ᐃᖃᓗᐃᑦ, ᓄᓇᕗᑦ – ᐊᒃᑑᕝᕙ 8, 2019 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᑉᐳᑦ ᑐᓴᖅᑎᑦᑎᔭᕆᐊᒃᓴᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑏᑦ ᑮᓇᐅᔭᖅᑎᒍᑦ ᐊᐃᑦᑑᓯᐊᖅᑖᖅᑎᑕᐅᓂᖏᖕᓂᒃ ᐊᑎᓕᐅᖅᓯᒪᔪᑦ 2019-2020 ᐃᓕᓐᓂᐊᕐᓇᑉ ᐊᕐᕌᒍᖓᓄᑦ.

“ᑖᒃᑯᐊ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᑏᑦ ᐊᑑᑕᐅᑦᑎᐊᕐᓂᐊᖅᑐᑦ ᒪᒃᑯᑦᑐᖁᑎᑦᑎᓐᓄᑦ ᐊᒻᒪᓗ ᓄᓇᕗᑉ ᓯᕗᓂᒃᓴᖓᓄᑦ,” ᐅᖃᖅᑐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓ ᐸᐅᓗᓯ ᔫᓯᐱ ᐊᕿᐊᕈᖅ, “ᑖᒃᑯᐊ ᑮᓇᐅᔭᑦ ᐃᓄᖕᓂᒃ ᐃᓕᓐᓂᐊᖅᑎᓂᑦ ᐃᑲᔪᖅᑐᐃᒃᑲᓐᓂᕈᑎᒋᔭᐅᔪᑦ ᐊᑐᕈᒪᔭᒥᓂᒃ ᐱᓇᓱᒃᑎᓪᓗᒋᑦ ᐊᒻᒪᓗ ᐱᔭᕇᕋᓱᐊᖅᑎᓪᓗᒋᑦ ᐃᓕᓐᓂᐊᕈᒪᔭᒥᓂᒃ.”

ᐱᖓᔪᒋᓕᖅᑕᖓ ᐊᕐᕌᒍᒥ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑐᐃᓐᓇᐅᒪᑎᑦᑎᓪᓗᑦ $200,000ᓂᒃ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐊᐃᑦᑑᓯᐊᖑᒐᔭᖅᑐᓂᑦ ᐃᑲᔫᑎᓂᑦ ᖄᖓᒍᒃᑲᓐᓂᖅ $5,000 ᔮᓐ ᐊᒪᕈᐊᓕᒃ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᓯᐊᒃᓴᓂᑦ.

80ᐅᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᑎᒃᓴᑦ $2,500/ᐊᕐᕌᒍᒧᑦ, ᑐᓂᔭᐅᓲᑦ ᓯᕗᓪᓕᖅᐹᑦ ᑐᓂᓯᕙᓪᓕᐊᔪᑦ ᐊᐃᑦᑐᖅᑕᐅᕙᑦᑐᑎᑦ ᐃᓕᓐᓂᐊᖅᑎᓄᑦ ᕿᑭᖅᑖᓗᒻᒥᐅᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓄᑦ.

ᐄᒪᓕ ᖄᐱᒃ ᐊᐃᑦᑑᓯᐊᓚᐅᖅᑐᖅ $5,000ᓂᒃ ᔮᓐ ᐊᒪᕈᐊᓕᒃ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᑎᒥᒃ ᐱᓇᓱᐊᒐᕆᖃᑦᑕᓚᐅᖅᑕᖏᑦ ᔮᓐ ᐊᒪᕈᐊᓕᑉ ᐃᓄᐃᑦ ᐃᓅᓯᖃᑦᑎᐊᓂᖅᓴᐅᓕᖁᓪᓗᒋᑦ ᓄᓇᕗᒻᒥ ᐃᖅᑲᐅᒪᒋᓪᓗᒍ ᐊᐃᑦᑑᓯᐊᖅᑖᕆᔭᐅᓯᒪᔪᑦ.

100 ᐅᖓᑖᓃᑦᑐᑦ ᐃᓕᓐᓂᐊᖅᑏᑦ ᐱᓇᓱᐊᖅᓯᒪᔪᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᓕᓐᓂᐊᖅᑎᓄᑦ ᑮᓇᐅᔭᑦ ᐃᑲᔫᑎᒃᓴᖏᖕᓂᒃ ᑕᒫᓂ ᐊᕐᕌᒎᔪᒥ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒫᓂ ᐊᕐᕌᒍᒥ ᑮᓇᐅᔭᓂᒃ ᐃᑲᔫᓯᐊᖅᑖᖅᓯᒪᔪᒥᓃᑦ ᐃᓚᓕᐅᑎᓯᒪᔪᒦᑦᑐ ᑐᑭᓯᒋᐊᕈᑎᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:

ᓯᒪ ᓴᕼᐊᕐ ᔨᐅᕆᕼᐃ

ᑐᑭᒧᐊᑦᑎᑦᑎᔨ ᑐᓴᐅᒪᖃᑎᒌᑦᑐᓕᕆᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

(867) 975.8413

1.800.667.2742