ᑐᐊᕕᕐᓇᑐᒃᑯᑦ ᓂᕿᑖᕈᑎᒃᓴᑦ ᐃᑲᔫᑏᑦ ᐃᓐᓇᑐᖃᕐᓄᑦ ᐱᓕᕆᐊᖓ ᕿᓚᒥᐅᔪᒃᑰᒐᓗᐊᖅ ᑮᓇᐅᔭᖅᑎᒍᑦ ᐃᑲᔪᖅᑐᐃᔾᔪᑎᒋᓲᕆᕙᕗᑦ ᕿᑭᖅᑖᓗᖕᒥ ᐃᓄᐃᑦ ᐃᓐᓇᑐᖃᕐᓄᑦ ᐅᑭᐅᓖᑦ 60−ᓂᒃ ᐊᒻᒪᓗ ᐅᖓᑖᓄᑦ ᓄᕙᒡᔪᐊᕐᓇᖅ-19 ᐊᐃᑦᑑᑖᓘᖃᑦᑕᑎᓪᓗᒍ.

ᐄᐳᕈᓪ 14−

ᒥᓂᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᖅᑲᓇᐃᔭᖃᑎᖃᖃᑦᑕᖅᓯᒪᕗᑦ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᐃᓐᓇᑐᖃᕐᓂᒃ ᐱᔪᓐᓇᖅᑐᓂᒃ ᑕᒪᒃᑯᓂᖓ ᐃᑲᔫᑎᓂᑦ ᑐᓂᔭᐅᖃᑦᑕᖅᑐᑎᑦ $250 ᓂᕿᑖᕈᑎᒃᓴᐅᔪᓂᑦ ᐊᐅᒃᑕᔫᓂᑦ ᓇᓕᐊᓐᓂᑐᐃᓐᓇᖅ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᐊᑐᖅᑕᐅᔪᓐᓇᓲᑦ. ᑲᖏᖅᑐᒑᐱᖕᒥ, ᐃᖅᑲᓇᐃᔭᖃᑎᖃᖅᓯᒪᕗᒍᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᖏᖕᓂᒃ ᓂᕿᓂᑦ ᑲᑎᖅᓱᖅᓯᒪᔪᓂᒃ ᑐᓂᐅᖅᑲᐃᖃᑦᑕᖁᓪᓗᒋᑦ ᐃᓐᓇᑐᖃᕐᓄᑦ ᑖᒃᑯᑎᒎᓇ ᐱᓕᕆᐊᖅᑎᒍᑦ.

ᑖᓐᓇ ᐃᖅᑲᐃᑎᑦᑎᒍᑎᐅᕗᖅ ᐃᓐᓇᑐᖃᕐᓄᑦ ᑭᖑᓪᓕᖅᐹᒥ ᓂᕿᑖᕈᑎᒃᓴᑦ ᓂᐅᕕᕐᕕᖕᒥ ᐊᐅᒃᑕᔫᑦ ᐊᑐᐃᓐᓇᐅᒪᓛᕐᒪᑕ ᐊᐃᔭᐅᔪᓐᓇᕐᓗᑎᑦ ᐱᒋᐊᕐᓗᒍ ᔫᓂ 23−ᖑᓕᖅᐸᑦ.

ᓂᕿᑖᕈᑎᒃᓴᑦ ᐃᑲᔫᑏᑦ ᐊᐅᒃᑕᔫᑦ ᐊᑐᖅᑕᐅᔪᓐᓇᕋᔭᑐᑦ ᓄᓇᓕᔅᓯᖕᓂ ᑯᐊᐸᒃᑯᓐᓂ ᔫᓂ 30^th−ᕈᕋᓱᐊᕐᓂᖓᓂ.

• ᐃᖃᓗᖕᓂ, ᓂᕿᑖᕈᑎᒃᓴᑦ ᐃᑲᔫᑏᑦ ᐊᐅᒃᑕᔫᑦ ᐊᐃᔭᐅᔪᓐᓇᖅᑐᑦ ᓴᓪᓗᕕᓂᑉ ᓂᐅᕕᕐᕕᖓᓂ
• ᑲᖏᖅᑐᒑᐱᖕᒥ, ᑭᖑᓪᓕᖅᐹᒥᒃ ᒪᕐᕉᒃ ᓂᖀᑦ ᑲᑎᖅᓱᖅᓯᒪᔪᑦ ᐃᑲᔫᑎᒃᓴᑦ ᐋᑕᐅᒐᔭᖅᑐᑦ ᑐᓂᐅᖅᑲᖅᑕᐅᓗᑎᑦ ᔪᓚᐃ 10-ᖑᓕᖅᐸᑦ ᐊᒻᒪᓗ ᔪᓚᐃ 24-ᖑᓕᖅᐸᑦ.

ᓂᕿᑖᕈᑎᒃᓴᑦ ᓂᐅᕕᕐᕕᖕᒥ ᐊᑐᖅᑕᐅᔪᓐᓇᕋᔭᖅᑐᑦ ᓂᕿᑖᕈᑎᒋᔭᐅᓗᑎᑦ ᓱᓇᒃᑯᑖᓂᓪᓗ ᑯᐊᐸᒃᑯᑦ ᓂᐅᕕᕐᕕᖏᖕᓂ. ᑭᒡᓕᖃᙱᑦᑐᑦ ᑭᓱᓂᑦ ᓂᐅᕕᐅᑎᒋᔪᓐᓇᕐᓗᒋᑦ ᐊᑐᕐᓗᒍ ᐊᐅᒃᑕᔫᑦ ᐊᒻᒪᓗ ᓂᕿᑖᕈᑎᒃᓴᑦ ᐊᐅᒃᑕᔫᑦ ᐃᓱᓕᕝᕕᖃᔾᔮᙱᑦᑐᑦ ᐊᑐᖅᑕᐅᔪᓐᓇᕐᓂᖏᖕᓂᒃ.