ᑲᑐᔾᔨᖃᑎᒌᒃᑯᑦ/ᐹᕕᓐᓛᓐᑯᑦ ᖁᕕᐊᓲᑎᓖᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐱᔭᕇᓚᐅᖅᑐᓂᑦ ᓂᕆᕕᔾᔪᐊᑎᑦᑎᓪᓗᑎᒃ ᐊᒻᒪᓗ ᓄᓘᔮᓕᕆᓂᕐᒥ ᐊᕐᕌᒍᑕᒫᕐᓯᐅᒻᒥᑦ ᐱᓕᕆᐊᕐᒥ ᕿᒥᕐᕈᓪᓗᑎᒃ ᓴᓂᕋᔭᒻᒥ

ᑲᑐᔾᔨᖃᑎᒌᒃᑯᑦ/ᐹᕕᓐᓛᓐᑯᑦ ᖁᕕᐊᓲᑎᓖᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐱᔭᕇᓚᐅᖅᑐᓂᑦ ᓂᕆᕕᔾᔪᐊᑎᑦᑎᓪᓗᑎᒃ ᐊᒻᒪᓗ ᓄᓘᔮᓕᕆᓂᕐᒥ ᐊᕐᕌᒍᑕᒫᕐᓯᐅᒻᒥᑦ ᐱᓕᕆᐊᕐᒥ ᕿᒥᕐᕈᓪᓗᑎᒃ ᓴᓂᕋᔭᒻᒥ

 In media-releases-inuk

ᑐᓴᕋᔅᓴᕈᖅᑎᑕᐅᔪᖅ

ᐃᓄᓕᒫᓄᑦ ᓇᓗᓇᐃᕐᓯᒋᐊᕈᑦ

ᑎᑎᕋᖅᑕᐅᕕᖓᑕ ᐅᓪᓗᖓ: ᐄᐳᓗ 3, 2018

ᐱᔾᔪᑎᒋᓪᓗᒍ: ᑲᑐᔾᔨᖃᑎᒌᒃᑯᑦ/ᐹᕕᓐᓛᓐᑯᑦ ᖁᕕᐊᓲᑎᓖᑦ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒥ ᐱᔭᕇᓚᐅᖅᑐᓂᑦ ᓂᕆᕕᔾᔪᐊᑎᑦᑎᓪᓗᑎᒃ ᐊᒻᒪᓗ ᓄᓘᔮᓕᕆᓂᕐᒥ ᐊᕐᕌᒍᑕᒫᕐᓯᐅᒻᒥᑦ ᐱᓕᕆᐊᕐᒥ ᕿᒥᕐᕈᓪᓗᑎᒃ ᓴᓂᕋᔭᒻᒥ

ᐱᓕᕆᕕᐅᓂᐊᖅᑐᑦ ᐅᓪᓗᐃᑦ: ᐄᐳᓗ 17ᒥ 18ᒥᓗ, 2018

ᓇᒥ: ᐱᙳᐊᕐᕕᖓᓐᓂ, ᓴᓂᕋᔭᒻᒥᐅᑦ

 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑏᑦ ᑲᑎᒪᓛᕐᖓᑕ ᓄᓘᔮᓕᕆᓂᕐᒥ ᐊᕐᕌᒍᑕᒫᕐᓯᐅᒻᒥᑦ ᐱᓕᕆᐊᕐᒥ ᕿᒥᕐᕈᓗᑎᒃ ᓴᓂᕋᔭᒻᒥ ᐄᐳᓗ 17ᒥ 18ᒥᓗ ᓄᓇᓖᑦ ᐱᙳᐊᕐᕕᖓᓐᓂ.

ᐱᓕᕆᐊᕐᒥ ᕿᒥᕐᕈᓂᖅ ᐱᕕᖃᕈᑕᐅᓛᕐᖓᑦ ᐅᖃᐅᓯᖃᕐᓂᕐᒧᑦ ᐊᑑᑎᓂᕆᕙᑦᑕᖏᓐᓂᒃ ᓄᓘᔮᓂᑦ ᐅᔭᕋᓐᓂᐊᕐᕕᐅᑉ ᓄᓇᓕᓐᓄᑦ ᐊᑦᑐᖅᑕᐅᓯᒪᔪᓄᑦ. ᕿᑭᖅᑕᓂ ᓄᓇᓕᓐᓂᑦ ᑲᑎᒪᔩᑦ ᐊᒻᒪᓗ ᓂᕈᐊᖅᑕᐅᓯᒪᔪᑦ ᐃᓄᑐᖃᐃᑦ ᐃᓅᓱᑦᑐᐃᓪᓗ ᐅᑯᓇᓂ ᓄᓇᓕᓐᓂᑦ ᐃᒃᐱᐊᕐᒧᒃ, ᑲᖏᖅᑐᒑᐱᒃ, ᓴᓂᕋᔭᒃ, ᐃᒡᓗᓕᒃ, ᐊᒻᒪᓗ ᒥᑦᑎᒪᑕᓕᒃ ᑲᑎᒪᔭᖅᑐᕐᓯᒪᓛᖅᑐᑦ ᑲᑎᒪᓂᕐᒧᑦ.

ᑕᒫᓂ ᐊᕐᕌᒍᒥ ᑲᑎᒪᑎᓪᓗᒋᑦ ᓄᓇᓕᓐᓂᑦ ᓂᕆᕕᔾᔪᐊᑎᑦᑎᓛᕐᒥᔪᑦ ᐊᒻᒪᓗ ᑐᑭᓯᑎᑦᑎᒋᐊᕈᑎᖃᕐᓗᑎᒃ ᑲᑎᒪᓂᕐᒥ ᕿᑭᖅᑕᓂ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔫᑉ (ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ) ᒥᔅᓵᓄᑦ ᐊᒻᒪᓗ ᑲᑐᔾᔨᖃᑎᒌᒃᑯᑦ ᐃᓄᓐᓂᑦ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓂᑦ ᑐᑭᓯᐅᒪᔾᔪᑎᔅᓴᖃᕐᕕᐅᑉ ᒥᔅᓵᓄᑦ − ᑐᑦᑕᕐᕕᒃ.

ᑲᑎᒪᓂᖅ ᐱᕕᖃᕈᑕᐅᓛᖅᑐᖅ ᐃᓕᓴᕐᓯᒍᑕᐅᓗᓂ ᕿᑭᖅᑕᓂ ᑲᑐᔾᔨᖃᑎᒌᒍᑕᐅᔪᒥ ᐃᓕᓐᓂᐊᓚᐅᖅᑐᓂᑦ ᓴᓂᕋᔭᒻᒥᐅᓂᑦ, ᖁᕕᐊᓲᑎᖃᕐᓗᑎᒃ ᑲᑐᔾᔨᖃᑎᒌᓐᓂᖏᓐᓂᒃ ᐱᓕᕆᐊᕐᒥ ᑲᔪᓯᑎᑦᑎᒍᓐᓇᕐᓂᖏᓐᓄᑦ, ᐊᒻᒪᓗ ᓴᖅᑭᑎᑦᑎᓗᑎᒃ ᐃᑲᔫᑎᐅᓂᐊᖅᑐᒥᒃ ᐃᓄᓐᓄᑦ ᐊᒥᓱᒃᑲᓂᕐᓄᑦ.

ᕿᑭᖅᑕᓂ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ ᐃᖅᑲᓇᐃᔮᔅᓴᓄᑦ ᑲᑐᔾᔨᖃᑎᒌᒍᑕᐅᔫᑉ (ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᖅ), ᓴᓇᔭᐅᓯᒪᔪᖅ ᐃᑲᔫᑎᖃᕈᒪᓪᓗᑎᒃ ᐃᑲᔫᖅᑕᐅᔾᔪᑎᒋᒋᐊᓕᖏᓐᓂᒃ ᐃᓄᐃᑦ. ᑖᓐᓇ ᐃᑲᔫᑎ ᐃᓕᑉᐸᓪᓕᕈᑕᐅᓪᓚᕆᙳᓱᒻᒪᑦ ᕿᑭᖅᑕᓂ ᓄᓇᓕᓕᒫᓂᑦ, ᑲᒪᒋᔭᖃᓗᐊᕐᓂᐊᖅᑐᑎᒃ ᐃᓕᓐᓂᐊᑎᑦᑎᖃᑦᑕᓂᕐᒥᒃ ᐅᔭᕋᓐᓂᐊᕐᓂᓕᕆᕕᒻᒥ, ᑎᓴᒪᓂᑦ−ᐊᕐᕌᒍᓂᑦ ᐊᐅᓚᓂᖃᕐᓂᐊᖅᑐᓂ ᐃᓱᓕᕝᕕᔅᓴᖃᖅᑐᓂ ᒫᑦᓯ 2021ᒥ.

ᑲᑐᔾᔨᖃᑎᒌᒃᑯᓐᓄᑦ ᓯᕗᓕᖅᑎᑕᐅᓪᓗᓂ ᐱᓕᕆᐸᖅ ᑲᔪᓯᑎᑕᐅᒍᓐᓇᕐᓯᒪᔪᖅ ᑲᓇᑕᐅᑉ ᒐᕙᒪᒃᑯᖏᓐᓂ ᐱᓕᒻᒪᔅᓴᐃᓂᕐᒧᑦ ᑲᑐᔾᔨᖃᑎᒌᒍᑎᖃᕐᓂᒧᓪᓗ ᑮᓇᐅᔭᓂᑦ ᑐᓂᓯᓯᒪᓂᖏᓐᓄᑦ ᐃᑲᔪᖅᑕᐅᓪᓗᑎᒃ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑎᓂᑦ, ᑲᑭᕙᒃ ᑲᑐᔾᔨᖃᑎᒌᖏᓐᓂ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓂ.

ᐊᑕᐅᑦᑎᒃᑯᓪᓗ ᕿᑭᖅᑕᓂ−ᑲᑐᔾᔨᖃᑎᒌᒍᑕᐅᔪᒧᑦ, ᑲᑐᔾᔨᖃᑎᒌᒃᑯᑦ ᓴᖅᑭᑎᑦᑎᓯᒪᒻᒥᔪᑦ ᐃᓄᓐᓂᑦ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓂᑦ ᑐᑭᓯᐅᒪᔾᔪᑎᔅᓴᖃᕐᕕᒻᒥᒃ ᑕᐃᔭᐅᓪᓗᓂ ᐃᒫᒃ ᑐᑦᑕᕐᕕᒃ. ᑐᑭᓯᐅᒪᔾᔪᑎᔅᓴᖃᕐᕕᒃ ᐊᑐᖅᑕᐅᖃᑦᑕᖅᑐᖅ ᓴᖅᑭᑎᑦᑎᕕᐅᕙᑦᑐᓂ ᐃᓕᓐᓂᐊᕈᑎᔅᓴᓂᑦ ᐃᓄᓐᓄᑦ ᐊᒻᒪᓗ ᐃᑲᔫᑎᖃᖅᑐᓂ ᐃᖅᑲᓇᐃᔭᖅᑎᖃᕐᐸᑦᑐᓄᑦ ᓇᓂᓯᖃᑦᑕᓂᕐᒥᒃ ᐃᓕᓐᓂᐊᕐᓯᒪᔪᓂᑦ ᐃᓄᓐᓂᑦ ᐱᖃᑕᐅᔪᓐᓇᖅᑐᓂᑦ ᐃᖅᑲᓇᐃᔮᔅᓴᓂᑦ ᐃᓕᓐᓂᐊᕋᔅᓴᓂᓪᓗ.

ᓄᓇᓕᓐᓂᙶᕐᓯᒪᓗᑎᒃ ᑲᑎᒪᔭᖅᑐᕐᓯᒪᓂᐊᖅᑐᑦ:

 ᐃᒃᐱᐊᕐᔪᒃ

ᓕᕙᐃ ᐹᓇᐹᓯ         ᑲᑐᔾᔨᖃᑎᒌᒃᑯᓐᓂ ᑲᑎᒪᔨ/ᐃᔅᓯᕙᐅᑕᖅ ᐊᖏᕈᑎᓄᑦ

ᑖᒥ ᑕᑦᑕᑐᐊᐱᒃ         ᐃᓄᑐᖃᕐᓂᑦ ᑭᒡᒐᑐᖅᑎ

ᕌᕕᓐ ᖃᐅᓐᓇᖅ         ᐃᓅᓱᑦᑐᓂᑦ ᑭᒡᒐᑐᖅᑎ

ᑲᖏᖅᑐᒑᐱᒃ

ᐃᓅᑎᖅ ᐃᒃᑲᕐᕆᐊᓗᒃ    ᑲᑐᔾᔨᖃᑎᒌᒃᑯᓐᓂ ᑲᑎᒪᔨ

ᐆᑦᑐᕙ ᐊᐅᓚᕿᐊᖅ      ᐃᓄᑐᖃᕐᓂᑦ ᑭᒡᒐᑐᖅᑎ

ᐹᑐᕆᒃ ᐸᓖᑦᑐᖅ        ᐃᓅᓱᑦᑐᓂᑦ ᑭᒡᒐᑐᖅᑎ

ᓴᓂᕋᔭᒃ

ᐊᐃᕙᓚHᐊᒻ ᖃᒪᓂᖅ    ᐃᓄᑐᖃᕐᓂᑦ ᑭᒡᒐᑐᖅᑎ

ᐃᓕᓴᐱ ᐊᕐᓇᕐᔪᐊᖅ      ᐃᓅᓱᑦᑐᓂᑦ ᑭᒡᒐᑐᖅᑎ

 ᐃᒡᓗᓕᒃ

ᔮᓂ ᒪᓚᐃᔭ ᑯᑉᓗ        ᑲᑐᔾᔨᖃᑎᒌᒃᑯᓐᓂ ᑲᑎᒪᔨ

ᓈᑕᓖᓅ ᐱᐅᒑᑦᑐᖅ      ᐃᓄᑐᖃᕐᓂᑦ ᑭᒡᒐᑐᖅᑎ

ᑯᕆᐊᓇ ᒪᓃᑦᑐᖅ        ᐃᓅᓱᑦᑐᓂᑦ ᑭᒡᒐᑐᖅᑎ

ᒥᑦᑎᒪᑕᓕᒃ

ᑕᐃᕕᑎ ᑰᓕ           ᐃᓄᑐᖃᕐᓂᑦ ᑭᒡᒐᑐᖅᑎ

ᐃᓕᓴᐱ ᖁᐊᓴ          ᐃᓅᓱᑦᑐᓂᑦ ᑭᒡᒐᑐᖅᑎ

 ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᓯᐅᕋHᐃ,

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

›szerehi@qia.ca

É(867) 975.8413

É1.800.667.2742

 

Recommended Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ