ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ: ᐱᓇᓱᐊᖁᔨᔾᔪᑎ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᓯᓛᖅᑐᑦ 65-ᓂᑦ ᐱᔪᓐᓇᖅᑐᓄᑦ ᕿᑭᖅᑖᓗᒻᒥ ᐃᓄᐃᑦ ᐃᓕᓐᓂᐊᖅᑎᖏᖕᓄᑦ ᖃᕋᓴᐅᔭᕋᓛᕐᓂᑦ ᐃᑲᔪᖅᑐᖅᑕᐅᖁᓪᓗᒋᑦ ᐃᓕᓐᓂᐊᕐᓂᖏᑦ
ᐅᓪᓗᖅ ᓴᒃᑯᑕᐅᓂᖓ: ᔫᓂ 24, 2020
ᖃᓄᐃᓕᐅᕈᑎᒋᔭᐅᔪᖅ: ᐱᓇᓱᐊᖁᔨᔾᔪᑎ; ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓄᖕᓂᒃ ᐃᓕᓐᓂᐊᖅᑎᓂᑦ ᐱᓇᓱᐊᖁᔨᕗᑦ ᖃᕋᓴᐅᔭᕋᓛᕐᓂᒃ ᐃᓕᓐᓂᐊᖅᑏᑦ ᐃᑲᔪᖅᑕᐅᓇᓱᐊᖅᑎᓪᓗᒋᑦ
ᐃᑲᔪᖅᑕᐅᖁᓪᓗᒋᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᓂᖏᑦ ᐊᑦᑐᖅᑕᐅᑲᒻᒪᒃᓯᒪᔪᑦ ᓄᕙᒡᔪᐊᕐᓇᖅ−19−ᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᓯᓛᖅᑐᑦ 65-ᓂᑦ ᐱᔪᓐᓇᖅᑐᓄᑦ ᕿᑭᖅᑖᓗᒻᒥ ᐃᓄᐃᑦ ᐃᓕᓐᓂᐊᖅᑎᖏᖕᓄᑦ ᖃᕋᓴᐅᔭᕋᓛᕐᓂᑦ ᐃᑲᔪᖅᑐᖅᑕᐅᖁᓪᓗᒋᑦ ᐃᓕᓐᓂᐊᕐᓂᖏᑦ.
ᖃᕋᓴᐅᔭᕋᓛᖅ ᐊᖏᓂᓕᒃ 13.3−ᐃᓐᓯᔅ ᒎᒍᓪ ᐱᒃᔅᓱᓪᕗᒃ ᒎ. ᓂᕈᐊᖅᑕᐅᓐᓂᕈᕕᑦ, ᖃᕋᓴᐅᔭᕋᓛᖅ ᐊᖏᕐᕋᖕᓄᑦ ᐊᐅᓪᓚᖅᑎᑕᐅᒐᔭᖅᑐᖅ ᐊᒻᒪᓗ ᐱᑖᕆᔪᓐᓇᕋᔭᖅᑐᐃᑦ.
ᐱᓇᓱᐊᕐᓗᓂ ᐱᔭᕆᐊᑭᑉᐳᖅ. ᖃᕋᓴᐅᔭᒃᑯᑦ ᐱᓇᓱᐊᕈᓐᓇᖅᑐᓯ ᐅᑯᑎᒎᓇ https://www.qia.ca/computers-for-students-program/ ᐊᒻᒪᓗ 10-15 ᒥᓂᔅᓯ ᐊᑯᓂᐅᑎᒋᔪᖅ ᐱᔭᕇᕋᒃᓴᐅᓪᓗᓂ ᐱᓇᓱᐊᕈᑎ.
ᓇᓕᐊᑐᐃᓐᓇᖅ ᐃᓕᓐᓂᐊᖅᑎᐅᔪᖅ ᕿᑭᖅᑖᓘᑉ ᓄᓇᓕᖓᓂᕐᒥᐅᑕᐅᓯᒪᓕᖅᑐᖅ ᐊᕐᕌᒍ ᐊᑕᐅᓯᖅ ᐊᑯᓂᐅᑎᒋᔪᖅ ᐅᖓᑖᓅᓪᓗ, ᐃᓄᒻᒪᕆᐅᓗᓂᓂᓗ ᐊᑎᓕᐅᖅᑕᐅᖃᑕᐅᓯᒪᔪᖅ ᓄᓇᕗᑖᕈᑎᒧᑦ, ᐊᒻᒪᓗ ᐅᑭᐅᓖᑦ 8−ᓂᑦ ᑎᑭᑦᑐᒍ 18-ᓄᑦ ᐱᓇᓱᐊᕈᓐᓇᖅᐳᖅ.
ᑮᓇᐅᔭᑦ ᑖᔅᓱᒧᖓ ᐱᓕᕆᐊᕐᒧᑦ ᑐᓂᔭᐅᓯᒪᔪᑦ ᐅᑯᓇᙶᖅᑐᑦ ᒫᔅᑐᕌᑦ ᑎᒥᖓᓃᙶᖓᕗᑦ ᐊᒻᒪᓗ ᒐᕙᒪᑐᖃᒃᑯᓐᓂ.
ᐃᓱᓕᕝᕕᖓᑦ ᐱᓇᓱᐊᕐᓗᓂ ᔪᓚᐃ 10, 2020 ᓯᕿᙳᔭᖅ 5:00 ᐅᓐᓄᓴᒃᑯᑦ ᑲᓇᑕᑉ ᑲᓇᓐᓇᖓᑕ ᓯᕿᙳᔭᖓᑦ ᒪᓕᑦᑐᒍ.
ᑐᑭᓯᒋᐊᒃᑲᓐᓂᖁᓪᓗᑎᑦ, ᖃᐅᔨᒃᑲᕐᓗᒍ:
ᓰᒪ ᓴᕼᐊᕐ ᔨᕆᕼᐃ,
ᑐᑭᒧᐊᑦᑎᑦᑎᔨ ᑐᓴᐅᒪᖃᑎᒌᓐᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
867.975.8413
1.800.667.2742