ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᖃᑎᖃᖅᑐᑎᒃ ᓄᓘᔮᓂᒃ ᐊᒻᒪ ᒐᕙᒪᑐᖃᒃᑯᓐᓂᒃ ᐱᓕᕆᐊᖃᐃᓐᓇᖅᑐᑦ ᐱᓕᒻᒪᒃᓴᐃᔾᔪᑎᒃᓴᓂᒃ ᐱᕙᓪᓕᐊᑎᑦᓯᓪᓗᑎᒃ ᐊᒻᒪ ᐃᓕᓐᓂᐊᕈᑎᒃᓴᓂᒃ ᕿᑭᖅᑕᓂ.  ᐃᓚᒋᓪᓗᓂᐅᒃ ᑕᒪᑐᒪ ᐱᓕᕆᐊᑉ ᐃᖅᑲᓇᐃᔭᖅᑎᑖᖅᐸᓪᓕᐊᒐᑦᑕ ᐃᓚᐅᒍᒪᔪᓂᒃ ᖃᐅᔨᒪᓕᕈᒪᔪᓂᒃ ᐃᖅᑲᓇᐃᔮᕆᔪᒪᔭᒥᓂᒃ ᐊᑐᕐᓗᒋᑦ ᐱᓕᒻᒪᒃᓴᐃᔾᔪᑏᑦ ᐃᑲᔪᖅᑎᒌᒍᑕᐅᔪᑦ Q-STEP ᐱᓕᕆᐊᖅ.

ᐃᖅᑲᓇᐃᔭᖅᑎᑖᕈᒪᔪᒍᑦ 25-ᓂᒃ ᐆᒻᒪᕆᒃᑐᓂᒃ ᐃᓄᖕᓂᑦ ᐃᖅᑲᓇᐃᔮᖃᕈᒪᔪᓂᒃ ᐃᖅᑲᓇᐃᔮᕇᓐᓇᕐᓂᐊᕐᓗᒍ ᒪᑯᓇᓂ ᐃᓂᐅᔪᓂ:

• ᐊᐅᖅᑭᒃᑎᕆᔩᑦ
• ᐊᐅᓚᐅᑎᓕᖕᓂᑦ ᐋᖅᑭᒃᓱᐃᔩᑦ
• ᐅᖁᒪᐃᑦᑐᖅᓯᐅᑎᓄᑦ ᐊᐅᓚᐅᓯᕆᔨ
• ᓄᓇᓯᐅᑎᐸᐅᔭᕐᓄᑦ/ᐅᓯᑲᑦᑕᐅᑎᓄᑦ ᐊᐅᓚᐅᓯᕆᔨ
• ᓄᓇᓯᐅᑎᑐᐃᓐᓇᕐᓄᑦ ᐊᐅᓚᑕᐅᓯᕆᔨ
• ᐅᐊᔭᓕᕆᔨ
• ᐅᖅᑰᓴᐅᓯᕆᔨ
• ᐊᐅᓚᐅᑎᓕᖕᓂᑦ ᐊᐅᓚᐅᓯᕆᔩᑦ

ᐃᖅᑲᓇᐃᔭᖅᑎᑖᕆᔭᐅᒍᕕᑦ, ᐃᓚᓕᐅᑎᒐᔭᖅᑐᑎᑦ ᓄᓘᔭᓄᑦ ᐃᖅᑲᓇᐃᔮᕆᔭᐅᖏᓐᓇᕐᓂᐊᖅᑐᓄᑦ ᐃᑲᔪᖅᑎᒋᔭᐅᓗᑎᑦ ᑕᖅᑭᓄᑦ ᐱᖓᓲᔪᖅᑐᓄᑦ 6 ᐃᖅᑲᓇᐃᔭᕐᓗᑎᑦ ᐃᓕᓐᓂᐊᖅᓯᓐᓈᑦ ᐃᖅᑲᓇᐃᔮᕆᔪᒪᔭᕐᓂ.  ᐱᐊᓂᒃᑯᕕᐅᒃ ᑕᒪᓐᓇ, ᑎᑎᕋᖅᑎᑕᐅᒐᔭᖅᑐᑎᑦ ᖃᐅᔨᓴᕈᑎᓂᒃ ᐃᓕᓐᓂᐊᕐᓂᐊᕐᓗᓂ.  ᑕᒪᓐᓇ ᐊᑐᕈᕕᐅᒃ ᐱᓕᕆᐊᖅ, ᐅᓪᓗᓕᒫᖅᑕᕐᓗᑎᑦ ᐃᖅᑲᓇᐃᔭᖅᑎᒋᔭᐅᓕᕋᔭᖅᑐᑎᑦ ᐃᓕᓐᓂᐊᖅᓯᓐᓈᑦ ᓄᓘᔮᓂ.!

ᐃᓱᒪᒃᓴᖅᓯᐅᕈᑕᐅᓂᐊᕈᕕᑦ ᒪᓕᒋᐊᖃᕐᓂᐊᖅᑕᑎᑦ ᒪᑯᐊ ᐊᑐᖅᑕᐅᒋᐊᓖᑦ:

• ᐃᓕᓐᓂᐊᕐᕕᐊᓗᖕᒥ ᐃᓕᓐᓂᐊᕌᓂᒡᓗᓂ ᐃᓕᑕᕆᔭᐅᔾᔪᑎᒥᒃ
• ᐅᕝᕙᓘᓐᓃᑦ ᐱᐊᓂᒃᓯᒪᓗᓂ ᐃᓕᓐᓂᐊᕈᑕᐅᒋᐊᓕᖕᓂᑦ ᑕᓪᓕᒪᓂᒃ ᑲᓇᑕᒥ ᐃᓕᓐᓂᐊᕈᑕᐅᒋᐊᓕᖕᓂᑦ (GED) ᖃᐅᔨᓴᕈᑏᑦ
• ᐅᕝᕙᓘᓐᓃᑦ ᐱᐊᓂᒃᑕᐅᑦᓯᐊᕐᓗᑎᒃ ᐃᖅᑲᓇᐃᔮᕆᒍᒪᔭᒥᒃ ᖃᐅᔨᓴᕈᑕᐅᔪᓂᒃ
• ᐅᕝᕙᓘᓐᓃᑦ ᐱᐊᓂᒃᑕᐅᑦᓯᐊᕐᓗᑎᒃ ᐃᖅᑲᓇᐃᔮᕆᔭᐅᓂᐊᖅᑐᓄᑦ ᐃᓕᓐᓂᐊᖅᓯᓐᓈᑦ ᖃᐅᔨᓴᕈᑎᓂᒃ ᐃᓕᓐᓂᐊᕌᓂᒃᑕᐅᒋᐊᓕᖕᓂᑦ ᓄᓇᕗᑦ ᓯᓚᑦᑐᖅᓴᕐᕕᐊᓂ

ᑐᑭᓯᒋᐊᒃᑲᓐᓂᕈᒪᒍᕕᒃ ᑕᒪᓐᓇ ᐱᓕᕆᐊᖅ, ᕿᒥᕐᕈᔪᓐᓇᖅᑕᑎᑦ ᐃᓂᐅᔪᑦ ᒪᓂᒪᔪᑦ ᑕᕆᓴᐅᔭᒃᑯᑦ, ᓇᕿᓪᓗᒍ ᐅᓇ.

ᖃᐅᔨᒪᒍᕕᑦ ᐅᕝᕙᓘᓐᓃᑦ ᐊᓯᖏᓂᑦ ᕿᑭᖅᑕᓃᓐᖔᖅᑐᓂᒃ ᐃᓚᐅᒍᒪᓗᑎᑦ ᑐᒃᓯᕋᕆᐊᒃᓴᖅ ᑕᒪᑐᒥᖓ ᐃᓕᓐᓂᐊᕈᑎᒧᑦ, ᕿᒥᕐᕈᔪᓐᓇᖅᑕᑎᑦ ᐃᓂᐅᔪᑦ ᐃᓕᓐᓂᐊᖅᓯᓐᓈᕈᑕᐅᔪᓐᓇᖅᑐᑦ ᒪᓂᒪᔪᑦ ᐃᓂᐅᔪᑦ ᐅᕙᓂ.

ᖃᐅᔨᒋᐊᕐᕕᒋᔪᓐᓇᖅᑕᑎᑦ ᐃᓚᖓᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐅᕝᕙᓘᓐᓃᑦ ᓄᓘᔮᓂ ᓄᓇᓕᖕᓄᑦ ᑐᓴᐅᒪᑎᑦᑎᔨ.  ᖃᐅᔨᒋᐊᕐᕕᒋᔪᓐᓇᕐᒥᔭᐃᑦ ᓇᕿᓪᓗᒍ ᐊᐱᖅᓲᑕᐅᒐᔪᒃᑐᑦ ᐱᓪᓗᒍ ᐱᓕᕆᐊᖅ ᐊᒻᒪ ᑐᒃᓯᕋᐅᑎᓕᐅᕐᓗᓂ ᐊᑐᖅᑕᐅᒋᐊᓖᑦ.

ᐃᓕᓐᓂᐊᖅᓯᓐᓈᑦ ᐃᖅᑲᓇᐃᔭᕐᓗᓂ ᓴᖅᑭᐅᒪᑎᑕᐅᔪᑦ ᐊᑐᖅᑐᒋᑦ ᕿᑭᖅᑕᓂ ᐱᓕᒻᒪᒃᓴᐃᓂᕐᒧᑦ ᐊᒻᒪ ᐃᓕᓐᓂᐊᖅᑎᑦᓯᓂᖅ ᐃᖅᑲᓇᐃᔮᒃᓴᓄᑦ ᐃᑲᔪᖅᑎᒌᒍᑕᐅᓪᓗᓂ (Q-STEP) ᐱᓕᕆᐊᖅ.

ᑮᓇᐅᔭᖃᖅᑎᑕᐅᔪᑦ ᒐᕙᒪᑐᖃᒃᑯᑦ ᐱᓕᒻᒪᒃᓴᐃᔾᔪᖏᓐᓄᑦ ᐃᑲᔪᑎᒌᒍᑏᑦ ᑮᓇᐅᔭᑦ.