ᑖᓐᓇᓪᓚᕆᐅᕗᖅ, ᐱᖅᑯᓯᑐᖃᕗᑦ ᑲᔪᓯᔪᓐᓇᖁᓪᓗᒍ ᑐᑭᖃᕐᒪᑦ ᑭᓯᐊᓂ ᐃᓄᐃᑦ ᕿᓄᐃᓵᖅᖢᑎᒃ ᐊᓐᓇᒃᓯᒪᖕᒪᑕ ᐃᓅᑐᕆᓪᓗᓂᔾᔪᒃ ᓄᓇᕐᔪᐊᕆᓪᓗᓂᔾᔪᒡᓗ. ᐱᓕᕆᓃᑦ ᐊᓐᓂᕆᔭᐅᔪᑦ ᑲᑎᖓᖕᒪᑕ ᑕᕆᐅᕐᒥ ᐊᖑᓇᓱᖕᓃᒃ, ᓄᓇᒥ ᐊᖑᓇᓱᖕᓃᑦ, ᐃᖃᓪᓕᐊᕈᓐᓇᕐᓃᑦ, ᐃᒥᑦᑎᐊᕙᖕᓂᒃ ᐃᒥᖅᑕᕈᓐᓇᕐᓃᑦ, ᓄᒃᑕᕈᓐᓇᕐᓃᑦ [...]

ᓄᓇᓕᖕᒥᐅᑦ ᐅᖃᓚᐅᕐᒪᑕ ᐃᓱᒪᖅᓱᕈᓐᓇᕐᓂᖅ ᓄᒃᑕᕐᓂᕐᒧᑦ, ᑲᑎᖅᓱᐃᓂᕐᒧᑦ, ᐊᐅᓪᓛᕈᓐᓇᕐᓂᕐᒧᓪᓗ ᕿᑭᖅᑖᓗᖕᒥ ᐱᒻᒪᕆᐅᕗᖅ ᐱᔪᓐᓇᐅᑎᒋᓪᓗᑎᒍᓪᓗ, ᐱᓕᕆᕖᓪᓗ ᐊᕕᑕᐅᔪᓐᓇᕐᓇᑎᒃ ᐃᖃᓪᓕᐊᕐᓂᕐᒧᑦ, ᑕᕆᐅᕐᒦ ᓄᓇᒥᓪᓗ ᐊᖑᓇᓱᖕᓂᕐᓄᑦ ᐃᓄᐃᑦ ᑕᓪᓕᒪᓂᒃ ᓄᓇᓖᑦ ᐅᖃᓚᐅᖅᑐᑦ ᐱᒻᒪᕆᖕᒪᑕ ᐃᓄᐃᑦ ᑲᑎᕕᒋᕙᒃᑕᖏᑦ [...]

ᐃᖃᓗᑦ ᐱᖅᑯᓯᕆᔭᑐᖃᐅᓂᖏᓐᓄᑦ ᑕᒪᐃᓐᓄᑦ ᑕᓪᓕᒪᓄᑦ ᓄᓇᓕᖕᓄᑦ, ᐃᓚᐅᓪᓗᑎᒃ ᐅᑭᐅᖅᑕᖅᑐᕐᒥᐅᑦ ᐃᖃᓗᖓ, ᐃᓂᖏᓪᓗ, ᐃᖣᕋᓪ, ᐃᖃᓗᑦ ᑕᕆᐅᕐᒥᐅᑕᑦ, ᑲᓇᔪᓪᓗ. ᓄᓇᓕᖕᒥᐅᑦ ᐃᑲᓗᒐᓱᒡᕕᑐᐊᓂᒃ ᑕᑯᖅᑯᔾᔨᓚᐅᖏᑦᑐᑦ ᑭᓯᐊᓂᑦᑲᐅ ᓇᒥ ᕿᖕᓂᔭᐅᕙᖕᓂᖏᑦ, ᐱᔅᓯᓕᐊᕆᔭᐅᕙᖕᓂᖏᑦ ᑐᖅᑯᖅᑕᐅᕙᖕᓂᖏᓐᓂᓪᓗ, ᓇᒥᓪᓗ [...]

ᓄᓇᓕᖕᒥᐅᑦ ᐅᖃᓚᐅᖅᑐᑦ ᓇᒥᑐᐃᓐᓇᖅ ᓄᓇᓂᒃ ᑭᓱᑖᕋᓱᒃᐸᖕᒪᑕ ᓂᕐᔪᑎᓂᒃ ᐱᕈᖅᑐᓂᒡᓘᓐᓃᑦ, ᑕᕆᐅᕐᒥ ᐊᖑᓇᓱᒡᕕᖃᕋᓗᐊᖅᑎᓪᓗᒋᑦ. ᐅᑯᐊ ᐃᓚᒋᔭᐅᓪᓗᑎᒃ, ᑐᒃᑐᑦ, ᐊᒪᕈᑦ, ᑎᕆᒐᓂᐊᑦ, ᐅᑲᓖᓪᓗ, ᑎᕆᒐᓂᐊᑦ ᐊᕕᙵᓪᓗ, ᐊᓯᖏᓪᓗ ᑎᖕᒥᐊᑦ, ᑲᖑᑦ, ᐊᕿᒡᒌᑦ, ᒥᑏᑦ, ᑑᓕᒡᔪᐊᑦ ᑎᖕᒥᐅᓪᓗ ᒪᓐᓂᖏᑦ, ᐃᓄᐃᑦ [...]

ᓄᓇᓕᖕᒥᐅᑦ ᐊᖑᓇᓱᒃᐸᖕᒪᑕ ᐊᔾᔨᒌᑦᑐᓂᒡᓗ ᐊᖑᓂᒃᐸᒃᖢᑎᒃ ᑕᕆᐅᕐᒥᐅᑕᓂᒃ, ᐅᑯᐊᖑᓪᓗᑎᒃ ᓇᑦᑏᑦ (ᓇᑦᑎᖅ, ᐅᒡᔪᒃ, ᖃᐃᕈᓖᓪᓗ), ᕿᓚᓗᒐᑦ , ᖃᑯᖅᑖᑦ, ᐊᕐᕖᓪᓗ, ᓇᓄᐃᓪᓗ ᐊᖑᓇᓱᒃᑕᐅᕙᖕᒥᔪᑦ. ᓄᓇᓖᑦ ᐅᖃᐅᓯᖃᓚᐅᕐᒪᑕ ᑖᒃᑯᐊ ᐱᒻᒪᕆᐊᓗᖕᒥ ᓇᔪᕐᕕᖃᕐᒪᑕ, ᓄᒃᑕᕐᕕᖃᐅᖅᖢᑎᒡᓗ, ᕿᑐᕐᖑᐃᕐᕕᖃᖅᖢᑎᓘ [...]