ᐃᖃᓗᐃᑦ, ᓄᓇᕗᑦ – ᓯᑎᐱᕆ 20, 2017 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᖁᕕᐊᓱᑉᐳᑦ ᓇᓗᓇᐃᕐᓯᔭᕆᐊᔅᓴᖅ ᑲᑐᔾᔨᖃᑎᒌᒃᑯᓐᓂ ᓴᖅᑭᖅᑕᐅᕋᑖᕐᓯᒪᔪᓂᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑐᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓂᑦ ᐃᓕᓐᓂᐊᖅᑎᐅᓂᐊᖅᑐᓂᑦ 2017-2018ᒥ ᐃᓕᓐᓂᐊᓂᕐᒧᑦ ᐊᕐᕌᒍᒥ.

“ᐃᓕᓐᓂᐊᕐᓂᖅ ᐱᒻᒪᕆᐅᓂᕐᐹᖑᓪᓗᓂ ᐱᕙᓪᓕᐊᔾᔪᑎᒋᓲᕆᒐᑦᑎᒍ,” ᐅᖃᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖏᔪᖅᑳᖓᑦ ᐸᐅᓗᓯ ᐊᕿᐊᕈᖅ, “ᐃᓅᓱᑦᑐᓂᑦ ᐃᓄᓐᓂᑦ ᐃᓕᓯᒪᔭᕆᐊᓕᖏᓐᓂᒃ ᐃᓕᒍᑕᐅᓲᖑᒻᒪᑦ ᒪᑭᑕᑦᑎᐊᕈᓐᓇᓂᐊᕐᖓᑕ ᓯᕗᓂᔅᓴᑎᓐᓂ, ᐊᒻᒪᓗ ᓄᓇᓕᖁᑎᑦᑎᓐᓄᑦ ᓯᕗᓕᖅᑎᑖᕈᑕᐅᓲᖑᓪᓗᓂ ᓯᕗᓕᖅᑎᒋᔭᕆᐊᓕᑦᑎᓐᓂᒃ ᐋᖅᑭᔅᓱᐃᕙᓪᓕᐊᔭᕆᐊᖃᖅᑎᓪᓗᑕ ᓄᓇᕗᑦ ᒪᑭᑕᑦᑎᐊᓂᐊᕐᖓᑦ.”

ᑖᓐᓇ ᓯᕗᓪᓕᕐᐹᒥ ᐊᕐᕌᒍᒋᒐᑦᑎᒍ ᑲᑐᔾᔨᖃᑎᒌᒃᑯᑦ ᐱᔭᔅᓴᖃᖅᑎᑦᑎᑎᓪᓗᒋᑦ $200,000ᓂᑦ ᓴᖅᑭᖅᑕᐅᕋᑖᕐᓯᒪᔪᓂᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ.

80 ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᑦ ᓴᖅᑭᖅᑕᐅᕋᑖᕐᓯᒪᔪᑦ ᐊᒥᓲᓂᓖᑦ $2,500/ᐊᕐᕌᒍᑕᒫᑦ, ᑐᓂᔭᐅᖃᑦᑕᓂᐊᖅᑐᑦ ᓯᕗᓪᓕᕐᐹᑐᐃᓐᓇᕐᓄᑦ−ᐱᓇᓱᐊᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᕿᑭᖅᑕᓂ ᓄᓇᓕᓐᓃᙶᕐᓯᒪᔪᓄᑦ ᐃᓕᓐᓂᐊᕐᓂᐅᓴᔪᓄᑦ ᓯᓚᑦᑐᓴᕐᕕᒻᒥ.

ᐅᖓᑖᓃᑦᑐᑦ 120 ᐃᓕᓐᓂᐊᖅᑏᑦ ᑐᔅᓯᕋᔪᒻᒪᑕ ᑕᕝᕙᙵᑦ ᑲᑐᔾᔨᖃᑎᒌᒃᑯᓐᓂ ᓴᖅᑭᖅᑕᐅᕋᑖᕐᓯᒪᔪᓂᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᑕᒫᓂ ᐊᕐᕌᒍᒥ.

ᑐᑭᓯᔾᔪᑎᒋᓂᐊᕋᔅᓯᐅᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᕈᓐᓇᖅᑐᑦ ᒥᔅᓵᓄᑦ:

• ᐃᑲᔫᓯᐊᖅᑖᖃᑦᑕᓂᐊᖅᑐᑦ ᐃᓕᓐᓂᐊᖅᑏᑦ ᐃᓘᓐᓇᖏᓐᓂᒃ 13ᓂᑦ ᕿᑭᖅᑕᓂ ᓄᓇᓕᓐᓃᙶᕐᓯᒪᔪᑦ
• ᐃᑲᔫᓯᐊᖅᑖᖃᑦᑕᓂᐊᖅᑐᑦ ᑕᒪᕐᒥᒃ ᐃᓕᓐᓂᐊᕐᕕᐊᓗᒻᒥ ᐱᔭᕇᕋᑖᕐᓯᒪᔪᑦ ᐊᒻᒪᓗ ᐃᓐᓇᐃᑦ ᐃᓕᓐᓂᐊᕆᐊᒃᑲᓂᕐᓂᐅᓴᔪᑦ
• ᐊᒥᓱᑦ ᐃᑲᔫᓯᐊᖅᑖᐸᑦᑐᑦ ᕿᑐᕐᖓᓖᑦ
• ᐊᒥᓱᑦ ᐃᑲᔫᓯᐊᖅᑖᐸᑦᑐᑦ ᕿᑐᕐᖓᓖᑦ−ᐃᓄᑑᔾᔨᓪᓗᑎᒃ
• 56 ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑎᓯᒪᔭᕗᑦ ᐊᕐᓇᐃᑦ
• 24 ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑎᓯᒪᔭᕗᑦ ᐊᖑᑏᑦ
• 28 80ᓂᑦ ᐊᑎᓕᐅᖅᑕᐅᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ
  • 10 ᐊᕙᑎᓕᕆᓂᕐᒥᒃ ᐃᓕᓐᓂᐊᓂᕐᒥ
  • 9 ᓄᓇᕗᒥ ᐃᓕᓴᐃᔨᔅᓴᐅᓂᕐᒧᑦ ᐃᓕᓐᓂᐊᓂᕐᒥ
  • 3 ᑐᓵᔨᐅᓂᕐᒥ/ᑐᑭᓕᐅᕆᔨᐅᓂᕐᒥ ᐃᓕᓐᓂᐊᓂᕐᒥ
  • 2 ᐋᓐᓂᐊᓯᐅᖅᑎᐅᓂᕐᒥ ᐃᓅᓯᓕᕆᓂᕐᒥᓪᓗ ᖃᐅᔨᓴᖅᑐᓕᕆᓂᕐᒥᒃ ᐃᓕᓐᓂᐊᓂᕐᒥ
  • 2 ᐱᐅᓗᖅᑯᑎᓕᐅᓂᕐᒥ ᓴᕕᕋᔭᓂᓪᓗ ᓴᓇᖃᑦᑕᓂᕐᒥᒃ ᐃᓕᓐᓂᐊᓂᕐᒥ
  • 1 ᐸᐃᕆᕕᓕᕆᓂᕐᒥᒃ ᐃᓕᓐᓂᐊᓂᕐᒥ
  • 1 ᐊᓪᓚᕝᕕᓕᕆᓂᕐᒥᒃ ᐃᓕᓐᓂᐊᓂᕐᒥ
• 7 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᒥ ᒪᓕᒐᓕᕆᔨᐅᓂᕐᒥᒃ ᐃᓕᓐᓂᐊᓂᕐᒥᒃ
• 12 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᓂᕐᒥᒃ
• 2 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᒪᓕᒐᓕᕆᔨᐅᓂᕐᒥᒃ ᐃᓕᓐᓂᐊᓂᕐᒥᒃ ᖃᓪᓗᓈᑦ ᓄᓇᖓᓐᓂ
• 18 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ
• 9 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓯᕗᓪᓕᕐᓂᑦ ᐃᓕᓐᓂᐊᖅᑕᐅᓲᓂᑦ ᑐᖏᓕᕇᓂᑦ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ
• 4 ᐃᑲᔫᓯᐊᖅᑖᕐᓯᒪᔪᑦ ᐊᑎᓕᐅᕐᓯᒪᔪᑦ ᐃᓕᓐᓂᐊᖅᑎᐅᓂᐊᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᖁᕝᕙᓯᓐᓂᕐᓴᒥ ᐃᓕᓐᓂᐊᕐᓗᑎᒃ ᖃᓪᓗᓈᑦ ᓄᓇᖓᓐᓂ

ᒪᓕᑦᑕᐅᔭᕆᐊᖃᓲᑦ ᑲᑐᔾᔨᖃᑎᒌᒃᑯᓐᓂ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓄᑦ:

• ᑐᔅᓯᕋᖅᑐᑦ ᐊᑐᖅᑐᒥᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓄᑦ ᐃᓚᒋᔭᐅᔾᔪᑎᖃᕆᐊᓖᑦ
• ᐃᓕᓐᓂᐊᖅᑏᑦ ᐃᓅᔭᕆᐊᓖᑦ ᒪᓕᓪᓗᒋᑦ ᓄᓇᕗᒥ ᐊᖏᖃᑎᒌᒍᑏᑦ ᓄᓇᓖᑦ ᕿᑭᖅᑕᓂ ᓄᓇᓕᓐᓂᑦ
• ᐃᓕᓐᓂᐊᖅᑏᑦ ᐊᑎᓕᐅᖅᑕᐅᓯᒪᔭᕆᐊᓖᑦ ᐃᓕᓐᓂᐊᖅᑎᐅᓂᐊᕐᓗᑎᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᕕᒋᓂᐊᖅᑕᖓᓂ

ᖃᐅᔨᓚᐅᕐᓯᐅᒃ ᑭᒃᑰᒻᒪᖔᑕ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᖅᑐᑦ:

ᐃᒃᐱᐊᕐᔪᒃ

ᐃᒃᐱᐊᕐᔪᒻᒥᐅᑕᖅ ᔭᓇᕗ ᖃᖅᑲᓯᖅ ᑕᖅᑐ, 22, ᐃᓕᓐᓂᐊᖅᑐᖅ ᓄᓇᕗᑦ ᓯᕗᓂᒃᓴᕗᒻᒥ ᐊᑕᐅᓯᕐᒥ−ᐊᕐᕌᒍᒥ.

ᑭᙵᐃᑦ

ᒥᐊᓕᑯᓗ ᒪᒃᒪᓐ, 45 ᑭᙵᕐᒥᐅᑕᔅᓴᔭ, ᒫᓐᓇ ᐃᖃᓗᓐᓂ ᓄᓇᓕᒃ ᐱᖓᔪᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᑐᓵᔨᐅᓂᕐᒥᒃ/ᑐᑭᓕᐅᕆᔨᐅᓂᕐᒥᒃ ᐃᓕᓐᓂᐊᖅᑐᖅ.

ᑲᖏᖅᑐᒑᐱᒃ

ᑲᖏᖅᑐᒑᐱᒻᒥᐅᑕᖅ ᔨᐊᓇ ᓈᑕᓇᐃ ᐸᓖᑦᑐᖅ, 31, ᓯᕗᓪᓕᕐᐹᖓᓂ−ᐊᕐᕌᒍᒥ−ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᓄᓇᕗᒥ ᐃᓕᓴᐃᔨᔅᓴᐅᓂᕐᒧᑦ ᐃᓕᓐᓂᐊᖅᑐᖅ.

ᐊᐅᓱᐃᑦᑐᖅ

ᐊᐅᓱᐃᑦᑐᕐᒥᐅᑕᖅ ᐃᑦᑐᐊᖓᑦ ᐊᕿᐊᕈᖅ, 21, ᑐᖏᓕᐊᓂ−ᐊᕐᕌᒍᒥ−ᐃᓕᓐᐊᓂᖅᑎ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ.

ᓴᓂᕋᔭᒃ

ᓴᓂᕋᔭᒻᒥᐅᑕᖅ ᑳᑎ ᐱᑯᔭᒃ, 23, ᐃᓕᓐᓂᐊᖅᑎ ᐋᓪᒑᓐᑯᐃᓐ ᓯᓚᑦᑐᓴᕐᕕᒻᒥ ᐃᓄᐃᑦ ᒥᔅᓵᓄᑦ ᖁᕝᕙᓯᓐᓂᕐᓴᒥ ᐃᓕᓐᓂᐊᖅᑐᖅ.

ᐃᒡᓗᓕᒃ

ᐃᒡᓗᓕᒻᒥᐅᑕᖅ ᕕᐊᔅ ᑰᑦᑎᖅ, 28, ᐱᖓᔪᐊᓂ−ᐊᕐᕌᒍᒥ ᖁᕝᕙᓯᓐᓂᕐᓴᒥ ᒪᓕᒐᓕᕆᔨᐅᓂᕐᒧᑦ ᐃᓕᓐᓂᐊᖅᑐᖅ ᓯᓚᑦᑐᓴᕐᕕᔾᔪᐊᕐᒥ ᐋᑐᕚᒥ.

ᐃᖃᓗᐃᑦ

ᑕᐃᕕᑎ ᓛᓴᓐ, 34, ᓯᕗᓪᓕᕐᐹᖓᓂ−ᐊᕐᕌᒍᒥ ᓄᓇᕗᒥ ᒪᓕᒐᓕᕆᓂᕐᒥᒃ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᑎᑦᑎᒍᑕᐅᔪᒥ ᑲᑐᔾᔨᖃᑎᖃᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓴᔅᑳᑦᑐᐊᓐ.

ᑭᒻᒥᕈᑦ

ᑭᒻᒥᕈᕐᒥᐅᑕᖅ ᑭᐅᕋᓐ ᓄᙵᖅ, 43, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.

ᐸᓐᓂᖅᑑᖅ

ᐸᓐᓂᖅᑑᕐᒥᐅᑕᖅ ᐄᒪᓕ ᖄᐱᒃ, 31, ᓯᕗᓪᓕᕐᐹᖓᓂ ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᒥ ᒪᓕᒐᓕᕆᓂᕐᒥᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᑎᑦᑎᒍᑕᐅᔪᒥ ᑲᑐᔾᔨᖃᑎᖃᖅᑐᑎᒃ ᓯᓚᑦᑐᓴᕐᕕᔾᔪᐊᕐᒥ ᓴᔅᑳᑦᑐᐊᓐ.

ᒥᑦᑎᒪᑕᓕᒃ

ᒥᑦᑎᒪᑕᓕᒻᒥᐅᑕᖅ ᔨᐊᓇ ᒥᖅᑯᓵᖅ, 26, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᖅᑐᖅ.

ᕿᑭᖅᑕᕐᔪᐊᖅ

ᕿᑭᖅᑕᕐᔪᐊᕐᒥᐅᑕᖅ ᔨᐊᓂ ᒨᓯᓯ, 22, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.

ᖃᐅᓱᐃᑦᑐᖅ

ᖃᐅᓱᐃᑦᑐᕐᒥᐅᑕᖅ ᓖᓴ ᖁᒪᖔᐱᒃ, 44, ᓯᕗᓪᓕᕐᐹᒥ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᑐᓵᔨᐅᓂᕐᒥᑦ/ᑐᑭᓕᐅᕆᔨᐅᓂᕐᒧᑦ ᐃᓕᓐᓂᐊᖅᑐᖅ.

ᓴᓂᑭᓗᐊᖅ

ᓴᓂᑭᓗᐊᕐᒥᐅᑕᖅ ᒥᒃ ᐊᐸᖅᑲᖅ, 25, ᑐᖏᓕᐊᓂ−ᐊᕐᕌᒍᒥ ᐃᓕᓐᓂᐊᖅᑎ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ ᐊᕙᑎᓕᕆᓂᕐᒥᒃ ᐃᓕᓐᓂᐊᖅᑐᖅ.

ᑕᑯᓐᓇᕋᔅᓴᓕᐊᖑᓯᒪᔪᖅ ᐃᓚᖏᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᑎᓪᓗᒋᑦ:

ᑐᑭᓯᒋᐊᒃᑲᓐᓂᕈᒪᒍᔅᓯ ᑐᑭᓯᒋᐊᕐᕕᔅᓴᖅ:

ᓰᒪ ᓴHᐊ ᓯᐊᕆHᐃ,

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ,

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

›szerehi@qia.ca

É(867) 975.8413

É1.800.667.2742