ᕿᑭᖅᑕᓃᒃᑯᑦ ᑲᑎᒪᔨᖏᑦ ᑲᑎᒪᓂᖓᑦ
ᐃᓄᓐᓄᑦ ᑐᓴᒐᒃᓴᖅ
ᓴᖅᑭᑕᐅᓂᖓ: ᒪᐃ 25, 2017
ᑭᓱ: ᕿᑭᖅᑕᓃᒃᑯᑦ ᑲᑎᒪᔨᖏᑦ ᑲᑎᒪᓂᖓᑦ
ᖃᖓ: ᒪᐃ 30 ᔪᓂ 1, 2017 ᐃᒃᐱᐊᕐᔪᖕᒥ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᐃᑉᐹᓂ ᐊᕐᕌᒍᒥ ᑲᑎᒪᓂᐊᖅᑐᑦ ᐃᒃᐱᐊᕐᔪᖕᒥ.
ᐃᓚᖏᑦ ᑲᑎᒪᒍᑎᒋᔭᐅᓂᐊᖅᑐᑦ ᐅᖃᐅᓯᕆᔭᐅᓗᑎᒃ ᓄᑖᓂ ᐱᓕᕆᐊᒃᓴᕆᔭᐅᓂᐊᖅᑐᓂᒃ ᑭᓱᓄᑦ ᑐᕌᖓᓂᐊᕐᓂᖏᓐᓄᑦ ᐊᑑᑎᖃᕐᓂᐊᖅᑐᓂ ᐱᕙᓪᓕᐊᑎᑕᐅᔪᓐᓇᕐᓂᐊᖅᑐᓄᑦ ᕿᑭᖅᑕᓃᒃᑯᓐᓄᑦ. ᐱᔾᔪᑎᒋᓪᓗᒍ ᑖᓐᓇ ᑮᓇᐅᔭᐃᑦ ᓂᖏᖅᑕᐅᔪᓄᑦ ᐊᑐᐊᒐᖓ, ᐊᕐᕌᒍ ᕿᑭᖅᑕᓃᒃᑯᑦ ᐊᑐᐃᓐᓇᖃᖅᑎᑦᑎᒃᑲᓐᓂᕐᓂᐊᖅᑐᑦ 1ᒥᓕᔭᒃᑲᓐᓂᕐᓂ ᓄᑖᓄᑦ ᐱᓕᕆᐊᒃᓴᓄᑦ ᕿᑭᖅᑕᓂ. ᕿᑭᖅᑕᓃᒃᑯᑦ ᑲᑎᒪᔨᖏᑦ ᕿᒥᕐᕈᐃᓛᖅᑐᑦ ᖃᐅᔨᔭᐅᓚᐅᖅᑐᓂᑦ ᓄᓇᓕᓐᓄᑦ ᑐᑭᓯᒋᐊᕆᐊᖃᑦᑕᖅᑎᓪᓗᒋᑦ ᐊᒻᒪᓗ ᑐᑭᑖᕐᓗᑎ ᓇᓪᓕᐊᖑᔪᓂᒃ ᐱᓕᕆᐊᒃᓴᖃᕈᒪᓂᐊᕐᓂᖏᓐᓂᒃ.
ᑖᒃᑯᐊ ᕿᑭᖅᑕᓃᒃᑯᑦ ᑲᑎᒪᓂᖓᑦ ᒪᓕᒐᒃᓴᓕᐊᖑᓵᖅᑐᓂ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᒃᓴᖓᓄᑦ ᐊᖏᕆᖃᕐᓂᐊᕐᒪᑕ , ᑖᒃᑯᐊ ᐃᓚᒋᐊᕈᑎᒋᔭᐅᔪᑦ $200,000ᑖᓚᑦ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᒃᓴᖅᑖᖑᓵᖅᑐᓂ ᑐᕌᖓᔪᓄᑦ ᐃᓄᓐᓄᑦ ᕿᑭᖅᑕᓂ.
ᕿᑭᖅᑕᓃᒃᑯᑦ ᑐᓐᖓᓱᒃᑎᑦᑎᓛᕐᒥᖕᒪᑕ ᓄᓇᓕᒻᒥᐅᓂ ᓂᕆᕕᔾᔪᐊᖅᑎᑦᑎᓗᑎᒃ ᐃᒃᐱᐊᕐᔪᖕᒥ ᐊᐃᑉᐱᐅᓕᖅᐸᑦ, ᒪᐃ 30ᒥ, 7ᒨᖅᐸᑦ ᐅᓐᓄᒃᑯᑦ ᐊᒻᒪᓗ ᑐᓴᒐᒃᓴᖃᓰᓐᓈᕐᓗᑎᒃ ᐱᓕᕆᐊᒃᓴᕆᔭᑦᑕ ᒥᒃᓵᓄᑦ.
ᕿᑭᖅᑕᓃᒃᑯᑦ ᑲᑎᒪᓂᖏᑦ ᒪᑐᐃᖓᖃᑦᑕᕐᓂᐊᖅᑐᑦ, ᐊᒻᒪᓗ ᑲᑎᒪᔾᔪᑎᒃᓴᕆᔭᖏᑦ ᐊᑐᐃᓐᓇᐅᓕᖅᖢᑎᒃ ᐃᑭᐊᖅᑭᕕᑦᑎᓐᓂ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᓰᒪ ᓴᕼᐋ ᓯᐊᕋᕼᐃ
ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca
(867) 975.8413
1.800.667.2742