ᓇᐃᓈᖅᑐᑦ: ᖃᓂᒌᓗᐊᖅᑕᐃᓕᓂᖅ ᓅᓯᒪᑎᓪᓗᑎᑦ ᐃᑲᔪᖅᑕᐅᓗᑎᑦ ᕿᑭᖅᑕᓃᒃᑯᓐᓂᑦ

ᓇᐃᓈᖅᑐᑦ: ᖃᓂᒌᓗᐊᖅᑕᐃᓕᓂᖅ ᓅᓯᒪᑎᓪᓗᑎᑦ ᐃᑲᔪᖅᑕᐅᓗᑎᑦ ᕿᑭᖅᑕᓃᒃᑯᓐᓂᑦ

 In blog-inuk, COVID Post, COVID19-inuk

ᒫᑦᓯᐅᑉ ᓄᙳᕈᔪᖓᓂ 2020ᒥ ᕿᑭᖅᑕᓃᒃᑯᑦ ᓴᖅᑭᑎᑦᓯᓚᐅᕐᒪᑕ ᐊᔾᔨᒌᙱᑦᑐᓂᒃ ᐃᑲᔫᑎᓂ ᐃᑲᔫᑕᐅᓂᐊᖅᑐᓄᑦ ᕿᑭᖅᑕᓂ ᐃᓄᖕᓂ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19 ᐊᑐᖅᑎᓪᓗᒍ, ᐱᖃᓯᐅᑎᓪᓗᒋᑦ ᑮᓇᐅᔭᓂᒃ ᐃᓚᒌᓄᑦ ᓅᓯᒪᓂᐊᖅᑐᓄᑦ .

ᖃᐅᔨᒋᐊᓚᐅᕋᑦᑕ ᐃᓚᒌᖑᔪᓄᑦ ᐊᑐᓚᐅᖅᑕᖏᑕ ᒥᒃᓵᓄᑦ.

ᒥᑦᑎᒪᑕᓕᖕᒥ ᓕᐅ ᐊᒻᒪ ᒪᐃᓇ ᒪᒃᑖᖅ

ᓕᐅ ᐊᒻᒪ ᒪᐃᓇ ᒪᒃᑖᖅ ᒥᑦᑎᒪᑕᓕᖕᒥᑦ ᓅᓯᒪᑲᐃᓐᓇᓚᐅᖅᑐᑦ  ᐃᓚᒌᑦ ᑮᓇᐅᔭᑎᒍᑦ ᐃᑲᔪᖅᑕᐅᓪᓗᑎ ᕿᑭᖅᑕᓃᒃᑯᓐᓂᑦ.  .

“ᐃᒡᓗᕋᓛᑦᑎᓐᓃᑲᐃᓐᓇᓚᐅᖅᑐᒍᑦ ᐊᐅᓚᓯᐊᕆᐊᖃᑦᑕᖅᖢᑕ ᐃᕐᖑᑕᕗᓪᓗ,” ᐅᖃᖅᖅ ᒪᐃᓇ ᒪᒃᑖᖅ, “ ᖁᕕᐊᒋᓚᐅᖅᑕᕗᑦ ᑲᔾᔮᖅᖢᑕᓗ ᓅᓯᒪᑎᓪᓗᑕ.”

ᒪᐃᓇᐅᑉ ᐅᐃᖓ ᓕᐅ, ᑐᑭᓯᓚᐅᖅᑐᑦ ᑮᓇᐅᔭᖅᑕᖃᕐᒪᑦ ᐊᑐᐃᓐᓇᐅᔪᓂᒃ ᕙᐃᔅᕗᒃᑯᑦ ᐊᒻᒪᓗ ᓄᓇᓕᐅᑉ ᐅᖃᓪᓚᒡᕕᐊᒍᑦ ᐊᒻᒪᓗ ᑐᒃᓯᕋᖅᖢᓂ ᑮᓇᐅᔭᓂᒃ ᓅᓯᒪᑲᐃᓐᓇᕐᓂᐊᕐᒪᑕ.

ᑖᒃᑯᐊ ᒪᒃᑖᒃᑯᑦ ᐃᓚᒌᑦ 70ᓂ ᑭᓚᒦᑕᓂ ᐅᖓᓯᖕᓂᓕᖕᒥᑦ ᐃᖏᕐᕋᓚᐅᖅᑐᑦ ᐃᒡᓗᕋᓛᖃᕐᕕᒋᔭᖓᓄᑦ ᐃᖃᓗᒃᐱᖕᓂ ᐃᖃᓗᒃᑕᓕᖕᒥᑦ ᖃᓕᒐᓕᖕᓂᓗ.

“ᖁᕕᐊᓇᓚᐅᖅᑐᖅ,” ᐅᖃᖅᑐᖅ ᓕᐅ, “ᐃᕐᖑᑕᕗᑦ ᒪᓕᓚᐅᕐᒪᑕ ᐊᒻᒪᓗ ᓅᖃᑕᐅᒍᒪᖃᑦᑕᓕᖅᖢᑐᒃ.”

ᓕᐅ ᐅᖃᖅᑐᖅ ᓅᓯᒪᓗᓂ ᐃᓚᒌᓄᑦ ᐃᕐᖑᑕᕇᓄᑦ ᖃᓂᓪᓕᒃᑲᓐᓂᕐᓇᓚᐅᖅᑐᖅ, “ᐅᕙᓐᓂ ᒪᓖᓐᓇᖃᑦᑕᓚᐅᖅᑐᑦ ᓄᓱᒃᓯᖃᑕᐅᓪᓗᑎᒃ ᓇᓗᐊᓂ ᐃᖃᓗᒃᑕᖃᙱᒃᑲᓗᐊᕐᒪᖔᑦ.”

ᖁᕕᐊᓇᕐᓂᖅᐹᖑᓚᐅᖅᑐᖅ ᑖᓐᓇ ᐃᕐᖑᑕᖓ ᓄᑲᖅᖠᖅᐹᖅ, ᐱᓕᐴᓯ ᐊᒧᓯᓚᐅᕐᓂᖓᓂ ᐃᖃᓗᔾᔪᐊᕐᒥ (Greenland Shark) ᖃᓕᒐᓕᕐᓂᐊᕈᑎᖏᓐᓂᑦ.  ᐱᓕᐴᓯ ᑕᑯᓯᒪᒐᓗᐊᖅᑎᓪᓗᒍ ᓯᕗᓂᐊᓂ, ᐃᓕᓴᕆᑲᐅᑎᒋᔪᓐᓇᓚᐅᙱᑦᑕᖓ ᒪᑭᑕᐅᖕᒪᑦ.

ᒪᐃᓇ ᑕᑯᖕᒪᒍᑦ ᖃᓪᓗᐱᓪᓘᒐᓱᒋᓚᐅᖅᑕᖓ.

ᑖᒃᑯᐊ ᒪᒃᑖᒃᑯᑦ ᐃᓚᒌᑦ ᐸᕐᓇᒃᐸᓪᓕᐊᔪᑦ ᐊᐅᓚᓴᕆᐊᓛᕐᒪᑕ ᐱᓇᓱᐊᕈᓯᑦᑎᓐᓂ ᐊᑭᐊᓄᑦ.  ᐊᒥᓱᕌᒍᒪᒐᓗᐊᖅᑐᑦ ᒥᑦᑎᒪᑕᓕᖕᒥᐅᑦ ᐱᔾᔪᑎᒃᓴᖃᙱᑦᑐᑦ ᖃᓕᒐᓕᒃᑐᕈᓐᓇᓛᕐᒪᑕ..

ᐸᖕᓂᖅᑑᕐᒥᐅᑦ ᔫᓯᐱᑦ ᕿᓚᕝᕙᖅ ᐊᒻᒪᓗ ᑯᐊᑦᓂ ᑳᒃᔅ

ᔫᓯᐱ ᕿᓚᕝᕙᖅ ᐊᒻᒪᓗ ᑯᐊᑦᓂ ᑳᒃᔅ ᐃᕐᓂᖓᓗ ᐃᓚᐃᔭ ᐸᖕᓂᖅᑑᒥᑦ ᑮᓇᐅᔭᖅᑖᕆᔭᒥᓂᑦ ᕿᑭᖅᑕᓃᒃᑯᓐᓂᑦ ᐊᑐᓚᐅᖅᑐᑦ ᐃᒡᓗᕋᓛᕐᒦᒋᐊᖅᑐᖅᖢᑎᒃ ᑕᐃᑲᓂ Bon Accordᒥ.  ᐸᕐᓇᒃᐸᓪᓕᐊᖕᒥᔪᑦ ᐊᑯᓂᐅᒋᐊᖅᑐᕈᒪᓪᓗᑎᒃ ᐃᒡᓗᕋᓛᒥᓄᑦ.

ᐃᒡᓗᓕᖕᒥ ᓯᕚᔅᑎᐊᓐ ᑯᐹᒃ ᐃᓚᒌᓪᓗ

ᓯᕚᔅᑎᐊᓐ ᑯᐹᒃ ᑮᓇᐅᔭᓂᑦ ᕿᑭᖅᑕᓃᒃᑯᓐᓂᑦ ᐊᑐᓚᐅᖅᑐᑦ ᐃᓚᒌᓂ ᑐᒃᑐᓕᐊᕈᔾᔨᓪᓗᓂ ᐃᒡᓗᓕᐅᑉ ᖃᓂᒋᔭᖓᓄᑦ. ᐊᔾᔨᓕᐅᖅᓯᒪᔭᖏᓐᓂ ᐃᓕᓯᓯᒪᔪᖅ ᕿᑭᖅᑕᓃᒃᑯᑦ ᕙᐃᔅᕗᖓᓂ

ᐃᖃᓗᖕᒥᐅᑦ ᕕᓕ ᖁᕕᖅ ᐃᓚᒌᓪᓗ

ᕕᓕ ᖁᕕᖅ ᐃᖃᓗᖕᒥᐅᑦ ᑮᓇᐅᔭᖅᑖᕆᔭᒥᓂᑦ ᕿᑭᖅᑕᓃᒃᑯᓐᓂᑦ ᐊᑐᓚᐅᖅᑐᖅ ᓇᑦᑎᖅᓯᐅᖅᖢᓂ, ᐃᖃᓪᓕᐊᖅᖢᓂ ᐊᕿᒡᒋᖅᓯᐅᖅᖢᓂᓗ.

“ᐱᓇᓱᐊᕈᓯᐅᑉ ᐅᖓᑖᓄᑦ ᓅᓯᒪᓚᐅᖅᑐᒍᑦ,” ᐅᖃᖅᑐᖅ ᕕᓕ, “ᓅᓯᒪᖃᑦᑕᕐᓂᖅ ᑲᔾᔮᕐᓇᐃᓐᓇᖃᑦᑕᖅᑐᖅ, ᖁᔭᓐᓇᒦᒃ ᕿᑭᖅᑕᓃᒃᑯᑦ!”

ᐊᓯᖏᑦᑕᐅᑉ ᐊᒥᓱᑦ ᐃᓚᒌᑦ ᓇᒃᓯᐅᔾᔨᕙᓪᓕᐊᖃᑦᑕᖅᑐᑦ ᐊᔾᔨᙳᐊᓂ ᐅᓂᒃᑳᖏᓐᓂᓗ − ᐊᓕᐊᓇᐃᑦ ᐊᓯᖏᓐᓂᑦ ᐃᓄᖕᓂᑦ ᐅᖃᓕᒪᖃᑎᖃᕈᓐᓇᓛᖅᑐᑦ ᐊᑐᓚᐅᖅᑕᖏᑦ ᒥᒃᓵᓄᑦ ᓅᓯᒪᑎᓪᓗᒋᑦ ᖃᓂᒌᓗᐊᖅᑕᐃᓕᓂᖅ ᐱᔾᔪᑎᒋᓪᓗᒍ.

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ