ᑐᑭᓯᒍᑎᑦ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᓕᓐᓂᐊᕐᕕᖕᓄᑦ ᐃᑲᔫᑎᓂᒃ ᑐᓂᓯᓯᒪᔪᑦ ᓂᕿᑖᕈᑎᓂᒃ/ᓂᕆᔭᒃᓴᖅᑖᕈᑎᓂᓗ ᐱᓕᕆᐊᖑᔪᓂᒃ ᐃᓕᓐᓂᐊᕐᕕᖕᓂᑦ ᕿᑭᖅᑖᓗᖕᒥ

ᑐᑭᓯᒍᑎᑦ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᓕᓐᓂᐊᕐᕕᖕᓄᑦ ᐃᑲᔫᑎᓂᒃ ᑐᓂᓯᓯᒪᔪᑦ ᓂᕿᑖᕈᑎᓂᒃ/ᓂᕆᔭᒃᓴᖅᑖᕈᑎᓂᓗ ᐱᓕᕆᐊᖑᔪᓂᒃ ᐃᓕᓐᓂᐊᕐᕕᖕᓂᑦ ᕿᑭᖅᑖᓗᖕᒥ

 In blog-inuk

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᐅᖅᑲᐃᓚᐅᖅᑐᑦ ᑮᓇᐅᔭᓂᒃ $311,970.85ᓂ 23ᓄᑦ ᐃᓕᓐᓂᐊᕐᕕᖕᓄᑦ ᕿᑭᖅᑖᓗᖕᒥ ᑮᓇᐅᔭᖅᑖᖑᓯᒪᔪᓂᑦ ᓄᕙᓐᓇᕐᔪᐊᖅ-19ᒥᙶᖅᑐᓂᒃ.

ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᓚᐅᖅᑐᑦ ᓂᕆᔭᒃᓴᓄᑦ/ᓂᕿᑖᕈᑎᒃᓴᓄᑦ ᐃᓕᓐᓂᐊᖅᑐᑦ ᐃᓚᒋᔭᖏᓐᓄᑦ, ᑎᑭᓴᐃᒍᓐᓇᕐᓗᑎᒃ ᐃᓄᒃᓯᐅᑎᓂᒃ, ᐊᒻᒪᓗ ᐃᑲᔫᑕᐅᓗᑎᒃ ᐅᓪᓛᕈᒥᓴᖅᑎᑦᑎᖃᑦᑕᖅᑐᓂᒃ ᐅᓪᓗᕈᒥᓴᖅᑎᑦᑎᕙᕐᑐᓂᓗ ᐃᓕᓐᓂᐊᕐᕕᖕᓂ.

ᐃᓕᓐᓂᐊᕐᕕᖕᒥ ᐊᐅᓚᑦᑎᔨᐅᔪᑦ ᑮᓇᐅᔭᓂ ᐊᑐᓚᐅᖅᑐᑦ ᐊᑲᐅᓂᖅᐹᖑᔪᒃᑯᑦ ᐃᓕᓐᓂᐊᖅᑎᐅᔪᓄᑦ ᐊᒻᒪᓗ ᓄᓇᓕᖕᓄᑦ.

ᐊᑕᒍᔪᒃ ᐃᓕᓐᓂᐊᕐᕕᒃ ᐸᖕᓂᖅᑑᕐᒥ ᐃᓚᖓᓂᒃ ᑮᓇᐅᔭᓂᑦ ᐊᑐᓚᐅᖅᑐᑦ 10ᓂ ᐃᓗᐃᑦᑐᓂᒃ ᑐᒃᑐᑖᖅᖢᑎᒃ.

ᓂᕿᖏᑦ ᓂᕆᔭᒃᓴᐅᓂᐊᖅᑐᑦ ᐊᒥᖅᑳᖅᑕᐅᓗᑎᒡᓗ, ᐊᒻᒪᓗ ᐃᓕᓐᓂᐊᖅᑎᑦ ᐃᓕᓐᓂᐊᖅᑎᑕᐅᓯᓐᓈᕐᓂᐊᖅᖢᑎᒃ ᑐᒃᑑᑉ ᓂᕿᖓᑕ ᐱᓚᒃᑐᐃᓂᐅᑉᓗ ᒥᒃᓵᓄᑦ.

ᓄᐃᔭᖅ ᐅᑭᐅᑭᓐᓂᖅᓴᓄᑦ ᐃᓕᓐᓂᐊᕐᕕᖓ ᓴᓂᑭᓗᐊᕐᒥ ᑮᓇᐅᔭᓂᒃ $9061.67ᓂᑦ ᐃᓚᖓᓂ ᐊᑐᓚᐅᖅᑐᑦ ᓂᕿᑖᖅᖢᑎᒃ ᑐᓂᐅᖅᑲᖅᑕᐅᓂᐊᖅᑐᓄᑦ ᐃᓕᓐᓂᐊᖅᑎᒧᑦ ᐃᓚᒋᔭᖏᓐᓄᓗ.

ᐊᐅᓚᑦᑎᔩᑦ ᓂᐅᕕᓚᐅᕐᒥᔪᑦ ᓰᕐᓇᖅᑐᕈᔪᖕᓂ ᓂᐅᖅᑲᓕᐅᕈᑎᒃᓴᓄᑦ ᐃᓕᓐᓂᐊᕐᕕᖕᒥ.

ᐃᓕᓴᐃᔩᑦ ᐅᔾᔨᕈᓱᓚᐅᕐᒪᑕ ᐃᓚᖏᑦ ᐃᓕᓐᓂᐊᖅᑏᑦ ᐃᓕᓐᓂᐊᑦᑎᐊᓂᖅᓴᐅᓕᖃᑦᑕᕐᓂᖏᓐᓄᑦ ᓂᕆᔭᒃᓴᖃᖅᑎᓪᓗᒍ ᐃᓕᓐᓂᐊᕐᕕᖕᒥ.  ᐃᓕᓴᐃᔩᑦ ᖃᐅᔨᓚᐅᕐᒥᔪᑦ ᐃᓕᓐᓂᐊᖅᑏᑦ ᐅᒻᒪᕆᖕᓂᖅᓴᐅᓂᖏᓐᓂᒃ.

ᑮᓇᐅᔭᐃᑦ ᑐᓂᐅᖅᑲᖅᑕᐅᓚᐅᖅᑐᑦ ᐊᑐᓂ ᐃᓕᓐᓂᐊᕐᕕᖕᓄᑦ ᒪᓕᒃᖢᑎᒃ ᐅᓄᕐᓂᕆᔭᖏᓐᓂᒃ ᐃᓕᓐᓂᐊᖅᑐᑦ ᐃᓕᓐᓂᐊᕐᕕᖕᓂ.

ᑮᓇᐅᔭᐃᑦ ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19ᒥᙶᖅᑐᑦ ᒐᕙᒪᑐᖃᒃᑯᓐᓂᙶᖅᓯᒪᔪᑦ ᐃᓄᓕᕆᔨᑐᖃᒃᑯᑦ ᓄᓇᖃᖅᑐᑐᖃᓄᑦ ᓄᓇᓕᖕᓂ ᐃᑲᔫᑎᒋᔭᐅᔪᓂᑦ.. ᕿᑭᖅᑕᓃᒃᑯᑦ ᑮᓇᐅᔭᖅᑖᕆᔭᖏᑦ $4.3 ᒥᓕᔭᙳᓚᐅᖅᑐᑦ.  ᑐᑭᓯᒃᑲᓐᕈᒪᒍᕕᑦ ᖃᓄᖅ ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᓚᐅᕐᓂᖏᑦ, ᓇᕿᓪᓗᒍ ᐅᓇ.

Recent Posts

ᑐᑭᓯᒋᐊᕐᕕᐅᑕ

ᑐᑭᓯᒋᐊᕆᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ