᓇᐅᔭᒃᓴᖏᑦ ᐃᖅᑲᓇᐃᔮᒃᓴᒧᑦ $103,628 ᑎᑭᓪᓗᒍ $124,313 ᐊᕌᒍᒧᑦ, ᐃᓚᖃᖅᑐᖅ ᓄᓇᕗᒻᒥ ᐅᑭᐅᖅᑕᖅᑐᒥ ᐱᓇᓱᐊᖅᑐᓄᑦ ᐃᑲᔫᓯᐊᖅ $27,600 ᐊᕌᒍᒥ. ᐊᕐᕌᒍᒥ ᕼᐋᓚᑏᕈᓐᓇᐅᑎ ᑐᓂᔭᐅᖃᑦᑕᕐᒥᔪᖅ. ᐃᒡᓗᒃᓴᖃᓐᖏᑦᑐᖅ.
ᐱᓇᔪᒍᑎᑦ ᑐᒥᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᖃᕆᓴᐅᔭᒃᑯᑦ, ᐅᕝᕙᓘᓐᓃᑦ ᑎᑎᖃᒃᑯᕕᒃᑯᑦ ᐅᕗᖓ:
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖃᓘᑖ: (867) 975-8400
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᓱᒃᑲᔪᒃᑯᑦ: (867) 979-3238
200-922 ᓯᕗᒻᒧᒋᐊᖅ ᐊᑐᕆᐊᖅ ᖃᕆᓴᐅᔭᒃᑯᑦ: Resumes@qia.ca
ᐃᖃᓗᐃᑦ, ᓄᓇᕗᑦ X0A 3H0
ᒪᑐᕕᒃᓴᖓ ᐅᓪᓗᖅ: ᒪᑐᐃᖓᓂᐊᖅᑐᖅ ᐃᓐᓄᒐᓱᓐᓂᖓᓂ ᑖᓐᓇ