ᔪᐊᓇ ᐊᕙ, ᕿᑭᖅᑕᓂᒃᑯᑦ ᐃᓄᐃᑦ ᖃᐅᔨᒪᔭᑐᖃᖏᓐᓅᖓᔪᓂᑦ ᑲᒪᒋᔭᓕᒃ ᐃᖃᓗᓐᓂ, ᐊᐃᕐᒥᓂᒃ ᐃᒧᓯᔪᖅ ᓯᕗᓪᓕᕐᐹᒥ ᐳᕝᕕᕆᓇᖅᑐᒧᑦ ᖃᓂᒻᒪᒌᒃᑯᑎᒧᑦ ᑲᐱᔭᐅᓂᐊᕋᒥ. ᑲᐱᔭᐅᒍᒪᒍᕕᑦ ᑲᐱᔭᐅᒍᒪᙱᒃᑯᕕᓪᓘᓐᓃᑦ ᖃᓂᒻᒪᒌᒃᑯᒧᑦ ᐃᓱᒪᕐᓲᑎᒋᕙᐃᑦ, ᐊᒻᒪᓗ ᐊᕙ ᐅᖃᖅᑐᓂ ᓱᒻᒪᑦ ᑕᐃᒫᒃ ᑐᑭᑖᕈᑎᖃᓯᓚᐅᕐᒪᖔᕐᒥ ᑲᐱᔭᐅᔪᒪᓪᓗᓂ.

“ᖃᓂᒻᒪᒌᒃᑯᒻᒧᑦ ᑲᐱᔭᐅᔪᖓ ᓇᒻᒥᓂᖅ ᓴᐳᑎᔪᒪᓪᓗᖓ. ᐃᓅᓕᓴᐅᑎᒋᔪᓐᓇᑕᒃᑲ ᑎᒥᓐᓃᑦᑐᑦ ᓴᙲᑦᑑᒍᓐᓇᕐᖓᑕ ᐅᑭᐅᒃᑲ ᐃᓱᒪᒋᓪᓗᒋᑦ. ᑭᓯᐊᓂ, ᐱᔾᔪᑎᒋᓗᐊᖅᑕᕋ ᖃᓄᐃᙱᑦᑐᒪᓪᓗᖓ ᑎᒥᒃᑯᑦ ᐊᔪᕈᑎᓕᑯᓗᒃ ᕿᑐᕐᖓᕋ ᐋᑐᕚᒥ ᑲᒪᔨᐅᕙᑦᑐᓄᑦ ᐱᕈᐃᔭᖅ ᑕᐃᑲᓂ. ᐃᓅᓕᓴᐅᒻᒧᑦ ᑲᐱᔭᐅᒍᒪᓯᒪᒐᒪ ᑕᑯᔭᖅᑐᖃᑦᑕᑲᓐᓂᕈᒪᓂᐊᕋᒃᑯ ᐊᒥᓱᐊᖅᑎᖃᑦᑕᕐᓗᖓ ᐊᕐᕌᒎᑉ ᐃᓗᐊᓂ ᑕᐃᒫᒃ ᑕᑯᔭᖃᑦᑕᖃᑦᑕᕐᓯᒪᒐᒃᑯ ᖃᓂᒪᓇᖅᑐᖅᑕᖃᓯᓚᐅᖅᑎᓐᓇᒍ ᓱᓕ. ᐊᕐᕌᒍ 2020ᒥ, ᑕᑯᓚᐅᙱᓕᒫᕋᒃᑯ ᐊᕐᕌᒍᓕᒫᖅ ᑕᐃᒫᔅᓴᐃᓐᓇᖅ ᐊᒥᓱᐊᓗᐃᑦ ᑭᒃᑯᑐᐃᓐᓇᐃᑦ ᓇᓪᓕᒋᔭᖏᓐᓂᒃ ᑕᑯᓇᓵᕐᓯᒪᒻᒪᑕ ᐊᑯᓂᐊᓗᒃ, ᑕᒪᓐᓇ ᐃᑉᐱᓇᓪᓚᕆᑦᑐᐊᓗᒃ ᐆᒻᒪᑎᒧᑦ.”

“ᑲᑉᐱᐊᓱᙱᑦᑐᖓ ᓯᕘᕋᒍᑎᒋᓇᒍᓗ ᖃᓂᒻᒪᒌᒃᑯᑦ. ᑕᐃᒪᐃᓕᖓᐅᔾᔨᑐᐃᓐᓇᕈᒪᙱᓐᓇᒪ—ᖃᓄᐃᖁᔨᙱᓐᓇᒪ ᓇᓪᓕᒋᔭᒃᑲᓂᒃ, ᐊᒥᓱᐊᓗᓐᓂᓪᓗ ᓇᓪᓕᒋᔭᖃᐅᕋᒪ!”

ᐳᕝᕕᕆᓇᖅᑐᒧᑦ ᖃᓂᒻᒪᒌᒃᑯᑦ ᖃᐅᔨᔭᐅᓯᒪᒻᒪᑦ ᐊᑦᑕᓇᙱᒋᐊᔅᓴᖓᓂᒃ ᐅᑭᐅᓕᓐᓄᑦ 18ᓂᒃ ᐅᖓᑖᓄᓪᓗ, ᐊᒻᒪᓗ ᓄᓇᕗᒻᒥᐅᓄᑦ ᓴᐴᓗᑕᐅᔪᓐᓇᕐᖓᑦ ᐳᕝᕕᕆᓇᖅᑐᒧᑦ. ᓄᓇᕗᑦ ᒐᕙᒪᒃᑯᖏᑦ ᑐᑭᓯᐅᒪᔾᔪᑎᔅᓴᖃᕐᓂᕐᓴᐃᑦ ᑕᒪᑐᒪ ᐳᕝᕕᕆᓇᖅᑐᒧᑦ ᖃᓂᒻᒪᒌᒃᑯᑎᐅᑉ ᒥᔅᓵᓄᑦ. ᑐᑭᓯᒋᐊᒃᑲᓐᓂᓚᐅᕆᑦᑎ ᐅᓇ ᓇᕿᓪᓗᒍ ᐅᕝᕙᓘᓐᓂᑦ ᓄᓇᔅᓯᓐᓂ ᐋᓐᓂᐊᕕᔅᓯᓐᓄᑦ ᐅᖄᓚᓗᓯ.

ᒫᓐᓇᓕᓴᐅᓂᕐᐹᓂᑦ ᑐᑭᓯᐅᒪᔾᔪᑎᔅᓴᓄᑦ ᖃᓂᒻᒪᒌᒃᑯᑎᓄᑦ ᑲᐱᓯᖃᑦᑕᕐᓂᕆᓛᖅᑕᖏᓐᓄᑦ ᓄᓇᕗᑦ ᒐᕙᒪᒃᑯᖏᓐᓂ, ᐅᓇ ᓇᕿᓪᓗᒍ ᐅᕝᕙᓘᓐᓃᑦ ᐅᖄᓚᓗᓯ ᐋᓐᓂᐊᕕᔅᓯᓐᓄᑦ.