ᐅᖃᐅᓯᖃᕐᓂᖅ ᐅᖃᕋᓴᒡᕕᖕᒧᐊᕐᓂᖅᑐᓄᑦ: ᐅᒃᐱᕆᔭᐅᔪᑦ ᕿᑭᖅᑕᓃᒃᑯᑦ ᑐᓴᖅᑕᕗᑦ ᖃᐅᔨᓴᕐᓂᖅ
ᑐᑭᓯᕚᓪᓕᕋᓱᓘᒋᑦ ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓖᒃ ᓄᓘᔮᓕᕆᓂᕐᒥᒃ (ᐃᓚᐅᑎᑕᐅᓪᓗᑎᒃ ᐅᓪᓗᒥᒧᑦ ᐊᒃᑐᐃᔾᔪᑎᐅᔪᑦ ᓯᕗᓂᒃᓴᑦᑎᓐᓂᓪᓗ ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓖᑦ ᑐᒡᓕᕆᓕᖅᑕᖓᓂ ᐱᓕᕆᔭᐊᔪᒪᔪᒧᑦ ᑐᒃᓯᕋᐅᑎᒥᒃ) ᓄᓇᐅᑉ ᐊᑐᖅᑕᐅᖃᑦᑕᕐᓂᖓᓄᑦ ᐃᓄᐃᓪᓗ ᐃᓅᓯᕆᕙᒃᑕᖏᓐᓂᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐱᓕᕆᖃᑎᖃᖅᖢᑎᒃ ᒥᑦᑎᒪᑕᓕᖕᒥᐅᓂᒃ, ᐃᒡᓗᓕᖕᒥᐅᓂᒃ, ᓴᓂᕋᔭᖕᒥᐅᓂᒃ, ᐃᒃᐱᐊᕐᔪᖕᒥᐅᓂᒃ ᑲᖏᖅᑐᒑᐱᖕᒥᐅᓂᓪᓗ ᖃᐅᔨᓴᐃᕙᓪᓕᐊᑎᓪᓗᒋᑦ (ᐊᑎᖃᖅᑐᖅ ᑐᓴᖅᑕᕗᑦ ᖃᐅᔨᓴᕐᓂᖅ) ᖃᓄᖅ ᐃᓄᐃᑦ ᓄᓇᖓ ᐊᑐᖅᑕᐅᕙᖕᒪᖔᑦ. 2019 ᐊᒻᒪ 2021 ᐊᕐᕌᒍᖓᓂ, 137 ᐃᓄᐃᑦ ᓄᓇᓕᖕᒥᐅᑕᑦ ᑖᒃᑯᓇᖔᖅᖢᑎᒃ ᑕᓪᓕᒪᓂᒃ ᓄᓇᓕᖕᓂ ᐊᐱᖅᓱᖅᑕᐅᓚᐅᕐᒪᑕ. ᐊᐱᖅᓱᖅᑕᐅᔪᑦ ᐱᖓᓱᓂᒃ ᐅᓂᒃᑳᓕᐅᕈᑕᐅᓪᓗᑎᒃ ᑐᓂᔭᐅᓪᓗᑎᒡᓗ ᓄᓇᕗᑦ ᐊᕙᑎᓕᕆᔨᒃᑯᖏᓐᓄᑦ, ᓴᖅᑭᑦᑏᓪᓗᐊᑕᖅᑐᑦ ᐃᓱᒪᓘᑎᓂᒃ ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓕᖕᓂᓪᓗ ᓄᓇᓕᖕᓄᑦ ᐃᓄᖏᓐᓄᓪᓗ.
ᐱᖓᓱᑦ ᐅᓂᒃᑳᓕᐊᑦ ᓇᓗᓇᐃᖅᓯᔪᑦ ᐃᓱᒫᓘᑎᐅᕙᒃᑐᓂᒃ ᐱᔾᔪᑎᒋᓪᓗᒍ ᐱᖁᑎᒋᔭᐅᖏᓐᓇᖅᑐᑦ ᐃᓄᐃᓪᓗ ᐃᓅᓯᕇᓐᓇᖅᑕᖓ ᓄᓘᔮᓕᕆᕝᕕᐅᔪᒥᒃ ᓇᓗᓇᐃᖅᑕᐅᓪᓗᑎᒃ ᐃᓄᖕᓂᒃ ᒥᑦᑎᒪᑕᓕᖕᒥᐅᓂᒃ, ᐃᒡᓗᓕᖕᒥᐅᓂᒃ, ᓴᓂᕋᔭᖕᒥᐅᓂᒃ, ᐃᒃᐱᐊᕐᔪᖕᒥᐅᓂᒃ ᑲᖏᖅᑐᒑᐱᖕᒥᐅᓂᓪᓗ. ᐊᐱᖅᓲᑏᑦ ᓄᓇᙳᐊᓕᕆᔪᓪᓗ ᓄᐊᑕᐅᓚᐅᖅᑐᑦ, ᓂᐱᓕᐅᖅᑕᐅᓪᓗᑎᒡᓗ ᖃᐅᔨᓴᖅᑕᐅᓪᓗᑎᒡᓗ ᖃᐃᔨᓴᐃᔨᓂᒃ ᕿᑭᖅᑕᓃᒃᑯᓪᓗ ᖃᐅᔨᓴᐃᔨᖏᓐᓂᒃ, ᓇᓗᓇᐃᖅᓯᓚᐅᖅᑐ ᐊᑐᓂ ᖃᓄᐃᓕᖓᓂᐅᔪᑦ ᒪᓕᒃᖢᒋᑦ ᐃᓄᐃᑦ ᐱᒻᒪᕆᐅᒋᔭᖏᑦ ᖃᓄᕐᓗ ᓄᓘᔮᓂ ᐅᔭᕋᒃᓯᐅᕐᕕᒃ ᐊᒃᑐᐃᓂᖃᕐᓂᖓᓂᒃ ᐊᓐᓂᕆᔭᐅᔪᓂᒃ ᐃᓄᖕᓄᑦ ᓄᓇᓕᖕᓄᓪᓗ. ᖃᐅᔨᓚᐅᖅᑐᒍᑦ ᖃᔅᓯᒐᓚᐅᓂᖏᓐᓂᒃ ᐊᒃᑐᕈᑕᐅᔪᑦ ᐅᖃᖅᑕᐅᖏᓐᓇᖅᑐᓪᓗ ᐅᖃᐅᓯᐅᖏᓐᓇᖅᑐᓪᓗ ᐊᐱᖅᓱᖅᑕᐅᑎᓪᓗᒋᑦ, ᐃᓚᖃᖅᖢᑎᒃ ᐱᒻᒪᕆᐅᒋᔭᐅᓂᖓ ᐊᖑᓇᓱᒡᕖᑦ ᓄᓇᒥ ᐃᒫᓂ, ᐃᖃᓗᒐᓱᒡᕕᖕᓂ, ᐃᒪᑦᑎᐊᕙᓕᖕᓂ, ᓄᒃᑕᕈᓐᓇᕐᓃᓪᓗ ᐊᐅᓪᓛᖅᓯᒪᐃᓐᓇᕈᓐᓇᕐᓃᓪᓗ, ᐃᓄᐃᓪᓗ ᐱᒻᒪᕆᐅᒋᔭᖏᑦ ᐱᖅᑯᓯᖏᓐᓄᑦ ᖃᐅᔨᒪᔭᖏᓪᓗ ᑐᓂᔭᕆᐊᖃᕐᓂᖏᓐᓄᑦ ᑭᖑᕚᖏᓐᓄᑦ ᓯᕗᓂᒃᓴᑐᖄᓗᒃᑎᓐᓄᑦ. ᐅᓂᒃᑳᑦ ᐋᖅᑭᒃᓱᖅᑕᐅᓯᒪᔪᑦ ᖃᓄᐃᓕᖓᓃᑦ ᒪᓕᒃᖢᒋᑦ (ᓇᓗᓇᐃᒃᑯᑦᑎᖅᑕᐅᓯᒪᔪᑦ ᐊᓐᓂᕆᔭᐅᔪᑦ) ᐱᒻᒪᕆᐅᔪᑦ ᐃᓄᖕᓄᑦ, ᐃᓚᐅᑎᑦᑎᓪᓗᑎᒃ ᐅᖃᖅᑕᐅᔪᓂᒃ ᐊᐱᖅᓱᖅᑕᐅᑎᓪᓗᒋᑦᐱᓗᐊᖅᑐᒥᒃ ᓄᓇᒥ ᓇᒦᓐᓂᕆᔭᖏᑦ ᐃᓄᖕᓄᒃ ᑭᓱᖃᕐᕕᐅᕙᒃᑐᑦ ᐊᓐᓂᕆᔭᐅᔪᓪᓗ. ᐅᓂᒃᑳᖅ ᐅᓂᒃᑲᐅᓯᖃᕆᓪᓗᓂ ᐊᒃᑐᖅᑕᐅᔾᔪᑎᐅᑐᐃᓐᓇᕆᐊᓕᖕᓂᒃ ᓄᓘᔮᓕᕆᓂᕐᒥᒃ, ᐅᖃᖅᑕᐅᓯᒪᓪᓗᑎᒃ ᐃᓄᖕᓄᑦ. ᐅᓂᒃᑳᓕᐊᑦ ᑕᑯᔭᐅᔪᓐᓇᖅᑐᑦ ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓂ ᐅᕙᓂ, ᓄᓇᕗᑦ ᐊᕙᑎᓕᕆᔨᒃᑯᓪᓗ ᐃᑭᐊᖅᑭᕕᖓᓂ ᐅᕙᓂ.
ᑐᓴᖅᑕᕗᑦ ᐊᓐᓂᕆᔭᐅᔪᑦ ᐅᑭᐅᖑᕗᑦ: