ᓇᐃᓈᖅᑐᑦ: ᕿᑭᖅᑕᓃᒃᑯᑦ ᐃᑲᔪᖅᑐᑦ ᐊᐅᓱᐃᑦᑐᕐᒥ ᐊᖑᓇᓱᒃᑏᑦ ᑲᑎᒪᔨᖏᓐᓂ ᓂᕿᖃᖅᑎᑦᓯᓪᓗᑎᒃ ᓄᓇᓕᖕᒥᐅᓂ ᐊᑐᖅᑎᓪᓗᒍ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19

ᓇᐃᓈᖅᑐᑦ: ᕿᑭᖅᑕᓃᒃᑯᑦ ᐃᑲᔪᖅᑐᑦ ᐊᐅᓱᐃᑦᑐᕐᒥ ᐊᖑᓇᓱᒃᑏᑦ ᑲᑎᒪᔨᖏᓐᓂ ᓂᕿᖃᖅᑎᑦᓯᓪᓗᑎᒃ ᓄᓇᓕᖕᒥᐅᓂ ᐊᑐᖅᑎᓪᓗᒍ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19

 In blog-inuk, COVID Post, COVID19-inuk

ᑲᑎᒪᔨᑦ ᐊᐃᕕᖅ ᐅᒪᔪᕐᓂᐊᖅᑎᒃᑯᑦ ᐊᐅᓱᐃᑦᑐᕐᒥ ᑮᓇᐅᔭᖅᑖᕆᓚᐅᖅᑕᖏᓐᓂᑦ ᕿᑭᖅᑕᓃᒃᑯᓐᓂᑦ ᓂᕿᖃᖅᑎᑦᓯᓪᓗᑎᒃ ᓄᓇᓕᖕᒥᐅᓂ ᐊᑐᖅᑎᓪᓗᒍ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19.

ᐅᓪᓗᒥᒧᑦ, ᐊᖑᓇᓱᒃᑏᑦ ᐊᖑᓯᒪᔪᑦ 1,000 ᑭᓗᒍᕌᒻᔅᓂ ᐅᖁᒪᐃᓐᓂᓕᖕᓂᑦ ᓂᕿᒻᒪᕆᖕᓂᑦ ᐅᒥᖕᒪᕕᓂᕐᓂᑦ, ᐃᖃᓗᒃᐱᖕᓂᑦ, ᓇᑦᑎᕕᓂᕐᓂᑦ, ᐊᕿᒡᒋᕕᓂᕐᓂ, ᐅᑲᓕᕕᓂᕐᓂ ᓇᓄᕕᓂᕐᓂᓗ.

ᐃᓐᓇᐃᑦ ᐊᒻᒪ ᐃᓚᒌᑦ ᐊᖑᓇᓱᒃᑎᖃᙱᑦᑐᑦ ᓄᕝᕕᒃᓴᖃᙱᑦᑐᑦ ᓯᕗᓪᓕᐅᑎᑕᐅᓚᐅᖅᑐᑦ.  ᑭᓯᐊᓂ, ᓂᕿᖅᑐᒻᒪᕆᐅᓂᖏᓐᓂᑦ, ᐃᒡᓗᖃᖅᑎᐅᔪᓕᒫᑦ ᐱᔪᓐᓇᓚᐅᖅᑐᑦ.  ᓄᓇᓕᒃ ᑐᓂᓯᓚᐅᕐᒥᔪᑦ 250ᓂ ᑭᓗᒍᕌᒻᔅᓂ ᐅᖁᒪᐃᓐᓂᓕᖕᓂᑦ ᐅᒥᖕᒪᕕᓂᕐᓂ ᐅᒪᔪᕐᓂᐊᖅᑎᒃᑯᓐᓄᑦ ᐃᒃᐱᐊᕐᔪᖕᒥ.

“ᒫᓐᓇ ᐊᑐᖅᑎᓪᓗᑎᒍ ᐳᕝᕕᕆᓐᓇᖅᑐᒥᒃ ᖃᓂᒪᓇᖅ-19ᒥ ᓂᕿᒃᓴᖃᑦᑎᐊᖁᔨᓯᒪᓚᐅᕋᑦᑕ ᓄᓇᓕᖕᒥᐅᓂ,” ᐅᖃᖅᑐᖅ ᐊᐃᕕᒃᑯᑦ ᐊᒡᓚᒃᑎᖓ ᒫᑎ ᖁᕐᓗᕈᖅᑐᖅ,” ᐊᒥᐊᒃᑯᖃᖅᐸᑦ, ᐄ ᑐᓂᓯᒍᓐᓇᖅᑐᒍᑦ ᐊᓯᖏᓐᓄᑦ ᓄᓇᓕᖕᓄᑦ.  ᐊᖑᓇᓱᒃᑏᑦ ᐊᖑᔭᒥᓂᒃ ᐸᔪᖅᑎᕆᖃᑦᑕᐃᓐᓇᕐᒪᑕ ᐃᓅᖃᑎᒥᓄᑦ.  ᐊᔾᔨᒋᙱᑕᑐᐊᖓ ᐅᓪᓗᒥ, ᐊᑭᓕᖅᓱᖅᑕᐅᔪᓐᓇᖅᓯᔪᑦ ᐊᖑᓇᓱᖕᓂᕐᒥᒃ.  ᑕᒪᓐᓇ ᐊᒃᓱᐊᓗᒃ ᖁᕕᐊᓇᖅᑐᖅ.

ᑮᓇᐅᔭᐃᑦ ᐊᑐᖅᑕᐅᔪᑦ ᐊᖑᓇᓱᖕᓂᕐᒥ ᕿᑭᖅᑕᓃᒃᑯᓐᓂᙶᖅᑐᑦ ᓄᓇᕗᑦ ᑐᙵᕕᒃᑯᓐᓂᓗ. ᓄᓇᖅᑲᑎᒥᓄᑦ ᐊᖑᓇᓱᒍᔾᔨᓂᕐᒧᑦ ᑮᓇᐅᔭᖃᕈᑎᑦ ᑕᒪᐃᓐᓄᑦ ᓄᓇᓕᖕᓂ ᐊᖑᓇᓱᑏᑦ ᑲᑐᔾᔨᖃᑎᒌᖏᓐᓄᑦ ᓄᓇᕗᖕᒥ ᓄᕙᒡᔪᐊᕐᓇᖅ−19 ᐱᓪᓗᒍ.

ᐃᓚᒋᓪᓗᒍ ᐃᑲᔫᑎᓂᒃ ᐅᒪᔪᕐᓂᐊᖅᑎᑦ ᑲᑎᒪᔨᖏᓐᓄᑦ ᕿᑭᖅᑕᓂ ᓄᓇᓕᖕᓂ, ᕿᑭᖅᑕᓃᒃᑯᑦ ᓴᖅᑮᓯᒪᖕᒥᔪᑦ ᐆᒥᖓ ᖃᓂᒪᓇᖅ -19ᒥᑦ ᐱᔾᔪᑕᐅᓪᓗᓂ ᐸᕐᓇᐅᑎᓂ ᒫᑦᓯᐅᑉ ᓄᙳᕆᓚᐅᖅᑕᖓᓂᑦ. ᑭᐅᔾᔪᑎᖃᕐᓂᕐᒧᑦ ᐸᕐᓇᐅᑎᖓ  $3 ᒥᓕᐊᓐ ᑮᓇᐅᔭᑦ ᐃᑲᔫᑕᐅᔪᑦ ᐃᑲᔪᖅᑕᐅᖁᓪᓗᒋᑦ ᕿᑭᖅᑕᓂ ᓄᓇᓖᑦ ᐊᒻᒪᓗ $2 ᒥᓕᐊᓐ ᑮᓇᐅᔭᑦ ᐃᑲᔫᑕᐅᔪᑦ ᐃᑲᔪᖅᑕᐅᖁᓪᓗᒋᑦ ᕿᑭᖅᑕᓂ ᓄᓇᓖᑦ.

ᒪᓕᒐᒃᓴᐃᑦ ᓂᐅᕕᕈᓐᓇᐅᑏᑦ ᐃᓐᓇᕐᓄᑦ:

https://www.qia.ca/iu/guidelines-covid19-emergency-grocery-vouchers-for-elders/

ᒪᓕᒐᒃᓴᐃᑦ ᐊᖑᓇᓱᒃᑎᓄᑦ ᐃᑲᔫᑎᑦ/ᖃᓂᒌᓗᐊᖅᑕᐃᓕᓂᕐᒥᒃ ᓅᓯᒪᓂᕐᒥ:

https://www.qia.ca/iu/guidelines-covid19-emergency-harvester-initiative/

ᑐᒃᓯᕋᐅᑎ ᖃᓂᒋᔭᖃᓗᐊᖅᑕᐃᓕᓂᕐᒧᑦ ᓅᓯᒪᓂᕐᒥᒃ:

https://www.qia.ca/iu/%e1%90%b3%e1%95%9d%e1%95%95%e1%95%86%e1%93%90%e1%93%87%e1%96%85%e1%91%90%e1%96%85-%e1%96%83%e1%93%82%e1%92%aa%e1%93%87%e1%96%8519-%e1%95%bf%e1%91%ad%e1%96%85%e1%91%95%e1%93%83%e1%92%83/

ᖃᐅᔨᖏᐊᖅᑕᐅᔪᓐᓇᕐᒥᔪᒍᑦ ᐅᕘᓇ COVID-19@qia.ca ᐅᕝᕙᓘᓐᓃᑦ 1-867-975-8383 ᑐᑭᓯᒃᑲᓐᓂᕈᒪᒍᕕᑦ.

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ